- 🖤✨

Abdallah

January 16, 2021

فما كل من تهواه .. يهواه قلبك ..
ولا كل من صافيته .. لك قد صفا ..

Liked by: Abdallah

خلصت ولا لسه عندك امتحانات 😁

January 16, 2021

لسه فيه دراسة .. وفيه مشروع .. وفيه .. وفيه ..

هقول إيه غير الحمدلله .. وحسبي الله ونعم الوكيل ..

Liked by: SaRa

معني كدا ان كان في تواصل! لان مفيش حب الا بمعرفة الشخص غير كدا يكون اعجاب!

January 16, 2021

يعني إيه مافيش حب إلا بمعرفة الشخص .. !!

بالنسبة لي ..
إذا وجد سببا للحب .. كان الحب ..
سواء بقى بمعرفته .. أو من غير معرفته ..

+1 answer in: “كم مرة وقعت في الحب؟”

كم مرة وقعت في الحب؟

January 15, 2021

" لا حول ولا قوة إلا بالله "

هي الحوقلة .. فيها تسليم امورنا لله عز وجل ..فكلنا يعجز عن القيام بأي أمر إلا بإرادته .. سبحانه وتعالي ..

وقعت مرتين ..

+1 answer Read more

فينك!

January 15, 2021

في المنزل .. 🙊

اخبار الدراسة الاونلاين عندكو ايه:!

January 15, 2021

الدراسة وحشة والله .. ⁦;-)⁩

مش فاهم أنا دي عطلة ازاي .. !!

كل حياتي بايظه 😂😂

January 15, 2021

صلحها .. ⁦:-)⁩

รρคςє.. 💜🤍

shaimaa srag ~•❤

November 03, 2020

فكرة وجود شخص معين في هذا المستنقع .. بتملئني غيظة يمكنها أن تحرق قلبي ..

وكأن سواد العالم .. وكل هذه الحروب .. وكل هذا الشغب ..متمثل في هذا المستنقع ..

ياااااالهي ارح عقلي .. ⁦:0⁩

Liked by: Baraa obeidat semoo shaimaa srag ~•❤

كويس انك رديت محدش رد عليا خالص لو سمحت حطها

November 03, 2020

ههههههههههه .. أنا كنت بتهكم مش بجاوب ..

بما انك مافهمتيش ال قلته .. مش هردك زعلانة ..

ال يعرف ياااشباب الصفحة دي يحط لينكها ..

+1 answer in: “حد يعرف صفحة العائدة الي الله؟”

هو لا يريد أن يستسلم .. يريد أن يكمل طريقه ولكن كما ينبغي .. ماذا يفعل .. ؟!

Ehab .. ^⁠_⁠^

November 02, 2020

وبالفعل ها أنت تترك تلك المعصية .. ها أنت عازم على التوبة .. عازم ألا تعود مرة ثانية .. ولكنك خائف من عدم قبول توبتك .. كيف لا تُقبل وهو التواب !!

كيف وأنت ندمت على ما فعلت أشد الندم .. ومن ثم تركته .. وها هو عزم ألا يعود إليها مرة أخرى ..

ومن ثم يأتي هو ليبحث عن تلك الراحة التي اعتاد عليها قبل فعله لهذا الذنب .. يبحث عن الحرية .. فها هو قد تاب .. ولكنه رغم هذا .. لا يتنفس .. مازال مقيد .. يشعر جوفه بضيق .. يسع ضيق العالم كله ..

يتسائل: كيف قُبلت توبتي وأنا مازلت مقيد .. مازال صدري يؤلمني .. ؟!

الأمر أشبه .. بشابٍ وقع في وحل الإدمان .. وها هو يخطو ويذهب .. إلى المشفى .. يطلب العلاج .. وهل يرفض المشفى علاجه .. ؟!
بالطبع لا .. هنا يبدأ العلاج ويبدأ الألم .. يتألم لتركه لذة الإدمان .. في الحقيقة هي ليست لذة .. وإنما ذَلة ..
يزداد الألم يومًا بعد يوم .. ويقاوم هو .. يومًا بعد يوم ..
حتى تبدأ الغمة في أن تُكشف .. ويبدأ الآلم .. يقل يومًا بعد يوم حتى يتعافى ..
تلك الفترة .. تسمى فترة العلاج النفسي .. فترة التعافي .

كذلك ياعزيزي .. الإدمان هو هذا الذنب .. والمشفى هي التوبة .. وفترة التعافي .. هي تلك الفترة التي يجب عليك أن تتجاوزها بصدق ..

الأمر أشبه ببيت .. بيت الذنب .. تخرج أنت من هذا البيت وتغلقه خلفك للأبد .. درج هذا البيت كثيرٌ للغاية .. أو ربما قليلٌ .. لا أعرف فهي مرتبطة بمدى صدقك .. ومدى قوتك على جهاد نفسك .. فإن كنت هش الإيمان .. يزداد الدرج أمامك كلما تجاوزت درجة لا تتقدم
وإن كنت قوى الإيمان .. تتجاوز درجة .. كأنك وصلت إلى العاشرة .. تتقدم بسرعة كبيرة ..

البيت ياعزيزي هو هذا الذنب .. والتوبة خلف هذا الباب .. خرجت منه وتحررت من هذا الذنب إذا تركته .. ولكنك لم تتركه للابد .. فهناك هذا الدرج .. حينما تتخطاه .. نقول أنك تركته ..

تتمثل فترة التعافي .. ويتمثل هذا الدرج .. في اسوأ فترة يمكن أن تمر عليك ..

عزيزي .. ما فعلته من ذنب كان في لمح البصر .. جلس وتربع في القلب .. ومن ثم أنت تريد أن تمحوه ..الله يقبل منك هذا ويخلصك منه .. ولكن يبقى أثره .. ولعلاج أثره .. يجب عليك مقاومة نفسك .. أن تمحي كل مسببات هذا الذنب .. وأن تملأ قلبك بما هو أهلٌ له .. بما ينفعه .. بما ينقيه .. بأن تعزم الإصرار على أن تكمل التوبة ..

لا تيأس ولتكمل هذا الدرج ..

هو لا يريد أن يستسلم يريد أن يكمل طريقه ولكن كما ينبغي ماذا يفعل

Liked by: وليد فتحي موسى Radwa♡ المـَقصَد..♥️✨! شيرين Nee.. E T A Mohamed Reda تَرْتِيلُ رُوح Hager Saeed فراشة

+2 answers in: “الاستسلام لمعصية ما يمكن أن أشبهها بحبي لفتاة.. أو " فكرة " ما تسيطر على عقلي .. ومن ثم الهروب منها بواسطة الانتحار .. وذلك إذا أخفقت في التوبة .. أو لم استطع التخلص من التفكير فيها .. اهذا يعقل يا محمد .. ؟!”

_

إيمان ):

October 19, 2020

6:05 AM. 10/19/2020

صباح أول يوم دراسي .. في آخر عام دراسي ..

نقول استعنا على الشقى بالله .. ؟!

مش محبب تخصص دعاء .. في وقت معين أو لحال معين .. لأن هذا يعد بدعة ..

يبقى نقول إيه .. ؟!

نقول دعاء الخروج من المنزل يا جماعة ..

بسم الله توكلت على الله .. ولا حول ولا قوة إلا بالله ..

Liked by: Ahmed Hagag Esraa Safaa فاطم⚡

_✨

إيمان ):

September 25, 2020

التفكير .. ده مرهق جدًا ..

= سلمها لله .. لتطمئن.

Liked by: ❤️ صورة وتعليق ❤️ ₘₒhâmëD Nada Darwish رؤوف(مسا مسا يابراهيم) Lena Gemy Reham Youssef Maha Mahdy Abdallah Re7an( -_-) safaa samir إيمان ):

حد يعرف صفحة العائدة الي الله؟

September 25, 2020

يااااااه .. تصدق إن الإسم ده علم مميز ..

تصدق عرفت أنت تقصد مين من أصل .. 50% من العوائد ال موجودين في الأسك ..

طيب يا راجل هات علم باهت شوية عن ده .. بحيث يبقى فيه غموض ونقعد نفكر ..

إنما كدا .. أنت سهلت السؤال أوي .. على المتلقي ..

Liked by: أحمـد سعيـد

+1 answer Read more

برضو هتجبلي البسبوسه اللي بالشوكلاته

أحمـد سعيـد

September 25, 2020

برضه أول مرة أسمع عنها .. 😒

بسبوسة بالشوكولاتة .. دي هتبقى تمن ال 43 دقيقة .. مش كدا ولا ايه .. ؟!

منوف وال منها ..

Liked by: أحمـد سعيـد

+1 answer in: “تلفونك مقفول ليه ي بني؟”

و انا كمان مبسوط إني كلمتك 43 دقيقة 😂😂

أحمـد سعيـد

September 25, 2020

بتعد عليا الدقايق .. امال لو كان الرصيد مش هدية كنت عملت إيه .. 🙄

يا ساتر عليكم ..

+4 answers in: “اقتبـس مما راق لَك من صفحـتي 💙🥀”

تلفونك مقفول ليه ي بني؟

أحمـد سعيـد

September 24, 2020

برضه مبسوط اني سمعت صوتك .. 😒

Liked by: جوجل

+1 answer Read more

اللي لابس نبيتي دا أنا 🙊😂 بس مش مهم انت واحشني، خلاص ارن عليك انا بقا و أمري لله

أحمـد سعيـد

September 24, 2020

بغض النظر ان الموبايل قفل ..الا اني مبسوط اني سمعت صوتك ..

+4 answers in: “اقتبـس مما راق لَك من صفحـتي 💙🥀”

ايوا انطق ي بني مين 😂😂

أحمـد سعيـد

September 24, 2020

اكيد صاحبك يعني .. مش انت ال في الوش .. ؟!

صدمتك .. إني آسف .. 😳

+4 answers in: “اقتبـس مما راق لَك من صفحـتي 💙🥀”

مين 🙄🤷‍♂️

أحمـد سعيـد

September 24, 2020

اممم .. مين ياترى .. !!

+4 answers in: “اقتبـس مما راق لَك من صفحـتي 💙🥀”

https://www.facebook.com/يَـــقِــيــنٌDr-122778355906212/ جماعة محدش يقولها اننا لقينا صفحتها لحسن تعلقنا😂😪ممكن تدعي علينا بالفصحى تجيب اجلنا كلنا😂😅😅😂😅😅😂

September 24, 2020

ايه .. المغزى يعني معلش .. !!

ادعي لأمي بالشفاء💔💔💔

September 24, 2020

ربنا يشفيها ويعافيها ..

هي عاملة إيه دلوقت .. ؟!

اقتبـس مما راق لَك من صفحـتي 💙🥀

أحمـد سعيـد

September 24, 2020

بغض النظر ..عن الاقتباس دلوقت ..

مين الواد الحلو ال لابس نبيتي دا ..؟!

+4 answers Read more

انا باعتلك السؤال دا مخصوص عشان انت صديق عندي انا خاطب وخطيبتي تعبت تعب نفسي وفركشت معايا فجأه 💔 ادعولي ونبي ترجعلي تاني فالحلال الي يشوف الانسر دا يدعيلنا عشان خاطري انا بحبها اوي ⁦🙏🏻⁩💔

September 24, 2020

ربنا يشفيها ويعافيها من أي داء ..

الحب دا مشكلة كبيرة .. كنت قاعد مع دكتور أمراض نفسية .. كان بيقول إن المرض النفسي نتيجة حب مثلا .. من أصعب الأمراض النفسية .. ال بتواجهنا .. إن لم يكن أصعبهم ..

أكيد هي عملت كدا .. علشانك أنت ..

فعلى قد ما تقدر .. حاول بشتى الطرق إنك تتناسى التجربة دي .. واكتفي بالدعاء .. وبلاش ترهق نفسك بطول الأمل .. علشان تتجاوز المرحلة دي بسرعة ..

الله معك يا غالي ..

Liked by: Esraa Safaa جوجل أحمـد سعيـد

ما هو يوم عاشوراء وإيه حكايته .. ؟!

Ehab .. ^⁠_⁠^

August 27, 2020

بداية عام هجري جديد .. وأول شهر في العام الهجري هو شهر محرم .. ومن الأحداث المؤثرة في الشهر ده .. نجاة موسى من فرعون .. وموسى هو نبي الله .. جاء بالتوراة .. تحديدا في يوم عشرة من الشهر .. علشان كدا بيسمى يوم عاشوراء ..

سيدنا موسى صام اليوم ده .. علشان يشكر ربه على نجاته من هول فرعون وجنوده ..

ومن اليوم دا يا سيدي واليهود بيصموه ..

فطبعا ماينفعش بتاتا .. نكون إحنا المسلمين .. وييجي حد زي اليهود ال محرفين دينهم ويعلم علينا ..

علشان كدا الرسول صلى الله عليه وسلم حينما قدم إلى المدينة .. رأى اليهود تصوم هذا اليوم ..
فقال: ما هذا ؟!
قالوا: ..هذا يوم صالح .. هذا يوم نجى الله بني إسرائيل من عدوهم .. فصامه موسى
قال : فأنا أحب بموسى منكم وأمر بصيامه صلى الله عليه وسلم .. والحديث ده عن ابن عباس رضي الله عنه ..

وعلشان إحنا مش زي اليهود .. لازم نخالفهم .. وللسبب ده الرسول صلى عليه وسلم قال: فإذا كان العام المقبل إن شاء الله صمنا اليوم التاسع .. وحث على صيام يوم قبله أو يوم بعده .. ولكنه مات قبل أن يأتي العام المقبل .. وها نحن هنا اليوم .. وغدا اليوم التاسع .. فإيه بقى .. ؟!

هنكمل سنة الرسول صلى الله عليه ونخالف اليهود ونصوم اليوم التاسع والعاشر .. وبكدا نكون خالفنا اليهود ..
أوصوم العاشر والحادي عشر
أو صوم التلت أيام

طيب معلش يعني ..
إحنا نصومه ليه ياعم اصلا .. وبعدين الجو ناار يااخي ..والرسول برضه قال من شاء فليصمه ومن شاء فليفطره ..

شوف يا محمد .. دا حقيقي .. بس عموما أنا نويت أصومه ليه بقى ..
هاااا ليه .. ؟!

هصومه ياسيدي .. علشان دا فيها تكفير لذنوب السنة التي قبله ..

ايه دا .. يعني تكفير لذنوب السنة ال قبليه كلها كلها ..؟!

ايوه كلها كلها .. وتوكل ع الله بقى شوف مصلحتك ..

طيب وأنت هتروح فين .. ؟!

أنا هاروح ابل شوية تمر هندي من الطبيعي ده .. علشان أفطر عليه بكره ..

طيب أنا نويت أصوم برضه .. ⁦:0⁩

إيه دا .. نويت تصوم علشان التمر الهندي .. ؟!

لأ ياعم .. علشان الذنوب الكتير ال عملتها .. وبصراحة الصيام وحشني اوي ..

طيب والجماعة في البيت مش هاتقولهم .. ؟!

اكيد هقولهم .. وهانشر حالة على الواتس اذكر فيها زمايلي .. دا ليه بقى ..؟!
ليه ياعم محمد .. !
علشان الدال على الخير .. كفاعله ..

ماتنساش تذكر غيرك .. حتى لو مش هتصوم .. ⁦⁦^_^⁩

Liked by: هاجر محمد وليد فتحي موسى HåDēēR ShëRïF رقية عبداللطيف أّبًــ✾ـنِ مًــطِـ✾ـروٌحً e m a n أَسْـمَـــآءٕ "كانت هُنا" Waheed Ragab Amal Amged Azza Youssef

....

August 22, 2020

أحزنني هذا الفراق وإن كنت لا أعرفه ..

إنا لله وإنا إليه راجعون ..

الموت مهما كان .. حق في رقابنا .. وعلينا أن رده في يوم من الأيام ..

اقترب أم ابتعد .. هذا لن يغير شيء .. فالحق حق .. مهما كان ..

ولكن فراق الأحبة مؤلم .. مؤلم للغاية ..

ادعو لموتانا يا جماعة ..

Liked by: e m a n иαyяσz" رقية عبداللطيف Esraa Safaa اسماء أحمـد سعيـد Ehab .. ^⁠_⁠^

اسفة انهم اتبعتوا على كذا مرة..وشكرا مرة تانية

June 26, 2020

كويس ان الحياة هاتمشي من جديد .. وهترجعي تشتغلي تاني .. فتنشغلي ..

المشاعر مش بتضيع .. ايوه بتستنفذ ولكن بتتجدد ..

الشاب لما يفقد والده أو أمه .. أو حد عزيز عليه ..مشاعره مش بتضيع .. هي بتستنفذ لفترة .. وبعد كدا بتتجدد ..

ال عايز اقوله .. أن لو المشاعر بتضيع فعلا مكنش معظم الناس النهارده على قيد الحياة .. كان زمانهم تحت التراب دلوقت ..

أنتِ دلوقت موهومة بالشخص ده .. علشان هو الذكرى الوحيدة ال اثرت فيكي اوي .. كل ما تفتكريها قلبك بيوجعك ..

بمجرد .. ما يحصل حدث يدخل قلبك .. أيا كان هو ايه .. هتتمسح الذكرى دي من حياتك تماما ..

الشكر لله ..

Liked by: иαyяσz" Amira A Hussein Aya Elabady

+1 answer in: “محتاجه نصيحة علشان اتعافى من علاقة انتهت..على الرغم ان فات وقت كتير بس حاسه اني مقدرتش انسى تماما”

شرحت الموقف لحضرتك مش عارفه وصل ولا لا

June 22, 2020

عذرا جدا .. كنت فاكر انك هتكملي ..
بس أنا كنت عايز اعرف برضه .. جرحك عمل ايه يعني .. علشان ده متوقف عليه سؤال تاني .. ؟!

وعموما هتكلم بكل بساطة خالص .. أنتِ زي ماقولتي .. الصداقة بين الولد والبنت حرام ..
بناءا على الكلام ده " الصداقة حرام " ..ليه .. ؟!

لأن اولا ديننا حرم علينا الصداقة دي .. ليه برضه . ؟!

لأن ولد يتكلم مع ولد .. غير ولد يتكلم مع بنت كصداقة ..
ليه .. ؟!
لاننا زي المغناطيس .. لو قربنا من بعض بيحصل تجاذب ..
كل ما نقرب اووي التجاذب ده بيزيد اوي.. حتى لو كانت العلاقة .. في حدود الصداقة ..

علشان كدا .. بيضطر حد يبعد ..علشان العلاقة .. ماتتعداش مرحلة الصداقة.. " ال هي في واقع الأمر مش صداقة " ..
الشخص ال بيعي الاول .. أو بيدرك .. خطر الصداقة دي .. هو ال بيبعد الاول ..

مافيش حاجة اسمها صداقة بين ولد وبنت للمرة التانية .. ليه .. ؟!

لان الاصدقاء ماينفعش يتجوزا بعض ..
انا ماينفعش اتجوز محمد صديقي .. ولا أنتِ ينفع تتجوزي سارة صديقتكِ ..

انما الشخص ال كنتي تعرفيه .. أنتِ ينفع تتجوزيه ..
طالما ينفع تتجوزيه .. يبقى انتم مش اصدقاء ..

انتم غرباء ..

وطالما شخص "غريب" عنك .. هو ال جرحك يبقى ماتزعليش لأنه شخص مش في قاموسك اصلا .. ولا حتى هيبقى..
أنتِ تزعلي لو واحدة زيك من نفس نوعك .. معاملتها اتغيرت معاكِ ..

انما أنتِ تزعلي ليه .. ؟!
بتزعلي علشان ربنا نجاكِ من الحاجة ال كانت هتبقى سبب في تعاستك في يوم من الايام .. بالعكس أنتِ تفرحي وتسعدي .. أن العلاقة دي انتهت .. بكل تفاصيلها ..

بلاش الموضوع ده يتكرر تاني ..

Liked by: Esraa Safaa mayada أحمـد سعيـد

+2 answers in: “ازاى تقدر تنسى صديق تغير عنك فى يوم من الايام ؟”

تغير وسبب الكثير من الجروح

June 21, 2020

طيب ممكن اعرف هو جرحك ازاي .. ؟!

+2 answers in: “ازاى تقدر تنسى صديق تغير عنك فى يوم من الايام ؟”

رأيك ايه في التهرب من الحب بحجة الظروف ؟

June 21, 2020

التهرب من الحب .. ال هو اتنين بيحبوا بعض بدون رباط شرعي بينهم ..

ماشي ..

اولا الحب مش كل حاجة وأي حاجة في الدنيا ..
احيانا فعلا الظروف بتكون عائق كبير ..

ياريت نفهم ده .. وننسى الافلام الرومانسية .. ال احنا عايشين فيها ..

هو ليه اصلا .. فيه احكام وشروط .. للزواج .. " ما دي الظروف بالمناسبة " ..

عايزين نفهم .. ان الانسان مسئول من ولي أمر .. مسئول من أسرة ..
يعني فيه شرع .. وبعد الشرع فيه حاجة اسمها اعراف .. تقاليد .. بتتواجد في المقام الأول .. مش الحب ..

ازاى تقدر تنسى صديق تغير عنك فى يوم من الايام ؟

June 21, 2020

علشان تغير عنك .. تنساه .. ؟!

+2 answers Read more

متي تتوقف عن المحاولة؟

June 21, 2020

عند فقدان الشغف .. ⁦:0⁩

ولكن حمدا لله .. والدي علمنا اننا نحاول مرة واتنين .. وعشرة .. ودي اكتر حاجة أنا اتعلمتها منه ..

وبعدين هو فيه اجمل من المحاولات .. لذة الوصول .. في صعوبة الوصول .. في صعوبة الرحلة نفسها ..

Liked by: mayada

لكن تعديدها لطاعتها يعتبر مدخل من مداخل الشيطان كمان غ.س

June 21, 2020

الكلام ال بتقوله صح .. لو هي قالت " دا بسم الله ما شاء الله عليا .. أنا بعمل كذا .. وكذا .. وكذا .. وخمسة في عين العدو " ..

لو مش كانت قالت ده .. انا كنت هقولها .. حاسة بعدم القبول .. يبقى أنتِ فيه تقصير في الطاعة .. حافظي على وردك اليومي .. اعملي كذا .. وكذا .. وكذا ..
هي قالت كدا .. عشان توضح بس .. انها بتؤدي الطاعة ال عليها وفي نفس الوقت .. حاسه بعدم القبول ..

وبكل تأكيد .. الإنسان مهما فعل .. هيفضل مقصر .. الرسول صلى الله عليه وسلم .. خاتم الانبياء والمرسلين .. رسول الأمة .. النذير المبين .. ومع ذلك كان بيستغفر في اليوم أكثر من 70 مرة .. كان بيقيم الليل حتى .. تتورم قدماه ..

فربنا يغفر ذنوبنا جميعا ...

+1 answer in: “أنا عملت ذنب كبير جدااا من سنتين وتوبت واستغفرت ، طول السنتين دول بتوب وبستغفر والحمد لله انا محافظة على الفروض والسنن وصيام النوافل وحافظة القرآن الكريم وليا ورد يومي محافظة عليه لكن في إحساس في قلبي بعدم القبول،ممكن فعلا أكون مش مقبولة؟”

كيف ابوحُ بما في صدري وهو أبٍ عن ذلك ؟يتألم بشده من فرط تقصيرة مع خالقه أخاف دومًا من موت فجئةٍ يأتيني في غقلتي أخافُ أن القهُ بذنبٍ لم يُغفر بعد بذنوبٍ قد تعدت الجِبال انتكستُ وأشعر بفتورٍ هائلٍ في عباداتِ يُحبني الجميع ويظهرون ذلك لي ويطلبوني مني بأن ادعوا لهم وأنا أخجل حقًا من هذا ماذا عساي افعل؟

June 21, 2020

التشكيل والفصحى لفتت انتباهي ودي حاجة كويسة .. بس فيه شوية اخطاء ..

كل حاجة يا غالي في إيدك .. انت ال عارف مدى تقصيرك .. وعارف انت مقصر ليه ..

حاول تكف تماما عن ال أنت بتعمله .. وتجتهد في عبادتك ..

لو عندك اتنين صحاب واحد عنده حالة وفاة والتانى عنده مناسبه والمفروض انكو كلكوا بتتجمعوا فكل حاجة فانت قولت للى عنده مناسبه انك مش هتروح علشان صاحبك التانى ميزعلش فهل دا صح ولا غلط ؟ المشكله بقى اللى عنده مناسبه دا زعل المفروض كنت أعمل ايه !!

June 21, 2020

لو كان في نفس اليوم يبقى تمام .. انت عملت الصح ..
بس لو في أيام مختلفة .. كنت قضيت الواجب في الاتنين ..
روحت لده .. ورحت لده ..

حصل ال حصل .. وأنت ماغلطتش ..
صاحبك بتاع المناسبة .. المفروض يبقى متفهم الموقف يعني ..
بما أنه زعل اجبر خاطره بكلمتين ..

محتاجه نصيحة علشان اتعافى من علاقة انتهت..على الرغم ان فات وقت كتير بس حاسه اني مقدرتش انسى تماما

June 21, 2020

أنا عارف ان الموضوع صعب ..
ومتفهم ال أنتِ فيه ده كويس .. اوي .. اوي .. اوي ..
بس صدقيني .. انتِ في إيدك تتخلصي من الذكرى دي تماما .. مش هقولك بسهوله .. بس تقدري تتخلصي منها ..

عارف إن علاقات الحب .. بعد الانفصال بيكون فيها .. الم .. جسدي ونفسي .. بتفكري فيه كتير .. بيعمل ايه .. بيكلم مين ..الخ ..
العقل وقتها بيكون في مرحلة حرب .. ناس عندنا انتحرت بسبب موضوع الحب ده .. فالموضوع مش سهل انك تتخلصي منه .. بس سهل جدا .. اذا كنتي فعلا عايزة تتخلصي منها ..

لازم .. تقفلي .. أو تحذفي .. اي ابلكيشن من بتوع السوشيال ال ممكن تفكرك .. بيه ..

الاحتياج العاطفي .. علشان اتخلص منه .. لازم اشبعه عاطفة .. هنشبعه عاطفة .. بحاجة احنا بنحبها .. هواية .. شغل .. نشغل نفسنا بحاجة مفيدة .. ونجتهد فيها على اد مانقدر .. علشان نحبها .

لما تفتكري حاجة .. ماتقعديش عندها كتير .. لازم تعرفي أنه ذنب أنتِ عملتيه .. وعلشان ربنا يقبل توبتك .. تندمي عليه .. وتنسيه ..

الحاجة الأهم بقى .. انك تعلقي قلبك بربنا .. طاعتك يبقى فيه خشوع ..في اي حاجة .. سواء الصلاة الاذكار .. النوافل .. وردك اليومي ..

معلش طولت عليكي .. آخر حاجة .. الشخص ال كنتي على علاقة بيه مع احترامي ليه .. مش الفارس ال هاييجي على حصانه علشان ياخدك قصر الملك .. لأ .. مش هو الشخص ال فعلا تزعلي علشانه .. لأنه خان اهلك لما كلمك من وراهم ..

حاولي على قد ما تقدري .. تشغلي نفسك بحاجة مفيدة .. حاجة تنفعك في الوقت الراهن .. وتنفغك في الآخرة .. وسيبي كل حاجة لوقتها بلاش تستعجلي .. هايجيلك ال احسن منه ..

علشان ماتظلميش نفسك .. ولا تظلمي حد غيرك .. وعلشان ربنا يقبل توبتك .. لازم تجتهدي انك تنسي ..

+1 answer Read more

وقفت تبعت قيام الليل ليه؟

June 21, 2020

اكيد متابع قديم ..

الاسك فيه ناس كتير بتبعت تذكير اليومين دول .. ربنا يبارك فيهم ..

عارف إن مافيش حد في قدراتي طبعا ..أنا غني عن التعريف .. ⁦;)⁩

بس حقيقي .. الاسك فيه ناس بتبعت تذكير كتير ..

ثانيا ..والأهم .. التذكير عايز روح شوية .. لاني مش بعرف ابعت .. واقول " قيام الليل " فقط .. لازم اكتب حاجة محفزة شوية .. علشان الناس تقوم .. غير اني مشغول .. ومش بفتح الاسك كتير ..

ربنا يسهل الفترة الجاية .

Liked by: أحمـد سعيـد

معقول انت طالب 🤔🤔وبتكتب كلام كبير اوي

June 21, 2020

هههههههه .. المشكلة إني طالب .. !!
معظم الكلام ال هنا من مذاكرة خفيفة قبل ما اكتبه ..
مش من وحي خيال الكاتب .. " حتى لا تنخدع " ..

Liked by: أحمـد سعيـد

أنا عملت ذنب كبير جدااا من سنتين وتوبت واستغفرت ، طول السنتين دول بتوب وبستغفر والحمد لله انا محافظة على الفروض والسنن وصيام النوافل وحافظة القرآن الكريم وليا ورد يومي محافظة عليه لكن في إحساس في قلبي بعدم القبول،ممكن فعلا أكون مش مقبولة؟

June 18, 2020

الاول كدا .. ما شاء الله اللهم بارك .. ربنا يوفقك ..

لا مش ممكن فعلا تكوني مش مقبولة ..

تعالي نتخيل مع بعض كدا .. ان ربنا وفقك انك " تتوبي .. وتستغفري .. طوال السنتين دول ..
وبعدين ربنا وفقك تاني .. انك " تحافظي على الفروض .. والسنن وصيام النوافل .. حافظة لكتاب الله .. وعندك ورد يومي ..أنتِ محافظة عليه " ..

بعد ده كله .. متخيلة انك ماتكونيش مقبولة ..

يعني اذا اردت ان تعرف مقامك عند الله .. فانظر فيما اقامك ..

والحمدلله .. احسبكِ على درجة عالية من الطاعة ..

لو مكنتيش فعلا مقبولة .. مكنش زمانك بتعملي حاجة واحدة من ال أنتِ بتعمليه ..

ثانيا .. للشيطان مداخل لا تعد ولا تحصى.. ممكن يشكك في طاعتك وقربك من ربنا .. علشان تيأسي .. وبعد اليأس هيكون فيه تهاون في العبادة ..وممكن يصل لانعدام العبادة .. عفانا الله وإياكم ..

فيه بقى حاجة مهمة .. ربنا سبحانه وتعالى .. يقول على لسان رسوله الكريم .. صلى الله عليه وسلم ...
" أنا عند ظن عبدي بي .. وأنا معه إذا ذكرني ..إلى اخر الحديث "
لازم تكوني على يقين أن ربنا سبحانه وتعالى .. قبل توبتك .. وانه هيفضل يقبل توبتك مهما عملتي من ذنوب ..
ربنا قال كدا .. يا ابن آدم إنك ما دعوتني ورجوتني غفرت لك على ما كان فيك ولا أبالي .. يا ابن آدم لو بلغت ذنوبك عنان السماء ثم استغفرتني غفرت لك ولا أبالي.. يا ابن آدم إنك لو أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفرة ..

مهما حصل .. ومهما عملتي من ذنوب .. اوعي تأخري توبتك ..

Liked by: Rania Esraa Safaa

+1 answer Read more

أنا ارتبط بقريبي حصل مشاكل ومكملناش وبعد سنين اتخطبت لواحد تآني بعدها أنا سيبت خطيبي حصل مشاكل كتير بينا وسبنا بعض قبل الفرح بعدها أنا اتعرفت ع واحد وبقينا صحاب بس كان ف إعجاب وماحدش فينا قال للتاني وف نفس الوقت قريبي رجع يكلمني بس إنا مارجعتلوش وفجاه حد ادخل ورجعت لخطيبي و اتجوزنا و أنا حاسه بالذب

June 17, 2020

لأ ماتحسيش بالذنب .. كل هذه وساوس .. من الشيطان .. هو يريد أن يبعدكِ عن زوجك ..

ما مضى .. مضى وانتهى ..

الندم نفسه ع ال عملتيه يعتبر توبة ..
وربنا بيقول .. "قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعًا إنه هو الغفور الرحيم"

حاولي تنسي ال حصل .. مش تنسيه تمحيه نهائيا من حياتك .. كانت فترة وانتهت ..

ممكن بقى تستفادي .. من الموقف ده .. بطريقة تانية.. انك تحفظي زوجك .. وترعيه ..وتؤديين حقه على أكمل وجه ..

داومي على الاستغفار .. والدعاء .. إذا الأمر اشتد عليكِ ..

نحن في اليوم .. والمستقبل لن يعود ..

Liked by: e m a n Hager osama

المهندس أيمن عبدالرحيم . دورة إعادة تأسيس وعى المسلم المعاصر باين .

June 17, 2020

أني أحبه في الله .. هو من الشخصيات الجميلة .. ال تدخل القلب بسرعة ..

تقريبا ايوه ..

+1 answer in: “Say something 🧚”

الاية اسمها "لقد خلقنا الانسان في كبد' انت مزود واو في الاول .. عدل الاجابه تاني عشان متاخدش ذنب

June 17, 2020

عذرا على هذا السهو ..
لاحظتها برضه من إجابة حد ..

جميل .. فيه ناس بتقرأ لاخر حرف ..

الاية اسمها لقد خلقنا الانسان في كبد انت مزود واو في الاول عدل الاجابه تاني

Liked by: المـَقصَد..♥️✨! akrammostafa هبة Ahmed ABKreno رقية عبداللطيف Esraa Safaa

+2 answers in: “الاستسلام لمعصية ما يمكن أن أشبهها بحبي لفتاة.. أو " فكرة " ما تسيطر على عقلي .. ومن ثم الهروب منها بواسطة الانتحار .. وذلك إذا أخفقت في التوبة .. أو لم استطع التخلص من التفكير فيها .. اهذا يعقل يا محمد .. ؟!”

الاستسلام لمعصية ما يمكن أن أشبهها بحبي لفتاة.. أو " فكرة " ما تسيطر على عقلي .. ومن ثم الهروب منها بواسطة الانتحار .. وذلك إذا أخفقت في التوبة .. أو لم استطع التخلص من التفكير فيها .. اهذا يعقل يا محمد .. ؟!

Ehab .. ^⁠_⁠^

June 17, 2020

أعلم أنكِ تعلمين أني أحبك .. ولكنكِ لا تعرفين قيد قلبي..قيد حياتي..أنا مقيد بكِ لا أقوى الحراك..لا أقوى التفكير..أصبحت لا أقوى أي شيء يحتاج لطاقة..عقلي مشتت..قلبي منفطر..في صراع بين التوبة والعودة إلى ربي وبين الاستمرار في هذا..أريد الإبتعاد عنكِ لحبي لكِ..وليس كما تعتقدين فأنا أحبك عزيزتي ولكن أريدك في طاعة الله..لا أريدك في معصيته.

الصراع إذا ما اشتد علي..ألجأ إلى أفكار معقدة..تأخذني بعيدًا عن الدنيا وما فيها..ألجأ إلى التفكير في الإبتعاد عن الدنيا لعلي احصل على الراحة من فرط التفكير في هذا .

الإنتحار من الدنيا وما فيها شيء جميل في ظاهر الامر
مخيف في باطنه..الشيء الجميل أنك سوف تتخلص من كل مشاق الحياة..من تلك النفس البشعة..سوف تريح بدنك وعقلك..ولكن في باطن الأمر هو شيء مخيف.. فأنت ستقتل نفس خلقها الله..أنت لا شأن لك فيها.. ستحرمها من الحياة..سوف تُحرم من الجنة وما وفيها .

الاستمرار في هذا التفكير يبيح فكرة الإنتحار والفكرة إذا ما اشتدت عليك..اخذتك إلى فعلها .

الاستمرار في الزلات أو المعاصي..شيء قبيح للغاية.. شيء سيهوي بك إلى النار.. وليست المعاصي فقط.. ولكن الخوف من المستقبل ايضًا يمكن أن يفعل أكثر من ذلك وهذا لايمانك الضعيف بالله.

الإلحاد .. هروب من قيد الشهوات إلى تحررها.. فإذا ما ذهبت اللذة وذهبت الشهوة.. يصبح العقل في صراع بين التوبة وبين الكبر.. فإذا بعد عن التوبة.. يلجأ إلى الإنتحار.. وهذا كان مصير الكثير من الملحدين.

تلك الأفكار السيئة هي ادعى ان تأتيك في مثل هذا الوقت عن دونه.. لذلك لا تسلم لها..

الله سبحانه وتعالى يقول " ولقد خلقنا الإنسان في كبد " ..اي في شدة وعناء .. فهو يكابد مصائب الدنيا وشدائد الآخرة .. والأمور ليست بالأمر الهين اليسير ..من ضمن هذه المصائب هو اصرارك على معصية الخالق .. خوفك من الغد بكل ما فيه ..
ولكنه عز وجل قال ايضا .. " فإن مع العسر يسرا إن مع العسر يسرا " .. في كل امر شاق .. يوجد أمر يسير .. هين سينجيك منه ..
فصبرا جميلا ما اقرب الفرجا .. مثلما قالها الشافعي من قبل..

اذا .. انت تستطيع أن تتركها ولو اشتدت بك إلى أسوأ احوالها ..ولكن عليك بالمجاهدة .. فقط المجاهدة .. والله عز وجل سيعينك عليها .. ولكن اصدق ..ثم اصدق .. ثم اصدق في طلب التوبة ..

أنت اقوى من فكرة ما .. يمكنها أن تسيطر عليك .. اقوى بكثير مما تعتقد ..

الاستسلام لمعصية ما يمكن أن أشبهها بحبي لفتاة أو فكرة ما تسيطر على عقلي
ومن

Liked by: هاجر محمد وليد فتحي موسى المـَقصَد..♥️✨! akrammostafa هبة Ahmed ABKreno تَرْتِيلُ رُوح أفــنــان e m a n khaled mohamed

+2 answers Read more

يارب كُل ما دعيته لك سراً وجهراً اكتبه لي واقعاً يفرح به قلبي

June 16, 2020

اللهم آمين ..

بس مش شرط يكون ال أنت بتتمناه أو بتدعي أنه يتحقق .. يكون هو فرحة قلبك .. احيانا بنكون شايفينها غلط ..

ادعي أنه يتحقق .. بس لو ماتحققش .. تكون مقتنع ان ده الخير ليك ..

ربنا يفرح قلبك ..💙

Liked by: رَوان أنور Basma Abdullah ✈ ᗩbDυℓℓαн ᗩℓ ᗩsнᖇy ✈

_🔥🌏

إيمان♥️

June 15, 2020

3.58 a.m.

الليل في هدوئه لم يتغير .. ولكن نسيم الفجر ليس كسابق عهده ..

اللهم ازل عنا هذا البلاء .. وارفع الغمة .. واشفِ مرضانا .

Liked by: Basma Abdullah مي أحمـد سعيـد هُيام. عَابِرَة سَبِيْل م ر و ة ⚘

Space 🍻❤️..

إيمان♥️

June 02, 2020

قال رسول الله ﷺ: ..
(دعوةُ ذي النُّونِ إذ دعا وهو في بطنِ الحوتِ "لا إلهَ إلَّا أنتَ سبحانَك إنِّي كنتُ من الظالمينَ" فإنَّه لم يدعُ بها رجلٌ مسلمٌ في شيءٍ قطُّ إلَّا استجاب اللهُ له).

Liked by: رقية عبداللطيف Basma Abdullah أحمـد سعيـد