قيل لأحد الصالحين: لقد اصبح الدولار ب 50 جنية فقال: والله ما ضرني حتي لو صار ب 100 جنية قيل له: أهو التوكل أم الزهد؟ فقال : لا هذا ولا ذاك ، أنا أصلا بقبض بالدولار اللهم اجعلنا من الصالحين 🙏
المنظر ده موجود على الأرض بتاعتنا في مكان ما. زيه كده الريف السويسري مثلا أو جمال طبيعة كشمير اللي تاخد العقل. تخيل وإنت قاعد في المكان ده بقلب مفيهوش قلق لمدة ساعة واحدة معاك أكلك وشربك ورفيقك الذي تحب مثلا. تتمتع بالمنظر البهي والسماء الواسعة وإنت قلبك مفيهوش ذرة قلق؛ لا من شغل ولا رزق ولا بكرة ولا أي حاجة من دي! ساعة واحدة بس! هتبقى أحسن ساعة في حياتك كلها. فما بالك بالجنة بقى؟ خلود لا ينتهي، وقلق معدوم، وفوق ده كله؛ فيها ما لا عين رأت ولا أذن سمعت ولا خطر على قلب بشر. الخاطرة دي اللي هي التفكير في شيء وتخيله، يعني تخيل أعظم وأجمل شيء ممكن تتخيله بعقلك الشاسع مولد الأفكار والخيالات! مش هتوصل لنقطة من بحر جمال الجنة! سبحانك الله وبحمدك، ما أعظمك وما أجمل خلقك.
كان النبي صلى الله عليه وسلم أكثر الناس شجاعة وأكثر الناس قوة وأكثر الناس زهدًا وأكثر الناس صبرًا وأكثر الناس رعبًا لأعدائه وأكثر الناس حياءً.فصلى الله وسلم على حضرة رسول الله.