@mohamed13382

Ehab .. ^⁠_⁠^

Ask me anything Follow
Ask @mohamed13382

Sort by:

LatestTop

Previous

حاليا عاوزة حد -مكنش اعرفه ولا يعرفني- يقف قدامي واشتكيله من كل الـ مضايقني واعيط بصوت عالي واطلع غضبي كله وبعد كدا اقتله.

هتقتليه علشان .. عرف اسرارك ..
طيب ما أنتِ ممكن تشتكي لربنا كل حاجة .. وهو قادر على تغييرها للأفضل ..
انما كده وبال هتعمليه.. الطين هااايزداد بلة ..
1
Liked by: ђÃѕѕάή

ياجماعه لو سمحت هو 3000 ج يكفوا اتنين ف الشهر متجوزين جديد وكانوا مبسوطين ف بيت اهلهم

ايوه ده يكفي ..
بس عليك بمصدر تااني .. علشان تحسن دخلك شوية ..
2
Liked by: Habiba ❤️ ђÃѕѕάή

للاسف لا..وحافظة للقرآن ونسيت من قلة المراجعة

حافظة للقرآن ... ⁦:0⁩
ده سبب كفيل .. أنه يجعلك سعيدة دائمًا وأبدًا .. بحياتك .. " انجازك لحفظ كتاب الله " ..
أنتِ متخيلة انك هتشفعي لناس .. علشان يدخلوا الجنة .. معااكي ..
_____
طيب .. " للاسف لأ .. "
هي دي المشكلة ..
التقصير في العبادة .. هو سبب الضنك ..والهم .. والحزن .. وقلة البركة .. وكثرة الهموم .. الاكتئاب ..
كل هذا ..
مش معقول اطلب .. اكل .. ومعييش فلوسه ..
عايزة الراحة ازاي ..في حياتك وانتِ مش منتظمة في عبادتك .. ؟!
أنتِ كده عرفتي المشكلة فين ..
فيه حاجة تانية عايزة تعرفيها .. !؟
3
Liked by: Habiba ❤️ ђÃѕѕάή مـ❣ـہنـ❣ـہصـ❣ـہوُرر
+2 answers in: “هو انا ليه حرام عليا لما اتمني الموت...انا بجد عايزة اموت وزهقت من نفسي ومن كل حاجة بعملها”

Related users

hager572’s Profile Photo هاجر محمد
EwdnyGanByTeesh685’s Profile Photo سارة محمد
L00oka’s Profile Photo $العفريته الملآك..! $

فهمت انه حرام اننا ندعى ع لنفسنا بالموت وفهمت انه حاجة كبيرة..بس انا عارفة الكلام دة..وعارف زى م بيقولوه كدة زهقت من كل حاجة..وللعلم عندى ١٩ وبضحك امال بعدين هعوز اي تاني لما ناو عاوزة اخلص

انتِ منتظمة في عبادتك .. ؟؟
2
Liked by: ђÃѕѕάή مـ❣ـہنـ❣ـہصـ❣ـہوُرر
+2 answers in: “هو انا ليه حرام عليا لما اتمني الموت...انا بجد عايزة اموت وزهقت من نفسي ومن كل حاجة بعملها”

هو انا ليه حرام عليا لما اتمني الموت...انا بجد عايزة اموت وزهقت من نفسي ومن كل حاجة بعملها

https://ask.fm/mohamed13382/answers/154360451416
الكيو ده فيه اجابتي على سؤالك .. بغض النظر عن السطور الاولى .. ⁦^_^⁩
قوليلي فهمتي إيه .. بعد ما تخلصي .. ؟؟
2
Liked by: ђÃѕѕάή مـ❣ـہنـ❣ـہصـ❣ـہوُرر
+2 answers Read more

نصيحة.. 💮

الاستغناء عن الناس .. هو قمة النضج ..
فعليكِ بالاستغناء عنهم ..
ان حكمتِ نفسك كما ينبغي .. امتلكتي الدنيا .. والآخرة ..
فعليكِ بجهادها .. حتى تفلحي ..
إذا عطش قلبك فلا تسقيه إلابالقرآن ..
من عاش تقيًا ... عاش قويًا ..
فعليكِ بالتقوى ..
جعلنا الله وإياكم .. من اهلها .. ⁦^_^⁩
8
11
Liked by: asknln ђÃѕѕάή rehab shabaan زينا'ه مـ❣ـہنـ❣ـہصـ❣ـہوُرر Zainab Shrf Eman ALshahat شيماء ♡

ف رقم ٤ حضرتك كاتب خروج القحطاني.. مين القحطاني دا.. اول مرة أسمع عنه

قلت أن القحطاني... رجل سيجتمع عليه الناس ليقودهم .. في آخر الزمان ..
رجل من أهل اليمن .. من قبيلة تسمى .. قحطان .. " ام القبائل في اليمن "
رجل هتجتمع عليه الأمة "... اي هيكون ..
قائد الأمة .. يحكم بينهم .. بالعدل ..
لين في معاملته مع الجميع .. الا اهل المعاصي ..
في آخر الزمان ..
10
4
Liked by: asknln Radwa Tayel ءاية عماد الدين ^_^ Mi Asmaa Ahmed rehab shabaan مـ❣ـہنـ❣ـہصـ❣ـہوُرر Zainab Shrf ђÃѕѕάή
+8 answers in: “هنبدأ بإذن الله ثريد بسيط جدًا .. عن علامات الساعة .. في عدة فصول .. من يريد أن يضيف معلومة .. أو يناقش في أي شيء فليتفضل .. ⁦^_^⁩”

رقم ٣يعني إيه ؟ممكن توضيح

" ظهور الخسف ... والمسخ .. والقذف .. "
الحاجات دي .. عقاب لمن يعصون الله .. ولكن هتظهر في آخر الزمان ..
امتى .. حتى يكثر .. شرب الخمر .. واهل المعازف .. المستحلين المعاصي... إلخ ..
يعني إيه بقى .. ؟؟!
الخسف .. عذاب شديد ..
القذف .. مثل ما حدث لابرهة الحبشي .. "
طيرًا ابابيل .. ترميهم بحجارة من سجيل ".
المسخ .. " ال هو المسخ ده .. تحولهم الى قردة أو خنازير... " اليهود " ... "
وفيه مذاهب .. قالت .. أنه مسخ معنوي ..
قلوبهم مسخت عن معرفة .. الحرام .. من الحلال .. من كثرة .. المعاصي ..
12
9
Liked by: asknln Radwa Tayel ءاية عماد الدين ^_^ Mi Asmaa Ahmed rehab shabaan مـ❣ـہنـ❣ـہصـ❣ـہوُرر Zainab Shrf ђÃѕѕάή يارب
+8 answers in: “هنبدأ بإذن الله ثريد بسيط جدًا .. عن علامات الساعة .. في عدة فصول .. من يريد أن يضيف معلومة .. أو يناقش في أي شيء فليتفضل .. ⁦^_^⁩”

طب القسطنطينية اتفتحت، كدة لسا خمس علامات بس ، صح؟

hassantuhami’s Profile PhotoђÃѕѕάή
لأ ....
لو انت ركزت شوية يااحسن .. هتعرف أن العلامات دي .. من النوع التالت .. ال لم تبدأ بعد .. 😬
وبالتالي فيه فتح تاني للقسطنطينية .. غير الفتح الاول .. بتاع محمد الفاتح .. 🙃
هقولك ازاي ....؟!
الروم هتغزوا مرة تانية وهتنتشر في آخر الزمان .. وتركيا هتبقى من ضمن غزوهم ..
علشان كده .. هيبقى فيه فتح تاني ليها ..
تأكد من الحديث ده ..
عَنْ أَبِي هُرَيْرَةَ رضي الله عنه أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ : ( لَا تَقُومُ السَّاعَةُ حَتَّى يَنْزِلَ الرُّومُ بِالْأَعْمَاقِ أَوْ بِدَابِقٍ ، فَيَخْرُجُ إِلَيْهِمْ جَيْشٌ مِنَ الْمَدِينَةِ ، مِنْ خِيَارِ أَهْلِ الْأَرْضِ يَوْمَئِذٍ ، فَإِذَا تَصَافُّوا ، قَالَتِ الرُّومُ : خَلُّوا بَيْنَنَا وَبَيْنَ الَّذِينَ سَبَوْا مِنَّا نُقَاتِلْهُمْ . فَيَقُولُ الْمُسْلِمُونَ : لَا ، وَاللهِ لَا نُخَلِّي بَيْنَكُمْ وَبَيْنَ إِخْوَانِنَا . فَيُقَاتِلُونَهُمْ ، فَيَنْهَزِمُ ثُلُثٌ لَا يَتُوبُ اللهُ عَلَيْهِمْ أَبَدًا ، وَيُقْتَلُ ثُلُثُهُمْ ، أَفْضَلُ الشُّهَدَاءِ عِنْدَ اللهِ ، وَيَفْتَتِحُ الثُّلُثُ ، لَا يُفْتَنُونَ أَبَدًا ، فَيَفْتَتِحُونَ قُسْطَنْطِينِيَّةَ ، ... إلى آخر الحديث ..
والله أعلى وأعلم .. 🌿

View more

3
Liked by: مـ❣ـہنـ❣ـہصـ❣ـہوُرر ђÃѕѕάή
+1 answer Read more

الفصل الثاني ...وفاضل واحد بس ..." تخيل "

mohamed13382’s Profile PhotoEhab .. ^⁠_⁠^
نكمل ما بدأنا .. 💙
الكيو المرة ده ..اقل من ال فات .. مش هتاخد ..دقيقتين في القراءة ..
الفصل الثاني ..
( العلامات الوسطى )
أولا النوع ال هيحصل قبل علامات الساعة الكبرى ده ....عبارة عن 6 علامات ...🤔
1. انحسار نهر الفرات لجبل من ذهب ...يعني النهر الكله هااينحسر وهاايبقى عبارة عن جبل من الذهب..." النهر هااايتجمع كده وهااايبقى جبل من ذهب " 🙄

2.عودة ارض الجزيرة مروجا خضراء ...ال هي السعودية
"كنت اعتقد ان السعودية طول عمرها ..صحراء جردااء ..وفعلا هي كانت كده حتى ظهور بني ادم عليه السلام ... “😬
يعني انت عايز تقول ايه ...؟؟ 😒
عايز ااقول ان بظهور بني ادم عليه السلام..شبه الجزيرة اصبجت ...جرداااااء..." ... انما قبل ظهور آدم عليه السلام ..كانت خضراء 😮
3.ظهور المسخ ... "مسخ اليهود"...
القذف ..."مثل ما حدث ل ابرهة الحبشيي.."..
الخسف .."مثل ما حدث في قوم صالح"😬
4.خروج القحطاني ...(وهو رجل يسوق الناس بعصاه " سيحكم العالم "..)...يسوق الناس بعصاه دليل على شدة حذمه ..مع الكفار...هيبقى شديد القسوة معاهم ..وشديد اللين مع المسلمين ..وقحطان دي تعتبر ام القبائل في اليمن ...🙄
5. حدوث ما يسمى ب..."الملحمة الكبرى" ..😬
ايه الملحمة الكبرى دى ..طيب..؟؟🤔
الملحمة الكبرى دي هتبقى الحرب العالمية الثالثة ..هتبقى بين المسلمين ..والروم..الكفار يعني "كل من يكفر بالاسلام "..😬
6.فتح القسطنطينية ..."ال هيا اسطنبول ..او تركيا عموما.."...😮
كده العلامات الصغرى كلها خلصت ...
ما عدا ..(12) علامة ...
هتحدث امتى ال 12 علمة دول ..!؟ ..
هتحدث اثناء حدوث العلامات الكبرى ...
ازاي طيب ...؟؟..🙄
ده ال هنعرفه المرة الجاية ..ان شاااء ربي ..ان نلتقي ..🔆
طيب المهدي فين الاول ...؟؟ .🤔
انا مش فاهم انت مستعجل ليه كده ..!!!😅
المهدي المفروض انه هيظهر بعد فتح القسطنطينية ..اخر علامة صغرى ..قبل العلامات الكبرى .. 🤔
او بمعنى اخر ..لاني حاسس انك متلغط ..المهدي هيظهر قبل اول علامة كبرى ...
" اتلغبط اكتر = اني اسف " 😅
متنساش تصلي ع النبي ..وتتأكد ورايا من الكلام ال بقوله ده ....
مش اي حد نثق فيه ..😬
حفظكم الله من كل سوء ..💙

View more

62
82
Liked by: $العفريته الملآك..! $ هاجر محمد وليد فتحي موسى Sendrila Rana Khaled asknln Radwa Tayel مريَم ياسمين محمد ءاية عماد الدين ^_^
+8 answers in: “هنبدأ بإذن الله ثريد بسيط جدًا .. عن علامات الساعة .. في عدة فصول .. من يريد أن يضيف معلومة .. أو يناقش في أي شيء فليتفضل .. ⁦^_^⁩”

الاستاذ قال ما يكن في وسعنا جميعآ قوله وإن ارادت البنت التحدث الي سأمد لها يدي بارك الله فيكم جميعآ

EwdnyGanByTeesh685’s Profile Photoسارة محمد
اعانكم الله على فعل الخير .. ⁦^_^⁩
3
Liked by: مـ❣ـہنـ❣ـہصـ❣ـہوُرر سارة محمد
+4 answers in: “هو سابنى و كان بيحبنى و انا بحبه جدا بس اخر مرة لما سبنى كان كلامه بيقول انه خلاص مش ممكن نرجع تانى بس هو دلوقتى شكله لسة زعلان و انا عايزة اكلمه دلوقتى بس خايفة يكسفنى و ميقبلش منى كلام اكلمه ولا لا 😭😭💔 هعتبر اجابتكوا علامة”

هتقراها ان شاء الله لانك اوجزت في الرد ماشاءالله ولكن انا سبب منشنتي للاستاذه هو انها بتساعد اللي محتاجها وخصوصا انها بنت زيها مقصدش تقليل من حضرتك

بتاتًا .. انا لم اظن هذا ..
اعانكم الله على فعل الخير .. ⁦^_^⁩
2
Liked by: مـ❣ـہنـ❣ـہصـ❣ـہوُرر
+4 answers in: “هو سابنى و كان بيحبنى و انا بحبه جدا بس اخر مرة لما سبنى كان كلامه بيقول انه خلاص مش ممكن نرجع تانى بس هو دلوقتى شكله لسة زعلان و انا عايزة اكلمه دلوقتى بس خايفة يكسفنى و ميقبلش منى كلام اكلمه ولا لا 😭😭💔 هعتبر اجابتكوا علامة”

السلام عليكم معرفش ايه موضوع السائله ولكن بعد اذن حضرتك انصحها تكلم استاذه ساره محمد هتقف جمبها وهتنصحها وانا كنت واحده من اللي استفادوا منها وكانت سبب في تغييرهم وانا من ضمنهم هو ده حسابها ياريت تجاوب عشان البنت تشوفه @EwdnyGanByTeesh685

البنت لم تقرأ أصلًا اجابتي .. على ما اعتقد .. ⁦:0⁩
2
Liked by: مـ❣ـہنـ❣ـہصـ❣ـہوُرر سارة محمد
+4 answers in: “هو سابنى و كان بيحبنى و انا بحبه جدا بس اخر مرة لما سبنى كان كلامه بيقول انه خلاص مش ممكن نرجع تانى بس هو دلوقتى شكله لسة زعلان و انا عايزة اكلمه دلوقتى بس خايفة يكسفنى و ميقبلش منى كلام اكلمه ولا لا 😭😭💔 هعتبر اجابتكوا علامة”

احسنت جدا ياريت تبقى رساله توعيه لناس كتير برافو👏

لعل وعسى .. تتعظ من هذا ..
4
Liked by: مـ❣ـہنـ❣ـہصـ❣ـہوُرر •|مَيّ|• سارة محمد ̨؏ــبــد ּا̍ڷــڔحۡــمۘــنۨ
+4 answers in: “هو سابنى و كان بيحبنى و انا بحبه جدا بس اخر مرة لما سبنى كان كلامه بيقول انه خلاص مش ممكن نرجع تانى بس هو دلوقتى شكله لسة زعلان و انا عايزة اكلمه دلوقتى بس خايفة يكسفنى و ميقبلش منى كلام اكلمه ولا لا 😭😭💔 هعتبر اجابتكوا علامة”

ازاى اقدر اصبر على البلاء و المحن

دي كلمات حد ... وعجبتني ..
وهي اوجز بصراحة من ال كنت هقوله ..
لعلك تطمئن بعد قرائتها ..
قبل ما تقرأ لازم تكون على يقين ان كل ما يحدث لك خير .. الابتلاء نفسه خير ..
وتكون على يقين وانت بتصبر .. ان الفرج قادم لا محالة
تفضل ..
"
كلما تذكرت "واصبر لحكم ربِّك فإنك بأعيننا " يطيب قلبى ويطمئن لأنه علِمَ ما لله عليه فأداه ...إذاً ما ظنه بوعدٍ من ربِّ العالمين ! ..
إنه الوعد الحق
بل ما ظنه بتلك أيضاً "والذين جاهدوا فينا لنهدينَّهُم سُبُلَنا " ....فأقسم ذلك القلب على نفسه أن يجاهد ما استطاع كي يهديه ربه سبيله ...إنه الوعد الحق .
وتلك أيضاً "والله مع الصابرين" ...إن كان فلاناً معى ف كل ظروفى المتعسرة ..سأطمئن ..فما بالى إن كان ربُّ العالمين نفسه يقل لى أنه معيَ ...أفلا أصبر وأحتسب ؟
قل لذلك القلب الحزين ..بربك اصمد ..
بربك كن كالجبل
بربك ثق وتيقن
بربك إن وعد الله حق... فاهدأ واطمئن وابشر بفرج وفرح لن يكفيك شكره سجودا طوال حياتك ...
ثم أشرق وكأن الكون كله لك ...
إياك أن يظهر على وجهك عبوساً ،إياك أن تقنط، قل لليأس سأجعلك تيأس من صبرى وحسن ظنى بربى ...
فهو وعدنى وأنا على ميعاد ""
💙

View more

3
11
Liked by: مـ❣ـہنـ❣ـہصـ❣ـہوُرر غَيابَٰت الجُبِّ| مُبَعثَرَةٌ

هنبدأ بإذن الله ثريد بسيط جدًا .. عن علامات الساعة .. في عدة فصول .. من يريد أن يضيف معلومة .. أو يناقش في أي شيء فليتفضل .. ⁦^_^⁩

mohamed13382’s Profile PhotoEhab .. ^⁠_⁠^
في عدة فصول ..." الفصل هيكون قصير للغاية ..علشان انا عارف انك بتمل بسرعة ...🙄"
الفصل الأول ...
" علامات الساعة الاولى "
قبل ما نعرف العلامات الاولى عايزين نعرف تقسيم العلامات دي ايه ..؟؟
عندنا نوعين اتنين ..علامات كبرى ...وعلامات صغرى ...
ايوه حضرتك يعني كام علامة بالضبط...؟؟؟🤔
يعني حضرتك ...94 علامة صغرى ....و10 علامات كبرى ...
ياااالهي ....اه دا كله ..!!
علامات الساعة الصغرى ..ال هي بتخلص الاول مش كده ...؟؟؟
لا يافندم عذرًا.. مش شرط ...😬
علامات الساعة الصغرى دي ...بتنقسم لثلاثة انواع ..
• نوع بدأ ...ومازال مستمر الى ان تقام الساعة ...
• نوع بدأ وانتهى ..
• نوع لم يبدأ بعد ...
مش فاهم حاجة ممكن تبسط شوية ....؟؟؟؟🙄
اوي اوي ..😅
النوع الاول ده ...زي ايه ...؟؟؟ 🧐
زي بعثة الرسول صلى الله عليه وسلم ...ونزول القرآن الكريم ...ثم موت الرسول .." النوع ده بدأ وانتهى ..
النوع الثاني ده ...زي ايه .؟؟؟🧐
ال هو بدأ ومازال مستمر ....مثل كثرة الفتن ال حولنا دي ...الفحش و التفحش ...
قطع الرحم ..اكل مال اليتامى ..الظلم ...الكذب .. ان يظهر الجهل والزنى.....
سوء الحوار كثرة القانات اي المغنيات والراقصات ... الجهر بالمعاصي ... انتشار الفقر ...
"كثرة النساء وقلة الرجال..تقريبا الى ما يعادل ..واحد الى خمسين .."
"واحنا حاليا على فكرة ..بنعادل واحد الى عشرين ..." 🙄
وظهور كل انواع الفتن ...ال تختر على بالك 😬
النوع الثالث ده ... نوع خطير جدا...😬
وبينقسم لنوين ...اتنين
1.نوع هيحصل قبل علامات الساعة الكبرى ...و هم (6 علامات )
2. نوع هيحصل اثناء علامات الساعة الكبرى ... وهم (12 علامة )
قولي ياااسيدي..النوع ال قبل العلامات الكبرى ...؟؟؟ 🤔
المرة الجاية ..ان شاااء الله...
بس مش قبل صلاتك ع الحبيب ..🔆

View more

38
63
Liked by: وليد فتحي موسى asknln Radwa Tayel Mi Asmaa Ahmed مـ❣ـہنـ❣ـہصـ❣ـہوُرر ंंF A T M Aंं غَيابَٰت الجُبِّ| مُبَعثَرَةٌ Naier Ezzat ريم
+8 answers Read more

لبِستُ ثوب الرَّجا والناس قد رقدوا وَقمِتُّ أشكوا إلى مولاي ما أجدُ وقُلتُ يا أمَلي في كلِّ نائبة ومَن عليه لكشف الضُّرِّ أعتمد #قيام_الليل 💙🍃

قصيدة جميلة ... 💙
لبستُ ثوبَ الرَّجا والنّاسُ قد رقدُوا!
وبتُّ أشكو إلى مولايَ ما أجدُ!
وقلتُ: يا أملي في كلِّ نائبةٍ!
ومَنْ عليه لكشفِ الضُرِّ أَعتمدُ!
أشكو إليكَ أمورًا أنتَ تعلمُها!
ما لي على حِمْلها صبرٌ ولا جلدُ!
وقد مددتُ يدي بالذّلِّ مبتهلاً!
إليكَ يا خيرَ من مُدّتْ إليه يدُ!
فلا تَرُدَّنَّها يا ربِّ خائبةً!
فبحر ُجودِكِ يروي كلَّ من يَرِدُ!.. 🌿
1
5
Liked by: مـ❣ـہنـ❣ـہصـ❣ـہوُرر

جمله سمعتها عجبتك ..💛

eslamelghraz3’s Profile PhotoEzlaâam
على سبيل التفاؤل .. والصبر على الكلية دي .. ⁦^_^⁩
" المهندس ده كريمة المجتمع .. الوحيد القادر على قلب .. موازين العالم .. " .. 💙
د/ منتصر ...
___________
" لا يمكن تلاقي متعلم على حق .. يعصي ربه .. مش ممكن تلاقي عالم مسلم بيعصي ربه ..
الجاهل فقط هو .. من يعصيه لانه يجهل من هو الله .. ""
النابلسي ..
5
61
Liked by: مـ❣ـہنـ❣ـہصـ❣ـہوُرر Kareman Abdel Aziz Zainab Shrf Shimo Sleem Ezlaâam

انا حابه استفسر عن حاجه؟ هو اي ال يخلى واحد يتدخل فى حياة بنت و ينتقد تصرفاتها، او شكلها او لبساها، او يوجه ليها اى انتقادات سلبيه! و هو لا باباها ولا اخوها ولا خطبها ولا جوزها! مين اداله الحق انه يصدر احكام عليها؟ انا فى غاية الاندهاش والله!

اولا الانتقاد .. تعبير عن الرأي وليس تدخل في الخصوصيات .. ⁦ ⁦⁦^_^⁩
ممكن بيعمل ده لحاجتين ..
ان هو حد يعرفك مثلًا .. وعايز فعلًا ينصحك بنية شريفة ..
أو عايز ينقص من شأنك .. أو يستفزك ..
وفي كلتا الحالتين .. أنتِ السبب في ده .. ⁦ :0⁩
2
10
Liked by: مـ❣ـہنـ❣ـہصـ❣ـہوُرر shimaa

فمن اتقى الشبهات فقد استبرأ لدينه وعرضه

تمام .. وانا اقصد هذا ..
بكل تأكيد هي شبهة ..
1
Liked by: مـ❣ـہنـ❣ـہصـ❣ـہوُرر
+6 answers in: “مش منتظمة فى الصلاة من شهر بصلى فروض وفروض لا ومن غير تركيز ولا خشوع مكنتش كدا ابدا كنت محافظة على السنن والقيام والقرءان برده محفظتش من شهر تقريبا غير 6 أرباع مثلا كل 3 او 4 ايام وبقيت بتفرج على افلام ومسلسلات مع انى مبطلة من سنتين انا عارفة انى مقصرة واللى بعمله حرام بحاول كل يوم بس مش عارفة”

كنت فى حلقة تحفيظ فى مره بس كنت صغيره بسمع حاجات كتير ومش بفهمها بس كانت بتعلق فدماغى منها لما واحده سألت الحاجه هى المسلسلات حرام ؟ قالتلها لو عندك ابن صغير و قعد يكسر فـ النيش هتخليكى قاعده ساكته و بتتفرجى عليه ؟.....

هههههههه ..
فعلًا .. خير الكلام ما قل ودل .. ⁦^_^⁩
2
Liked by: مـ❣ـہنـ❣ـہصـ❣ـہوُرر آحماآه
+6 answers in: “مش منتظمة فى الصلاة من شهر بصلى فروض وفروض لا ومن غير تركيز ولا خشوع مكنتش كدا ابدا كنت محافظة على السنن والقيام والقرءان برده محفظتش من شهر تقريبا غير 6 أرباع مثلا كل 3 او 4 ايام وبقيت بتفرج على افلام ومسلسلات مع انى مبطلة من سنتين انا عارفة انى مقصرة واللى بعمله حرام بحاول كل يوم بس مش عارفة”

هو سابنى و كان بيحبنى و انا بحبه جدا بس اخر مرة لما سبنى كان كلامه بيقول انه خلاص مش ممكن نرجع تانى بس هو دلوقتى شكله لسة زعلان و انا عايزة اكلمه دلوقتى بس خايفة يكسفنى و ميقبلش منى كلام اكلمه ولا لا 😭😭💔 هعتبر اجابتكوا علامة

هجاوبك على سؤالك في الآخر .. ان شااء الله
لعل وعسى كلامي يكون علامة زي ما قولتي ..
من غير ما اتكلم في الدين .. لانك عارفة أن ال بتعمليه ده حرام .. ومخالف لدينك .. علشان ربنا قال ..
" فَانكِحُوهُنَّ بِإِذْنِ أهْلِهِنَّ وَآتُوهُنَّ أُجُورَهُنَّ بِالْمَعْرُوفِ مُحْصَنَاتٍ غَيْرَ مُسَافِحَاتٍ وَلا مُتَّخِذَاتِ أَخْدَانٍ " .. النسااء
+ الأحاديث الكثيرة ..
هقولك .. لو علاقتكم تمت .. ورجعلك تااني ...وبعد سنة أو سنتين .. من العلاقة دي .. سابك .. واتقدملك واحد غيره .. و مناسب جدًا ..
هتبصيله ازاي و بااي وجه .. ؟؟
بلاش ده .. يعني والدك .. طالع تالتة عينه في الشغل .. علشان يجيبلك موبايل .. ويوفرلك فلوس .. تفتحي بيها نت .. علشان تخونيه .. ⁦:0⁩
بلاش ده .. لو حد عرف انك بتعملي كده .. وبالاخص الشباب ال هتتقدملك هل هيوافقوا عليكِ بعد كده .. ؟؟
بلاش ده .. نظرتك .. ايه وانتِ بتكلمي شاب غريب عنك في حاجات زي كده .. ؟!
بلاش ده ..
نظرتك هتكون ايه .. وانتِ بتتحاسبي يوم القيامة ..
لا تكوني فاكرة .. أن المذنب بس هو من سيحاسب .. ويسأل .. ⁦:0⁩
لأ ياافندم .. ده المخلص هيسأل عن مدى إخلاصه .. الصادق هيسأل عن مدى صدقه ..
ما بالك بقى المذنب .. ال بيذنب وهو عارف .. أنه بيذنب .. هيعمل ايه ..
_______________
جوابك
ده إذا وصلتي لحد هنا في القراءة
هتلاقي المحترم .. استكفى .. من ال بيعمله .. سوااء حس أنه بيعمل حاجة حرام .. وعلشان كده بعد ..عنك ..
أو استكفى .. بمعنى " مل .. وعايز يغير .. " .. ⁦:0⁩
عذرًا على شدة .. حديثي .. ولكن هذا هو الواقع ...

ازاي استأمن شخص .. على نفسي .. وهو أصلًا خان عهده مع ربك .. ⁦^_^⁩

View more

5
2
Liked by: مـ❣ـہنـ❣ـہصـ❣ـہوُرر •|مَيّ|• سارة محمد Amira goda
+4 answers Read more

و علفكره مش شرط الى بيقول كدا يبقى على درجه عاليه من التدين ولا حاجه احنا لولا ستر ربنا كان زمانا هلكنا من الذنوب بس كنوع من الاجتهاد كل وحد بيجتهد بطريقه بس فى الى اختار انه يبدأ بجهاد النفس و فى الى بدأ بعلاقته مع الغير و فى الى بيصلى و بيصوم كل واحد بيجتهد بطريقته

أعي هذا .. ⁦⁦:0⁩
حفظنا الله .. من كل تلك الفتن .. ⁦^_^⁩
1
Liked by: مـ❣ـہنـ❣ـہصـ❣ـہوُرر
+6 answers in: “مش منتظمة فى الصلاة من شهر بصلى فروض وفروض لا ومن غير تركيز ولا خشوع مكنتش كدا ابدا كنت محافظة على السنن والقيام والقرءان برده محفظتش من شهر تقريبا غير 6 أرباع مثلا كل 3 او 4 ايام وبقيت بتفرج على افلام ومسلسلات مع انى مبطلة من سنتين انا عارفة انى مقصرة واللى بعمله حرام بحاول كل يوم بس مش عارفة”

يبقى الحرام حرام و لو فعله الجميع و انتشار الحرام حولك لا تعنى استباحته ، فهى لازم تعرف ان الأفلام برضو مش حلال هى طبعًا مش هتقدر تبطلها مره واحده أنا عارفه - بغض النظر انى قدرت-بس دا ميمنعش انك لازم تعرفها انه غلط عشان تبدأ تبعد عنه ، لما تشغل وقتها بحاجه ممتعه و مفيده كدا مش هيبقى عندها وقت تتفرج

صلي ع النبي بس الاول ..
تعقيب على كلمة " حرام "
" مين قال إن سماع الافلام والمسلسلات حرام .. ؟! ⁦:0⁩ "
= يروح يبحث في القرآن .. مش لاقي آية معينة عن تحريم الحاجة دي .. ⁦:0⁩
+ يروح يبحث .. في السنة مش لاقي حديث معين .. عن تحريم الحاجة دي .. ⁦:0⁩
يبقى ده مش "حراااام" .. ⁦:0⁩
الحرام بالبلدي كده في ..
" هو الحاجة .. ال بتعرض صاحبها للعقاب .. وبيثاب تاركها .. "
ست البيت عندنا .. " حفظها الله من كل سوء .. واطال عمرها .. وجعلها دائمًا وأبدًا .. بركة البيت .. "
عندها 83 سنة تقريبًا .. مش هقولك .. بتحافظ على الصلوات الخمس .. لأ ..
دي بتحافظ على صلاة الفجر حاضر قبل الشروق .. اكتر مني .. " مليون مرة " ..
وعندها ورد الاذكار ده .. حاجة أساسية في يومها ..
ممكن بالخمس ست ساعات في اليوم .. على فترات ..
ولكن .. " بتعشق حاجة اسمها .. مسلسلات هندية مدبلجة "
وما ادراكِ من المسلسلات الهندية .. ⁦:0⁩
طيب كده حرااام عليها .... ؟! ⁦:0⁩
أقدر انا اقولها .. ايه يااحجة مش خايفة الفتنة تصيبك .. وتحبي حد .. من الناس الكبار القمرات دول.. وتفكري فيه طول الليل وكده .. ⁦:0⁩
أكيد هاا تصفعني بعدها .. صفعة قوية .. + " اتلم ياواد"
وبعدين
أنا قلت .. تسمع حاجة " هااادفة " ... ليس إلا ..
مقولتش تسمع افلام هندية ..
والحاجة الهادفة .. مش بتنزل كل يوم ..
ده ممكن مرة .. مرتين في الاسبوع
هي لو اجتهدت في العبادة بعد كده .. هتعرف أن الافلام ال كانت بتسمعها دي مضيعة .. بل مهلكة للوقت ..
اهم حاجة وقت .. العبادة .. لا يعارضه اي شيء على الإطلاق .. + استثمار الوقت في حاجة تعلي من شأنك + وقت للترفيه برضه ..
ربنا يهدينا جميعًا .. ⁦^_^⁩

View more

1
Liked by: مـ❣ـہنـ❣ـہصـ❣ـہوُرر
+6 answers in: “مش منتظمة فى الصلاة من شهر بصلى فروض وفروض لا ومن غير تركيز ولا خشوع مكنتش كدا ابدا كنت محافظة على السنن والقيام والقرءان برده محفظتش من شهر تقريبا غير 6 أرباع مثلا كل 3 او 4 ايام وبقيت بتفرج على افلام ومسلسلات مع انى مبطلة من سنتين انا عارفة انى مقصرة واللى بعمله حرام بحاول كل يوم بس مش عارفة”

بص هو مش ، القصد الان المسلسل الهادف برضو سواء أكان يوميات ونيس أو حتى قيامة أرطغرل او غيرها من المسلسلات مثلًا بيبقى فى مشاهد بين المرء وزوجه ماسكين ايد بعض مثلًا أو غيرها كتير الشخصين دول مش متزوجين فى الواقع و مايبنى على باطل فهو باطل يعنى نحاول بقدر الامكان نشغل نفسنا عشان منتطرقش نتفرج عأفلام

محدش يقول كده إلا إذا كان على درجة عالية من التدين ... ⁦^_^
ولكن .. مسكة الايد .. مش هتحرك غريزة ما .. لشخص اتفرج عليها في لقطة عابرة .. في فيلم او حلقة من مسلسل مدته ساااعتين تقريبًا ..
النية ال بتتفرج بيها هي ال تحدد اذا كنت عايز تفتن ولا لأ ..
أنا .. معاكِ ومؤيد لوجهة نظرك .. ولكن مش كل الناس عندهم الوعي الديني .. ال يخليهم زاهدين في معظم الحاجات دي ..
العصور بتختلف .. وخاصة إذا كان .. لمجتمع زي ال احنا فيه ده ..
إذا كان المجتمع اباح الاختلاط بين .. الجنسين في مكان العمل .. أو في الدراسة ..
وده اكبر عامل للفتنة .. وبالتالي عقولنا تعدت مرحلة الفتنة .. من مسكة الايد ..
وده
على عكس مجتمع ريفي بسيط .. مفيش فيه اختلاط نهائي.. ولا حتى وسائل للميديا .. وفيه كتاب لتحفيظ القرآن .. ووعي كامل بالدين .. و ابناء القرية كلهم تعليم ازهري ..
بالتالي هنا لما التلفزيون ينزل عندهم .. ويشوفوا مذيعة مسلمة مش محجبة ..
أكيد .. اكيد .. هيكسروا التلفزيون .. على دماغ ال جااابه ..
ليه ... ؟؟
لأنهم.. لسه انقياااء ..
عقولهم وقلوبهم .. مازالت تقية ..
عقولهم .. فعلًا لن تتصور مسكة الايد بين اتنين غرباااء ..
يبقى مينفعش تقولي لحد .. لسه في طريق تدينه ..
وف مجتمع زي ده ..
" امنع " رؤية الافلام .. والمسلسلات تمامًا ..
أي فيلم وأي مسلسل ..
لما يتعمق اكثر في دينه .. هو نفسه هيندم على مضيعته للوقت في الحاجة دي .. على حساب تعلم شيء يفيده .. أو ينمي موهبة مدفونة ..
وعلى كلٍ .. كلامك صح .. ⁦^_^⁩

View more

1
Liked by: Zainab Shrf
+6 answers in: “مش منتظمة فى الصلاة من شهر بصلى فروض وفروض لا ومن غير تركيز ولا خشوع مكنتش كدا ابدا كنت محافظة على السنن والقيام والقرءان برده محفظتش من شهر تقريبا غير 6 أرباع مثلا كل 3 او 4 ايام وبقيت بتفرج على افلام ومسلسلات مع انى مبطلة من سنتين انا عارفة انى مقصرة واللى بعمله حرام بحاول كل يوم بس مش عارفة”

الصورة الشخصية بتاعة الانستا مش ممكن تتاخد اخرها تتاخد اسكرين وحجمها بيكون صغير ف حتى لو اتكبرت الملامح بتتشوه انما الاسك والفيس والتويتر ممكن تتاخد وتتحمل عادى بكامل نقاوتها

حطاها على الانستا ليه ... ؟؟
1
Liked by: Nada Ibrahim
+5 answers in: “رأيك فى البنت اللى بتحط صورتها صورة شخصية ع الانستجرام”

مين الى قال ان المسلسلات و الأفلام عادى ؟ كونك بتتكلم انها تبعد عن الفتن يتناقد مع انها تسمع أفلام و مسلسلات ....

إيه المشكلة لما تسمع فيلم او مسلسل .. هادف .. ميكنش فيه رومانسية زيادة عن اللزوم .. أو كلام مثير للشفقة .. والتبجح .. زي معظم الافلام دلوقت ..
إيه المشكلة يعني .. لما تسمع فيلم كوميدي لمحمد صبحي ...؟؟
مسلسل ونيس .. هااادف جدًا .. وكوميدي جدًا .. وعلى غرار هذا .. فيه حاجات كتير ..
مش لازم الشخص ده ..فيه ناااس كتير كويسة ..
وفيه مسلسلات اجنبية كتير هادفة .. وسبحان الله مفيهاش حاجات خليعة اوي يعني ...
هو انا كمسلم .. يبقى مينفعش اسمع اي فيلم .. أو مسلسل ..؟؟؟؟؟؟؟؟؟؟؟
1
5
Liked by: Zainab Shrf
+6 answers in: “مش منتظمة فى الصلاة من شهر بصلى فروض وفروض لا ومن غير تركيز ولا خشوع مكنتش كدا ابدا كنت محافظة على السنن والقيام والقرءان برده محفظتش من شهر تقريبا غير 6 أرباع مثلا كل 3 او 4 ايام وبقيت بتفرج على افلام ومسلسلات مع انى مبطلة من سنتين انا عارفة انى مقصرة واللى بعمله حرام بحاول كل يوم بس مش عارفة”

ما الفرق بين القلب والفؤاد ؟🙄..

fatimaaboelsoud146’s Profile Photoلا حول ولا قوة إلا بالله
الرسول صلى الله عليه وسلم قال ..
أهل اليمن أرق قلوبًا وألين أفئدة..
وهذا يدل أن فيه اختلاف ..
غير بعض الآيات ال
موجودة في القرآن الكريم ..
" وَأَصْبَحَ فُؤَادُ أُمِّ مُوسَى فَارِغاً إِن كَادَتْ لَتُبْدِي بِهِ لَوْلَا أَن رَّبَطْنَا عَلَى قَلْبِهَا لِتَكُونَ مِنَ الْمُؤْمِنِينَ "
" الفؤاد فارغ .. والقلب شغال .. "
الفؤاد بيميل للاحساس .. أو المشاعر .. أو اللين زي الرسول ما قال ..
القلب هو المسؤل عن ده كله ..
يبقى ممكن نقول إنه جزء من الاجزاء ال بتحكم القلب
محله اكيد مع أماكن الاحساس .. في المخ
2
2
Liked by: Zainab Shrf لا حول ولا قوة إلا بالله
+1 answer Read more

Space

يقول أحدهم : كيف نصبر ؟

رد عليه صاحبه : مثلما نصوم ونحن متأكدين تمامًا أن أذان المغرب سيأتي ..
ولكن للاسف هذا لا يحدث .. 😬
2
1
Liked by: Zainab Shrf

مش منتظمة فى الصلاة من شهر بصلى فروض وفروض لا ومن غير تركيز ولا خشوع مكنتش كدا ابدا كنت محافظة على السنن والقيام والقرءان برده محفظتش من شهر تقريبا غير 6 أرباع مثلا كل 3 او 4 ايام وبقيت بتفرج على افلام ومسلسلات مع انى مبطلة من سنتين انا عارفة انى مقصرة واللى بعمله حرام بحاول كل يوم بس مش عارفة

ان اي حد ممكن يحصله فتور .. وده بسبب حاجات كتير
وبالأخص لو كانت بنت ..
ولكن على كلٍ أنا لما .. بلاقي نفسي بدأت اتهاون في العبادة .. أو قصرت في حاجة ..
بعزل نفسي تماما عن العالم .. " بشحن " .. وبعدين ارجع تاااني ..
الفتور ده .. بسبب ايه .. ؟؟!
قلت الفتن .. البنات دول بيلبسوا كذا .. وبيكلموا كذا ..وبيسمعوا كذا .. الخ ..
التقصير في السنن .. والنوافل .. هيكون سبب التقصير في الفرائض ..
بنتخذ العبادة .. كقضاء وااجب .. ⁦:0⁩
" الفرااااااااغ " .. الفراغ نقمة ... استغليه في عمل حاجة جديدة .. ومختلفة ..
طيب .. ال يساعد في الانتظام في العبادة ايه .. ؟؟
معرفة الله على حق .. معرفة الدين على حق ..
حاولي تعرفي كل يوم .. حاجة جديدة عن ربك .. وعن دينك ..
ده تلاقيه فين ... ؟؟
فيديوهات .. الشعراوي .. النابلسي .. عمرو عبدالكافي .. مالية اليوتيوب .. اسمعي " كل يوم " فيديو ..
وتعرفي معلومة جديدة في دينك ..
أو تابعي حد من الناس المعاصرة .. المنتشرة على الفيس بوك ...
اقرئي في السيرة النبوية .. ولو مش بتحبي القراءة عموما .. اسمعي فيديوهات ..
الاحسن بالنسبة لي .. الدروس الدينية .. شوفي حد من زميلاتك .. بياخد دروس دينية في المساجد... أو في الجمعيات .. أو في النوادي .. الخ ...
واحضري معاها .. الدروس دي ..
ان لم يكن .. يبقى عندك فيديوهات كتير .. ممكن تسمعيها ...
وبعدين برضه ال هيساعدك ..
انك تعملي جدول لنفسك في دماغك ..مش شرط على ورق .. واحسبي لنفسك .. الحاجات ال قصرتي فيها يوميًا .. وابدئي حااسبي نفسك أول باول .. كعقاب مثلًا .. لو تهاونتي في جاجة ..
اسمعي افلام و مسلسلات .. ايه المشكلة .. ؟؟
بس اسمعي حاجة " هادفة " ...
مش لازم تعزلي نفسك عن الدنيا .. علشان تبقي متدينة .. أو تعزلي نفسك عن كل وسائل الترفيه ...
ولكن حاولي تستثمري وقتك .. كويس ..
" مفيش حاجة اسمها مش عارفة .. فيه حاجة اسمها .. الجنة تستاهل "

View more

2
6
Liked by: Ola abu shawar
+6 answers Read more

فرحت بالعيد

ياااااالهي .. دي كلمة صغيرة جدًا... عن كم البهجة في اليوم ده ..
وعلى الرغم أن مقابلتش فيه اصحابي .. وخرجنا زي كل عيد ..
وعلى الرغم برضه اني قضيته نصف يوم فقط .. علشان مكنتش نمت قبل الصلاة للاسف .. وكملت نوم المغرب ..
وعلى الرغم ... تاااني .. عن كمية الإرهاق والتعب ..
حمدًا لله .. ده من اجمل الاعياد ال مرت عليا .. لحد دلوقت .. ان لم يكن اجملهم .. 💙
كفاية أنه اسمه .. " عيد الاضحى .." .. 🌿🍃
3
Liked by: Zainab Shrf مـ❣ـہنـ❣ـہصـ❣ـہوُرر

كل سنة وأنتم طيبين وبخير. وعيد سعيد عليكم ، وعلي أحبابكم. 🌸 ... فضلا لا تنسوني من دعائكم.

ibrahimelterkawy’s Profile PhotoibrAhim
كل سنة وانت طيب .. يااهيما .. 💙
اعاده الله عليك .. وعلى الأمة الإسلامية .. بالخير .. 🍃
بلاش الصورة المكتئبة .. دي واحنا داخلين على عيد .. 😑
شيل يادكتور الصورة .. وحط صورة مبهجة كده .. 😓
عيدك سعيد ان شاااااء الله .. 💙
4
4
Liked by: مـ❣ـہنـ❣ـہصـ❣ـہوُرر ibrAhim emankhalid Zainab Shrf

1- ﺭﺑﻨﺎ ﺗﻘﺒﻞ ﻣﻨﺎ ﺇﻧﻚ ﺃﻧﺖ ﺍﻟﺴﻤﻴﻊ ﺍﻟﻌﻠﻴﻢ، ﻭﺗﺐ ﻋﻠﻴﻨﺎ ﺇﻧﻚ ﺃﻧﺖ ﺍﻟﺘﻮﺍﺏ ﺍﻟﺮﺣﻴﻢ. 2- ﺭﺑﻨﺎ ﺁﺗﻨﺎ ﻓﻲ ﺍﻟﺪﻧﻴﺎ ﺣﺴﻨﺔ ﻭﻓﻲ ﺍﻵﺧﺮﺓ ﺣﺴﻨﺔ ﻭﻗﻨﺎ ﻋﺬﺍﺏ ﺍﻟﻨﺎﺭ. 3- ﺭﺑﻨﺎ ﺃﻓﺮﻍ ﻋﻠﻴﻨﺎ ﺻﺒﺮﺍ ﻭﺛﺒﺖ ﺃﻗﺪﺍﻣﻨﺎ ادعوا كتير النهارده وبكرة قبل ما ترفع الاعمال

واغفر للمسلمين والمسلمات .. والمؤمنين والمؤمنات .. الاحياااء منهم والاموات .. 🌿
4
Liked by: مـ❣ـہنـ❣ـہصـ❣ـہوُرر ᏃᎪᎽᎬᎠ

السلام عليكم رسالة شكر.. جزيتم عني الفردوس وعن كل من دعى لي كل عام وحضراتكم بخير:) للعلم انا دعيت لحضراتكم امبارح طول الطريق في السفر والقيام والنهارده جميعا بس استغلالا للوقت ما بعتش رسالتي:) واللي عاوز يبعت يسأل عن أي حاجة انا موجود

h_s201’s Profile Photoخلي السعادة عادة (Closed)
ذكرك الله بالشهادة .. يااافتى .. 💙
كل عام وانت بخير .. وإلى الله أقرب .. وعلى طاعته ادوم .. 💙🌿🍃
1
Liked by: مـ❣ـہنـ❣ـہصـ❣ـہوُرر

كيفيه صلاة العيد ياجماعة ؟!!

العيد .. ركعتين اتنين .. اول ركعة فيها سبع تكبيرات ..
بعد السبع تكبيرات .. بتقول سورة الفاتحة .. وسورة صغيرة .. وممكن لو عايز تتبع سنة الرسول .. تقرأ سورة .. الاعلى أو سورة ق ..
الركعة الثانية .. بتقول خمس تكبيرات .. بعدهم سورة الفاتحة وسورة صغيرة ..ولو عايز تتبع سنة الرسول .. ممكن تقول سورة الغاشية .. أو سورة القمر...
فقط .. الزيادة .. هم التكبيرات بس ..
اها وبالمناسبة ..
صلاة العيد .. ملهاش آذان .. ولا ليها إقامة ..
لو عندك اي استفسار تاني قول .. ؟! ⁦^_^⁩
4
7
Liked by: مـ❣ـہنـ❣ـہصـ❣ـہوُرر يُـسر ' Zainab Shrf ̨؏ــبــد ּا̍ڷــڔحۡــمۘــنۨ

يعنى اقصد اليوم نستغله في الذكر والقرآن بلس الكتاب هو الداء والدواء لابن القيم!!

لأ مش هينقص ولا حاجة .. ينقص ليه .. ؟؟
اكمل هوايتك .. عادي جدًا ..
ولكن الافضل ايه .. ؟؟
ان اليوم ده مبارك .. ومش بيجي كل يوم .. فاااحنا نستغل ااكبر وقت فيه للعبادة ..
وبعدين قراءة الكتاب ده .. ممكن تتأجل ..
انما اليوم ده .. مينفعش يتأجل ... ⁦;-)⁩
1
Liked by: مـ❣ـہنـ❣ـہصـ❣ـہوُرر
+3 answers in: “هل لو انا اكملت قراءة كتاب ينقص من اجري!؟”

Next

Language: English

4.1

1,266,418 reviews
© Ask.fm 2024