احــگ💚🍃

July 11, 2019

من حسن إسلام المرء تركه ما لا يعنيه ..

إحنا ساعات .. بنشعر بإكتئاب .. وحزن... وهم .. مع اننا بنصلي وبنصوم .. وبنتقرب بالنوافل .. وسنن الرسول عموما..

أمال فيه ... إيه ...؟؟

فيه أنك امبارح ... وأنت ماشي .. لقيت واحد ماشي جنبك .. بطريقة مش مظبوطة مثلا ... فحضرتك اتريقت عليه ...
والتنمر طبعا .. مفيش أكثر منه في بلادنا..

لقيت قطة كانت بتشرب أو بتاكل .. فاافزعتها ... 😬
ياااراجل .. يعني انا هكتئب بسبب القطة .. ؟؟!
امرأة دخلت النار في هرة حبستها... 👊😬

اتكلمت عن .. زميلك بطريقة وحشة .. علشان .. ده حصل معاه موقف كذا ..😓

أهلك .. فين من خروجك كل ... يوم للكافيه... أو لعبك .. أو شغلك .. أو ... 🤔

فين صلة الرحم ... ؟؟؟ 🤔

فين بر الوالدين ..؟! 🙄

فين زكاتك ...؟! 🤔

كل الحاجات دي .. من دينا ياااخونا ..

مش علشان انت بتصلي وبتصوم .. يبقى أنت ملتزم ومتدين .. وواد فرود .. مفيش منك .. 👊👊
إيه حجة.. الصلاة والعبادة .. لو أنت مش على "خلق" ... ؟

فين التقوى ... ؟؟!

ليه تعصي ربك .. بمجرد ما تخلو بنفسك .. ذنوب الخلوات ... ياشباب ..

وبعدين تسأل ..أنا ليه بكتئب ...؟!

علشان الحاجات البسيطة ال انت مش واخد بالك منها للاسف ...
حاجات بسيطة خالص.. بس مؤلمة ... زي هزارك التقيل مع زميلك .. ال معرفش ينام طول الليل..بسبب "كلمة قلتها ليه...بالنسبالك عادية ..
بس بالنسبة ليه لأ .. "

التقوى .. معناها ..الخوف من الجليل والعمل بالتنزيل ..وعلشان تخاف من الجليل .. لازم تعرف من هو الله .. !!

الاكتئاب .. مش من فراااااااغ ..
لكل فعل .. رد فعل .. والاكتئاب نتيجة .. لحاجة عملتها ..

اكتئبت .. يبقى تراجع نفسك بسرعة ..
تاخد اقرب عربية أجرة .. وتدخل بيها على مركز الذاكرة .. وتراجع خلية خلية .. "انا عملت إيه " .. ؟؟
هتلاقي مصائب .. كتيرة .. لما ترجع بالذاكرة كده .. كام يوم ..ورا ..
وبالتالي هتكتئب اكتر ... 😅 👊 .. لا طبعا .. خلاص ال حصل حصل بقى .. 😓

بس هتكون عرفت فين المشكلة
وبالتالي .. هنعرف نحجمها .. أو نمنعها تماما

أنا كامسلم .. المفروض اعمل واحد واتنين وتلاتة ... طيب انت بتعمل كده .... ؟؟!

لأ ... يبقى لازم تكتئب...😒

يبقى ملخص الحديث..
راجع نفسك ... قبل ما تقول أنا مش عارف سبب الاكتئاب والضيق ده إيه ... ؟؟!
مفيش حاجة من فراااغ...
متنساش تصلي على حبيبك..🍃

Liked by: Ahmed Ebrahim وليد فتحي موسى asknln نِسْرِيْن لله نمضي حور ريهام Shimo Sleem Manar Aya Elabady

متشكر جدا

July 11, 2019

حبًا وكرامة .. يااجميل 🌿

Liked by: Mohamed Keshta(المشمهندس )

+1 answer in: “حدثونا قليلا هل الزواج بامراه اكبر منك في السن تقريبا بشهر عيب او ايه اضراره او مستقبلا وكل جوانبه ياريت تفيدونا مع العلم مفيش حب مسبق مجرد لقاء تقديم عادي كاي واحد بيتقدم لوحده بس اكتشفنا انها اكبر .”

حدثونا قليلا هل الزواج بامراه اكبر منك في السن تقريبا بشهر عيب او ايه اضراره او مستقبلا وكل جوانبه ياريت تفيدونا مع العلم مفيش حب مسبق مجرد لقاء تقديم عادي كاي واحد بيتقدم لوحده بس اكتشفنا انها اكبر .

July 11, 2019

واذا علمت ان السيدة خديجة كانت تكبر الرسول ب 20 عام ...؟؟؟

العمر ليس مقياسس ..لسعادة زواجك ..

شوف الشروط ال انت وضحتها في احتيار زوجتك ...ومدى توافقها مع الانسة ال بتتكلم عنها...واذا كانت جيدة ..فتوكل ع الله

ومتنساش ... ان عمر ما كان السن عائق ..لسعادتك الزوجية ...بالعكس...انا شايف ان هيبقى فيه توافق كبير جدااا...

وبالمناسبة ...من واقع الحياة ...فيه شخص ما ..متزوج من امرأة تكبره ...بسنتين ..وبسم الله ما شاء الله ...سعداااء جدا ...في حياتهم ...

وممكن علاقات تانية تكون فاشلة ..على حسب بقى ..مدى توافق الشخصيات ...

Liked by: Zainab Shrf

+1 answer Read more

لو صليت قيام ليل كل يوم لآخر الشهر ودعيت اني اموت قبل ما الشهر يخلص هيبقي حرام عليا؟ يعني هو حرام ادعي علي نفسي، لاني مش هقدر أكمل بجد

July 11, 2019

تدعي انك تموت قبل الشهر ما يخلص .. ؟؟؟ 😂

قولي مين ليه عندك فلوس .. وانا ارجعاله ..قسما بالله مش بهزر .. 😒
قول يااجدع ما تتكسفش .. 😏

شكل الدرجات هتبان .. لو عايز درجات مني..مش هينفع للاسف ..روح انتحر بقى .. وانا هحصلك .. 😭😭

وبعدين تموت ازاي .. وتسيبني لوحدي هنا ..ع الاسك .. 😭😅

صلي ع النبي بقى ... 🌿🍃

انت ازاي تتمنى حاجة .. هتحصل فعلا .. ؟؟ ليه عايز تعجلها .. عايز تعجل .. هول المطلع ليه .. ؟؟
هول المطلع ده هيبقى شديد ...جدا .. هينكشف الغطاء ال على عينك .. وهتشوف العالم السفلي .. هتشوف الملائكة ..

وياويلك لو أعمالك مش كويسة.. 😬😬
شوف الحسن بيقول ايه .. قال الحسن : لو أعلم ابن آدم أن له في الموت راحة وفرحا لشق عليه أن يأتيه الموت ، لما يعلم من فظاعته وشدته وهوله ، فكيف وهو لا يعلم ما له في الموت : نعيم دائم ، أو عذب مقيم . فالمتمني للموت كأنه يستعجل حلول البلاء ، وإنما أمرنا بسؤال العافية.. 😬

سل العافية ..والسعادة .. والفرح ..
ولا تسأل الموت ..
وبعدين .. طول عمر المؤمن خيرًا له ..ياصديقي ..

انت ايه حصلك في حياتك .. علشان تعجل الموت ... ؟؟!
الناس ال في بورما .. ولا في فلسطين .. ولا في سوريا .. ولا الفقراء والمساكين .. ال مش لاقيين حتى السرير ال انت نايم عليه دلوقت .. أو الماية ال جنبك .. أو الفاكهة ال في التلاجة .. ال أهلك .. بيترجوك علشان تأكلها .. 😏😒

شوف بقى .. الاكتئاب بسبب بعدك عن ربنا .. انت مقصر ليه في العبادة ...

متاخدش الموضوع .. أن انت مش بتصلي علشان مخنوق .. ومش بعرف اصلي وانا مخنوق ..

لأ مش كده .. ده انا اعرف ناس مش بيصلوا غير .. لما يقعوا في مشكلة .. 😅

راجع قربك من ربنا .. 🍃

آخر حاجة .. عايز تدعي فعلا بالموت .. قول الدعاء ده ..
عن رسول الله صلى الله عليه وسلم قال ..
( لَا يَتَمَنَّيَنَّ أَحَدٌ مِنْكُمْ الْمَوْتَ لِضُرٍّ نَزَلَ بِهِ ، فَإِنْ كَانَ لَا بُدَّ مُتَمَنِّيًا لِلْمَوْتِ فَلْيَقُلْ : اللَّهُمَّ أَحْيِنِي مَا كَانَتْ الْحَيَاةُ خَيْرًا لِي ، وَتَوَفَّنِي إِذَا كَانَتْ الْوَفَاةُ خَيْرًا لِي ) - رواه البخاري

وبعدين .. انا مش مصدق انك عايز تسيبني لوحدي ... 😭
ربنا يسامحك .. 😓

Liked by: ياآسـمـيـن Zainab Shrf

تؤمن بالحب في مواقع التواصل؟💫

July 10, 2019

بالاعجاب وليس الحب....الحب على مواقع التواصل بيبقى لعب عيال ..شغل مراهقة يعني .

Liked by: ياآسـمـيـن Zainab Shrf

رقم الحظ ايه ورقم السواد والنيله 😂

July 10, 2019

النية ....نيتك لفعل اي شيء...هو مصدر سعادتك...او مصدر تعاستك ..علشان كده قبل ما تختار اي رقم صفي نيتك...جوه كده..

مش رقم وحش او رقم ..حلو ..😏..هو ال هيتحكم في في حياتك ...

شكلك بتلعب ...قمار😥😪

Liked by: ياآسـمـيـن Zainab Shrf

Space. 🌸

ibrAhim

July 10, 2019

شوف يااهيمااا...
عبدالله...بيقولك ايه... "
من فترةٍ طويلة بدأت أُربّي نفسي على الإمتنان، صرتُ أشعر غالبًا بسعادة مهما كانت الظروف من حولي تعيسة، أظل ممتنًّا لمحادثة لطيفة، نومة مريحة، لُقْمة لذيذة، ورفقَةٌ تحفّها الأماني الصادقة.
لو كانت هناك حكمة تعبّر عما عشته.. فهي تلك."

Liked by: ياآسـمـيـن Zainab Shrf

من ناحيه ايه الاهل يعني

July 10, 2019

أول حاجة التربية ....
لو البنت متربية كويس .... وعلى معرفة بدين الاسلام ..مش دين الغرب هتعرف تحافظ على نفسها ..في فترة الخطوبة ...هتبقى عارفة انه لسه اجنبي عنها ..وهيبقى فيه حدود في التعامل ..
والتربية مين مسئول عنها ...؟!!!

تااااني ...هااام...
ان قيه بعض الاهالي بيعتقدوا ان بمجرد خطوبة بنتهم ..انها كده بقت خلاص ...البنت مراااته وتحلله شرعا ...ويفضل المعلم داخل طالع ...كانه في بيت العائلة حضرته ...ما هو خلاص بقى ...البنت للواد والواد للبنت ....ليه بقى التكلفة ..والتعب في المعاملة ...هااااليه...رد عليا قولي ليه ؟؟؟
أصل الحرام سهل ياجماعة ...انما الحلال صعب...معلش برضه مش اي واحد او واحدة هيجاور النبي في الجنة
وفيه ال هيجاور ابو لهب برضه ...

تاااالت ....هااام ....
الجشع ...الاهالي بتبص لبعضها ..لمجرد ان ممكن جوازة تتفركش بسبب طقم الكوبيات ...بسبب شغل العريس..مع انه على خلق ودين ..بسبب الدهب القليل ..اصل بنت خالة العروسة جايلها دهب بخمس ..قروش ..وانا بنتي مش ااقل منها....والخلافات التافهة الكتيرة ال احنا كلنا عرفنها ...
[فيه شلل في التفكير الاهالي في النقطة دي والله ....]

رااابع هام ..ياااولدااه...
الخوف من العنوسة ...بعض الاهالي بتتسرع في الموافقة على العريس ..فيقوم الواد خاطب من هنا...سنة او اتنين او تلاتة ...اصل المهم ان البنت اتخطبت بقى وهتحل عن سمانا ... يقوم الاخ ده ..طبعا يلعب بديله .. ويتكلم معاها في كل ما لذ وطاب...لحد..ما يزهق منها .. ويقول مع السلامة ..
وحصل بالفعل ..بعض الشباب ..بيخطبوا لمجرد التسلية ..الله المستعان ... وربنا ينتقم منهم ..بحق جااه النبي ..على رأي ستي الحجة ..

خامس ...هااام يااولداااه..
ان الضمير انعدم ..ام العروسة ..تزين البنت بكل الكلام الجميل ..وبتعمل وبتخلي..وشاطرة في كذا ...وام العريس..تروق العريس بالكلام السكر...
اصل الكلام ببلاش بقى ...!!!!

شوق لو قعدنا نحكي من هنا لبكره مش ..مش هنخلص ..الله لمستعان يااصديقي..

Liked by: ياآسـمـيـن Shimo Sleem Hesham Elfiqy ěmy Zainab Shrf

+1 answer in: “في نظرك ايه أسباب فشل العلاقات(الخطوبة) الأيام دي ، فيه حاجة غلط أكيد ؟!”

يعني ايه ام💛

July 09, 2019

لا يمكن...لبضع كلمات أن تصف هذا المعنى ..

هل أنت مقتنع بأي قيل .. يقال لك عن الأم ..

الأم .. ليست معنى انشائي.. أو موضوع تعبير ..

الأم حياة .. عمر بأكمله .. يتجلى في القلب ..

كيف يمكنك أنت أن تصفها في عدة سطور ...؟؟!

أي صحيفة هي .. تستوعبها .. أي قلم .. يحاكيها .. !! !

اللهم بارك لنا فيهم .. 🍃🌿💙

Liked by: ياآسـمـيـن ěmy Zainab Shrf

اهرب لما نتيجة الثانويه تظهر ولا افضل ف بيتنا عادي !

July 09, 2019

ههههههههههه....😂

أسد يلا في إيه .. 💪💪

مش مجموعك هو ال هيصنع نجاحك .. أو حتى كليتك ..
الاجتهاد .. والسعي ممتد إلى ما لا نهاية .. الإنسان بيفضل يتعلم لحد مماته ..

ومش نظام دولة هو ال هيمشيك ... 😒
أنا عايزك من النهارده تقول .. أنا الحكومة .. 💪
وطي صوتك لحد يسمعنا .. يامحمد 🙊

يااارب تجيب المجموع ال نفسك فيه وتفرح أهلك .. 🍃🌿💙

متنساش أن عمر النجاح ما كان مقتصر على كلية .. أو مجموع ..
أنت خلقت .. لتعمل .. كل شيء في هذا الكون مسخر لك أنت .. "متخيل " ..😋
فقط لا تتكاسل ... 💙

Liked by: ياآسـمـيـن ěmy Zainab Shrf Ahmed_elkomy

ما انا قولت يمكن علشان مقولش اني مختلفه ف الرأي وعموما القرءان لا انا ولا غيري يقدر يتكلم فيه انا اقصد راي فقط لا غير اسفة جدا لحضرتك 😊

July 08, 2019

لا أعي ... عن أي رأي تتحدث ..

كلامي .. بمثابة شرح للآية .. 😓

على العموم .. لا داعي للاسف .. فكل منا يعرف ما يفعله ..
وكذلك .. الحلال بين .. والحرام بين .. ⁦⁦:-)⁩

Liked by: ياآسـمـيـن ěmy Siber yossef Aya Elabady eman saeed

+5 answers in: “ما الذي يجعلك غاضباً حقاً؟”

لا يمكن دي معناها ان مش يمكن كلامك صح ويمكن غلط يعني من الاخر مختلفين ف الرأي 😊

July 08, 2019

الاختلاف في الرأي لا يفسد للود قضية ...ياعزيزي ..

ثم انا قلت .. احنا في عصر .. السرعة .. يعني كل حاجة "ممكنة" .. وده يدل على اني مقتنع أن كلامي .. ممكن يحمل الخطأ .. بالنسبة لغيري ..

وبعدين .. "يمكن" ... مش معناها انك مختلف معايا ..معناها انك ... "شاكك" .. وفيه فرق كبير بين الشك ... والاختلاف ..

ثانيا الدين .. مفيش فيه وجهة نظرك .. ووجهة نظري .. لأ .. انا استشهدت بآية من كتاب الله عز وجل ..

أعرف ... انت مختلف في أي جزئية طيب علشان ... أوضحها ..؟؟

Liked by: ياآسـمـيـن ěmy

+5 answers in: “ما الذي يجعلك غاضباً حقاً؟”

في نظرك ايه أسباب فشل العلاقات(الخطوبة) الأيام دي ، فيه حاجة غلط أكيد ؟!

ibrAhim

July 08, 2019

فيه حاجات غلط ياهيما ...مش حاجة واحدة بس ..😂

والله ياهيما الله المستعان .. ع ال بيحصل في فترة الخطوبة ...

فشلها .. "الأهل" ... فقط لا غير ..

Liked by: ياآسـمـيـن ěmy ﮼حسين ﮼العاروري ibrAhim Zainab Shrf

+1 answer Read more

يمكن 😊

July 08, 2019

إحنا في عصر السرعة والتكنولوجيا .. فطبيعي كل حاجة لازم..تبقى ..ممكنة.. 😎

Liked by: ياآسـمـيـن ěmy

+5 answers in: “ما الذي يجعلك غاضباً حقاً؟”

حاضر و عند حضرتك حق جداااااا انا بواجه مشكله فعلا بسبب تدخلى و مساعده ناس و بيحصلى مشاكل و بتضايق

July 08, 2019

خلاص اتفقنا ... قصص ومواقف من حياة الرسول صلى الله عليه وسلم ..

وبالنسبة لموضوع الصلاة ..
شوفي أثقل صلاة على المنافقين .. هي صلاة العشاء .. وصلاة الفجر..

فالجملة دي كفيلة .. انها تُحيي ضميرك من المشكلة دي ...

________
احنا "مسلمين" ..

وركن من أركان الإسلام .. "الصلاة" ..
في القرون الاولى من الإسلام .. اتوجه سؤال للعلماء .. عن حكم تارك الصلاة ..

فالرد كان إيه ... ؟؟!
ان دي مسألة .. غير موجودة بالمرة ..
عقلهم ياعيني ..لم يتصور .. فرضية مسلم .. لا يصلي ..
ده بالنسبة لمن يترك .. صلاته ..

______وبعدين .. 😒____
الصلاة بمثابة ... شاحن .. للإنسان ..
للطاقة الإيجابية .. والسعادة ... والراحة .. والنعيم .. والجسم السليم بالمناسبة .. 😉😥

تخيلي .. ان كده .. لو آلة بتعرض على صانعها .. خمس مرات في اليوم ..

"بينظفها بقى .. ويروقها ... ويشحنها ..
يعني خمس مرات .. مش محتاجة كلام .. هتطلع متروقة لوز يعني .... مفيش كلام .. 😋

تخيلي بقى ...اننا مكان الآلة دي ...🤔
ليه بقى نتأخر في الصلاة ...؟؟! 😏

وبعدين
علشان نوصل لأعلى لذة في الصلاة .. ونشعر فعلا .. بوقوفنا بين أيدي الرحمن ... وبالروحانية العالية ..
لازم نمر ببعض الدرجات ..

الصلاة .. ثقيلة على أي واحد .. لسه في بداية إلتزامه .. مثلا ..

وبعد كده بيبدأ..الثقل يخف تدريجيًا ..كلما صدق .. عمله .. كلما صدق إيمانه..

لحد ما نوصل .. لأعلى مرحلة ..
مرحلة ..
(أرحنا بها يابلال.. ") ..
الرسول صلى الله عليه وسلم .. كان بيقول لبلال رضي الله عنه .. أرحنا بها يابلال ..

ال هو ...
يلا .. ياجماعة أنا مخنوق .. الصلاة هتبدا امتى .. ؟؟!

آخر نصيحة .. اربطي عملك بالصلاة .. انا مش هنجز أي عمل وانا عليا صلاة متأخرة ..

وبعدين أنا متأكد .. انك بتبقي مخنوقة .. وانتِ قاعدة وعليكي فرض ..

ربنا يوفقك .. ويثبتك .. ويعينك على طاعته .. 🌿

Liked by: ěmy

+7 answers in: “و بعدين اعمل ايه”

لا مش خالصين 😅 اتكلم عن كل قسم عندكم الاول😌

July 08, 2019

لا والله ... ؟؟! 😒😒

كل قسم في سطر طيب ... 😏

مدني ..
ليه مشاريع كتير... خرسانة .. أشغال عامة .. استراكشر واستيل .. إدارة أعمال ... تربة .. إلخ..
يعني بيعمل إيه ... ؟؟!!
(المباني او أي منشأ في العالم .... الكباري والخزانات .. والقناطر .. وأي منشأ مائي ..أي منشأ عمومًا ...
تخطيط خطوط السكك الحديدية .. تخطيط الطرق ... الممرات .. الانفاق .. تخطيط شبكات الصرف الصحي .. والترع .. والمجاري المائية عموما ... تخطيط المدن بكل وضوح ..
تقدير .. مياه الأمطار السنوية .. والفيضانات .. والارصاد الجوية .. ولكن بشكل مبسط .. لان ده ليه متخصصين طبعا ..

من العلوم ال بيهتم بيها .. الجيولوجيا .. الهيدرولوجيا .. ميكانيكا الموائع .. ميكانيكا التربة .. الري والصرف ...المساحة التطبيقية .. إدارة الأعمال ....

مهندس ميكانيكا .. 🛢
القسم نفسه بينقسم .. لفروع كتيرة .. ال أعرفهم ..
ميكانيكا power .. وإنتاج .. سيارات .. طياران .. أو تقريبا دول تبع البور..
بيشتغل في إيه .. ؟؟!

أكيد في أي مصنع في العالم .. لازم يبقى فيه مهندس ميكانيكا... وكذلك في أي موقع إنشائي .. وكذلك في أي مؤسسة إنتاجية ..
وبيكسبوا كتير ما شاء الله لو اشتغل في شركة محترمة .. في مكان كويس .. زي شركات البترول مثلا ...

مهندس كهربا..
ليه أقسام كتيرة برضه ...
كهربا باور .. اتصالات .. حاسبات ..
بيشتغل في أي موقع إنشائي برضه .. في محطات الكهرباء أكيد .. بل في أي محطة في العالم .. هتلاقي مهندس كهربا .. في شركات الاتصال... في شركات الالكترونيات ... هو المسئول عموما .. عن إدارة اللوحة الإلكترونية ... لأي مكينة .. او اي جهاز .. وبيشتغل في
مجالات البرمجة طبعًا ...

مهندس بترول .. وده إلى حدٍ ما معروف بيعمل إيه ..

فيه برضه .. مهندس ميكاترونكس .. وده خليط ... بين قسم كهربا .. وميكانيكا ..

مهندس معماري ..
وده قسم مرتاح.. جدا ... جدا ... جدا ..
وعلشان كده مش هتكلم عنهم .. ممكن تسألي زميلتك .. 😅😏

احنا طبعا .. كده مش خالصين .. بس أنا مسامح في ال عندك .. 😎

Liked by: ěmy

+3 answers in: “لما تكونوا مضايقين لأسباب كتير ايه الحل غير انك تتكلم مع حد وتقوله ؟ يعنى بتخرجوا ازاى من مود الحزن ؟”

مفهمتش حاجة بس ماشي 😊

July 08, 2019

لأ متمشيش من غير ما تفهمي ... خليها قاعدة في حياتك .. 😒😏

يعني .. 🤔
تعاملكِ مع الشاب في الحقيقة ليه .. ميكونش زي تعاملك معاه على مواقع التواصل .. ؟! 😒

أعتقد .. أن فيه بنات كتير على السوشيال ميديا .. تتكسف .. تكلم شاب في الحقيقة كلمة واحدة .. ووشها عذرًا يعني ..يقلب ألوان .. لو اي شاب كلمها .. لأي ظرف .. 😌🙄

ليه بقى البنات متكنش كده على مواقع التواصل .. ؟؟!

فيه بنات .. بتنفتح جدا ... جدا في هزارهم..مع الشباب هنا .. ويكأنها بتكلم واحدة صاحبتها ..
وده غلط ..

طيب غلط ليه .. ؟؟!

لان الهزار .. بيبين نواحي كتيرة من الشخصية .. وبيزيل الكلفة بين الأشخاص .. وبالتالي .. ممكن حد فيهم يفتن بالتاني..وخصوصا لو كان الحد ده عنده فراغ عاطفي ..وكل الشباب في سن المراهقة عندهم فراغ عاطفي ... علشان أكون واضح في كلامي ..😬😬

وبعدين .. ده ربنا هو ال أمرنا بده ..

______ثانيا ______

يعني ... الهزار ما بين شاب وبنت .. بيكون كنوع من أنواع ال(cohabiting)...!!؟ 😬

انت بتقول إيه يا جدع انت ..؟؟! 😡

طيب براحة ..
انت كشاب ليه تحب تكلم بنت .. وتبقى مهتم بحديثها أكتر من كلامك مع زميلك .. ؟؟!
وانتِ كبنت .. ليه تهتمي اوي بالحديث اذا كان مع شاب .. ؟؟!

لان دي طبيعة بشرية .. والإنسان بيحب الإختلاف بطبعه .. وحديثك مع شخص مختلف .. في النوع .. أكيد هيبقى ألذ وأمتع من حديثك مع من مثلك ..
(((أنا كده ... وال يقول غير يبقى "كداب" من وجهة نظري ..))) ... 😓

مجرد سؤالك عن شاب بداعي معرفة .. أخباره .. وأحواله .. بيولد نوع من أنواع " الود "

والود بين .. شاب وبنت .. بيكون مختلف عن الود بين البنت والبنت ..

كل ال أنا عايز أقوله ... بيتلخص في الآية دي ..

"""يَا نِسَاءَ النَّبِيِّ لَسْتُنَّ كَأَحَدٍ مِّنَ النِّسَاءِ ۚ إِنِ اتَّقَيْتُنَّ فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَّعْرُوفًا (32)... """

Liked by: Zainab Shrf

+5 answers in: “ما الذي يجعلك غاضباً حقاً؟”

https://youtu.be/Zqq1H79b9cY

July 08, 2019

مَّن ذَا الَّذِي يُقْرِضُ اللَّهَ قَرْضًا حَسَنًا فَيُضَاعِفَهُ لَهُ أَضْعَافًا كَثِيرَةً ۚ وَاللَّهُ يَقْبِضُ وَيَبْسُطُ وَإِلَيْهِ تُرْجَعُونَ. .. 🍃🌿💙

قصة جميلة .. 😇

Liked by: ěmy

اسلوب الحوار !!ازاي ؟

July 07, 2019

لو حد تمادى يعني .. في حديثه .. 😬

خصوصا .. لو كانت بنت... 🙄
يبقى فيه تحفظ .. شوية عندهم ..
انا بقول عند البنات مش الشباب ..

لأن البنت سهل تجذب الشخص .. بمجرد حديثها المتفاوت معاه .. السايب..يعني ..

علشان كده .. لازم يبقى فيه حذر شوية ..
وخصوصا على مواقع السوشيال .. وبالأخص ال..ask ..

Liked by: ěmy Zainab Shrf

+5 answers in: “ما الذي يجعلك غاضباً حقاً؟”

ما الذي يجعلك غاضباً حقاً؟

July 07, 2019

غاضبًا .. حقًا .. *

الكذب ...
أسلوب الحوار ...

Liked by: ěmy ياآسـمـيـن

+5 answers Read more

عمارة مبيقفوش😌 صاحبتى التانية عمارة مكنتش بتقف اه مدنى رخم جدا للبنات هندسة كلها رخمة للبنات رحت مرة مكنتش عارفة اتحرك من الشباب الكتير

July 07, 2019

بما أنك مصرة .. هشرحلك...😒😏

الهندسة المدنية أو المعمارية .. من حيث الشغل بتنقسم لثلاثة فئات ..
استشاري ...مهندس....مقاول ..

المهندس .. بينقسم لنوعين .. مهندس ..تنفيذي .. ومهندس تصميمي
designer ...

المهندس التصميمي بيقعد في مكتب معزز مكرم .. بيرسم لوحاته ..وده ملوش علاقة بال موقع ..

المهندس التنفيذي .. بيبقى محشور في الموقع معظم الوقت ... بيشرف على التنفيذ .. أو بيستلم من المشرفين ..

المعماري التنفيذي .. هيبقى في الموقع .. بيشرف على عملية التنفيذ ... زي التشطيب مثلا ..

فهمتي حاجة ..؟؟

Liked by: ěmy Zainab Shrf

+3 answers in: “لما تكونوا مضايقين لأسباب كتير ايه الحل غير انك تتكلم مع حد وتقوله ؟ يعنى بتخرجوا ازاى من مود الحزن ؟”

انا ممكن استغل حضرتك؟؟!! هاستغلك اوك تحكيلى قصه حلوه زى دى كل يوم حتى لو الاميره و الوحش و يبقى ف زى واجب مطلوب منى يعنى مثلا استغفرى 100 مره ان القصه عجبتنى هاعمل الواجب ماعجبتنيش مش عملاه و انتحر كدهوه

July 07, 2019

ممكن أستغل حضرتك ... ؟؟!
هاستغلك أوك ..
سؤال وجواب في نفسك الوقت .. !!؟ 😒
ماشاء الله .. ملحقتش أتنفس حتى .. 😏

لأ على فكرة .. أنتِ ان شاء الله هتستغفر كل يوم 100 مرة سواء سواء القصة عجبتك ولا لأ... لأنك عايزة تدخلي الجنة ..
وال عايز يدخل الجنة .. لازم يسعى ..
من طلب العلا سهر الليالي ..

وكمان هتزودي من ذكرك .. وصلاتك على النبي .. ده غير قيام الليل .. ال بيتسم بيه عباد الرحمن ..

شوفي أنتِ أكيد هتعملي دول ... علشان أنتِ واثقة أنك .. إن شاء الله هتدخلي الجنة .. والإنسان الواثق .. من نفسه .. في النجاح .. لازم يبقى مذاكر كويس جدا ...

معنديش مشكلة .. بس قولي أنتِ عايزة القصة عن إيه .. ؟؟!

Liked by: ěmy

+7 answers in: “و بعدين اعمل ايه”

الله يكرمك يارب زى ما اكرمتنى انا فعلا ضد الانتحار و من شهرين كنت بعانى فى اقناع واحد عاوز ينتحر و ماكنتش عارفه اعمله ايه بس هو مريض نفسى ... انما فعلا كل حاجه بتبدا صغيره عند حضرتك حق ...

July 07, 2019

شوفي ... بلاش موضوع المناقشة وخصوصًا مع مرضى نفسيين .. أنتِ مش متخصصة علشان تناقشيهم ..
غير ده ... ان المرضى النفسيين .. عندهم قوة إدراك كبيرة ..جدًا ... وغير ده معظمهم .. بيبقوا ناس كانت في الأصل .. متعلمين .. وعندهم خلفية ثقافية عالية ..

زي الملحدين ..
الملحد .. ده شخص قارئ وفاهم .. والجانب العلمي عنده طاغي اوي .. ع الجانب الديني ..

ممكن يوقعك انت لو مش مذاكر كويس ..
هو بيبقى زي المريض النفسي ..
المريض مدرك .. لحاجة طاغية على تفكيره ..
فكرة معينة .. بتجيله كل شوية.. وبحث عن الفكرة دي .. وقدر يثبت صحتها .. ولكن بالنسبة ليه هو ..
ولو تناقش مع واحد .. مش قد كده د .. ممكن يقنعه بالفكرة دي ..

Liked by: mâh möha⁦❤️⁩"⁦️⁩مهموهاا" A❤️ ěmy BoDa ياآسـمـيـن

+7 answers in: “و بعدين اعمل ايه”

تمام ،،ما أنا بطلب اهو،😅 حط اي لينك بدون ميوزيك :))

لا حول ولا قوة إلا بالله

July 07, 2019

عذرًا...
https://soundcloud.com/ali-eltantawy-860789011/sets/gq6bktvdrbcn
دول أناشيد ..
اغاني بدون موسيقى مش عندي بصراحة ..

Liked by: ěmy Zainab Shrf لا حول ولا قوة إلا بالله

+1 answer in: “ساوند حلو -بدون موسيقى- 🌸🌷”

ههههههههه

July 07, 2019

شاوت زي ده .. ليه مش ندعموه مثلا .. ؟؟
حلو وجميل ... وبيضحك كمان أهوه ..

شوف المحادثة البسيطة دي .. 🌿
سألت عائشة مرةً رسول الله: كيف حبّك لي؟
قال : كعقدة الحبل فكانت تسأله مرةً بعد مرة كيف العقدة؟
فيجيب : على حالها ...
" أعظم ما قيل في الحب حرفيًا "

Liked by: ěmy Fatima

ساوند حلو -بدون موسيقى- 🌸🌷

لا حول ولا قوة إلا بالله

July 07, 2019

فيه فعلا حاجات بدون موسيقى ....
وممكن نستغله في حاجات كتير غير الأغاني ..

Liked by: ěmy

+1 answer Read more

الدعاء ده سحر : اللهم اني توكلت عليك انت خير وكيل دبرلي امري فاني لا احسن التدبير💙🎀

Shaimaa

July 07, 2019

"الدعاء" نفسه ... سحر ومعجزة .. في نفس الوقت ..
يعني تخيل أنت بتطلب حاجة ببلاش .. ليك قصاد الحاجة دي .. تلت إختيارات ..

أول حاجة .. ربنا يحققلك طلبك ...
ثاني حاجة .. يرد عنك بلاء... أو رد القضاء يعني ..
ثالث حاجة .. تاخد بيه رصيد من الحسنات يوم القيامة ..
يعني كسبان.. كسبان والله ... 😋

المهم إحنا ندعي بضمير ... وندعي علطول .. وندعي بقلوبنا .. مش مجرد تحريك شفاه ..
يعني اعمل مجهود طيب .. قصاد الحاجة ال انت عايزها .. 😅

Liked by: Zainab Shrf smile Shaimaa

سورة الحِجْر .. مكية .. نزلت في عام الحزن .. بعد موت عم الرسول .. وزوجته خديجة .. وأثناء حصار قريش له وللمسلمين ..فنزلت مهددة للمشركين وتهدئة للمسلمين .. كذلك نزلت في قوم صالح عليه السلام ..حيث أخذتهم الصيحة بعدما عتوا عن أمر الله .. توضح تقدير الأرزاق بين العباد..أصل خلق الإنسان..وأصول الدين 🌿

Ehab .. ^⁠_⁠^

July 07, 2019

......

Liked by: Esraa Safaa جهاد ءاية عماد الدين ^_^

+29 answers in: “سورة الفاتحة.. ليها أسماء كتير ، أم الكتاب ..علشان بتحوي مفهوم كتاب الله كله وسبب نزوله وهو التوحيد ،هي الشافية ،الكافية،العافية، وهي السبع المثاني. السورة دي مجرد قرائتها ليه فضل عظيم ،كما أنها شفاء من الأمراض،شفاء م السحر والمس والعين ،متنسوش انها سورة مدنية سميت كده علشان هي مفتاح كتاب الله🍃”

طب ماتقولى الحل من غير ماتعرف مثلا

July 07, 2019

انتحار .. ماذا .. ؟! 😬
لأ دي إحدى محاولات الشيطان.. والدليل أنه دخلك من المدخل ده .. أن فيه راحة .. أو هيبقى فيه راحة .. وهترتاحي من الدنيا كلها .. بعد كده
الإنتحار بيبدأ بفكرة صغيرة .. بعد كده بيبدأ يكبر... واحدة ... واحدة ..😬

______هقولك قصة صغيرة عن حكاية الانتحار دي ...___

أنا واحد قريبي كبير مش صغير ... متزوج وعنده أولاد .. وعنده محل ملابس وتفصيل..إلخ ..
كان تقريبا هو ال شغال في البلد كلها .. ما شاء الله يعني .. كتب بوست ع الفيس كاتوصية .. اننا ندعيله بعد موته ..
بعدها بكام شهر .. تقريبا شهرين تلاتة ..
سمعنا خبر انتحاره ..

للاسف .. الشيطان دخله من ناحية الراحة.. وعمه كان بيحب الهزار شوية .. هو كان بشوش جدا .. وعاقل جدا .. لدرجة ان كل الناس في البلد .. اندهشوا من الخبر ده ..

سبب الانتحار للاسف ... أنه كان عنده اكتئاب .. ومفيش حد بجانبه .. بالرغم أنه عنده اخوات كتير .. بس كل واحد ملهي في شغله ..

طريقة الانتحار نفسها ... أنه أخد حبيتين .. "ما أخدهمش علشان ينتحر على فكرة.. دول أخدهم علشان يبتز بيها زمايله واخواته .. أنهم يكونوا عنده في البيت .. ""
بعد ما اخد الحبوب دي .. اتصل على بعض من زمايله ..
""الحقوني .. انا اخدت حبوب .. ياتلحقوني .. يامتلحقونيش..""
وزمايله طبعا ... في ظرف دقيقتين .. جابوا عربية وكانوا عنده في البيت .. وهو رايح المستشفى .. كان بيهزر مع والدي .. بيقوله خمسة وجايلك تاني ..كان ساعتها الله يرحمه لسه بخير ..
وطبعا احنا منعرفش أنه أخد حبوب أصلا .. لانه كان بخير فعلا ..
والحبوب تأثيرها بان لما دخل المستشفى ..
الله يرحمه ..
______

شوفي الحكاية بدأت بايه .. ؟؟
ببوست ع الفيس .. وبعدين شوية هزار ..

كل حاجة بتبدأ .. بفكرة صغيرة .. استعيني بالله دائمًا واستغفري كتير .. لما الموضوع يوصل معاكي .. للفكرة دي ..
ثم أن الراحة بتكمل فينا إحنا .. احنا ممكن نتحكم فيها .. مش العكس ..
الإنسان هو ال في إيده كل حاجة .. بمشيئة ربه طبعا ...

Liked by: mâh möha⁦❤️⁩"⁦️⁩مهموهاا" A❤️

+7 answers in: “و بعدين اعمل ايه”

بتسجل على السيستم وتكتب اسم الصيدلية ورقم تليفونها وبتاخد ورق معين كدا وتخلى دكتور الصيدلية يمضيه وبعدين بيكون ليك معاد مع دكتور الكلية فبتسلم الورق دا وممكن يسألك على حاجات فى الصيدلية وممكن لا ،امر روتينى يعنى ممكن يتعمل من من غير ما تقف فى الصيدلية بس الأفضل تقف تدرب شوية 😅

July 06, 2019

أنا بتكلم على التدريب نفسه ..
وقوفك في الصيدلية مش تدريب .. ممكن اي حد يقف في الصيدلية .. انا معظم زمايلي شغالين دكاترة فعلا.. 😅
لأن عملية البيع .. ممكن أي حد يقوم بيها ... إذا كان عنده خبرة كافية ...

انا كنت فاكر ان تدريبكم .. بيكون على كيفية تصنيع الدواء نفسه .. او بيكون في شركات تصنيع الأدوية ..

+3 answers in: “لما تكونوا مضايقين لأسباب كتير ايه الحل غير انك تتكلم مع حد وتقوله ؟ يعنى بتخرجوا ازاى من مود الحزن ؟”

-.. لو شخص كان بيعمل حاجات غلط.. وفقد الذاكره لسبب ما..! و بعدين حطناه في ظروف احسن.. تفتكروا هيتغير..؟! وليه؟

July 06, 2019

مش شرط يتغير لأ ...
ممكن يرجع عادي ..
المهم يكون عنده عزيمة أنه ميرجعش مرة تانية .. سواء فقد الذاكرة أو لأ ..

غير ده .. أن الظروف مش هي ال بتغير .. الإنسان ..
إحنا ال بنصنعها ... وبنتحكم فيها بالشكل ال احنا عايزينه ..

وكل واحد وقوته على تغيير الظروف ..

To Someone .. 💜💫

Abdallah

July 06, 2019

حقًا ... لقد تركت اثرًا طيبًا ..

ربنا يوفقك في حياتك المقبلة .. وتحقق كل ما تتمناه إن كان خيرًا لك .. 🌿

Liked by: Abdallah

و بعدين اعمل ايه

July 06, 2019

تعمل إيه في إيه ... ؟!
أكيد مش هعرف لوحدي .. قولي بس المشكلة فين .. 😅

+7 answers Read more

بحب اهلي اوي.. ومبتعاملش معاهم حلو واحشني اوي.. وهما معايا ف نفس البيت.. وانا اللي بسيبهم واعد لوحدي في ايه بقا؟

July 06, 2019

ههههههههههه .... في إيه أنت .. ؟!!

بتحبهم .. ومش بتتعامل معاهم حلو .. 😬

ياحبيبي خد بالك .. الرسول بيقول أنت ومالك لأبيك .. 😏

وأحق الناس بصحبتك .. أمك ثم أمك ثم أمك ثم أبوك .. 😒

خد عندك الحديث ده ..( أي العمل أفضل يارسول الله .. ؟؟!
1_الإيمان بالله ورسوله
2_ بر الوالدين ..
3_الجهاد في سبيل الله ..
شفت بقى ... ياسيدي .. 😏😒

خد عندك .. واحد كان عايز يجاهد في سبيل الله .. فذهب لرسول الله صلى الله عليه وسلم .. أريد أن أجاهد بجوارك يارسول ..
فسأله .. (أحي والداك..؟! ) الحج والحجة حيين يعني.. ؟!
قال : نعم ...
قال .. ففيهما فجاهد .. !!!
انت متخيل .. بقى أن معاملتك الحسنة لأهلك .. أفضل من الجهاد في سبيل الله .. 😬😬

خد عندك ... انت لو بتصلي نافلة ... ووالدك أو والدتك دعاك لتحضر .. نده عليك يعني..
انت تترك صلاة النافلة .. تسلم من الصلاة.. وتروح تشوفهم عايزين إيه .. 😒

وبعدين شوف ربك بيقول إيه ...
((وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا ۚ إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلَاهُمَا فَلَا تَقُل لَّهُمَا أُفٍّ وَلَا تَنْهَرْهُمَا وَقُل لَّهُمَا قَوْلًا كَرِيمًا ** وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا** ))

بتسيبهم .. وتقعد لوحدك .. 😬😬

لا ... لا .. ميصحش والله ..😏

مش هتلاقي حد بيكلمك .. أحسن منهم .. ولا بيحبك أكتر منهم .. غير ده الناس الوحيدة ال تتمنى .. انك تكون أفضل منهم ..
اشبع بكل لحظة معاهم .. علشان هييجي اليوم .. ال هتفتقد فيه نظرة واحدة منهم .... 😬
ربنا يباركلك فيهم ... 🌿🍃

عن سعد بن أَبي وقاص رضي الله عنه، قَالَ: سَمِعْتُ رسول الله صلى الله عليه وسلم، يقول: إنَّ الله يُحِبُّ الْعَبْدَ التَّقِيَّ الغَنِيّ الْخَفِيَّ 💜

July 06, 2019

مين بقى العبد التقي ... الغني ... الخفي.. أو الحفي

التقي 🤔 ... هو .. الذي يخاف الله .. الذي يفعل ما يأمره .. ويمسك عما أنهاه ..

الغني 🤔 ... هو غني النفس .. المحبوب .. وفيه روايات بتقول أنه .. غني المال ..

الخفي .. ؟؟ 🤔
هو المنقطع إلى عبادة الله والإنشغال بأمور نفسه .. عن أمور الناس ..

واذا كانت "بالحاء" ..يعني "الحفي" ..
يقصد بها .. الواصل رحمه .. اللطيف بهم وبغيرهم من الضعفاء .. 🍃🌿

Liked by: fatma gamal

‏مَهما كُنت ذَكياً سيقودك قلبُك للغباء أحياناً ..

July 06, 2019

إن تركت له زمام الأمر .. 🤔
لذلك لا تتركه .. حتى لا تندم بعد ذلك ..😬

احسنت والله.. 👏 اجابتك اقنعتنى جدا .. ✋

July 06, 2019

الإحسان الله .. 😇🍃

+2 answers in: “‏سؤال للشباب انتوا فعلا بتشوفوا البنت اللي مش بتحط makeup جذابه اكتر ؟!”

لما تكونوا مضايقين لأسباب كتير ايه الحل غير انك تتكلم مع حد وتقوله ؟ يعنى بتخرجوا ازاى من مود الحزن ؟

July 05, 2019

لما أكون مضايق كتير ... اوي .. اوي ..
وخلاص بقى هم وحزن...وكده ..

بقوم اتوضأ ..واصلي ركعتين .. بنية تفريج الهم ..
وبعدين...ادخل اوضتي ..اقفل بابي.. وابدا .. أتكلم مع ربنا ... وهكذا...
او بخرج.. اشم شوية هواء ..كده يردوا الروح .. 😅
او بقوم أغسل المواعين...أنضف الشقة .. 😌😅
كل واحد .. وطريقته بقى ..🍃😇

Liked by: Zainab Shrf

+3 answers Read more

نقطتين * الاولي : بتقول ان من عادتك تبص ف وش اللي بيكلمك ودا مع البنات مش صح ربنا امرنا بغض البصر الثانية : بتقول ان ميكب يفرق عن ميكب ازاي يعني مش فاهمه ربنا حرم كله ومفيش حاجة اسمها في ميكب حرام وفي ميكب حلال مهما كانت درجة الميكب ف هي حرام !!

أمينـة أحمد.

July 05, 2019

سيدتي الفاضلة ..
أنا قلت من عادتي بنظر لوجوه "الناس" وأنا بكلمهم ..
مقولتش البنات ..

أنا قلت الجملة دي .. مقدما على من سيقول وانت إيه أصلا عرفك أن فيه ميكب ياحضرت .. ؟؟!

نيجي بقى لسؤالك ... توضيح "النقطة الأولى .. " ..
انا أقصد بكلامي .. أن أول كلامي مع حد .. ببص في وجهه .. بمعنى فيه بنت كلمتني وانا واقف مع اصحابي .. طبيعي ألتفت وابص في وجهها.. عشان أعرف انا بكلم مين..
ده ال أقصده .. مش اني أقعد أتمعن النظر في شكلها .. "النظرة المحرمة" .. !!
وبإستمرار الحديث معاها.. انا ببص على الحاجات ال بنتكلم عنها ..
مثلا ""شوفي حضرتك هناك .. الميزان ده عايز يتظبط شوية....إلخ ""
كده مثلا ..

النقطة الثانية بقى ..
الميكب ممكن يكون حلال على فكرة إيه المشكلة ... ؟؟!
والخمر...ممكن يكون حلال ... إيه المشكلة ..؟؟

واحدة تحت عنيها غامق كده .. وارهاق يعني ..
فيه حبوب مثلا وجهها ...
عندها مثلا ... إعاقة .. أو حرق معين ... حواجبها .. اتشالت مثلا في حادث ما ...
الرموش مثلا اتحرقت .. وهي قريبة من الفرن .. 😅
كل ده وارد .. ولو مشيت بالشكل ده ... زمايلها النساء .. هتنفر من شكلها.. فالطبيعي انها تحط الميكب ال يعدل شكلها ده للشكل الطبيعي... علشان حتى محدش ينفر من شكلها ..
مش عايز أصدمك وأقولك .. أن فيه ميكب حلال ..

فهمتي أنا أقصد إيه ... ؟؟

Liked by: Merehan elsayed khaled

+2 answers in: “‏سؤال للشباب انتوا فعلا بتشوفوا البنت اللي مش بتحط makeup جذابه اكتر ؟!”

‏سؤال للشباب انتوا فعلا بتشوفوا البنت اللي مش بتحط makeup جذابه اكتر ؟!

July 05, 2019

هههههههه... أكيد طبعًا .. 😅

بس لحظة .. واحدة .. أنا من عادتي .. ببص في وجوه الناس وأنا بكلمهم .. والكلية عندنا فيها إختلاط .. بحكم المشاريع ال بنعملها وبيبقى الجروب مختلط.. فيه بنات .. بيعموا ده .. وفيه بنات لأ ..

من المؤكد .. إن البنات ال بتعمل كده .. لازم تبقى أجمل من البنات ال مش بتعمل كده ..

أنا تكلمت .. عن الجمال الخارجي .. أتكلم بقى ع الجمال الداخلي .. ال الشباب بتدور عليه ..

أول انطباع عن البنت ال بتحط ميكب .. انها مش متدينة .. يبقى لا تصلح للزواج ..حتى تتعفف 😬

معلش يعني .. شباب المدينة كلهم .. قعدوا يتمعنوا ويتفحصوا... في الميكب بتاعها .. وياعالم بقى طالما بتضع الميكب ده .. يبقى لبسها شكله إيه .. 😬😅

بمعنى آخر .. البنت دي أصبحت .. مستهلكة .. لا تصلح للاسف .. 😅

البنت ال مش بتحط ميكب .. ولبسها فضفاض .. وواسع كده .. محدش بيفكر ينظر إليها أصلا .. ولو حد شافها .. هيدعي ليها .. ولأهلها..

لأن أول انطباع يؤخذ .. عن طريق العين .. والعين ترى المظهر .. وبالتالي العقل يحلل حسب تفكير بقى كل واحد ..🍃
_____________
بالمناسبة .. ميكب عن ميكب يفرق .. **
انا بتكلم على الفئة .. ال بتااڤور .. وبتلفت الإنتباه ليها ..

وربنا يهديهم كلهم ... 🍃

Liked by: GuillermoBuonomo Eman El Sadek zyxuuuffigifi Aya Elabady

+2 answers Read more

احنا بنتعامل مع الناس على حسب اخلاقنا ولا كل واحد على حسب معاملته لينا ؟

July 05, 2019

تقصد تقول ... إنك لازم تتعامل معهم بالحسنى .. اذا كانت عايز .. تبقى أحسن منهم يعني .. 😬😬
أو
تعامل معهم ... كما تحب أنت أن يحدث معك .. 🤔

وقابل دائما الاساءة بالحسنة .. 💙
ده ربك عز وجل هو ال بيقول ده ..

"""ادفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ وَمَا يُلَقَّاهَا إِلَّا الَّذِينَ صَبَرُوا وَمَا يُلَقَّاهَا إِلَّا ذُو حَظٍّ عَظِيمٍ وَإِمَّا يَنْزَغَنَّكَ مِنَ الشَّيْطَانِ نَزْغٌ فَاسْتَعِذْ بِاللَّهِ إِنَّهُ هُوَ السَّمِيعُ الْعَلِيم"""
_______
ومتنساش .. لو حد اساء ليك .. انت تعمل ايه .. (وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللَّهُ يُحِبُّ الْمُحْسِنِينَ)
مين دول بقى ... ؟؟!
دول المتقين .. ال كان ربنا بيوصفهم لحضرتك ...
______
ومتنساش .. تبادر انت بالكلام الطيب ..

(ألم تر كيف ضرب الله مثلا كلمة طيِّبة كشجرة طيِّبة أصلُها ثابِتٌ وفَرْعُها في السّماءِ تُؤتي اُكلها كلّ حين بإذنِ رَبِّها)

Liked by: Mahmoud "H♥️" israa

يارب انت اعلم بما اريده. يارب ارنى عجائب قدرتك فى تحقيق ما اتمنى 🙌🙌🙌 #ادعولى ربنا يستجيب منى 💚

July 05, 2019

آمين يااارب العالمين ...😇

وممكن تقول في دعاء أشيك .. كده ..

اللهم اختر لي الخير حيث كان .... ثم ارضني به ..

ومتنساش ... ان الدعاء .. ليه ثلاثة أوجه ..

إما .. أن يحققه الله مباشرة ..
وإما .. أن يرد لك قضاء ..
"يمنع حدوث إبتلاء" .. يعني
وإما يقدمه لك .. كحسنات .. في الآخرة ..

يعني من الآخر انت كسبان... 😉🍃🌿

وعلى العموم .. ربنا يحققلك ما تتمنى .. 💙

Liked by: israa

يا اهل الخير ارجوكم اللي من سوهاج يقولي علي دكتور كويس لعلاج الشعر شعري بيسقط ومش لاقي حل ليه 😢💔

July 05, 2019

فيه حاجة اسمها .. perfectodil 5% ...
ده كويس جدا .. ناس زمايلي جربته .. وشكرت فيه ..
وفيه .. حاجة كمان ...بس مش فاكرها دلوقت للاسف .. 😅
بس .. ال فوق ده يكفي .. عموما يعني

Liked by: Mahmoud "H♥️" israa

حضرتك كان فيه كيو عن فضل قراءة سورة الكهف مش متذكرة اوي وحضرتك قلت مفيش احاديث.. انا غ. س.. بس ممكن حضرتك تقرأ دا 👇 https://fatwa.islamweb.net/ar/fatwa/116671/ واعتذر ع التدخل بس الكيو لفت انتباهى.. لكن.. م متذكرة انسر حضرتك..

July 04, 2019

نقطة الجدال نفسها... مكنتش على فضل قراءة سورة الكهف ..
ولكن كانت عن "فضلها يوم الجمعة.."..
وان مفيش تقريبا حديث صحيح .. أو حتى ضعيف .. عن فضل قراءتها يوم الجمعة..
ده كان كلامي عنها ...
والكلام ده قولته بناء على كلام الشيخ الحويني .. قال كده في فيديو ..
وواحد دخل الثريد .. وبعتلي فيديو آخر للحويني .. قائلا فيه .. أنه فيه احاديث ولكن ضعيفة ..
يعني الشيخ الحويني .. قال مرة مفيش أحاديث وردت عنها ...
ومرة آخرى .. قال ان فيه أحاديث ولكن ضعيفة ..

ده كل ال حصل في الثريد ..ده
__________

الرابط ال حضرتك بعتاه ده إختلف في فضل قراءتها يوم الجمعة ..
قال ده ...
((وروىالحاكمفي المستدرك مرفوعاإنمن قرأ سورة الكهف يوم الجمعة أضاء له من النور ما بين الجمعتين.وصححهالألباني..

ولا شك أنه قد ورد فيها أحاديث ضعيفة مثل حديث:من قرأ سورة الكهف يوم الجمعة فهو معصوم ثمانية أيام من كل فتنة تكون فإن خرج الدجال عصم منه.

ومثل حديث:ألا أخبركم بسورة.... ومن قرأها غفر له ما بينه وبين الجمعة الأخرى وثلاثة أيام..)))

وعلى ذلك فإن الأحاديث الواردة في فضل قراءة سورة الكهف يوم الجمعة منها الصحيح ومنها غير ذلك...

على العموم ... شكرًا .. على التوضيح .. 🌿🍃

Liked by: israa MonMon Aya Elabady

+7 answers in: “الغداء ايه”

اللهم امين يارب واياك جزاك الله خيرا "لعل الكلام الجميل اللي بسمعه هنا يديني جرعه صبر وقوه اواجه بيها الكلام المحبط "

July 04, 2019

عذرًا ... لأ ... 😬
زي ما قولتلك ..
"قوة إيمانك وثقتك بربك .. هي من ستجعلك قوية .. دائمًا وأبدًا .."

مرة ثانية ... لقد خلقنا الإنسان في أحسن تقويم ...

يعني أنتِ نفسك ... أجمل من القمر ... نفسه
أو "الإنسان عمومًا" ...

متجلعيش كلام أي حد ... عائق علشان يبعدك عن ربك ..

ونصيحة .. الكلام المحبط ده واجهيه.. "ببردو" .. سوري في اللفظ ..
بس والله ده أنسب حل .. لأي حد دبش في كلامه...
" برود أو تجاهل " ... وتدعيله برضه ربنا يشفيه .. لان دي مرض خدي بالك..😬🍃

Liked by: MonMon

+2 answers in: “عايزه اسال سؤال شخصي شويه انا عندي 25سنه بس شكلي وحجمي اصغر من كده تفتكروا الموضوع ده ماثر عليا بحيث مش بيتقدملي حد اد كده”

انا بكون قويه لحد ماسمع كلمتين يضايقوني 😂😂 ربنا يبارك فيك دايما بتجاوب اجابات تشفي العليل 🌸

July 04, 2019

الله يكرمك يا غالية .. 🍃

المهم .. تكوني مقتنعة بده .. إن إختيار ربك ليكي هو من سيكون .. دائما وأبدًا.. الإختيار الأمثل ...

حتى ولو كان القرار ده .. "عدم زواجك"
يعني ممكن تتزوجي .. من هنا .. ويحصل مصيبة من هنا ...
فقرار ربك .. بعدم زواجك .. منع المصيبة دي من حدوثها .. 😉

وبعدين .. شباب إيه اليومين دول ال انتِ تنعي همه ده .. ؟؟! 😬
و"انا" منهم على فكرة ..
الله المستعان ... 💔

ومتهتميش بكلام أي حد ... ممكن ايوه يبقى فيه نساء في العيلة بيلمحوا بالكلام.. أو بعض أصدقائك ... بيعملوا ده ..
بس الأحسن أنك تطنشي ..

وبعدين .. عايزك تنظري للجانب الآخر .. ال هو شوفي مين .. ال بيجرحك بكلامه .. وشوفيها متزوجة ولا لأ .. وشوفي حياتها سعيدة ولا لأ ... ؟!

ممكن حياتها .. تكون أتعس منك مليون مرة .... " محدش يعرف "

علشان كده .. لا تلتفتي لأي قيل ..

وربنا يوفقك في حياتك إن شاء الله ..🍃

Liked by: MonMon

+2 answers in: “عايزه اسال سؤال شخصي شويه انا عندي 25سنه بس شكلي وحجمي اصغر من كده تفتكروا الموضوع ده ماثر عليا بحيث مش بيتقدملي حد اد كده”

عايزه اسال سؤال شخصي شويه انا عندي 25سنه بس شكلي وحجمي اصغر من كده تفتكروا الموضوع ده ماثر عليا بحيث مش بيتقدملي حد اد كده

July 04, 2019

لأ طبعا ... إيه علاقة ده بجوازك... ؟؟ 😌😅

خدي بالك ... دي إحدى مداخل الشيطان علشان ... يشكك في نفسك .. ويضعف ثقتك بالله عز وجل...

وبعدين ياابنتي ... ربك بيقول ..
""لَقَدْ خَلَقْنَا الإنْسَانَ فِي أَحْسَنِ تَقْوِيمٍ"" 💙

ييجي بقى وسواسك .. علشان يشكك في نفسك .. ويقولك مش بيتقدملك حد قد كده .. علشان إنتِ شكلك كذا .. وطولك كذا .. ومش عارف إيه .. !!!؟
تقومي إنتِ مستغفرة بسرعة .. وتطردي الأفكار دي من دماغك نهائي ..😬

شوفي.. أنا شاب .. وأول حاجة بتجذبنا ..هي
""الأخلاق"""
كثير من الفتيات ... جميلات .. وطوال .. وحلوين ..
ولكن أخلاقهم منعدمة .. بمعنى الكلمة ..
قسما بالله .. النوع ده إحنا مش بنلتفت ليه ...أساسًا

لو ثقتك في الله .. كبيرة .. وإيمانك قوي .. أنتِ مش هتفكري في الحاجات دي تاني ..

Liked by: MonMon

+2 answers Read more

الطبق التالت كبده 😎

July 04, 2019

أيا كان مين الحيوان ال قال اللفظ السيئ ده ... فأنت أخدت بلوك ...

ياريت .. قبل ما تقف أمام ربك ورسولك... تقطع لسانك ده .. لأنه هيشهد على ألفاظك..

بس مش هزعلك ... عايز تتخلص من ألفاظك السيئة دي .. عليك بمداومة الإستغفار .. والذكر .. والتسبيح ...
وابعد عن مجالس السوء .. نهائي..

""ما زلت حيوان ... حتى ترتقي "" .. ⁦:-)⁩

Liked by: MonMon

والطبق التاني بطاطس 😎

July 04, 2019

آخيرًا....
هههههه....الطبق التاني صح ... 😂

خد هديتك بقى .. وادعى لينا كلنا .. بحسن الختام .. 🌿🍃💙

Liked by: MonMon

بانيه وسلطة

July 04, 2019

إجابة خاطئة ... 😢

مش عارف أقولك إيه الحقيقة... 😬😂

الحجة طول عمرها .. مشرفاني .. 😛💙

خد بقى آخر هدية ياجميل ..

هعلمك لغة جديدة ... 😉😂
أخويا الصغير .. بما أنه لسه بيبي .. وكده وفي بداية مشواره ..
فعنده لغة لوحده كده .. 😅😂
عايزك تتعلم .. علشان تعرف الأطفال بيقولوا إيه ..

"بابااتي" .. يعني بابا جه ..
"ماماتي".. يعني ماما جات ..
"وراري" .. تعالى ورايا .. اركب العجلة مثلا ..😅
"موب" .. موبايل ...
"حموا حموا " .. يعني عايز أخد دش ..

إلخ .. 😅😂
تنساش تصلي ع النبي بقى .. 🌿🍃💙

Liked by: MonMon Zainab Shrf

+7 answers in: “الغداء ايه”

Nothing here yet