هذه الليلة أنا بلا أي شئ، فارغ تماماً، مجرد حتي من كل المشاعر، أمسكت هاتفي عدة مرات لأحدث أحد أخبره أن ثمة حزن عالق بقلبي، ولكني لم أجد من أخبره بذلك، لا أدري لماذا ؟ هل لأنني بلا أصدقاء وأحبه حقيقيون أم أن هذا الحزن ثقيل لدرجة أنه لا يحكي!
زي مافي ردود بتجبر الخاطر ، و تراضي النفوس ، في ردود بتكسر الخاطر و تسبب حزن و كسرة في النفس مالهاش حدود ، خاصة لما تكون من ناس قريبين أوي لقلبك و ليهم قيمة كبيرة عندك.. علي قد قيمتهم و حبك ليهم ، علي قد ما بيكون زعلك منهم.. اقل كلمة منهم بتجرح مشاعرك و توجعك ، لانك مابتكونش منتظر منهم هما بالتحديد انهم يوجعوك ، ودة بسبب عشمك فيهم ارحمو قلوب بعض ، القلوب مقفولة علي وجع مايكفيش فيه كل كلام الدنيا ، ارحمو قلوب انتو اكتر ناس عارفين انها صبرت و قاست و اتحملت فوق طاقتها ، ف والله لو دخل كل منا قلب الآخر لأشفق عليه..
كسرة النِفس، والخاطر؛ مؤلمين وحسابهم كبير.. إن شخص قلبه يتوجع، ونفسيته تتدمر علي عتبة بابك، وبسببك؛ حاجة مش هتمر جهجاهوني كده وخلاص!.. فكرة إن حد يشتكيك لربنا فكرة مرعبة لأي حد عنده دم، ومخ؛ لإنها بتنقل حسابك من البشر لـ رب البشر.. ساعتها الحق بيرجع مرتين لإن ربنا مابينساش، ولا بينضحك عليه.