عندي ثقة انو الروح للروح بتحن والقلوب عند بعضها .. مثلاً انك تفكر بشخص وتفتح موبايلك وفجأة تلاقي رسالة منو .. هي مو صدفة ولا شي عادي ، هي الروح بتكون حسّت بالشخص التاني يلي قلبك عندو ومعو أو مثلا لما تنام وتشوف بمنامك شخص بتحبو بعيد عنك كمان هي مو صدفة ولا شي عادي ، هي الروح بتكون حسّت فيك وحنّت عليك وزارتك بالمنام ! أو مثلاً تذكر شخص وفجأة تلاقيه قدامك ، كمان هي مو صدفة هي تخاطر الأرواح و الأفكار يلي جمعتكن؛ وأنت بعد كل هاد بتكون السعادة غامرتك .. وفارضة حالها عليك و ع كل ملامحك 🎻🎻
أوقات ظروفنا النفسية بتجبرنا نكون بعاد عن كلشي ولو في شي ممكن يكون راحَة إلنا ولو شخص ممكن يبدّل شعورنا للأحسن .. بس الإشيا الي جوا صعب تنشرح صعب أي حدا يستوعبا .. فـ بكون الأحسن أنو نبعّد عن كلشي ناخد خطوة انعزال مع حالنا و لحالنا و بعيداً عن كل البشَر ..✨🖤
صرت حسّ إنّو ما الي نصيب بأي شغلة مُمكن تفرحني، كُلّ الأشياء يلي بتوجع بلاقيها بطريقي، ما بعرف هل أنا ماشية بالطريق الغلط ولّا هاي هي حياتي يلي لازم أتقبّلها وأرضى فيها كُلّ ما اختار شغلة، بتخرب، كُلّ ما أحبّ مكان، بسكّر، كُلّ ما حسّ حالي اخترت صح، بندم، مش متخيّلة حالي بيوم قادرة افرح من كُلّ قلبي، ولو صار وفرحت، رح يكون شعور لحظي بنساه بمُجرّد ما انتهى وقتو✨