@mohamed13382

Ehab .. ^⁠_⁠^

Ask me anything Follow
Ask @mohamed13382

Sort by:

LatestTop

Previous

خليهم عايشين في الدوامه لحد ما هتبلعهم كلهم بإذن الله...صحيح هنبقي معاهم..لكن دايمًا السيئه بتعم..والكل لازم يدوق من كاس الظلم والذل علشان يحسوا باللي ماتوا واللي اعقتلوا واللي اتحرقوا وكل اللي اتعرض للظلم بدون وجه حق..أينما تكونوا يولي عليكم..منستاهلش حد كويس يحكمنا حقيقي...🌾

ان الله لا يغير ما بقوم حتى يغيروا ما بأنفسهم...
احنا دائما بنسعى ..لتغيير العالم ....وطلب الرفاهية ..والزهد ..قبل ما نعمل ال علينا ..ونحاسب نفسنا ..
هل احنا نستاهل ده ؟؟
معظم ..الشباب تفكيرهم في "الكراش"
الاسك ..اتقلب بقى صفحات ايباحية قذرة....
البنات بتشير صورها.....عادي خالص ..
الله المستعان......💔💔💔💔💔
1
Liked by: Fatima
+5 answers in: “وَالْمُسْتَغْفِرِينَ بِالأَسْحَارِ. 🌸 استغفر بـ لسانك مش مجرد العين :)) متنسوش تدعوا لـ دكتور مرسي ،،والدعاء على الضلمة :"”

الدكتور مرسي مات بسبب سم بطئ المفعول...واشتكي قبل كده وقال انهم كانوا بيحطوله انسولين في الأكل وانه شم ريحة الأنسولين ...دا غير انهم مانعين اي علاج يدخله..ولما حصله شلل في دراعه ورجله وكان محتاج علاج طبيعي رفضوا وبنته طلعت وقالت كده...الناس اللي زي دول خساره الرد عليهم..حسبنا الله ..الله المنتقم..🌾

ما انا مينفعش اناقشه في حاجة ...الإعلام المصري خاافيها...
لأ ....انا ناقشته بال الإعلام بتاعه قاله ....
هو بقى عايز .....يفضل عايش في الدوامة دي كتير هو حر ....
+5 answers in: “وَالْمُسْتَغْفِرِينَ بِالأَسْحَارِ. 🌸 استغفر بـ لسانك مش مجرد العين :)) متنسوش تدعوا لـ دكتور مرسي ،،والدعاء على الضلمة :"”

Related users

hager572’s Profile Photo هاجر محمد
EwdnyGanByTeesh685’s Profile Photo سارة محمد
L00oka’s Profile Photo $العفريته الملآك..! $

ماشي بس الكلام يتقال على دليل من القران والسنه توفاه الله في حاله منه حتى نحسبه منهم😌😌

انا مش فاهم اوي انت بتقول ايه......
بس عموما ...لما واحد تعبان بيناشد القضاه يوميا ...واثناء المحاكمة برضه...في كل محاكمة بيناشد ..((السكر عندي واااطي)) الاكل ال بيجيله .....مكنش ينفع لمريض سكر ...أو قلب ...اوضغط...
هو انا اروح ...اقتل واحد ببطئ واقول ..ده مات موتة طبيعية ...
هو انا اجي اقطع من جسمك....جزء كل يوم ...ومن كتر الآلم تموت ...يبقى انت كده موت موتة طبيعية ...؟؟؟
هو الانسان ال بيضر نفسه...وبيشرب سجاير ...ده وبوظ رئته ...واتحجز في المستشفى بسبب ده ...ينفع يقول ..ده أمر ربنا ..وربنا عايز كده....
هو انت متذاكرش طول السنة ..وتفشل ...وتقول لعله خير.. ده ربنا عايز كده.......
تعرف بقول ده كله ليه....علشان متقوليش ..ده موتة طبيعية ..لا يااحبيبي ..ده مات ..بسبب نوبة قلبية حادة ..من ال كان بيشوفه كل يوم ...
وبالنسبة ..للحالة....ال جعلتني اقول هو شهيد ...
لما يسجن علشان حاجة معملهاش ..ميبقاش ظلم...
لما يسجن علشان بيدافع عن دينه ..ميبقاش ظلم ....
لما الشعب يثور ضدده علشان لغى المواقع الاباحية ...وعمل رقابة على الافلام...و حااسب الممثلين ..ال اهانوا..الدين الاسلامي ...في معظم أفلامهم ..ميبقاش ظلم...
عايز الحالة ..ال جعلتني اقول كده ..؟؟؟
من قتل دون ""ماله"" فهو شهيد ومن قتل دون ""دمه"" فهو شهيد ومن قتل دون ""دينه"" فهو شهيد..)

View more

+5 answers in: “وَالْمُسْتَغْفِرِينَ بِالأَسْحَارِ. 🌸 استغفر بـ لسانك مش مجرد العين :)) متنسوش تدعوا لـ دكتور مرسي ،،والدعاء على الضلمة :"”

في نظام سالي فؤاد يا انون ده ناس كتيره خست عليه وكمان مفقدش حاجه من المواد الغذائيه المهمه لبناء الجسم شوف فيديو العشر نصايح او السبعه لسالي فؤاد يوتيوب😅☺

مش عارف هيشوفها ولا لأ......
وبعدين اسمه.."أن نون "
او تقول unknown... اشيك يعني ..😒😒
1
Liked by: khaled
+2 answers in: “خسيتوا ازاي؟؟؟؟”

شهداء معلش ازاي حضرتك🙄🙄

انا وضحت النقطة دي قبل كده ومسحت السؤال....
ياريتني ما مسحته...😌😌
انا بقول .."نحسبه من الشهداء ..""
ثانيا ...نحن نقول ما نريد ..والله سيفعل ما يريد ...فهو من له الكلمة الأولى والاخيرة
في حسابه.....وليس نحن..
+5 answers in: “وَالْمُسْتَغْفِرِينَ بِالأَسْحَارِ. 🌸 استغفر بـ لسانك مش مجرد العين :)) متنسوش تدعوا لـ دكتور مرسي ،،والدعاء على الضلمة :"”

خسيتوا ازاي؟؟؟؟

عموما ...يعني علشان تخس لازم يبقى عندك إرادة قوية .....😬
وبصراحة الإرادة ..بتبقى اصعب حاجة في الموضوع ..
اخويا جرب نظامين ...واحد خسسه بسرعة ...وده كان رجيم قاسي مقسم ..على تسع ايام لمدة شهر واحد ...
(((اول تلت ايام ..زبداي فقط..كل ما تجوع تاكل واحدة...
تاني تلت ايام ..سلطات ..وخضار فقط...
آخر ثلاثة أيام...مشويات فقط...)))
الرجيم ده خسسه جامد...بس ارهقه جام...لانه ""غير صحي"" طبعا....
الرجيم التاني ...
مش بياكل نشويات ..وزيوت إطلاقا..وبيقلل من السكريات..خالص ..
وليه يوم فري في الاسبوه ..
ان شاء...تخس..وتوصل للوزن ال انت عايزه ..😅
1
Liked by: YOUNIS
+2 answers Read more

مش المفروض ان سيدنا يعقوب فقد بصره من كثرة البكاء علي سيدنا يوسف مش اخوه الصغير؟

سؤالك جميل ....
سيدنا يعقوب ..سُئِل من قبل ..ما الذي اذهب بصرك..فقال حزنه على سيدنا يوسف..وما قوس ظهرك..فقال حزنه على ابنه بنيامين....🌿🍃
طيب العلماء اختلفوا في نقطة ذهاب بصره...
منهم من قال انه ضعف..ومنهم من قال أنه ذهب اطلاقا...(عمي)
بمعنى.....؟؟؟؟
ان من كثرة بكائه..على سيدنا يوسف ..بدأ نظره يضعف ....ويضعف...كثرة البكاء وكثرة الحزن تزيد من المياه البيضاء...على العين ..😬
والمياه البيضاء..حاجة زي الغمامة كده على العين..وبالتالي نظره بدأ يضعف تدريجا...ومازال يضعف...إلى أن وصلنا ..الى اخيه الصغير...
(متنساش في الفترة دي نظره كان لسه بيضعف..)
..وخدي بالك كان هذا الاخ هو اخوه"شقيقه"
وكان أقربهم بعد سيدنا يوسف الى قلب يعقوب ...عليه السلام..
فالبتالي ..هيبكي أكثر ...ويحزن اكثر ....على حزن أبنه الاصغر.....فبالتالي..هيهلك بصره..تماما..
ونتيجة لكبر السن مع الحزن..الشديد ده..هيسببله آلم في ضهره..تقوس يعني...
____عايز تقول ايه 😌___
كلامك صح...السبب الرئيسي في فقدان بصره ..هو حزنه على سيدنا يوسف..بدرجة أكبر من حزنه على أخيه...بنيامين..
حزنه على أخيه...ما كان الا سبب في اكتمال العتمة البيضاء على عينيه...وبالتالي..هلاكها..
فهمت حاجة ...؟؟😅😅

View more

2
Liked by: YOUNIS

علمـوا أولادكـم أن الكـلام الطيـب لا يُكـلـف صاحبـه شيئـًا و لكـن قد ينقـذ أحدهـم مـن الحـزن .... علمـوهم أن يُحسـنوا القول قبـل أن يدعـوا إلـي الله و يعمـلوا صالحـا فواللـه ما أجمل عمـلًا صالحا من جبـر الخواطـر .. وقـولوا للناس حُسنًا

Eng_ahmedsaeed’s Profile Photoأحمـد سعيـد
وقولوا للناس حسنا....💙💙
3
Liked by: omnia osama Muhammad Abdulraouf
+3 answers in: “" مساحة " تشبهك 🌈❤”

مش شرط أن حد رد علي كلام حلو بايموشن يبقي هو كدة بارد ممكن يكون مبيعرفش يرد علي الكلام الحلو مش عارف يوصل اللي جواه كدة يعني

كل واحد ...فينا عنده القدرة أنه يقول كلمة ...حلوة ..
متكونش بتعرف تكتب...خواطر جميلة ..ومش عارف ترد بكلمة طيبة 🍃
5
Liked by: Qusai Adel khaled
+3 answers in: “" مساحة " تشبهك 🌈❤”

❤❤❤🌈🌈🌈

abraraswa456875’s Profile PhotoAbrar مقدسية الهوى
ده طبعا غير أن الكلمة الطيبة صدقة ...مثلما قال الرسول ..🌿🍃
لا ومش بس كده...!؟؟ 😬
ده ربك عز وجل بيقول ...ايه ..؟؟
أَلَمْ تَرَ‌ كَيْفَ ضَرَ‌بَ اللَّـهُ مَثَلًا كَلِمَةً طَيِّبَةً كَشَجَرَ‌ةٍ طَيِّبَةٍ أَصْلُهَا ثَابِتٌ وَفَرْ‌عُهَا فِي السَّمَاءِ . تُؤْتِي أُكُلَهَا كُلَّ حِينٍ بِإِذْنِ رَ‌بِّهَا ۗ وَيَضْرِ‌بُ اللَّـهُ الْأَمْثَالَ لِلنَّاسِ لَعَلَّهُمْ يَتَذَكَّرُ‌ونَ . وَمَثَلُ كَلِمَةٍ خَبِيثَةٍ كَشَجَرَ‌ةٍ خَبِيثَةٍ اجْتُثَّتْ مِن فَوْقِ الْأَرْ‌ضِ مَا لَهَا مِن قَرَ‌ارٍ ....
التمثيل واضح جدا....😬😅
وقولوا للناس حسنا...🍃🌿💙
5
Liked by: Abrar مقدسية الهوى Marwa Elgazar GeDoO'S ツ Muhammad Abdulraouf YOUNIS
+3 answers in: “" مساحة " تشبهك 🌈❤”

" مساحة " تشبهك 🌈❤

abraraswa456875’s Profile PhotoAbrar مقدسية الهوى
ليس من المروءة ومن غير المحبَّب الردُّ على من بعث إليك برسالةٍ مطوّلة أرادك لها وكلمةٍ مسهبة خصّك بها، بردٍّ قصير مبتور فاتر، أو (رمز تعبيري) بارد خاوٍ من المعنى خالٍ من المشاعر، فإن في ذلك كسرًا للنفوس وحطْمًا للخواطر، وهو مجلبةٌ لسيّئ الظنون، ومدعاةٌ إلى الإعراض عنك والزهد بك
#اقتباس
#جبر الخواطر....
” من سار بين الناس جابراً للخواطر ، أدركه الله في جوف المخاطر” ..🍃🌿💙
4
1
Liked by: Aya Elabady أحمـد سعيـد Abrar مقدسية الهوى Hakeem
+3 answers Read more

ارجوكوا ادعوا لاخي ربنا يوفقه ويشرح صدره وقلبه ويعرف يجتهد ويذاكر عنده امتحان ثانويه عامه وهو شاطر بس مش عارف يذاكر خاالص كل ما يمسك الكتاب ينام ؟؟ الله يكرمكوا ي جماعه ادعوله او صلوله قضاء حاجه ارجوكوا

إحدى علامات الحسد دي على فكرة ...😬
شوف ....خليه يقرا دايما المعوذتين..وسورة الاخلاص ..كتير...
شغل الرقية الشرعية.....في بيتكم ..
اقعد ذاكر معاه ...وشجعه ..وطمنه..وخليه يلعب رياضة شوية ...وهي هتساعد على زيادة نشاطه ..ان شاء الله🌿🍃
هاادعيله على الفطار النهارده ...💙
+1 answer Read more

اكتر حاجه نفسك فيها ...🧚

sara_ashraf25’s Profile Photo⁦Sarah
اختم القرآن مثلا ....🤔
ولا اختم القرآن مثلا ...🤔
اقرؤوا القرآن ، فإنه يأتي يوم القيامة شفيعًا لأصحابه ، اقرؤوا الزَّهراوَينِ البقرة وسورة آل عمران....💙
هيشفع ليك...ولبعض من احبابك...
وكمان ياااعم
هتكون ماشي يوم القيامة كده بتتمخطر ..
علشان فيه غمامة ..ماشية معاك ..بتقيك من حرارة الشمس ....
ومش عايز اقولك...ان الشمس هتبقى فوق رؤوسنا مباشرة يعني ...😬😬
اللهم اجعلنا من حفظة كتابك الكريم ....عاملين به ..ومعلمين لما فيه ..💙💙
1
5
Liked by: أحمـد سعيـد

علفكره يا انون توضيح بسيط تعدد الزواج ليه شروط مش سايبه هيا ربنا مهيظلمش النساء علشان هما يتمزجوا بلانيله تخدهم وتريح المجتمع☺

😂😂😂😂😂😂😂😂😂😂😂
صلي ع النبي الاول ...
ده الرسول بيقولك ..
استوصوا بالنساء خيراً، فإن المرأة خلقت من ضِلَع، وإن أعوج شيء في الضِّلَع أعلاه، فإن ذهبتَ تقيمه كسرته، وإن تركته لم يزل أعوج، فاستوصوا بالنساء.....😅💙💙
وبعدين المجتمع مش هيرتاح صدقني ..لو اختفوا...🍃🌿
1
Liked by: YOUNIS
+5 answers in: “في واحد قريب كان كاتب ان الشرع محلل ٤ عشان الرجل ممكن يحب اكتر من واحدة في نفس الوقت عادي وان دي قدرات وقال حاجات كتير عشان يثبت وجهة نظره بس انا اتقفلت منه، السؤال هنا هو الكلام دة بجد ولا هو بيهبد؟”

وكم من عُبوسٍ زال بضحكة منكِ كما يزيل الماء الدنس ❤من الثوب

بغض النظر ..ان كان ده غزل مثلا..لحبيبة لك ..😅
الا أن الإسلام اصلا ..بيحسنا ..على الابتسام ..والسعادة ..والتفائل ..🙄
الرسول بيقولك ايه... 🤔
((تبسُّمك في وجه أخيك لك صدقة)) يعني مجرد ابتسامتك في وجه اخيك ..صدقة ..🌿🍃💙
_____بس مش معنى كده___
اني اروح لحد معجب بيها...وافضل مبتسم ليها ..ساعة ولا ساعتين ..وفي كل خطوة مثلا ..
وتقولي في الاخر ...ان دي صدقة ...😅
لا ياااحبيبي ...هي صدقة فعلا بس من نوع تاني...😓😓
نوع وحش مش هتستحمله ..😅
2
Liked by: YOUNIS khaled

I think it is much right to stay away as Getting closer is in vain, but u re still part of my soul whatever happens ❤❤

ايه الشاوت ..الراقي ده...؟؟! 😅
هكون اي جزء..في روحك بقي 🤔
وهل الروح ..مقسمة لاجزاء فعلا..؟؟ 🤔
I think it is much right to stay away as Getting closer is in vain but u re
3
Liked by: YOUNIS Aya Elabady khaled

ده الجزء الاخير من تلخيص قصة يوسف الصديق...ادخل ع الكيو ال قبله..وخلص قراءة ..براحتك...وبعدين اقرأ الجزء الاخير...ده.. وآسف ع الإطالة بجد...😅🍃🌿

mohamed13382’s Profile PhotoEhab .. ^⁠_⁠^
المشهد الاخير..
ترك له عزيز مصر اختيار المنصب ..الذي يراه مناسبا له....ولذلك اختار سيدنا يوسف إدراة اقتصاد مصر....واثبت سيدنا يوسف مدى ذكائه وبراعته في عمله ..حتى كلفه بوزارة مال الدولة والتحكم في أرض مصر كيفما يشاء ..وعثر على اخوته حينما جاءوا في تجارة الى مصر...فلم يعرفوه..وعرفهم فاطعمهم ..
واكرمهم ووفر لهم ما جاءوا لأجله..وطلب منهم انا يأتوا بااخيهم الصغير....ثم رجعوا إلى أبيهم وقصوا عليه ما حدث...فوافق على أن يأخذوا أخيهم بعدما اقسموا ..أن يحافظوا عليه....وحينها عادوا إلى يوسف ..ثم كاد لهم موقفا ما ..حتى يااخذ منهم أخاه الصغير..خوفا عليه منهم ....وعادوا إلى أبيهم..فحزن عزما شديدا على فقدان ابنه الصغير..حتى فقد بصره ..
ثم عادوا إلى يوسف ..ليقصوا عليه ما حدث..فاعطاهم قميصه ...ليضعوه على أبيهم..وحدث.. حتى رد إليه بصره مرة أخرى..
فرحل يعقوب وأهله جميعا....الى مصر حتى دخلوا على يوسف..فوجوده في مبلغ عظيم...
فدقت قلوبهم له لهيبته ووقاره....حتى انحنوا جميعا له ...
وهكذا تحققت تلك الرؤيا..
___اخر حاجة والله😅 ____
..هنستفاد ايه ....؟؟؟! 🤔
1_ منقولش كل النعم في حياتنا ..علشان الحسد ..
2_الايمان بالدعاء..وقدرته على فعل المعجزات..
3_ ان يعدل الاباء بين جميع الأبناء.....وتربيتهم على حب بعضهم البعض..
4_ الصبر مفتاح..الفرج.. أن تصبر وتعلم ..أن لكل حدث حكمة ....لا يعلمها الا ربك ....
5_عدم اتباع الشيطان ...مش لازم الشيطان... عدم اتباع النفس الامارة بالسوء...عدم اتباع الشر حينما تجد نفسك ستفعله ...
6_لا أحدَ يملكُ لأحدٍ خيراً ولا شرّاً، ولو اجتمع الإنس والجنّ إلا بأمر الله تعالى.‏...يعني ما كتبه الله لك سيحدث ...لا تقلق....اطمئن....
_______عذرا بجد____
طولت عليكم ..انا عارف...😅
والله انا مختصر جدا...وفيه احداث كتير ماقولتهاش ..
بس ده مختصر المختصر يعني ..😅
_____متنساش ____
تدعوا لمرضانا ..
ادعوا لاخوتنا في غزة ....لكل المظلومين في العالم...
انت تجلس على أريكتك...بجانبك كوب من النسكافيه أو الليمون وفوقك التكييف أو المروحة شغالة. ....ومش حاسس بغيرك ..احمد ربك ..على ما بك من نعم ..
مجرد جلوسك بدون أن تتالم نعمة ياصديقي....مجرد حديثك..وتناولك لطعامك...وقضاء حاجتك..
كل هذا ..هو من نعيم الله ..وانت ما زلت غافل...
وآخرين..يجلسون منتظرين.."الموت"
صلي على حبيبك ...🍃🌿💙

View more

23
37
Liked by: asknln hadeerezzaldeen(حبيبة الورد) Esraa Safaa Eman ALshahat ءاية عماد الدين ^_^ Shimo Sleem Ehab .. ^⁠_⁠^ israa Abrar مقدسية الهوى
+29 answers in: “سورة الفاتحة.. ليها أسماء كتير ، أم الكتاب ..علشان بتحوي مفهوم كتاب الله كله وسبب نزوله وهو التوحيد ،هي الشافية ،الكافية،العافية، وهي السبع المثاني. السورة دي مجرد قرائتها ليه فضل عظيم ،كما أنها شفاء من الأمراض،شفاء م السحر والمس والعين ،متنسوش انها سورة مدنية سميت كده علشان هي مفتاح كتاب الله🍃”

سورة يوسف..🍃🌿 مكية إلا ..أربع آيات..سميت هكذا لما تناولته من أحداث قصة يوسف عليه السلام ..سبب نزولها ..لتبين لرسول الله صلى الله عليه وسلم ما لاقاه سيدنا يوسف من محن..واهوال..منذ ولادته حتى مماته ..السورة بتتناول احداث قصة سيدنا يوسف بأكملها بشكل منفرد ..ذكر فيها ..اسم يوسف..25 مرة 💙 Last answer.

mohamed13382’s Profile PhotoEhab .. ^⁠_⁠^
قصة سيدنا يوسف ...في خمس دقائق...
خمسة كتير..؟؟!
طيب في دقيقتين..😏
طيب دقيقة واحدة...طيب.😭😏😞
هختصرها في عدة مشاهد
____قصة سيدنا يوسف عليه السلام__
المشهد الاول
بدأت مع اخوته ..وكانوا 11..وكان أجمل ما فيهم واقربهم الى أبيهم..ولذلك كانوا يغارون منه شديدا...حتى توصل إليهم الأمر..أنهم يقتلوه...أو يلقوه في بئر عميق ليظفروا بمكانته في قلب أبيهم..
في احدى الايام جاء يوسف لأبيه ..ليسرد عليه حلم رأى فيه الشمس والقمر وأحد عشر كوكبا ساجدين له..فحذره والده بألا يخبر أحدا ..من اخوته...
وعلى الضفة الأخرى...🤔
اخوته قرروا انهم يلقوه في بئر..وحدث بالفعل....
المشهد....الثاني...🤔
كانت فيه قافله تجارة ..عائدة الى عزيز مصر
وفي مسيرها ..مروا على البئر...وطبعا كانوا مرهقين من السفر...وحينما ذهبوا إليه ..وجدوا فيه هذا الغلام ..فرفعوه ..وعزموا على بيعه..
فاشتراه رجلا ذو مالا وجاه..وعاش في بيت عزيز مصر ...حتى فتنت به امرأة العزيز..وطلبت منه الفاحشة...ولكنه ابى ورفض ....وعندما علم العزيز بهذا الأمر ..
وجهت اليه التهمة ..بأنه هو من كان يريد أن يفعل معها الفاحشة ..ولذلك سُجن يوسف عليه السلام..بتهمة لم يفعلها ..كحال الكثير في هذه البلد...💔
كحال نصف الأمة ..
المشهد الثالث..
في السجن تعرف على شابان حتى صادقهما..وفسر لهم أحلامهم..وطلب من أحدهما ...من هو..؟؟!("من سيعمل عند العزيز")
أن يجعل العزيز ..يفرج عنه..ولكنه نسى...وكان العزيز حينها ..مشغول بتفسير حلم ..لم يجد له مفسر ..فتذكر صديق يوسف..قدرته على تفسير الاحلام....حينما فسر له حلمه...عندما كان معه في السجن..((ركز شوية معايا..😒😒))
.فدل العزيز ..على يوسف الصديق..وقدرته على تفسير الاحلام..وهنا..فسر له هذا الحلم..
واعجب بقدرته ..ولذلك طلب منه ..أن يصبح معاونا له..ووعده بان يراجع النظر في قضيته...وحينها وجد العزيز أن يوسف بريء ..بعدما تدخل أحد الحكماء في هذا الامر..ليفصل القول ..وحينها..عرفت مكائد..زليخة..التي أوقعت بسيدنا يوسف...في السجن...
One minute..✋✋
((ولكننا نعلم ..دائما وابدا...أن الحق مهما غاب ..سوف يرجع لأهله..لذلك ..فلتصبر ولتحتسب ..))
نكمل المشهد الاخير...في الكيو ال بعده...
متكسلش بقي ...😞😞😅😒
لو..كسلت..متنساش تصلي ع النبي طيب وتدعي لمرضانا...ولكل من ظلموا من ..في غزة وغيرها...من بلاد الاستعمار...🍃🌿💙

View more

22
15
Liked by: asknln hadeerezzaldeen(حبيبة الورد) Dr . Rahma Samar Anwar Esraa Safaa Eman ALshahat إسراء مُحمد ♥️ ءاية عماد الدين ^_^ Shimo Sleem Ehab .. ^⁠_⁠^
+29 answers in: “سورة الفاتحة.. ليها أسماء كتير ، أم الكتاب ..علشان بتحوي مفهوم كتاب الله كله وسبب نزوله وهو التوحيد ،هي الشافية ،الكافية،العافية، وهي السبع المثاني. السورة دي مجرد قرائتها ليه فضل عظيم ،كما أنها شفاء من الأمراض،شفاء م السحر والمس والعين ،متنسوش انها سورة مدنية سميت كده علشان هي مفتاح كتاب الله🍃”

أنا صغيرة فأكيد مش هعرف اقنعك بوجهة نظري ولا اي حاجة بس انا كنت الأول بسأل إذا كان الكلام دة بجد ولا لاء عشان كنت اتصدمت بس انا شفت رجالة كتير مبيقدروش يحبوا غير مرة واحدة ومبيقدروش يكملوا بعدها يعني اللي بيفكر زيكم كدة نادرين وكمان انا بشوفهم مش طبيعين اللي هو ازاي هتقدر تحب ٤ بنفس الدرجة

بيفكر زيكم كده نادرين....؟؟؟ 😂😂😂
انا مش عايز أربعة ولا غيره...انا عايز اخلص كلية واحقق أهدافي وبعدين ابقى افكر في الموضوع ده ...😌😅
____صلي ع النبي _____
هو القلب محذور من أنه يحب بنتين ...؟؟؟🤔
وايه الفرق بين حب اتنين لبعض وحبك..لاهلك ..؟؟🤔
انتِ غدا تتزوجي ..وتحبي زوجك ..وفي نفسك الوقت هتبقي بتحبي اخوكي عادي...
بس ده حب اخوي..وده حب من نوع آخر ...ولكن في كلتا الحالتين هو "حب"
بتحبي والدتك ووالدك...وتقريبا في مكانة بعض...وبالتالي هو نفس (النوع ) من الحب..وفيه اتنين بتحبيهم ..
يعني سبحان الله...؟؟!
ازاي تحبي اتنين ....؟؟ 🤔😒
ده اول سؤال ..؟؟
فيه انواع كتيرة من الحب ...من ضمنها حبك لاهلك ..وحبك..لصديقتك...وحبك لاستاذك الجامعي ..وحبك لزوجك ..وحبك لاطفالك...وكل حب فيهم ..بيختلف عن الآخر من ناحية المشاعر...
ولكن في الاول وفي الاخر هو حب ..😅😅
___ النقطة التانية____
ممكن شاب لما بيحب ..يحب لشخصها ..كاملا بمعنى إيه .....؟
انا البنت دي لو مش متوفر فيها حاجة من ضمن شروطي...فانا هبعد عنها ...
انا بحب مثلا الخجل..والأخلاق...والبراءة...الثقافة ..والتدين. يبقى انا بحب الحاجات دي كلها ولا يمكن أتنازل علشان حاجة واحدة...
لو كل الصفات دي تجمعت ..من غير حاجة منهم ..يبقى البنت دي لا تتوافق معايا ..
وبالتالي ده غالبا بيتزوج..بنت واحدة...هو مش بيعرف يجب غير...واحدة..
هو عايز يمتلك واحدة فقط...في "النوع" ده من الحب..
يبقى بيحبها لشخصها كاملا...🌿
طيب انا مبعرفش احب كده...؟؟!
انا ..ممكن احب ..لجمالها..أو لخفة دمها...أو خجلها..يعني انا بحب الصفات ال بتجذبني من ناحيتها...
ومش شرط عندي تكوني فيها كل حاجة ..هي معظم الشباب كده...ممكن بنت تلفت انتباهه..ويعحب بيها..من حاجة واحدة بس هو شافها منها....لجمالها مثلا...جملها جذبني من غير ما اعرف باقي صفتها ..فحبتها لمجرد جمالها..🤔
ونفس الشخص ممكن ..يشوف واحدة تانية ..عجبته في الأخلاق...اخلاقها عالية...وشخصيتها محتلفة..
على عكس الاولى ..ال هي جميلة بس وهو حبها علشان جمالها...
وممكن يروح يحب ...واحدة..علشان خفة دمها بس..بس للاسف مش جميلة ..يبقى هو بيحب البنت دي ..علشان هي كويسة في ده...
وبالتالي ممكن يحب اكتر من واحدة ..من نفس النوع ده ..من الحب
لمجرد صفة واحدة...بس فيها...
امم ...اممم....يه تاني...؟؟🤔🤔
ممكن واحد يتزوج واحدة .....ويجدها عقيمة للاسف مش بتنجب.....هنا فيه اختلاف...
1_ممكن واحد يكمل معاها كول عمره...لأنه بيحبها من غير ماينجب اطفال....🙈
2_وممكن واحد يطلقها .....😬
3_وممكن واحد يتزوج عليها ...لانه مش مستغني عنها...لسه بيحبها....لسه باقي عليها....وفي نفس الوقت عايز اطفال 🙊
__'_'_____
عادي هو الموضوع نسبي ..وبيختلف من شخص لشخص...وبعدين
....أنتِ عندك نساء منتقبات ...كانوا طالعين مع وائل الابراشي ..في مناظرة بين الراي ده ...والرأي الاخر...
ومكنش عندهم مشكلة ...أن ازواجهم ..يتزوجوا عليهم....
الموضوع نسبي ..يافتاة ..😅
ولكن كل حاجة بااايدك...طبعا 🌿🍃
_____متنسيش تصلي ع النبي ____

View more

3
Liked by: YOUNIS
+5 answers in: “في واحد قريب كان كاتب ان الشرع محلل ٤ عشان الرجل ممكن يحب اكتر من واحدة في نفس الوقت عادي وان دي قدرات وقال حاجات كتير عشان يثبت وجهة نظره بس انا اتقفلت منه، السؤال هنا هو الكلام دة بجد ولا هو بيهبد؟”

ايه علاقة حب الاهل والصحاب بالحب التاني دة انت مقتنع باللي بتقوله؟

سبحان الخالق....
ايوه مقتنع بال بقوله ..
قوليلي أنتِ ايه الاختلاف...؟؟؟
غيري وجهة نظري ؟
2
+5 answers in: “في واحد قريب كان كاتب ان الشرع محلل ٤ عشان الرجل ممكن يحب اكتر من واحدة في نفس الوقت عادي وان دي قدرات وقال حاجات كتير عشان يثبت وجهة نظره بس انا اتقفلت منه، السؤال هنا هو الكلام دة بجد ولا هو بيهبد؟”

مبتكلمش في موضوع ان الشرع محلل ٤ هو آه لحكم كتيرة بتكلم في البوينت بتاعت انه هيحب اكتر من واحدة في نفس الوقت

ايوه ايه....المشكلة أنه يحب اكتر من واحدة في نفس الوقت ....؟؟؟
سبحان الله ما أنتِ بتحبي ناس كتير في نفس الوقت ...؟؟؟ ولا ايه ؟
3
Liked by: YOUNIS
+5 answers in: “في واحد قريب كان كاتب ان الشرع محلل ٤ عشان الرجل ممكن يحب اكتر من واحدة في نفس الوقت عادي وان دي قدرات وقال حاجات كتير عشان يثبت وجهة نظره بس انا اتقفلت منه، السؤال هنا هو الكلام دة بجد ولا هو بيهبد؟”

الموضوع مقرف يعني زي مثلا واحدة تتجوز تبقي خايفة ان جوزها يتجوز عليها ويحب عشان هو عنده قدرة انه يحب ٤ في وقت واحد ليه فرح هو؟

😂
تمام ...لو أنتِ خايفة من ده يبقى ..ال أوله "شرط "
آخره نور ..
اجعلي هذا شرط في عقد قرانك ..وساعتها هتضمني ده ....
كل حاجة في ايدك...يعني
2
+5 answers in: “في واحد قريب كان كاتب ان الشرع محلل ٤ عشان الرجل ممكن يحب اكتر من واحدة في نفس الوقت عادي وان دي قدرات وقال حاجات كتير عشان يثبت وجهة نظره بس انا اتقفلت منه، السؤال هنا هو الكلام دة بجد ولا هو بيهبد؟”

في واحد قريب كان كاتب ان الشرع محلل ٤ عشان الرجل ممكن يحب اكتر من واحدة في نفس الوقت عادي وان دي قدرات وقال حاجات كتير عشان يثبت وجهة نظره بس انا اتقفلت منه، السؤال هنا هو الكلام دة بجد ولا هو بيهبد؟

هههههههه😂...صلي ع النبي يااجميل ...القرآن هو ال أمرك بده 😅
ربك بيقول ايه ..؟؟
وَإِنْ خِفْتُمْ أَلَّا تُقْسِطُوا فِي الْيَتَامَىٰ فَانكِحُوا مَا طَابَ لَكُم مِّنَ النِّسَاءِ مَثْنَىٰ وَثُلَاثَ وَرُبَاعَ ۖ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ۚ ذَٰلِكَ أَدْنَىٰ أَلَّا تَعُولُوا .... 🌿🍃
هو انت ازاي..بتحب والدك ووالدتك وأخواتك واصدقائك وباقي العيلة ....في نفس الوقت 😂
ايه المشكلة لما الإنسان يحب واحدة واثنين ..اذا كان هو قادر على هذا..وان كان سيعدل بينهم في كل شئ
الموضوع نسبي يااسيدي الفاضل
....قادر على هذا فهذا مباح لك
وعلى فكرة فيه مثلا رجالة تقولك لا انا معرفش احب غير واحدة ..بس ..الموضوع نسبي بين الناس وبعضها...
انت متضايق ليه بقى...؟؟
الا اذا كنت بنت ؟؟ 😌😂
عموما ...هذا لحكم كثيرة ..🍃🌿💙
2
Liked by: YOUNIS
+5 answers Read more

نفسيتي ادمرت بسبب اهلي انا بكرهم وكرهت حياتي وكرهت نفسي

أهدى طيب ...وصلي ع النبي كده وراجع تصرفاتك معاهم..
ماذا حدث اولا ......؟؟!!
5
Liked by: israa Shimo Sleem YOUNIS khaled

S💙 P♥ A💙 C♥ E💙

نعتبرها ..رسالة لعزيز...🍃🌿💙..بس هيشوفها..لما يفتح بقى ...
@Eng_ahmedsaeed
بصراحة..يعني مش عارف اقولك ايه ..بس الإجازة حلوة ...حلوة ايه....؟؟ 🌊
الاجازة روعة...روعة ايه ..؟؟ 🍃
انا مش قادر اوصفها بكلمة...الإجازة حياة للاسف ياااحمد...😄
اخبار المذاكرة ايه...؟؟ 🤔
طيب اخبار الامتحانات ايه...؟؟ 😬
اوعى تكون فاكر...أن انا ..بغيظك لسمح الله...؟؟!!!
لا مسمحلكش تظن فيا الظن ده 😒😏
#المرسل: أخوك ال خلص امتحانات وخلص مذاكرة وقاعد فاضي ...وانت قاعد مشغول بالمذاكرة ياعيني ..😬😜😝😁
#العنوان: قاعد مرتاح ..وخلاص في مكان جميل ..من غير مذاكرة ..😂😂
____بس كفاية كده الاسبوع ده...___
بالتوفيق يااحمد ان شاء الله في الامتحانات ...وربنا يعينك..على الهم ال بنشوفه ده...🍃🌿💙
#قوم_ذاكر 🌿😛
4
2
Liked by: israa M.khalil

قد قالوا لي "سيخرج من عتمتك قمر" .. و ها أنذا أشتبه بشعاع من وراء السحاب أنتظر أن يكتمِل :) ..فماذا عنك؟ ما قالوا لك 🍃

قالوا لي زمان ....أنك هتدخل الكلية ترتاح...
ومش عايز اقولك على كم الراحة ال وجدتها في الكلية فعلا..😞
راحة ما بعدها راحة...😐
من كتر الراحة ...أن انا قاعد في الاجازة ..بفكر في ال عملته في الامتحانات...🙊😅
6
4
Liked by: israa м̈źη̵jч∞♥♡̵ أحمد خِضر

برأيك كيف تدعو الناس إلى الله تعالى؟؟

لكي تدعو الناس ..الى الله تعالى يحب أن تعرفهم من هو الله...؟!!
وما هو الدين الذي ستدعو إليه ..!؟
_____
الدعوة ..تبدا بإصلاح نفسك..لكى تشعر بلذة ..ما تريد أن توصله لغيرك...
الدعوة تبدا ..بكلمة طيبة ..يسمعها غيرك فياخذها عنك..
الدعوة ..تبدأ "بالسلام" عليكم ..وليس بالترهيب اوالتنفير..
الدعوة هي ان لا تيأس ابدا...
وان تعلم..دائما وابدا
"إِنَّكَ لَا تَهْدِي مَنْ أَحْبَبْتَ وَلَٰكِنَّ اللَّهَ يَهْدِي مَن يَشَاءُ ۚ وَهُوَ أَعْلَمُ بِالْمُهْتَدِينَ"
🍃🌿💙
4
15
Liked by: israa м̈źη̵jч∞♥♡̵ إيمـــان ♡

مساحة

rad94ooy’s Profile PhotoR.H❤️
‏أما والله إنَّ الظُلم شؤمُ
وَلاَ زَالَ المُسِيءُ هُوَ الظَّلُومُ
إِلَى الدَّيَّانِ يَوْمَ الدِّيْنِ نَمْضِي
وعند الله تجتمعُ الخصومُ
-علي بن أبي طالب
3
11
Liked by: israa м̈źη̵jч∞♥♡̵ Shimo Sleem

وَالْمُسْتَغْفِرِينَ بِالأَسْحَارِ. 🌸 استغفر بـ لسانك مش مجرد العين :)) متنسوش تدعوا لـ دكتور مرسي ،،والدعاء على الضلمة :"

نحسبه من الشهداء......والظلمة من سيحاسبهم الله ...ان كان حقا مظلوم...
23
1
Liked by: asknln Lena Gemy 7O S NY "الـــسٌــــلــــطَــــااانً ^^ Sara_Khairy ENG...SooYaa israa Ahmed Elbarodey ..أبا عمر ♥️ Aml Adel
+5 answers Read more

pic🌸

khaledhamada1’s Profile Photokhaled
أعلم أنك انتظرت ...منا الكثير ولكن..انت لست أول الراحلين ..ولن تكون آخرهم ..
نودع عرس شهادتك ..بكل حب....غفر الله لك ... فمحكمتك نقلت للسماء...عند رب العالمين وعنده تجتمع الخصوم...
عذرًا سيدي الرئيس ..
عذرًا سيدي الرئيس ..
pic
7
5
Liked by: israa Shimo Sleem ibrAhim Dr.Dalia Atef(dodda) YOUNIS khaled

اسألوا شويه 😪😪😪

انت من أردت...😎😂
كنت عايز أعرف ..إيه الفرق ..بين
Reversible ....و non reversible...
وازاي...اعمل rotation..لل joint حول محور x... في sap 2000..😅😅
3
Liked by: israa Nada Ibrahim

ادعولي ربنا يهديلي حبيبي ويملى عينه بيا

آمين...يااارب العالمين ..لو كان حبيبك ده....."زوجك" أو على الأقل "خطيبك" ..ولو هو زوجك فعلا...يبقى تهتمي بيه شوية ..
وربنا يهنيكم ببعض 🌿🍃💙
__لو هو حبيبك من غير رباط شرعي__
يعني حبيبك كده....وخلاص من غير زواج او خطوبة ...
يبقى دي مشكلة ...ومشكلة كبيرة ...
لان مجرد كلامك معاه يعد .."زنا"
والكلمة ..دي كبيرة اوي..وعقابها وحش جدا...جدا...
طيب ...أنا بحبه وبنكلم بعض ..ومقدرش أستغنى عنه ..🙊
لا ...أنتِ مش بتحبيه ..أنتِ مخدوعة فيه علشان يدوب هو اهتم بيكي شوية ..وحسسك بكيانك..
ومخدوعة اكتر انك ..وثقتي فيه..علشان هو كلمك من غير ..ما يدخل البيت من بابه..
واكيد ..كلم بنات كتير قبلك ..وممكن يكون بيكلم بنات عليكي ..."تخيلي بقى"
يبقى أنتِ تصوني نفسك ..وتحفظيها ..بانك تبعدي عنه...فورا...أو تخيريه ..
"""لو بتحبني يبقى تتقدملي ....غير كده ..انا مش هتكلم معاك تاني خالص..."""
لو أنتِ بتحبيه بقى جامد...تعملي ال قولتلك عليه ده...وتدعي في صلاتك ..أنه يكون من نصيبك ...أو يعوضك الله خيرا..منه ..
ونشوف هنعمل ايه بعدها...
هنعمل ايه بقى ..؟؟! 😓🤔
هنحاول ننساه ...ازاي بقى ؟؟ 🤔
انك متفكريش فيه تاني...بلوكات بقى مقولكيش ..لكل حاجة كانت تربطك بيه....
كل ما تفتكريه...تستغفري ربك...لان بالنسبالك ده معصية ..وانتِ حاليا في مرحلة التوبة...علشان ربنا يتقبل منك..
ويااااااارب يكون كلامي ده كله غلط ...وأنك زوجته....أو خطيبته...
______
انا بجري في الكلام علشان كده هو ملغبط......علشان عندي مذاكرة وامتحان...
دعواتك ....فعذرا يعني...
متنسيش تصلي ع النبي ...🍃🌿

View more

3
3
Liked by: israa

كيف يمكننا ترويض النفس حين تأتيها لحظة شر؟

mohabdelrouf’s Profile PhotoMuhammad Abdulraouf
التقوى...أن تتذكر الخالق في كل أفعالك...
ان تعلم أن الله يراك....
تخيل ...ما سوف تفعله من شر...والله وملائكته ...يشهادوك ..وانت تفعله..
"ياااه ع الاحراج"...😬😬
لتعلم...ياصديقي ..أن جهاد النفس أشد من الجهاد في سبيل الله....
ان تغلبت عليها...حكمت الدنيا...وان تغلبت عليك ..تملكتك انت..
___قبل ما نوصل للمرحلة دي ____
عايزين نعرف سببها إيه...؟؟
هتلاقي ..أن سبب أي معصية ..هو الفراااغ ..والبعد عن كتاب الله وسنة رسوله....تقصيرك في الصلاة ..في العبادة ...
طيب ...انا مش مقصر في العبادة ..بس بيحصلي ذلات...برضه ..
"اشحن نفسك...استمع لدروس دينية...استمع للشيخ كشك ..عن الترهيب وعذاب النار...استمع ..للنابلسي..عن الجنة ..ملذاتها😋...استمع..للشيخ محمد الغليظ..لو انت بتحب الجديد..أو الشيخ حازم شومان...واشترك معاهم..في قنواتهم ..على التليجرام...⚓⚓
اشغل نفسك...بحاجات مفيدة...اعمل على تنمية مواهبك ..💪
____بنعمل ده كله____
...وساعات ..بنقع برضه..
يبقى خلاص...ننتحر بقى ونخلص..😏
أكيد لأ..
نتوب...تاني...وتالت...ورابع...تعرف ليه ..
لان...خير الخطائين..التوابون..
وبعدين...ربك..بيقول وبشر المؤمنين...!!🤔
اول ناس في الآية اهم ..
""التَّائِبُونَ الْعَابِدُونَ الْحَامِدُونَ السَّائِحُونَ الرَّاكِعُونَ السَّاجِدُونَ الْآمِرُونَ بِالْمَعْرُوفِ وَالنَّاهُونَ عَنِ الْمُنْكَرِ وَالْحَافِظُونَ لِحُدُودِ اللَّهِ ۗ وَبَشِّرِ الْمُؤْمِنِينَ""
(ترويض النفس..يكون
..بالإيمان..والصوم..والتقوى العبادة ..على أكمل وجه ) 🍃🌿😇💙

View more

3
10
Liked by: israa Ehab .. ^⁠_⁠^ Muhammad Abdulraouf

__✏️

khaledhamada1’s Profile Photokhaled
اول ....مرة احس بفتور..كده ..
مناقشة تلت اربع ساعات..
وكأن شيئا...لم يحدث...
بجد...أول مرة احس بمعنى الآية دي ...
""إِنَّكَ لَا تَهْدِي مَنْ أَحْبَبْتَ وَلَٰكِنَّ اللَّهَ يَهْدِي مَن يَشَاءُ ۚ وَهُوَ أَعْلَمُ بِالْمُهْتَدِينَ"""
من ولد على فطرة الاسلام...ومات بدون الاسلام...فهو أتعس ...من أنجبت البشرية..
الله المستعان...💔
2
2
Liked by: israa khaled

سمعونى حاجه حلوة ♥️

حاجة...حلوة ..🤔
طيب ...حاجة ...حلوة....🤔🙄...
صلي ع النبي ...
هقولك موقفين مضحكين في حياة الرسول صلى الله عليه وسلم ...صلي انت بس عليه الاول ...
_______كان يا مكان ______
العباس بن عبد المطلب .."عم الرسول"...أقبل عليه وهو عليه حلة
"يعني جاء إلى الرسول ..بلبس جديد وكده .." وكانت له "ضفيرتان"....
((الضفيرة بتاعت البنات))😂 ..والعباس كان أبيض الوجه ..
فضحك رسول الله ، فقال له العباس : ما أضحكك ، أضحك الله سنك ..؟؟
فقال الرسول ..أعجبني جمال عم النبي ..😅
____موقف تاني صغير _____
جاء..رجل إلى الرسول يوم الجمعة وهو..يخطب ..بالمدينة ..فقال له ( قحط المطر فاستسق ربك ) يعني بيطلب من الرسول أن يدعي الله بأن ينزل عليهم المطر ..لوجود القحط ....فدعا الرسول ربه..بأن ينزل المطر ..فأمطرت السماء حتى ملأت المياه المدينة...
الجمعة ال بعدها ...بقى اثناء الخطبة ..
جاء الاعرابي الى رسول الله قائلا ..(غرقنا فادع ربك يحبسها عنا 😂)...
فضحك الرسول ..ودعا ربه ضاحكا ..
(اللهم حوالينا ولا علينا )) ..فأمطرت المياه ..حوالين المدينة ..
_____موقف مشهور شوية ____
جاءت عجوز الى رسول الله ..قائلة...يارسول الله ..ادعي لي الله بأن يدخلني الجنة ...فقال لها الرسول ..لا يدخل الجنة عجوز ..😂😂
فذهبت العجوز وهي باكية 😂😅
فقال رسول الله للحاضرين .. أخبروها أنها لا تدخلها وهى عجوز، أن الله تعالى يقول {إنَّا أنشأناهن إنشاءً فجعلناهن أبكاراً} أى أنها حين تدخل الجنة سيعيد الله إليها شبابها وجمالها"💙💙
______ ايه تاني يااعم ______
براحة متزعقش ..بس 😒😒😅
صلي ع النبي بقى ...دا اذا قريت أصلا ...😅
عشر مرات...وان زدت فهو خير لك...🌿🍃💙

View more

11
4
Liked by: asknln israa ءاية عماد الدين ^_^ worood هاجر محمد Bėň ķhąłëđď..))"❤ Ehab .. ^⁠_⁠^ MahmouD Aya Elabady

Shoutout......... ‏الرسول كان دايماً يدعي يقول: " يا مقلّب القلوب ثبّت قلبي على دينك " 💚 وده لان القلوب بتتغير بين الصح والغلط وبين الحق والضلال بنقرب شويه وبنبعد كتير " إِنك لا تهدي من أحببت ولكن الله يهدي من يشاء وهو أعلم بالمهتدين " 🌸"!

أكيد....طبعا ...🌿
اللهم ..دبر لنا أمورنا...فانت خير مدبر لها...
واختر لنا ولا تخيرنا.....
اللهم نستعيذ بك ..من كل شر نحسبه خير ..
اللهم لا تجعلنا ..من الذين ظنوا أنهم ..يحسنون ..صنعا في الحياة الدنيا ..وهم أكثر من أضلوا ..السبيل
اللهم نسألك من خيرك الكثير ...ونستعيذ من شرك المديد ..
اللهم أعنا على ذكرك ..وشكرك ..وحسن عبادتك ...
اللهم توفنا ..وانت راض عنا ..🌿🍃💙
7
3
Liked by: ءاية عماد الدين ^_^ worood هاجر محمد Bėň ķhąłëđď..))"❤ Shimo Sleem

رمضان ..خلص ..وهيخلص ..وهيفضل يخلص .. ولكن العبادة ..لم تنتهي..ولن تنتهي . الست أيام البيض ..لمن لا يريد أن يقرأ .. من صام رمضان ثم أتبعه ..ستا من شوال كان كصيام الدهر ...🍃🌿💙 دمتم بخير ..😇

mohamed13382’s Profile PhotoEhab .. ^⁠_⁠^
السلام عليكم ورحمة الله وبركاته ....
اما بعد....لن أطيل عليكم ..."ممكن اطول 😅😒"
بصراحة كده ...وبدون مقدمات ....انا ثواب الصيام ده جميل جدا ...وبيعفني ..عن كل الشهوات ..والحمدلله على تلك النعمة ..
الصوم لله عز وجل ....عبادة لا يطلع عليها إلا الرحمن ..
بينك وبينه ...
علشان كده ...انا عايز أصوم تاني ..ينفع ولا ايه ..؟!!
أها طبعا ينفع...اومال انت فاكر ايه ...!!!؟ 😒😅
انا يااسيدي ..هقولك ..أن فيه حديث بيعطيك ..ثواب صيام الدهر كله ..مقابل صوم ست أيام فقط في شوال ....🤔
صيام الدهر كله !!.....يااالهي 😋
قال رسول الله صلى الله عليه وسلم ...
""من صام رمضان ثم أتبعه ستًا من شوال كان كصيام الدهر ""
هنيئا ..للناس ال صامت ..🍃🌿
وايه كمان صيام ....؟!
الرسول كان بيصوم ..الاثنين والخميس ...والثلاث القمرية .."ثلاثة أيام منتصف الشهور القمرية" ...
يعني الرسول كان بيصوم في الشهور العادية ..حوالي 11 يوم ...
____ماذا بعد ____
ال هيريح ...هيرح فعلا ...لا تتغاضى أبدا ..عن عبادتك ..
فالمعاصى ..تأتي واحدة ..تلو الأخرى ..اولها..صعب ..وااخرها سهل ...
المساجد ..فرغت تماما ..انا بذهب متأخر شوية ..كنت بوصل في رمضان المسجد ..يدوب ألحق الصف ال قبل الأخير أو الاخير ..بعد امتلاء المسجد تماما
..دلوقت ..بروح متأخر وبلحق الصف الاول ..وهو نفسه الصف الاخير أيضا في المسجد كله.
رمضان رحل ...ولن يعود الا العام المقبل ..ونحن لا نضمن لقائه ..مرة أخرى .
الله لم يرحل ...ولن يرحل ..
"كن ربانيا" لا "رمضانيا"
___ايه تااااني..؟ ____
الابتلاء ..لا يتمثل في المرض ..أو المصائب ..أو الفشل ..
الابتلاء يتمثل ..في تركك لمصحفك ..بعدما كنت تقرأ كل يوم ..
الابتلاء تركك ..لقيام الليل ...بعدما كنت تقيمه ..كل يوم ..
تركك ..للصلاة ..كيف تترك صلاتك ..وانت "مسلم"..
الابتلاء ..تركك للزكاة ....بعدك عن الله هو ابتلاء...
احذر ..أن تخرج من رحمة الله ...
احذر يا أخي ..لا تضيع نعمة الاسلام التي نشأت عليها ..
____ايه تاني😭__
بس خلاص ...متنساش ..تصلي على حبيبك ...وتدعي لمرضانا ...
خد هنا تعالى ..🙁
متنساش ..تدعي لاخواتنا ..في فلسطين ..وفي سوريا ...وفي بورما ...
احفظ الدعوة دي في صلاتك ...
""اللهم اغفر للمسلمين والمسلمات ..والمؤمنين والمؤمنات ..الأحياء منهم ..والاموات ""🍃🌿
متنساش ..تصلي ع النبي تاني 😒🍃

View more

41
59
Liked by: وليد فتحي موسى asknln worood هاجر محمد Bėň ķhąłëđď..))"❤ Ehab .. ^⁠_⁠^ Ahmed Elbarodey ^^ Sara_Khairy ᎷᎥᎡᏁᎯ (ℰℰ) zyxuuuffigifi

اخواتي واصدقائي 🌷 كل عام وانتم بخير عيد سعيد عليكم واعادة الله علينا باليمن والخير والبركات ❤🌹💐 عيدكم مباارك 💙❤💜

omarrahman1’s Profile PhotoOmar Abd El Rahman( عموري)
آمين ياارب العالمين ...🌿🍃
عيد مبارك عليك وعلى الأسرة الكريمة ..يااعمر ..💙💙
10
Liked by: asknln worood Bėň ķhąłëđď..))"❤ Mohamed NAbil (بتاع تجارة") Omar Abd El Rahman( عموري)

يوم العيد يوم فرحة للجميع ، عَيِدو علي حبايبكم وصحابكم ، وفرحو بعض ،. .. كل سنه وانتو طيبين ، وعيد سعيد علي الجميع باذن الله،🌸🌸

ibrahimelterkawy’s Profile PhotoibrAhim
هيماااااا....ليك وحشة ياغالي والله...
ايه الصورة الجميلة دي...ما شاء الله 🌿🍃💙
كل عام وانت بخير ..وإلى الله أقرب ..وعلى طاعته أدوم ..💙
ومتنساش تدعي لاخوك ال عنده امتحانات 😥😭
9
Liked by: worood Bėň ķhąłëđď..))"❤ Mohamed NAbil (بتاع تجارة") MelaNiya ibrAhim

اهل اسك الكرام 🙋 كل سنة وانتوا طيبين وعيد سعيد عليكم وعلي كل الي بتحبوهم🎉🎉 والناس الي عندها امتحانات بعد العيد ربنا يقويهم وان شاء الله خير 😊 والناس الي خلصت اولا مبروك وياريت ندعي للناس الي عندها امتحانات 😂😂

Aya_elabady’s Profile PhotoAya Elabady
وانتِ بخير دايما...ياارب
ياااريت فعلا ندعي للناس ال عندها امتحانات ...💔😅
12
1
Liked by: asknln Bėň ķhąłëđď..))"❤ Ahmed SeNiOr Mohamed NAbil (بتاع تجارة") (:ندى Samaa✨ Aya Elabady

‏انتهى صيام الفرض .. فمن أعجبه المذاق = فصيام التطوّع مفتوح. انتهت صلاة التراويح .. فمن أعجبه المذاق = فصلاة القيام بالانتظار. سقطت صدقة الفطر .. فمن شعر بحلاوتها = فباب الصدقات لا يُغلق. قُم الآن وسجّل العهود التي قطعتها على نفسك خلال الشهر، واجعل من رمضان بدايةً لكل خير كل عام وانت بخير 🌸🌷🌸

koran2020karem’s Profile Photoمع كتاب الله
وانت بخير ...دائما وابدا..🍃🌿💙
10
Liked by: asknln Dr Mohamed mamdouh BoDa Ahmed SeNiOr Mohamed NAbil (بتاع تجارة")

تَأتي عَلى قلبِك اياماً هِي أشَد عَليك مِن ثِقَل اُحُد .. كُلما استغفَرت نَجَوت :"💙

فعلا...👌
ﺍﻟﻠﻬﻢ ﺃﻧﺖ ﺭﺑﻲ ﻻ ﺇﻟﻪ ﺇﻻ ﺃﻧﺖ ، ﺧﻠﻘﺘﻨﻲ ﻭﺃﻧﺎ ﻋﺒﺪﻙ ، ﻭ ﺃﻧﺎ ﻋﻠﻰ ﻋﻬﺪﻙ ﻭﻭﻋﺪﻙ ﻣﺎ ﺍﺳﺘﻄﻌﺖ ، ﺃﻋﻮﺫ ﺑﻚ ﻣﻦ ﺷﺮ ﻣﺎ ﺻﻨﻌﺖ ، ﺃﺑﻮﺀ ﻟﻚ ﺑﻨﻌﻤﺘﻚ ﻋﻠﻲّ ، ﻭ ﺃﺑﻮﺀ ﺑﺬﻧﺒﻲ ، ﻓﺎﻏﻔﺮ ﻟﻲ ﻓﺈﻧﻪ ﻻ ﻳﻐﻔﺮ ﺍﻟﺬﻧﻮﺏ ﺇﻻ ﺃﻧﺖ...🍃🌿
9
Liked by: asknln Ahmed SeNiOr Mohamed NAbil (بتاع تجارة") Heba

Next

Language: English

4.1

1,266,418 reviews
© Ask.fm 2024