لو قمت بواجباتك ناحيتي ..و معبرتليش عن اي مشاعر ..ممكن في يوم اصدق انك بتحبني لكن لو كل يوم تقوللي بحبك و مش بتعمل اي مسئولية تجاهي..اجيب منين تصديق لحبك ؟؟#الحب_مسئولية♥💪
#من_غير_مانسيب_بعض_مشينا من غير مانقول حتى سلام وكأننا حتى ماحبينا ولا حتى كان بنا كلام كان سهل فراقنا .. واهو احسن من كتر عتاب وجدال وملام واهو كله علام وأنا بتعلم انا نفسي لبعدك استسلم..💔
تقريباً كده إحنا مش محتاجين حد يحبّنا ، إحنا بقينا محتاجين اللى يحس بينا ،اللى يفهمنا فعلاً زي ما احنا ؛ اللى ما يطلقش علينا أحكام باطلة ؛ بقينا محتاجين اللى يصدق ضعفنا وقلقنا وخوفنا من الأيام ؛
اللى قادر يحتوينا برغم العيوب اللى جوّانا ، يلتمس لشعورنا ألف عذر ،خلاص بطّلنا نصدق حد يقولنا كلام حُب ، كِرهنا أي انفعال كداب ، رافضين أي شهد وحلاوة لسان ...احنا محتاجين فعلا " إنسان " بمعنى كلمة " إنسان "
تكون الرحمة أسلوبه و الإحتواء منهجه و الإحساس جيناته الوراثية ..كم الرُعب اللى بقى موجود في النفس البشرية أجبرتنا نتغاضى كتير عن أي تجربة حُب معدومة المصداقية ، معدومة الأفعال .... صدق اللى قال شبعنا كلام لحد ما ارتوينا ...ما بقاش من الصعب فعلا تلاقي اللى يحبك ...لكن بقى من الأصعب تلاقي اللى يحسّ بيك ...يخاف عليك بجد ويعمل لزعلك ألف حساباللى يثبت لك فعلاً إنك كل همّهُ ؛و شأنك هو شأنه ،و دقيقة غياب منك تساوي عمر بحاله ... انت مش محتاج نُسخة منّك في الطِيبة ولا في الحُب ....انت محتاج الرّوح اللى تجمّل الدنيا في عينيك ..الرّوح اللى تشدّك للسعادة من الآخر : انت محتاج الروح اللى تحسّ بأدق تفاصيل تعبك في عز ضحكتك العالية و مرحك الكداب وتظاهرك باللاّمُبالاة ...
ربنا يجعل الدعوتين دول من نصيبك ، ربنا يهدي بالك ويصلح حالك ويسرلك امورك و يدبرلك حالك ويختار لك كل شيء طيب ينور حياتك ، ربنا يفرج كربك وضيقتك ويجعلك من كل عسر يسر ومن كل ضيق فرج ، ربنا يكتبلك الخير أينما كنت ويباركلك فيه ، ربنا يرزقك خير النجاح وخير التوفيق وخير الاختيار ربنا يخلد ذكراك بالخير 💚
ربنا يوفقك ويفتحلك كل مغلق وعسير ويكتبلك النجاح والفلاح دايماً ويفرح قلبك ويرضى عنك ، ربنا يرزقك حب الناس و يضع لك القبول في الأرض ، ربنا يحبك ويجمل أيامك ويسعد روحك ربنا يبعد عنك شعور الندم والاحساس بالخيبة ويرزقك صلاح الحال ويفتح عليك من رزقه ويجعلك من الفائزين ❤️