لكل زوج بيحب زوجته بس متضايق منها في شوية حاجات او عنده صد ناحيتها: حابب اقولك ان من كام يوم كان عندي شخص ٤٢ سنه بيعيط زي الأطفال ومنهار حرفيًا عشان فقد زوجته من سنه ومشعارف يعيش من غيرها وقالي بالحرف الواحد( انا كنت فاكرها ولا حاجه واتفاجئت انها كانت كل حاجه كل حاجه... ماتت وانا مزعلها ) عشان كده دايما اسأل نفسك قبل ما تبدأ صراع او مشكله مع زوجتك اللي شايلاك ومستحملاك وبتحبك : هل الموضوع مستاهل اعمل مشكله ولا ممكن نتفاهم ونتكلم براحه... ومتنساش انك راجل والراجل يعني احتواء مش جفاء....انا نفسي البوست ده يخلي واحد بس يقوم يصالح زوجته ويبوس دماغها من غير ما تفكر مين غلطان... العمر بيعدي ومحدش عارف مين هيفارق الاول
رصيد أي إنسان بيخلص عندي بمجرد ما احكي حاجه ويقولي "أنتِ مكبرة الموضوع" هو ده حجم الموضوع بالنسبالي ، انا مقررة اديله الحجم ده واتكلم فيه سبعتلاف مرة لحد م أهدي وغصبي يقل ، مش مُطالب تسمعني ف السبعتلاف مرة ، بس مُطالب متجحمش الموضوع وتقرر مدة صلاحية الكلام فيه.