السعادة هى الشعور بالإيجابية وانشراح الصدر والإقبال على الحياة والتفكير الايجابى بعقل سليم وقلب صافى ... والسعادة دايما بتكون فى الأعمال الصالحة والطاعات اللى بتقربنا من ربنا .. زى مثلا الصيام فى رمضان والسعادة والفرحة عند الإفطار ..
لا اله الا الله محمد رسول الله 🌼 💙
صلي على الحبيب المصطفى 💙 🌼
عليه أفضل الصلاة وأتم التسليمات صلى الله محمد صلى الله عليه وسلم ..
لا اله الا الله وحده لا شريك له له الملك وله الحمد وهو على كل شيء قدير
ونعم بالله ..
What song is stuck in your head today?
إحنا العشاق _ رامى رفعت أغنية إهداء لجمهور نادى الزمالك العظيم
ما هو لون عيناك؟
بنى غامق أو عسلى مش عارف احدد اللون بالظبط
💟🌸
جميعنا يخطئ و يسئ الظن أحيانا 😊ف لم يخلق إنسان بعد دونما عيوب👌ولكن ثق ان اعتذار أحدهما لك هو دليل مودته إليك ❤ وأن قبول أحدهما اعتذارك دائما هو دليل بقائه عليك 💕
💟🌸
قررت اتجوز صالونات بس مفيش حد مناسب من اللي ييتقدمولي.. انا عاوزة حد جديد معرفوش خصوصا ان مش بيتقدملي كتير..
ينفع اتكلم مع قرايبي او صحابي يشوفولي عريس و لا هقل من نفسي و لا عادي!؟
لو انتى موافقة على جواز الصالونات وداخل دماغك يعنى .. يبقى خلاص ممكن تكلمى أصدقائك البنات ويفضل يكونو المتزوجات يشوفولك عريس مناسب حسب مواصفاتك وطلباتك وكمان ممكن تكلمى الأهل والأقارب يشوفولك هما كمان عريس ... بس لو عايزة الصراحة أنا بأفضل الجواز عن حب عن جواز الصالونات .. الجواز عن حب أفضل بكتير وفى اكثر الأحوال هو اللى بيكمل لعمر طويل بعكس جواز الصالونات الخلافات والمشاكل فيه كتيره .. لو قدرتى تتجوزى عن حب يبقى تمام كدا .. مقدرتيش يبقى تشوفى جواز الصالونات وتخليهم يشوفولك عريس .. ولكن كونى حذرة .. وربنا يكرمك ويوفقك ويرزقك بالزوج الصالح يا رب 🙏
ايه نسبه الحب في حياتك ؟؟
هل يقدر حد يعيش من غير حب؟؟
الحب بصفه عامه اهلك اصحابك .... الخ
لا الحمد لله بحب أخواتى وبحب أبويا وأمى وبحب أصدقائى المقربين .. والحب موجود فى حياتى وبنسبة معقولة كمان .. ومفيش حد يقدر يعيش من غير حب .. لان مش معقولة هتلاقى حد مبيحبش أخواته أو أهله أو أصدقائه أو أصحابه أو قرايبه ... الحب هو إكسير الحياة .. يعنى وقود الحياة ..
هحبهم ف الله .. هقرب منهم اكتر .. هنتقابل ونقعد مع بعض اكتر فى ٢٠١٨ ..
Wishing you a Happy New Year with the hope that you will have many blessings in the year to come☺️💕🎉🎉stay blessed
#HAPPY NEW YEAR 💕
Happy New Year .. شكرا .. شكرا ..
أحكي عن أكثر موقف مخيف تعرضت لهُ في حياتك ؟ ?
كنت وانا صغير .. تقريبا فى أولى ثانوى أو ٣ إعدادى .. كنا بنلعب كورة ف الشارع .. والكورة دخلت بين عربيتين .. دخلت اجبها .. وماشى فى أمانة الله .. اوم هوب رجلى داست على بطن قطة كانت نايمة ما بين العربيتين وهى صوتت وانا اتخضيت واترعب وطلعت أجرى بالكورة بره العربيتين .. ورجلى سابت بعد الخضة ده
نصيحه 🌸
متأمنش للناس بنسبة ١٠٠ ٪ ومتعتمدش عليهم كليا .. عشان فى ناس هتخذلك وفى اللى هيبيعك وفى اللى هيخونك وفى اللى هينفضلك و يشوف غيرك وفى الحسود والحقود والشمتان والمؤذى .. ف خليك حذر فى التعامل مع الناس عشان متلبسش ف الحيطة
استغفروا ليا عشان ربنا يسامحني 😔
ماشى نستغفر ليك .. بس لازم انت الاول تستغفر كتير خصوصا بعد الصلوات الخمس .. وكمان تدعى ربنا بالهداية والمغفرة ... اللى أقصد أقوله .. إنك لازم تستغفر بنفسك اولا وكتير قبل ما تسأل الناس أنهم يستغفرولك ده المنطقى والصح ..
عادى .. ممكن حد يصلى قيام ليل ويدعى باللى هو عايزه ويطلب من ربنا كل أمنياته .. صلاة قيام الليل مستحبه وممكن تتعمل اى يوم ف السنة مش شرط يوم محدد .. وبالتالى ينفع فى رأس السنة والدعاء اللى هو مخ العبادة .. ممكن تدعى فى اى وقت وفى اى مكان وملوش مكان او وقت محدد .. هو بس فى أوقات يستحب الدعاء فيها لانها اوقات إجابة دعوات ..
When looking back to 2016, which are the most memorable events you have experienced?
لا ٢٠١٦ .. كانت سنة مش كويسة بالنسبالي ومحققتش فيها نجاحات مدوية يعنى وكدا .. ومش فاكر تفاصيلها خالص .. بس ٢٠١٧ كانت احسن منها الحمد لله وفيها انجازات ملموسة يعنى
هو يعني اللي نذاكره الصبح ننساه بالليل والعكس بردو😢والله حرام ده احنا مبنصدق نحفظ المعلومه😭😭
التكرار بيعلم الشطار .. احفظ بالتكرار .. وسمع لنفسك كل ما تنتهى من فصل أو شابتر معين .. وذاكر بكل حواسك بالعين وبالكتابة بالايد كتيير والصوت العالى .. وبالرسومات التوضيحية .. والشرح اللى ف الهوامش وعلى الجناب .. واستخدام ال marker بالالوان بتاعته فى تحديد الجزئيات الهامة اللى هتكررها وتحفظها وحافظ على الصلوات الخمس فى مواعيدها وورد القرآن الكريم وأذكار الصباح والمساء و ركعتين قيام ليل على الأقل .. عشان العبادات الروحانية ده هتقوى ذاكرتك وهتعينك على حمل المذاكرة التقيل المرهق وهتديك قوة ودفعة معنوية أنك تكمل الامتحانات للآخر ومتقعش فى النص وتكتئب وتبعد عن الامتحانات .. جرب الكلام ده كدا .. وربنا معاك يا رب وتعدى من الامتحانات على خير