Mohamed Bek(المستشار)

December 08, 2019

6 نصايح بعد الفراق ?

(1)

لو فرقت وكنت انت المجروح

اياك تبوح او تتكلم

اضحك وعادي وحاول تخبي انك بتالم

الضحكه في وقت هزيمه البيع بتفقد للبايع لذه الانتصـار

اقفل قلبك عليك وعادي لو حسيت بانهيـار

محدش غيرك هيبنيك

الكل هيهتم يعرف بس اخر الاخبار ?

محدش مهتم يعرف ايه اللي فيك

فبلاش تحكي

كلمه معلش منهم مش هتشفيك

ولا هيطلع الورد من الصبــار

(2)

اعمل حسابك تاخد معاك مناديل زياده ?

في رحلتك في اخر الليل

والقهوه تبقي ساده

تحلي بيها مراره الويل

والحزن هيبقي عاده

وهيموت فيك كل جمــيــل

هتنكسر لفتـره وهتعيش فيلم اكتئابك لاخر النص

الالم هيخف لكن بيحتاج في بدايه يتحس❤

(3)

امسح ذكرياتك?

واحرق صورهم واعمل من رمادها حجاب

احذف الشات اللي ما بنكم ووزع الهدايا على الصحاب

كمل حيـاتك وبلاش تفكر في اللي غــاب

دواي قلبك واخرج بتدريج للفجر من اخر ليل اكتئاب

الشمس اخيرا هتنور في نص المشهد جواك

مقسوم اتنين نص معا ونص معاك

في نص لسه ممليش من الانتظار
في نص لسه بيحن
في نص لسه ليل ونص نهار ?
(4)
بعد الفراق بنعيش في مساحه كبيره من الملل
خانقه و عزله وفقدان جزء كبير من الامل
طبيعي بيتحول الوقت اللي كان ضايع في اهتمامنا
لوقت بيقتل فينا بالبطئ
واحنا لسه على البر بنجرب احساس الغريق
وبنغرق في اليوم اللي رافض يمر

على الليل اللي كان سبب في سعادتنا اتحول مر
كنا بنستنا الليل بعد نهار وزحمته

علشان نكلم ونملى الليل هزار ?

بيعدي الوقت وبنوصل للقمر ونحكيله اسرار
القمر مبيسمعش من الناس اللي متسابه
القمر غدار
فبلاش السهر في واول شهور فراق
لانه غير صحي على الحياه اللي لسه بتولد جواك
الليل مقوي طبيعي للاشتياق (5)
فكردايماانك كنت تستاهل حد احسن او عالاقل حفله شكرا لمجهوداتك ف التمسك لفتره طويله ف الخيط .بسبب الفراق ده
في اطفال متخلقتش في بيت مبقاش بيت
فكر انكم لو كنتم كملتوا جايزكنت تتمني النهايه وتقول ياريت
وهتعب ايدك من التخبيط
وتتمنى السناريوا اللي عايشوا دلوقتي
وتحمد ربنا انه كان اهون سيناريو ع قلبك انو كان بسيط بعدشهرين بكتيرهيتحول لمجرد شخص قابلته هتحس انك متسبتش هتفرح انك سبته وهتفتح عينك ع كل العيوب وهتحمدربنا ع المكتوب وبعد 3 شهور هتعرف تنام ومرحله الليل هتعدي عليك بسلام هيتقالك مالك هترد بخير وبعد 4شهور هتبداقصه جديده?

Liked by: ..نــبـےْـضَ ♪ ماذا بعد ؟! Лёха manar سُرسُر Aseel |"아실"| ‘ نُـــور ♡︎ رواية لم يقرأها أحد ꜥꜤᥒᥲdᥲ፝֟֯᭡. ٱلـَُـمــٌلـَـگِـٌـة

+15 answers Read more

وحشاني? قولولي رأيكم?

December 28, 2019

وحــشــانــي?

بعـــد الـــفــراق بـــكـــتـير

افـــتكــرتك

حــاسس بــخـنقه وشــوق افــتـقدك?

بـقلــنا كـــتير متــكلــمناش مـــالك

ازاي تــنــســيني?

وانـــا الـــي كـــتير شــغلت بـــالك

ده انـــا الــي وقـــفت جـــنبك لمـا كــلو ســابك?

ولا عـــمري جــرحـــتك ويــاما ادلــعتي وغـلطي

وبــردو ســمــحتك?

احــكـــيلــي

فــي لـــيالي الـــبعد حــاسـه بأيـه?

لـــو كــان الـــطــريق شـــوك

افـــرشــلك قـــلبي تــمــشي عـــليه?

خـــدي عــمري وســبيـلي بــس كــلمه

بـــحــبك?

عـــصايه اتــســند عـــليها كــنت عـــاوز

اي حــاجه مــنك افـــتكرك بــيها?

عـــاوز اســـالك ازاي انـــام وارتــــاح

شــهــيق داخـــل يــخرج زفـــير

حـــته الـــهواه دبــــاح

بـــسهر اســرح فــي ليل

وليــل طــويل

يـــاعــين

نـــامي يـــمكن نــحلم بـــيها حــلم جـــميل ?

Liked by: Aya mera Лёха manar سُرسُر ‘ نُـــور ♡︎ Mona Meow meow ꜥꜤᥒᥲdᥲ፝֟֯᭡. ٱلـَُـمــٌلـَـگِـٌـة مِـنَّـة

ازاي تخلي حببتك سعيده او مراك؟؟ انا حعمل كدا مع اللي هحبها?

December 07, 2019

ازاي تخلي مراتك .. اسعد واحدة ف الدنيا ❤

1 _ قولها بحبك
2 _ خليك دايمآ ف ضهرها ومتتخلاش عنها .. خليك راجلها
3 _ عودها تجري عليك وتحكيلك مشاكلها من غير كسوف
4 _ صاحبها وشاركها كل اهتمامتها .. مالهاش غيرك يا معلم
5 _ البنت طبيعي تخاف .. وانت طبيعي تطمنها .. طمنها كأنك باباها
6 _ احميها من كل الناس والدنيا .. وان حكمت احميها من نفسك
7 _ اتكلم عنها وانت فخور بيها
8 _ وانت ف شغلك ابعتلها رساله قولها وحشتيني .. المسج دي عندها بكنوز الدنيا
9 _ لو عايزها تعمل حاجه بلاش تديها أوامر .. الراجل الذكي اللي يخلي حبيبته تعمل اللي هو عايزه من غير ما يطلب
10 _ كلمها بالليل قبل ما تنام .. ولو قدرت تحكيلها حدوته يبقي كتر ألف خيرك يا شيخ
11 _ بلاش جو متلبسيش ومتخرجيش ومتعمليش ومتكلميش ده .. انت بتحبها مش شاريها ف سوق عكاظ للجواري
12 _ متعليش صوتك عليها مهما حصل .. متخوفهاش منك
13 هاتلها اي حاجه حلوه .. وياريت شكولاته .. اعتبرها بنتك يا أخي
14 _ عارف ايه اكتر 3 حاجات محتاجاها منك ؟! .. الاهتمام .. والاهتمام .. والاهتمام برضه
15 _ اعملها مفاجأه من غير مناسبه
16 _ فسحها
17 _ خليها رقم واحد ف حياتك
18 _ اكتر 3 حاجات البنت بتفرح لما بتسمعهم منك .. ( وحشتيني .. خلي بالك من نفسك .. احكيلي عملتي ايه النهارده )
19 _ متزهقش منها لما تكلمك علشان تحكيلك علي الكرش الصغير اللي ابتدا يطلعلها و مكتئبه عشانه .. الموضوع ده موضوع حياه او موت بالنسبالها
20 _ انزل معاها وهي بتشتري هدوم
21 _ اتعب علشانها .. التعب ف الحب راحه
22 _ متتخلاش عنها ف لحظات هبلها .. انشالله تتصور معاها سيلفي
23 _ اديلها مصروف كل يوم .. حتي لو بتشتغل رئيسة وزرا .. مسؤوله منك قدام ربنا
24 _ متخبيش حاجه عليها
25 _ متحرمهاش من حاجه
26 _ هاتلها ورد
27 _ متنساش التواريخ المهمه اللي عشتوها .. اول يوم شفتتوا بعض .. اول يوم قولتلها بحبك
28 _ متحرمهاش من حاجه
29 _ غير عليها بحنيه
30 _ متشكش فيها .. بقولك اهو
31 _احضنها ..
32 _ بلاش تعاملها بقسوه .. البنت كائن رقيقه محتاج معامله خاصه .. تيجي بالحنيه انا انا
33 _ لو ضحكتها حلوه عرفها .. لو فستانها يجنن قولها .. مستنيه الكلمه دي منك علي فكره
34 _ متقارنهاش بحد
35 _ هاتلها هديه
36 _ متسبهاش تنام زعلانه منك
37 _ وهي ماشيه جنبك احضن ايديهابايدك
38 _ حسسها انها ف عينك اجمل بنت
فالدنيا?

Liked by: تُو تُو ~♡ Лёха manar سُرسُر reham Elnagar كائن~البانداا❤️★ ‘ نُـــور ♡︎ Mona Meow meow ꜥꜤᥒᥲdᥲ፝֟֯᭡.

+6 answers Read more

اخر حاجه كتبتها لمدينتي المعشوقه وبردو اغلب القصيده عباره عن حياتي?رأيكم ودعمكم يهمني؟؟!!

December 06, 2019

قصيده جديده اسكندرية اوضه وصاله ❤

الليـل بيعدي في اسكندريـه غير اي ليل تــاني

يـعني مثلا لو اتمشيت على البحر لوحدك هيفهموا الناس انك وحداني

والقمر لو شاف سهرك بيعرف انك بتـعــاني

اسكندريــه طبيـعـه خــاصه

فيـهـا مليـون ذكره و قصـه

في الشوارع والسنيمــات والكـافي

هـنـا كان اول مره اتقبلنـا

هـنـا كانت اول مره تفهـم عنــيـه

هـنـا اخر مشهد في الفراق

ولسـه بدري ماشيـه ليـه ؟!

الـحب في اسكندريـه يـا تعيش يا تمـوت

اسكندريه اصغر من انها تنسيك

مـافيش ذكره هنـا بتفــوت

اسكندريـه قادره جدا تفـرحك

وقادره تخـليك تمـــوت

الذكريـات بتعشـهـا يوميـا

بتمشي في نفس الشارع اللي كنت فيه ماسكه ايدهـا

البحر ازرق لون عنيـهـا

والسما صافيـه والليل شعر سارح على وشها تزيحه تشوف القمر

اسكندريه خطر في شهر أمشير

بنسمـوا في اسكندريه شهر الذكريات

شـهر طـوبه جي اسقع من اللي فـات

اللي فات كنت مدفي بحضنـهـا

هي هي الحاجات لكن فقدت متعتها وانت مش جنبـهـا

في اسكندريه متقدرش تخــون

كلهـا هنا عارفه بعضـهـا

يعني لو فكرت تخـونـها كل اخبارك هتكون عندهـا

عـلشان اسكندريه بـحر فطبيعي تكـون غداره

اسكندريـه من الاساس اوضه وصاله

فبلاش تخـون ونصيحـه متحبيش

الحب في اسكندريه عذاب

يعني مثلا لو في يوم غيـاب

حولت تنسا وطلعت على البحر يداوي جرحك

هتشـوف في البحر اللي يزود المك

القهـوه هنـا عـاده

ممكن تطلبها مرا او زياده

حسب حالتك النفسيــه

اسكندريـه كـانت الماشيه على البحر واخر صف في السنيمـا وضحكنا في اخر الليل والشلالات والمانجه والترام و عزه والجيلاتي في عز البرد التـاكسي اللي كان بيعلن نهايه السعاده و كشك الورد القهوه والشعر اللي كان كله باسمك و الوعد انك هتكوني ليــا

اسكندريه المدهشه المبكيـة بعدك بقيت اقل من العاديه

اسكندريــة كـانت هــي ?

Liked by: Лёха manar reham Elnagar ‘ نُـــور ♡︎ Mona مـُحـمــ ـد آلـ شـ ـاذلـ ـي ꜥꜤᥒᥲdᥲ፝֟֯᭡. ٱلـَُـمــٌلـَـگِـٌـة N 3 M A سما هشام

3مشاهد في حياه بنت? اخر حاجه هكتبها بإذن الله? قولو رأيكم؟؟

January 02, 2020

3 مشـاهد في حيـاه بنت مهمه جدددددا ?

(1)

المرايـا دايمـا بتفـكرهــا

و بتعايرهـا بشكلـهـــا

بـنت مش جمـيـله

وتـبـان اكـبر مـن سنـهــا

عـايشه في حيره مافيش حد حبها

مافيش غير مخدتـهـــا

الجمـاد اوقـات بيحس

والمخده بس حستـهـــا

عـايشه همزه وصـل

اجدع بنت في الفصــل

بتربط بين اي اتنين بيحبـوا بـعـض ?

مـافيش ولا مره كـانت نقـطــه لحد

مـافيش ولا مـره كـانت قريبــه

الصحـوبيه احسـاس جـميل / اه

لكن من حقـهـا تعيـش التـجربـه ✋

(2)

وكبـرت وكبرت العـقد مـعـاهــا

المرايا زي النـاس شيفـاهــا ?

محدش شـايف ايه جــواهـــا

بيحكموا على جمـالها فــ سابوا فيها جروح

علشان تملي الناس بتحب الحاجه اللي لمسها

فطبيعي ميحسوش الروح ?

وعـلشان احنـا كا رجـاله بنجري وراه الشئ اللي بيلمع

حــتي لو كـان ازاز مـكســور حـتـي لو بيوجــع

(3)

لسـه مشاعرهـا مهـجورة ?

شـمـعـة بتحرق نفــســهـا

فتسيـح دمـوعهـا مقـهــوره

اتجوزوا كل اللي في سنـهـا فمعذوره

لـسـه لوحدهـا محسيش بيـهـا حــد

لا جـالها في يوم سلسله فضه ولاجـالهـا ورد ?

( القـفـلــه )

مسيـرك في يوم هتحبي يـا جنه ربنا على الارض ☺

ويشوفك حد لــي اول مره من جـــوه مــش من برا

ويحس فيكي الروح

الجـمـال ورده بتقطف فا تبدل والجمـال يروح

انتي جميله بـكل اوصافك و الحـاجـات ?

طخينه رفيــعــه طــويلــه قصيـره

في كلامك وفي سكــات

مافيش بنت وحشـه فـي كــل بنت ميــزة

ممكن تكون ضحكه ممكـن تــكون حركـات

ممكن تـكون ســند ممكن تكون جــدعـه

ممـكن تـكون راجــل أوقــات

البنـت نـعـمه في كل الحـالات ?

Liked by: تُو تُو ~♡ Лёха manar سُرسُر ‘ نُـــور ♡︎ ꜥꜤᥒᥲdᥲ፝֟֯᭡. ٱلـَُـمــٌلـَـگِـٌـة N 3 M A سما هشام مـريـم

الحب ابتلاء مش سهل? اخر حاجه كتبتها مستني رأيكم اكتر حاجه تعبت فيها جداا?

December 12, 2019

_ على فكرة الحب ابتـــلاء و مش سهل أبدا .. ?
و قبل ما نقول حرام و لا مش حرام ?
السؤال أساسا مش منطقي
عشان أنت بتكون قاعد في أمان الله
و فجأة بتشعر بالميلان القلبي تجاه حد معين
تجمعك بي ظروف الحياة ? الحب مش بيستأذنك بيجي بالعافية?
ربنا يعيشك حالة الحب دي و يختبرك هتعمل ايه !!
و مش بيحاسبك على مشاعرك على فكرة
لأنه كده بيكلفك بما لا تطيق هل يعقل يحاسبك على مشاعر هو حطها بيك أساسا و مكانتش بمزاجك و إرادتك !!
إنما بيحاسبك على الطريق إلي سلكته
حلال .. و لا حرام .. !!
الحرام هنآ ..!!
كل حاجة بتجرك ليه بدأ من نظرة .. كلمة .. لقاءات.. كلامك مع اللي بتحبه فى التليفونات كل ده ما يرضيش الله ?
طالما خارج الإطار الشرعي الحب_اختبار
لما تنجح بالاختبار الصعب ده و تتقي الله و تعرف إن ربك شايفك يخلي الحب ده نتيجته رزق و يجمعك بالإنسان ده في الحلال ?
أو يعوضك بالأحسن لو مكانش فيه خير ليك
و لو فشلت بالاختبار .. استنى مش هينتقم منك !
هيبعتلك رسايل هنا و هناك .. و دى كمان رساله ?
و يوريك إن الطريق ده اللي انت ماشي فيه غلط و مش كويس عشانك ?
فترجع ممكن تغلط و تعمل حاجات مش كويسة !و يرحمك و يرجعك لي و ينقذك قبل ما يفوت الأوان
"دى رسااله انك تشوفها " ?
و لو اتجاهلت كل الرسايل الي بينذرك بيها
و استمريت بعبادة هواك و فضلت ماشي وراه بالحرام و أنت متناسي إن ربك فوق سبع سماوات شايفك و أنت بتعصيه ?
و فضلت مكمل و لا هامك حاجة و أنت فاكر إن مفيش قوي في الكون تفرق هتتفاجئ ?بنتيجة الحب ده اللي هتكون (ألم.. جرح.. ضيق.. معاناة .و بعدين الفراق..)) ?
مش رزق و حب ..عشان يخليك تعرف إن ما عند الله لا ينال إلا بطاعته
الحب الحرام غالبا بينتهي بفراق و وجع وألم?بينمالواتقيت ربناف حبك داوسعيت للحلال وتركت الغلط لله ربك مش بينساان غايتك كانت رضاه وانتامش متخيل بتبقااد اي عندربنالماتجاهدنفسك وتبعدعن الغلط وانتاف حاله هيام لماتترك حاجه نفسك فيهااوي عشان متغضبش ربناده مش سهل ابدا عليك تفتكرربناممكن ينسي كل دا؟وماكان ربك نسيا.?الحب دا رزق قال رسولناالكريم اني رزقت حبها?في حب السيده خديجه رضي الله عنها?يعني الحب هنارزق مش شطاره وذكاء منك تخلي البنت الفلانيه تحبك والعكس?
و كمان رسولنا بيدعى “ ٱللهم هذا قِسمِي فُيّمٱ ٱملك فُلٱ تُؤاخِذنِي بّمٱ لٱ ٱملك ” و فيما لا املك هنا يقصد قلبه?

Liked by: Mona تُو تُو ~♡ reham Elnagar ꜥꜤᥒᥲdᥲ፝֟֯᭡. ٱلـَُـمــٌلـَـگِـٌـة N 3 M A سما هشام Nour ʚĩɞ Basant ʚĩɞ LIDOo

قصيده في حب البنت السمرا?? رأيكم طبعا قولوه واي نقد هقبلو?

December 11, 2019

قصيده في حب البنت السمرا ???❤

نـــص الـــجــمال ?

يـــا ام الـــعــيون الـــسود

الــرحــمه حــلوه

انـــا قــلبي قــلب ابــيض

كــتبـلك قــصيده وغــنوه ?

قـــالو الــســمار نــص الجــمال

مــين الـــقال

لـــو كــان شــافك كــان قـــال

الــجــمال كـــله ?

حـبـبتـي حـــته مــن الـــقمر فــي لـيـلهٌ

مــعــاكي يــحــلي الــسهر ومــواويـلهٌ

بــراحــه عــلى قــلبي الــخطوه بــراحه

امــشي و دوســي فـداكي يــا ام نــظره دبــاحـه

اســقــيـني مــن ريــقــكك اشــبع

كــلام كـــتير جــواكي انــا جــنب مــنك بــسمع☺

ايـــه الـي حـــصل وازاي ســـابك

ده انــا امـــوت لــو بــس عــينك تــدمـع

ده الــي يــسيبك يــندم ســنين ويــتمـنا انــو يــرجع

يـــا ســماره الـلون غــنو لـــيكي كــتير?

قــلبي فــي حـبك مــجــنون

وحـــر كـــا الـــطيـر

مــا هـو الــحب حــريه وحــضنك لــيا غــيه

بـــحب كـــل حــاجه فــيكي يا ام ضــحكه شــقـيـه?

يــا ام بــرنـيطه و طـاقــيه ســمارك ســمار الــنيل

يـــا بــهــيه صــافــيه زي الســـما نــاقــيه

مـــوافــق امـــوت فـــي حــضنك ومــش عــاوز تـــار

ازاي يــطــلبو بـــتــاري وانــا مــيت فــي حــضنك?

ده انـــا كـــاتب وصـــيه الــحب زي الــبحر غــدار

مـــوافــق اكـــون الـــضحــيه

انـــا واخد قــرار

والله مــا هــقبل فــي قــلبـي ديــــه?

Liked by: تُو تُو ~♡ reham Elnagar ꜥꜤᥒᥲdᥲ፝֟֯᭡. ٱلـَُـمــٌلـَـگِـٌـة N 3 M A سما هشام ʚĩɞ Basant ʚĩɞ mohiy hassan✨ Eman Abdelfattah آية طه

ليه الراجل بيخاف يرتبط بالست القويه؟؟ اعمل لايك وقول/ي رأيك??

December 09, 2019

هو ليه الراجل بيخاف يرتبط بالست القويه ؟؟؟ ??

الراجل الضعيف بس هو الي بيخاف يرتبط بست قويه وليها شخصيه ، دايما عاوز واحده يعرف يتحكم فيها و ف حياتها ، بيخاف من استقلالها ...

غالبا العلاقه دي مش بتستمر فتره طويله ولو استمرت بتكون فاضيه ، مفيهاش روح ، علاقه ميته لأنها بتكون قايمه على طرف طول الوقت بيدي أوامر و طرف طول الوقت مطلوب منه يقول سمعا وطاعا من غير نقاش

في ٧ اسباب يخليك ترتبط بست قويه ??

١- الست القويه دايما هتكون عارفه انت محتاج تسمع ايه ?و هتقوله بالطريقه اللى ترضيك

٢- الست القويه بتحب تحترم نفسها ولما ترتبط بيك هتستمد احترامها لنفسها من احترامها ليك ف غيابك قبل حضورك ⁦?‍❤️‍?⁩

٣- الست القويه دايما هتساعدك علشان تطلع احسن حاجه فيك وتكون أفضل نسخه منك
٤- الست القويه هتشاركك أهدافك وهتساعدك انك تحققها لانها بتكون عارفه ان نجاحك وتحقيق ذاتك مصدر سعادتها

٥- الست القويه هتلاقيها واقفه ف ضهرك وقت الازمات وبتمد ايديها ليك علشان متوقعش ، وقت الشده هتلاقيها ب 100 راجل

٦- الست القويه لما بتحب بتدي بكل طاقتها مبتستناش مقابل ⁦
٧- الست القويه دايما وجودها بيكون إضافه لحياتك ?

الست القويه مش الست الي بتروح الچيم علشان تربي عضلات ، الست القويه مش اللى صوتها عالي وبتزعق طول الوقت
الست القويه هي الي تحسسك بضعفها معاك وأنها دايما محتاجالك وإنها من غيرك ولا حاجه ف الوقت اللي هي عندها فيه كل حاجه ⁦
علشان كده الراجل اللى بجد دايما هيكون محتاج ست قويه تكمل معاه المشوار ⁦❤❤

Liked by: تُو تُو ~♡ ꜥꜤᥒᥲdᥲ፝֟֯᭡. ٱلـَُـمــٌلـَـگِـٌـة N 3 M A سما هشام ʚĩɞ Basant ʚĩɞ Këfåh Â Fåwårëh Esraa Adel shrooq Amer‍♀️♥️ AsMaa ElshAter

+21 answers Read more

??

December 02, 2019

#رساله_ما_قبل_الانتحار

ولسه مش عارف اظبط المعادله

مره تيجي صعبه ومره سهله

اتحب محبش احب متحبش

اوجع واحده تستاهل

واتوجع من واحده مش مستهله

ابكي مره وتبكي مره

مافيش ولا مره فرحت بجد

مش لاقي حد ولا لاقي نفسي

ادخل علاقات من يائسي

واجري في طريق ملهوش نهايه وبردو ويخوني نفسي

في حاجات مش مفهومه

في حاجات مش مربوطه ببعض

محدش بيعرف قيمه التاني الا لو في البعد

الموت اتخلق عظه لكل اتنين ضيعوا وقت

في خناق وفراق واشتياق لشيء موجود

في ناس كل يوم بتعيش وناس بتموت

العمر زي القطر بيعدي في ثواني

مش وقته نتعاتب في مين فينا ضيع التاني

احنا الاتنين اغبيه احنا الاتنين خايبين

اقسي عليكي تليني تقسي اللين

ولسه بتوهه في زحمه الدنيا وبعالج نفسي بناس تانين

انا واقف دلوقتي على ناصيه نهايه العالم

المشهد هنا تافهه بتشوف كل ناس صغيرين

بكتبلكم قبل الانتحار بثواني

واحب اشكر كل اللي قذاني

ووبعت شكرا لاول حب دمرني

واول صاحب خذلني

وابويا اللي ساب ظهري للحيط

وبشكر امي اللي كانت بيت

وببعت لاحمد رساله مخصوصه بقوله بلاش تتاخر كالعاده

وقول لمحمد اني موصيله في العزا على قهوه زياده

انا عارف المره مبيحبهاش

زورني في اول ليله ليا واحكيلي مين مجاش

وقول لمروان اني اسف جدا على اخر سوء تفاهم

حولت اننا نتفاهم مشى ومستناش

واتاسف لمحمود ميت مره

علشان مشيت قبل ما اخسر منه فى طاوله

كنت موعوده اني هلعبه بكرا كا اخر محاوله

هتوحشوني وهتوحشوني بجد

كفنوني بكفن تقيل متزوق بورد

الشتا داخل وانتو عرفين اني بكرهه البرد

لكني بعشق الوحده تعرفوا اللي محببني في موضوع

اني اخيرا هبقي لوحدي

ولو على الايام هتعدي

و انا لزم امشي دلوقتي

اقابلكم صدفه في الاحلام

سلام !

Liked by: تُو تُو ~♡ ꜥꜤᥒᥲdᥲ፝֟֯᭡. ٱلـَُـمــٌلـَـگِـٌـة N 3 M A سما هشام Noor2319 ʚĩɞ Basant ʚĩɞ Salma Taman♥ Amany Asmaa ❄

+15 answers Read more

S༈ۖ҉P༈ۖ҉A༈ۖ҉C༈ۖ҉E༈ۖ҉ ?

June 19, 2020

حجـه غيــاب ?

المشـهد المتكرر المـتـعـاد

اننا في البدايــات بنظهر اجـمل ما فيـنـا ❤

ومهما عافرنـا ورضيـنـا في اخر بنبقي بعاد

وبتفضل ليـنـا الذكريـات مهمـا نسيـنـا

في الحيـاه اسباب كتـير لفرقنا

احنـا موهبين في خلق حجج كتير لودعنـا

مره النـصيب مره القدر مره ربنــا

ونعلق فشلنا على شماعات بدل ما نواجهه نفسنـا ?

في اخر مره اتسبت

مكنتش مقتنع بالاسبـاب

فراقهـا مكنش صعــب

وجع فراقهـا انه صدفه منغير عتـاب

حجـه غيـابها كـانت اني مريض

ومره قالت انها مش حسـه بالامــان

حجج كتير لمخدر بينسحب بزوق

بعد ما حول جسمي للادمـان

ادمنت اهتمامهـا ?

اتعودت على كلامهــا

هتلبس ايه نهارده ؟ّ ده احلي عليك وهتـاكل ايه ؟!

المرادي تشبه كتير المره اللي قبليها

كانهـا نسخه قديمه من حياتي اتعملهـا Replay

وكـان المشهد من المـاضي وكان سببها معروف

ايديهـا هتسيب ايدي بحجه الظروف?

هتكئب ليومين وهيكون الجرح كبرني

عرف غيرها وحبهـا بردو هيسهرني

هنعيش جمال البدايـات وهتمشي بردو في النهـايه

هكتئب ليومين وبعد يومين غيرها هيكون معـايا

هي دي حيـاتنـا وهو ده طبع الحيـاه

كل واحد حب حد مش هيفضل يوم معا ?

هنعيش نتقابل وهنسيب ونتســاب

وهنهد كل اللي كان بنــا

بحجـه غيــاب ?

#المستشار ?

Liked by: تُو تُو ~♡ Shimaa Nady ماذا بعد ؟! SmSm...:)! ♥️ Dina Mayada Aboeid بدور آيوش Reehana _k_o_0_k_y

+4 answers Read more

انا حاسس بيك? متنسوش الفولو? ورأيكم?

December 18, 2019

- دلوقتي اصعب فتره في يومك بتبدا في تفكير وبتهجمك ذكرياتك كنت ناسيها في زحمه النهار والناس انا حاسس بيك وشايفك انت غالبا قاعد في اوضتك منور نور بعيد عن اوضتك وحاطط الهاند فيري مش بتسمع اغاني الاغنيه اللي كنت مشغلها خلصت وانت سرحان بتقلب في الفيس بكل ملل ومش مركز وسرحان في ذكرياتك

- تعرف ؟ انا فاهم يعني ايه ممكن تتساب او تتخذل بعد عشم ومجهود كبير عملته انك تنجح العلاقه دي وجعك مش في الفراق وجعك انك بتفكر ازاي هتكمل من بعده هو اخد كل حاجه مشاعرك ووقتك وحبك وقلبك انت حاليا مستهلك جدا مافيش حاجه فيك تديها لغيرك بتفكر ازاي ممكن تكون علاقه واسره وبيت وتنجح ذكرياتك محوطاك بلون اسود بهتان وتفكيرك بيطلع على شكل دخان بيتشكل قدامك كل مكان روحتوا معا

- انا حاسس بيك لدرجه تخليك تستغرب ان من وسط كل الناس اللي عندي بكتبلك وانا معرفكش وازاي عرفت كل التفاصيل دي عنك انت عارف نفسك وعارف اني بكلمك انت وعارف اني اقصدك برغم اني معرفش اسمك

- تعرف انا زيك بردو في نفس المساحه في نفس المكان والليل والقمر مشاعرنا تشبه كتير القمر لو طلعت بصيت على قمر دلوقتي هنقدر نشوف نفس القمر في نفس الوقت برغم المسافات .. هكذا المشاعر يا رفيقي نحن نشعر بنفس الشعور لكن بدرجات وباشكال مختلفه

- انا مش هكذب عليك وهقولك بكرا احسن وانسا وهقولك كلمتين يخلوك اقوي بلعكس انا مش هنصحك اي نصيحه ولا هحاول اطلعك من اللي انت فيه .. انا بس هطمنك انك مش لوحدك في حد شايفك وحاسس بيك وحاسس بدموعك دلوقتي اكتر من اهلك النايمين او اللي مش فهمين حربك النفسيه اللي فكرين انك مجرد بتاكل وتشرب تبقي كويس

- انت مش مختلف او منبوذ مشاعرك مش شيء وحش كلنا لزم نحس كلنا لزم نقدر الجرح والالم حس بالوجع اوي ومتخفش منه ولا تخبيه .. يا رفيق الليل حتى الوجع علشان يتعالج بيحتاج يتحس بيه ❤

" احبوا هوانا فان قوما احبوا قوما فهلكوا "

" فتره الليل "

" الاغاني "

" التفكير "

" دموع البنات في الركن الليل "

انا حاسس بيك?

Liked by: Mona تُو تُو ~♡ reham Elnagar ꜥꜤᥒᥲdᥲ፝֟֯᭡. N 3 M A سما هشام Asmaa Sakr Dinaaa حوريه الرحمن Zeinab rabee

اعترافات رسميه... الناس هتسألك عن أي حاجه وانتا هترود على اي حاجه بصراحه? مهما كانت?

March 19, 2020

يلا... بس براحه علينا??

Liked by: Mona تُو تُو ~♡ Haneen mohammad shimaa ㅤ иα∂α. Haidy Tarek فخر العرب كائن البهجة❤ H A M O O T A

+12 answers Read more

_

June 17, 2020

الــحـــب

مـتـخـفيش مـن الحـب يـاذيـك

الحـب ممكـن يـجـرحك

وحـب تـانـي يـشـفـيك

حـب يـهـمـلك

وحـب تـشغـله وحـب يـشغـلك

وحـب يـحـس اللي فــيك

الحــب حـــاله سـرحـــان

ومـلـيون وجـــع

في الـحب تـقـابـل قـلب انـانــي

وتـقـابــل قـلـب جـدع

الحــب سـهــر واحـلي عـذاب

وضـحـكـه فـي وقـت القـا

ودمـعـه فـي الغـيـاب

الـحـب قـلــب عـايش بـينــا

واحـلي مـا فـي الحـب العتـاب

المستشار ❣️

Liked by: Mona تُو تُو ~♡ Haidy Tarek ISLAM ELSAYED ghada❀ SHeRi AHmEd lOoza ❤ n.n Shimaa Ahmed Amira.

+23 answers in: “Space ??”

قولو انتو اي نوع من دا وعجبتكو ولا لأ

December 03, 2019

- اللي بيشربوا القهوه و عارفين إنها مش هتسهرهم
- اللي بيلبسوا خفيف و عارفين إنهم هيبردو
- اللي بيصرفوا كتير حتي لو مش ضمنين بكره معاهم ولا لا
- اللي بيسهروا و عارفين إنهم عندهم مشاوير الصبح بدري
- اللي بيسيبو نفسهم يحبوا و عارفين إن الحب بهدله
- اللي بيعلوا المزيكا قوي ف الهاندفري و عارفين النتايج
- اللي بيقولوا اللي في دماغهم و عارفين إنهم هيطينوا الدنيا
- اللي بيحكوا عن نفسهم حاجات المفروض محدش يعرفها
- اللي بيعدوا الطريق و يقولوا إن العربيه اللي تاخد بالها مش إحنا
- اللي بيغنوا مع أغنيه عجبتهم في المواصلات

= كل الناس دي بيكونوا وصلوا لمرحله عظيمه في حياتهم ،
إنهم أهم حاجه يعيشوا ،
فاهمين إن الخروج عن المألوف شيء عظيم ،
بيعيشوا لمزاجهم و بمزاجهم ،
وصلوا لليفل عالي من الوضعنه و البرنسسه ،
ليفل مش أي حد يوصله ،
ف سلاماً علي من يشبهونا و لا نعلم أين هم ❤?

Liked by: تُو تُو ~♡ ꜥꜤᥒᥲdᥲ፝֟֯᭡. ٱلـَُـمــٌلـَـگِـٌـة N 3 M A سما هشام Noor2319 ʚĩɞ Basant ʚĩɞ Eman نيرمو مندولين

+18 answers Read more

-

April 05, 2020

عارف يعنى ايه "بنت" تختار تسيبك ؟
يعنى كل يوم علشان تاخد القرار دا فضلت تفتكر كل 'لحظه' حلوه بينكو .
كل لفته ، كل جمله ، حتى كل نكته ضحكتها وخليتها تضحك من قلبها ..
بتفتكر كل لحظه كانت حاسه ' بالامان ' والسعاده معاك ، كل هديه جبتهالها
كل 'ذكرى' عاشتها معاك وساعات المكالمات الى اتفقتو فيها انكو مش هتسيبو ( بعض )
واختارتو فيها اسامى -ولادكو- ولون الحيطان بتاعه شقتكو .
كل دا عمال يرجع لذاكرتها علشان تاخد القرار دا .

ومع ذلك كميه ( الالم ) والجحيم والعذاب الى خليتها تمر بيه كان اكبر من كل دول
كان اكبر من طاقتها ، كان اكبر من قلبها الى 'اتكسر'
كان اقوى من انها تتحمل فوق كل دا حمل زياده وهى عارفه انك مش هتتغير .

البنت اقوى بملاين المراحل من الرجل فى تحمل الضغوط والالم وعلشان كدا ربنا خصها -بانها تخلق حياه جديده وتنجنب وتحمل وتستحمل الالم الرهيب دا-ودى نفحه من نفحاته .
ومع كل ذلك قررت انها تسيبك .
فلو عايز تسال نفسك سؤال 'متقولش هيا سابتنى ليه ؟ بكل سذاجه والبلاهه الى بتنزل عليك .
لكن خليك -عدل - وقول ' هو ايه الجحيم الى كنت معيشها فيه والالم النفسى الى خلاها بكل صفاتها وتحملها وصبرها تاخد قرار بمنتهى القسوه زى دا ؟!
لانى احب اقولك عزيزى الرجل اللطيف الجميل ، الاكثر ايلاما مش قرار الانفصال فى ذاته
لكن ما بعد قرار الانفصال ومرحله التعافى الى شريط ذكرياتكو بيمر كل يوم عليها الف مره قبل ما تنام !

Liked by: تُو تُو ~♡ rábäb ( أدعو لباباومامابالرحمه αsϻαα ꨄ Dalia Khamis Haidy Tarek زهراء ✨To2a Salah✨ Wego ⚡ كائن البهجة❤ Aseel |"아실"|

Space ?

سكره ✨

February 14, 2020

مين سنجل عايزه قصيده زي دي باسمها ابعتو اساميكو في كيو وانا هبعتلكو قصايد زي دي?

هكتب اسمك هنا❤

ســـحر الشرق وجمـاله ?
وصـوت العـود والقـهـوه المـظبـوط
وعنـيكي وهـي بـتـغــرب ?
وطـفل مـاسك فـي طرف فستـانك ?
اكـبر كـل مـا بـقــرب
اديكي المرمر و الليل على جبينك
وحكاوي البنات اللي حسدينك?
ولـون عـنـيكي الـبنـيـة ?
كـائِن جمـال دنـيـا بنـات
وكـل البنـات الدنيا اتـجـمـعو فيكي ?
وكــأن شـباب الكـون عـشقيـنك
وكـل شباب الكـون اتـجمـعـوا فــيا?
فـرضتي الصمـت فـي حرم جمـالك
شوفيلك حل فـي طفل ينام الليل على بابك
انـا ارض احتـلالـيـهـا وخـديـهـا حلالك ❤
وابنـيـهـا جـنـايـن ورد ?
جمـال الشرق فـي ملمحك
يـا اجمل بنت عـلى الارض ?

هختم باسمك بردو??

❤ happy valentine day ?

Liked by: Kholood El Sebaey فخر العرب Filiponz ጊልጎክልጌ ~قطتتى S H A H D ĩcraa سما هشام Esraa Naguib SHAHED OBEIDAT

. . . ٭ . ٭ ٭ ٭ . ٭ . . ٭ . ٭ . ٭ . ٭•S҉P҉A҉C҉E҉ • . . . ٭ . ٭ ٭. ٭ . ٭

April 16, 2020

فى بنت اتجوزت وكانت مبتعرفش تطبخ وحالتها زفت ياعينى ? ’ وحظها وقع فى واحد بيطبخ كويس جدًا ’ بتقول لما اتجوزت بقت تخترع إختراعات السنين فى الاكل -- لكن جوزها كان محترم وكان أى أكلة يقولها تسلم ايدك -- الله ينور وهكذا -- وهى تقوله الله ينور ايه بس ’ أنا مش عارفة أنت مستحمل الاكل ده إزاى ?? يقولها لا والله دا جميل هو بس الرز كانت المياه بتاعته زيادة شوية ولو قللتيها هيبقى تحفة -- والملح لو زودتيه فى الشوربة هتتظبط خالص وهكذا بقى --
وفى يوم كان عندهم عزومة ولأنها لسه زفت خاالص فى الطبخ -- دخل معاها وهو اللى طبخ الأكل كله ’ واهما قاعدين على الترابيزة بقى يقولها تسلم ايدك ’ هو ده الأكل ولا بلاش !! ومامتها تبصلها وتبتسم لأنها عارفة إنها مبعرفش تطبخ !! لما لموا الاكل مامتها دخلت وراها المطبخ وحضنتها جامد وقالتلها مبروك عليكي راجل !!
النبى صلى الله عليه وسلم قال " حُرم على النار كل هين لين سهل قريب من الناس " وقال " خيركم خيركم لاهله وانا خيركم لاهلى "
وكمان كان يدخل البيت فميلاقيش أكل كان يقول " إنى صائم "
البساطة دايما بتدى للحياة معنى مختلف ’ والشاطر اللى يعرف فى الحياة يعيش بمعنى التغافل فتلاقيه فى عز ما بيتخانق يضحك ’ وفى وقت ما هو محتاج يدى ’ بيفكر فى النتيجة قبل المقدمة ’ وبيقدر إن بكلمة او فعل ممكن الحياة تستقيم أكتر من إنها تميل -- لذلك قال أحدهم :
ليخسأ الزواج إن كان قيداً قاتلاً ولم يكن صداقة ممتعة. :))
جميل هذا الرجل الذى يُشعر المرأة أنها ليست بخادمته -- ولكنها ابنته الذى يجعلها فى بيته تخطوا اول خطوات حياتها دون أن تنكسر ’ فتشعر أنها لما غادرت بيت ابيها لم ينقصها شىء بل تزودت بجميل كل
شىء ❤

Liked by: Mona تُو تُو ~♡ Nana aboelkher✌ Shereen sheha Esraa Ahmed H Beshara Sham Zeinab Abdel-hak Aboel-kheir Isî Lïfê Meīñ Amal Alkhotoba'a

+3 answers Read more

مين هيزعلك عليك لما تموت? متنسوش الفولو? و أيكم طبعا بيهمني جدااا♥️

January 17, 2020

- دايما بيجي في بالك فكره انك نفسك تشوف رد فعل كل الناس اللي عرفتها لما يسمعوا انك مت ؟

- انا هكشفلك المستقبل و هقولك رد فعل كل فئه من الناس اللي عرفتها من اهل او صحاب او حبايب تابع !

- الصحاب ?????

الصحاب هيبكوا لفتره وهيكتئبوا وهياخدوا من موتك عبره وهيقرروا يصلوا ويصلحوا حياتهم وكل الذنوب اللي كانوا بيعملوها هيبطلوها بس لفتره مش كبيره هيبدوا يخرجوا من حالتك ومن صدمه موتك وان في كرسي فضي جنبهم في كافيه او الاستاد هيبدوا ينسوك بشوش لكن هيتبقي ريحتك وهيفتكروك بس وقت ما تيجي سيرتك في يوم عيشتوا زمان ويضخكوا وبعدين يقوله الله يرحممممه ☝

الحبايب ?

لو كنت بتحب ولد او بنت حسب جنسك وانت بتقرا الحبيب بياخد وقت في الاكتئاب اطول من صحاب علشان العلاقه مختلفه جددددددددا ما بين الحب و الصداقه هو صحيح بنقعد مع صحبنا اكتر لكن الحبيب بياخد مكان اكبر في قلب هيبكي كل يوم ويصلي علشانك وعلشان ربنا يرحمك وهيفضل كده لحد ما الايام تاخده مش هقولك هيحب بعدك لا بس هيجوز وهيبقي عنده اولاد جايز جدا يسمي حد من اولاده باسمك علشان مينسكيش وهتفضل ذكراك موجوده في كل مكان روحته سوا كل هديه كل كلمه بس ده

- الاهل ?

اهلك اكتر ناس في كل دول هيتوجعوووا اوي لو صحابك هينسوا ويتلموا منغيرك او حبيبك هينام في حضن تاني ويحقق احلامك مع حد تاني اهلك لا
ابوك هيحس انه اتكسر وان ظهره للحيط بس وجع الاب لا يقاس بوجع حد تعب فيك شالك في بطنه 9 شهور شاف لحظات ضعفك وقوتك امك

امك اللي مش هتقلع الاسود طول حياتها امك اللي حياه بجد هتقف عليك عندها امك مش هتنساااااك ابدا ❤

الخلاصه ☺

الموت من سنن الحياه وكل طائفه من اللي هنعرفها هتزعل بشكل مختلف عن تانيه بس الحياه مش هتقف الحياه هتكمل للنهايه وهتنسا نسيان جزئي وكل اللي عرفتهم هيعشوا حياتهم بعدك وهيتعودوا بالتدريج على غيابك ?

لكن في شخص واحد هيموت معاك شخص واحد مستحيل ينساك الشخص ده امك ?✋

الحياه تربيزه بلياردو والموت بيجي يفرقنا

فعيشوا الحياه ببساطه وقابلو بعض كانكم لاخر مره بتقابلوا الحياه مش مستهله زعل او خصام جايز تكون هي دي المره الاخيره نتقابل او نتحضن بضمير

اكتبوا كومنتات وقولو رأيكم بقا??

Liked by: تُو تُو ~♡ reham Elnagar ꜥꜤᥒᥲdᥲ፝֟֯᭡. ٱلـَُـمــٌلـَـگِـٌـة N 3 M A كائن البهجة❤ الحالمة ‘ نُـــور ♡︎ TaG..❤ انوار حسن

+3 answers Read more

فلانتين ليه؟ رأيكم يهمني♥️

February 13, 2020

فلانتين ليـه ؟!?
هـحــب نفــسي
فـي عـلاقـه فـريده مـن نـوعـهـا
واثق فيا جدا اني مش هخونـهـا
الحـب عمر مـا كان هدايا
هديه الحب انـه يصـونـهـا
وانـا مبسوط جدا مـعـايا ?
وبـحب دايمـا احضنـهـا
مـجنـون بيـا ?
عـادي
جنـان الحـب ده احـلي جنــان ?
مـعـايا وقـت فرحـي وقت حـزني
عـلاجي وانـا تـعبــان ?
يـا احلي مـكـان الجئ ليـه
عمري ما احتـاج في يوم انسـان
وهحتـاج اصـلا ليــه ؟!?
انـا حـد بتسـنـد علـيـه
بفـرح وانـا معـايـا
وبضحك على اي افيـه
فلانتين بـس ليـه ؟

Liked by: Mona تُو تُو ~♡ reham Elnagar Dr. Abdallah Meqdadi (الخاال) Asmaa Badr✨ N 3 M A ĩcraa ㅤ BeBo SHAHED OBEIDAT

____?

April 05, 2020

"الحُب اللي بجد" في أي علاقة بيبتدي بالظبط اول ما الإعجاب يخلص..
أول ما اللمعان والإنبهار الخارجي بالشخصية ده يروح..
وتبتدي تشوف اللي معاك بدون تجميل..
الحب ده بيبان اوي اول ما توصل للي معاك تماماً ويبقي كله ملكك..
اول ما يستسلم عن محاولات تجمّله قدامك، ويبطل يحطلك اسوار أو حواجز، فا يبقالك حرية الدخول والخروج بدون حتي استئذان..
"الحُب اللي بجد" بيبدأ أول ما اللي معاك يعريلك عيوبه ومخاوفه وضعفه اللي بيداريه عن الناس..
وكإنه بيقولك "ده أنا..
بلخبطتي بضعفي بفشلي ده أنا..
ودي صورتي الحقيقية اللي بتعب عشان أخبيها عن الناس..
ودي عُقدي و"كلاكيعي" اللي محتاجة تتشفي معاك وبيك..
ياتري هاتفضل تحبني؟
هاتفضل عايزني؟
لسا حلو وغالي في نظرك؟"
وساعتها بالظبط تقدر تعرف الاجابة عن السؤال البسيط ده..
هل انت بتحب فعلاً.. ولا اللي جواك ده حاجة تانية؟
لأنه ببساطة الحب بيفضل مكمل وشايف جمال في اللي قدامه هو نفسه مش شايفه.. وبيختار يكمل حتي لو الواقع مُتعب والمشوار لسا طويل..
انما اي شئ تاني غير الحب يهرب ويتحجج ويتلكك عشان يمشي..
بس الحب اللي بجد.. مابيمشيش

Liked by: تُو تُو ~♡ شيماء رحيق rábäb ( أدعو لباباومامابالرحمه αsϻαα ꨄ Dalia Khamis Haidy Tarek زهراء Aseel |"아실"| Esraa Strong will

" .. SpAcE ??.. "

April 05, 2020

اول ما ترقيت وبقيت مدير .. كان من ضمن الفريق بتاعى ولد شاطر جدا وناجح وبيجيب تارجته وكله تمام بس كان لعبى شويتين ...
ياعنى بيزوغ كتير وبياخد اجازات كتيره ، وفى مره طلب منى اجازه علشان يسافر مع أصحابه وانا مرضتيش فجبهالى مرضى وكلمنى وقالى انا تعبان ومش قادر انزل والفيلم ده ...
قمت انا عملت ايه ؟!

رحت عند بيته من بدرى مانا عارف بقى كل التفاصيل وعارف أنه مسافر اليوم ده واستنيته وهو نازل ومسكته تحت بيتهم وعلمت عليه ، الى هو ادينى عرفت انك كداب واليوم ده مخصوم بيومين علشان تبقى تشتغلنى كويس مع نظرتين من فوق لتحت كده خليت الولد ياعينى واقف زى اللمونه..

تفتكروا ايه الى حصل ؟!
قدم استقالته ، وخسرت انا ٥٠٪ من ارقامى الى كنت بحققها عن طريقه ...

غباء منقطع النظير منى ، ايه الى انا عملته ده وليه واستفدت ايه !!!
اكتشفت وقتها ان كل حاجه فى حياتى خسرتها كانت بسبب أنى بزنق الى قدامى لدرجه انه مابيلاقيش مفر فبيهرب ...
موضوع انك تزنق حد اوى كده ملهاش غير ردتين فعل ..
اما يهرب
اما يهبشك علشان يدافع عن نفسه ..
وفى الحالتين انت خسران خسران ...
علشان كده دايما ساعه المواجهه لازم التراجع يتم فى اللحظه الصح علشان لو معملتش الحركه ديه يبقى خلاص كش ملك وزنقت الدنيا واتقفل الماتش يامعلم ...

مافيش اى انتصار فى انك تكسب نقاش او توصل للى قدامك انك كشفته لأنك فى الحقيقه بتعريه قدام نفسه وقدامك ومافيش انسان سوى هايستحمل التعريه ديه ، كلنا بلا استثناء نتجمل قصاد بعض وده مش عيب مدام ربنا ساترك تفضح نفسك ليه ...
التجمل الى بنعمله ديه منحبش حد يشيله وكمان بقسوه متناهيه كده ، التجمل ده هى ورقه التوت الى بتسترنا وتحمينا...
خلى دايما للى قدامك سكه يرجع منها ..
فهمه انك فاهم بس مش اوى وسيبله حته يستر بيها نفسه ويفضل على النحو المتجمل بتاعه ...

مش لازم فى النقاش تثبت انك صح مش هاتفوز بجائزه ، مش لازم فى الخلاف تجرح وتدبح علشان تنتقم لنفسك ، بلاش فى النهايات تحرق مراكبك ...

سيبوا الباب دايما موارب
يمكن ترجعوا ...

وسيبوا للى قدامكم منفذ يقدر يحمى بيه نفسه ويستر نفسه علشان لما يرجع ...

فى النهايه بلاش تضييق الحصار لأنه مش انتصار
الانتصار الحقيقى انك تبقى على انسان
وعلى ستر انسان

Liked by: تُو تُو ~♡ شيماء رحيق rábäb ( أدعو لباباومامابالرحمه αsϻαα ꨄ Dalia Khamis Haidy Tarek زهراء Aseel |"아실"| Esraa Strong will

_

June 17, 2020

يارتنا كنا جيران ?

والباب في وش الباب

كنا هنتخاصم بنظره

ونتصالح بجواب

وزرع ورده فـوق شبـاكي ?

تصـبح على الاحبــاب

واشـوف نور اوضتك سهـرانـه تـعـبانه مـن الغيـاب

نتـخـاصم ونتصـالح بشـقاوه اتـنين اصحــاب

كـنتي هـتـكبري قـدام عـيـني والبيت يعـجز بينـا ?

كـنـا هنداري ونـخـاف مـن كل الشبابيك اللي حوليـنـا

لـحد يعـرف ايه جـوانـا او حد يفـهم مـن عنيـنـا

كـنتي هـتـرسميني تـحـت شبـاكك

ونـكتب على البيـوت اسمـينـا

كـان هيـكون القـمر والنـجوم والاسفلت شـاهد عليـنـا ?

كـنـا هنفتـكر ذكريتنـا ولعبـنـا في الشارع وخـطوينــا

وغيـرتي مـن ابن الجـيران لـو نسيتي طرحـتـك

وشـاف على الجبين قصتك ?

وتبـاتي في حضـنـك فرحــتــك

اقـفل شـباكي وابــان تقــيـل

تفـحتي شـباكك اللقي قـلبي قـوام يـمـيل

وابـص من بيبن البيبان

واخــاف ابـان وتـلمحـيني

وتفـهـمي اني مـقدرش على الغيـاب ?✋

يـارتنـا كـنـا جيـران

والباب في وش البـاب ?

المستشار ❣️

Liked by: Mona تُو تُو ~♡ Koky ISLAM ELSAYED ghada❀ SHeRi AHmEd lOoza ❤ n.n Amira. آسـمـآء ᥫ᭡

+23 answers in: “Space ??”

__?

April 16, 2020

شوية حاجات علمتهالنا كورونا ?

١- أمريكا مش هي الدولة الرائدة في العالم زي ماكنا فاكرين.

٢- الصين فازت في الحرب العالمية الثالثة من غير ما تضرب ولا صاروخ!

٣- الأوروبيون مش متعلمين قوي كدة زي ما كنا فاكرين .

٤- نقدر نقضي أجازاتنا من غير ما نسافر عادي.

٥- معظم الاغنياء مناعتهم قليلة مقارنة بالفقراء.. الموضوع ملوش علاقة بالغنا والفقر.

٦- فيه جزء كبير من البشر إستغلالي وحقير بغض النظر عن وضعهم المالي وبيظهروا بوضوح وقت الأزمات.

٧- البشر هم اضعف كائن على وجه الارض وهم ايضا الفيروس الحقيقي على الكوكب .

٨- الناس اللي شغالة ف مجال الصحة والعلم يستاهلوا ويستحقوا مقابل مادي أكتر بكتير من لعيبة الكورة.والفنانين

٩- البترول ملهوش قيمة في مجتمع بدون استهلاك.

١٠- عرفنا إحساس الحيوانات وهي في الأقفاص

١١- الناس تقدر تشتغل من البيت وترحم الشوارع والمواصلات والسيارات

١٢- إحنا والأطفال بنعرف ناكل ونعيش من غير أكل من برة / junk food

١٣- إنك تعيش حياة صحية مش صعب اوي زي ماكنا فاكرين! ونعرف نعيش من غير مولات ولا كافيهات

١٤- لابد من اعاده ترتيب اولويات حياتنا
واهمها بناء مدارس و مستشفيات أكتر

١٥- لسه فيه ناس كويسة وجواها خير في العالم وناس زباله والفلوس دينهم بغض النظر عن ديانتهم

١٦- ربنا هو المصدر الوحيد للأمان في هذه الحياة

١٧_الازمات تظهر معادن الناس وسلوكياتهم على حقيقتها

Liked by: Mona تُو تُو ~♡ Nana aboelkher✌ Shereen sheha Esraa Ahmed H Beshara Sham anostar9890 Zeinab Abdel-hak Aboel-kheir Isî Lïfê Meīñ

••?••

Eman ᥫ᭡

April 16, 2020

بطلي تراقبيه

وتلفي في بوستاته وأخباره

وصوره واسراره

ومين بيعملوا قلوب ومين بيهتم بيه ?

بطلي تراقبيه

وتخرجي من عنده مهزومه ?

وتحسي انك مقسومه

ما بين انك بتكرهي / وما بين انك بتحبي ?

بتحكي لصحابك انك خلاص نستيه

وتخبي عن الناس حنينك

وتخافي لتشوفي في عيونهم نظره تهينك ?

تحسبك على اللي في قلبك

غصب عنك فكراه برغم انه مش جنبك ?

بطلي تراقبيه

بيكلم مين وبينام امته وكان سهران بيعمل ايه ؟

آخر مره گان فاتح ومفتحش النهارده ليه ؟?

ميت سؤال يجي في بالك وقلقك مينيمكيش

تشوفي فتح تفرحي مع انه مبيكلمكيش

تحسي مرتاح تتطمني برغم انك مرتحتيش ?✋

Liked by: تُو تُو ~♡ Nana aboelkher✌ Shereen sheha Esraa Ahmed H Beshara Sham anostar9890 Zeinab Abdel-hak Aboel-kheir Isî Lïfê Meīñ Reehana

Space ✍

Dr -Mohamed

April 11, 2020

الخبث .هو رجل يسمي إبنته على إسم عشيقته لكي لايخطئ أمام زوجته
القدر.هو عقيم يغتصب فتاة ظلما ويرجع للبيت فتخبره زوجته بأنها حامل وهو عقيم
الخيانة. هي حبيبة لا تغار !!
الغربة. هي عجوز تبكي وهي تحاول ان تتذكر إسمها
البراءة. هي طفل ينظر فوق رأس والدته وهي تصلي ..وعندما تنتهي تقول له مابك ؟! فيقول !! الجنة تحت قدميك فماذا يوجد فوق رأسك ياامي!!
الخيبة.هي طفل إنتظر بائع الحلوة فغافله النعاس
الجمال. هو عند قراءة هذه السطور وفهم المقصود

Liked by: Mona تُو تُو ~♡ داليا هاني محمد | 달리아 하니 모하메드 Dida Gillan Mahmoud S O M A Y A Isî Lïfê Meīñ JOY WOLF ♍️ ✨ Menna mosad Ph | shorouq