ايه الطريقة اللي تخليك تقدر توصل لأي حل قائم على اسس ومبادئ بطريقة نسبية غير مباشرة ؟
للاسف السؤال مش مفهوم ومبهم وغامض .. يعنى ايه بطريقة نسبية غير مباشرة ؟! بس لو حابب أوصل لحل بطريقة سليمة فى مشكلة كبيرة .. هستشير الناس القريبة منى وأجمع آراء كتيرة وبعدين استخير ربنا فى صلاة استخارة وادعى ربنا كتير إنه يهدينى للحل النسبى ده والحل اللى ربنا هيسهله همشى فيه واتوكل على ربنا واخد بالاسباب .. يارب اكون قدرت اجاوب على السؤال غير المفهوم ده وياريت تسأل السؤال تانى بطريقة مفهومة .. عشان افهم واجاوب بطريقة أفضل ..
هوه ايه حوار من زار بروفايلك الي ع الفيس ده
ونعرف ازاي الي زار البروفيل
لا مفيش الكلام ده .. ده حوار فكسان كان زمان .. واللى اعرفه انه مفيش وسيلة تعرف بيها اللى زار بروفايلك واللينكات اللى فيها الكلام ده بتبقى غالبا فيروسات وحاجات بتضر الاكونت ..
كيف تحب أن تبدأ المحادثات؟
محادثات ايه مش فاهم ؟ .. لو قصدك مباحثات ثنائية بينى وبين طرف آخر .. افضل أن تبدأ بالسلام و كل طرف يطمئن ع الطرف الآخر وأحواله الاول و بعدين تبدأ المفاوضات والاتفاقيات ونشوف هنتعاون مع بعض فى ايه ..
How's your Monday?
لسه اليوم بادئ اهو .. وإن شاء الله يكون يوم جميل وسعيد على الجميع
ايه اكتر حاجه بتضايق
حاجات كتير ممكن تضايقنى : - سب الدين والتطاول على الرموز والأشخاص الدينية - حد يأذى أبويا أو أمى أو أخواتى أو حتى أصدقائى المقربين - الناس اللى بتاخد جنب فى اى حته وتقعد تمن وتغتاب وتحقد وتحسد الناس اللى حواليها - لما كنت بذاكر واتعب فى مادة فى الكلية وبعدين أشيلها كنت بتضايق جدا وبعدين بسلم أمرى ل ربنا وارضى بما كتبه الله ليا - حد يشرب سجاير أو شيشة أو أى دخان بقى ويأذينى بالدخان والريحة .. يعنى بتضايق من التدخين السلبى جدا - لما يفوت منى كذا صلاة ورا بعض فى كذا يوم أو أقعد كذا يوم مسمعش قرآن لفترة طويلة يعنى لما ببعد عن ربنا والعبادات اليومية كفاية دولا كدا .. دولا كام حاجة كدا ع الماشى .. وربنا يبعد عننا الضيق والخنقة يا رب ..
What ruins a party for sure?
لا .. مش فاهم السؤال الكلام مش راكب على بعضه بس لو معنى السؤال .. ماذا يفسد الحفلة بالتأكيد ؟ يبقى اى حفلة بتفسد بالحقد والحسد والغيبة والنميمة والتطاول على الآخرين وعدم النظام والخناق والنفاق يارب اكون فهمت السؤال كويس
تفسيرك ..
لما واحد يبكي عشان حد بيحبه ويضحي بفلوسه ونفسه ووقته حتي وصلت ل كرامته عشان خاطره؟😑✋
التضحية من أجل الطرف الآخر لازم يكون ليها حدود .. مينفعش تبقى لابعد حدود ولا نهائية كدا .. ولو طرف فضل يضحى كتير من أجل طرف مش حاسس بيه يبقى دى علاقة غير ناجحة وهتفشل .. والصح أنك تترك الطرف ده فورا بلا رجعه .. وكفاية بكاء وتضحيات زيادة عن اللزوم .. وابدأ حياة جديدة سعيدة بمنظور مختلف عن الفترة الصعبة اللى كانت قبليها