- أعظم هبَّة مُمكن يقدمها ربنا ليك، هي "قلبك الطيب"، كونك شخص مُتسامح ده ميقللش منك في شيء، أنك تصفح و تدي عُذر و سبب لفعل إللي قدامك ده ميدلش على ضعف شخصيتك أو زي ما معروف في المجتمع بـ أنك شخص أهبل، لأنك بتتعامل بفطرتك إللي أتخلقت عليها، مش بتتصنع و قلبك مفهوش ذرة سوء و لا كُره لحد، مش مُعقد و بتعقد الأمور و محتاج كل حاجة تكون بمبرر و مبتنساش الغلط لو بعد سنين، عايش الحياة بكل أريحية و سهولة، و دي في رأيي الطف و أحلى شعور مُمكن يكون في الإنسان عامةً، و هو رقّة القلب، أنك تكون شخص حساس، رهيّف المشاعر، بتشوف و توزن الأمور بـ ميزان الإنسانية، مش جاحد و عند الخصام يبان فجور قلبك، مبتعرفش تكره و تنام و انت ظالم شخص ما، شخص سوي نفسيًا و أخلاقيًا، سهّل، ليّن، مُتسامح، نقي، أبيض، طيب، لطيف، إنسان يحمل صفات الأنبياء، و في الوقت و العصر إللي إحنا فيه ده، كونك فيك الصفات دي، فا انت كسبت الدُنيا و الأخرة، و واللّه فزت فوزًا عظيمًا، زي ما النبي ﷺ قال ؛ "حُرِّمَ على النَّارِ كل هيّنٍ، ليّنٍ، سَهْلٍ، قريبٍ من النَّاس." 💙
- "يمكن لكلماتك التي تظن أنها لن تجدي نفعًا، أن تُضيء قلب أحدهم بعد أن أنطفأ، يمكن للكلمات أن تفعل ما لا تتخيلُه، مثل أن تنقذ أحدهم و هو على وشك الغرق في نوبة اكتئاب، أو أن ترجعه قبل أن يُنهي حياته، للكلمات سحر خاص، لن تجده سوى في هؤلاء الذين لا يجيدون التعبير عما بداخلهم."
ف الصلاه ف التقرب الي الله ف اي عمل خيري تعمله وكتير بقا ..
أنا مبهورة بالوصف فعلاً
، إتعلمت الكتابة ازاي؟
لو حصل معاكي موقف حاولي تكتبي عنه حسيتي بايه سعتها واحساسك كان اذاي وقد اي انتي اتاثرتي هتلقي نفسك كتبتي سطرين ف ورقه المره اللي بعدها هيكونوا ٥ سطور المره اللي بعدها هتلقي نفسك سرحت وممكن تكتبي اكتر م صفحه لحد م تتعودي وكدا ف هتكتبي الموقف او شعورك او ماشابه كله ف 6 سطور مفيدين واقري كتير او بتحبي القراءه الروايات حاجه حلوه جدا ومفيده ..
- الإنسان محتاج ينهار بين كل فترة والتانية علشان يقدر يتواصل من تاني وهو بيحمِل شعور أقل من التعاسة إللي بتوصل له من تكرار الإنتكاسات ، من تكرار المواقف إللي تكاد تؤدي لصاحبها إنه ينفجر لكنه بيكتم ويقظم تحت مسمى الأعتياد ، الأنهيار شيء عظيم ، بيخليك تعاني برفاهيه !
- الشيء الوحيد إللي قادر يخلي دُعائك يتحقق هو السعي، ماينفعش تفضل في مكانك و أنت بتدعي كل يوم أن إللي بتتمناه يتحقق، زي ما أنت محتاج تدخُل إلهي لتحقيق أحلامك، لازم يكون في تدخُل إنساني كمان، و ده مش هيحققه غير محاولاتك في تحقيق أمنيتك، بأنك تحارب علشانها، تحارب الناس و الظروف و الوقت و المشاكل، تحاربهم بالتعب بالأجتهاد و أنك تستمر في أنك تقف تاني بعد كل مره بتقع فيها، بكونك متمسك بحلمك و بعد كل مره بتفشل فيها بتحاول مره تانيه و تالته وعاشره، أنك متيأس و لا تستسلم، و أن يكون دايمًا عندك أمل في ربنا إنه مش هيضيع تعبك و مجهودك، و أن كل حاجة ليها الوقت المناسب، و كل إللي عليك أنك تسعي و الباقي على اللّه، وقتها ربنا هيساعدك و يحققلك إللي بتدعي بيه علشان بقيت فعلًا تستحقه !