السلام عليكم ورحمة اللة وبركاته ممكن رأيكم ضروري في واحد متقدملي هو مهندس هو ما شاء الله اللهم بارك اخلاقة كويسه بس للأسف الشقة بتاعته ٧٠م اهلي شايفنها صغيرة اووي يعني هحط عفشي فين وبابا بيقولي الرأي رأيك اعمل اي هل انا لو رفضته حرام حاسه انه حرام وانا مش بتبتر والله بس بالنسبالي أقل حاجة ١٠٠م
مش سبب للرفض الصراحة 😅
مش شايفة انه مبرر عشان تسيبيه بصراحة ممكن دي تكون امكانياته حاليا ممكن تتفقوا مثلا بعدين لما ظروفه تسمح يبقي يجيب شقة اكبر
صدقيني الشقة ال أنت شايفاها صغيرة دي هتبق أدفى وأجمل من المساحة الكبيرة
لا مش حرام ترفضيه، بس تبقي عارفه انك بتدوري علي شقه وحيطان مش واحد محترم واخلاقه كويسه واللهم بارك زي ما قلتي، يعني اولويتك هي الشقه مش ابن ناس كويس واخلاقه فل، فانتي بقي لو جالك واحد بشقه ١٥٠ متر. بس اخلاقه مش قد كده ولا ابن اصول، هتوافقي عليه؟!🤷
١٢٠ متر .. مين يزود الاخ اللي هناك بيقول ١٥٠ متر .. مين يزود 🤣
٥٠٠ متر تم بيع العروسه لصاحب الشقه ال ٥٠٠ متر 🤣🤣🤣🤣
و عليكم السلام ورحمة الله وبركاته
يسروا الزواج و لو هو شخص كويس مش هتفرق معاكي المظاهر و بشغلكم مع بعض مع الوقت هتوسعوا و تجيبوا اللي عايزينه و مؤكد لو هو في مقدرته اكبر من كده هيجيب +ان في زماننا ده صعب تلاقي حد عنده دين و أخلاق
والله احسن من الايجار ، و دلوقتى فى ٧٠ كام سنه هيبقى فى ١٠٠
ارفضي ياقمر بكره يجيلك اللي عنده فيلا ويطلع عينك وعين اهلك ❤️
بصي اولا دينه واخلاقه اهم شيئ لانهم هما اللى هيدوموا معاكي طول الحياة اما الشقة والفلوس والشغل وكل دا بيتغير وطالما استخرتي ربنا فيه وراضيه وحاسه بالرضا توكلي على الله لان كل دي شكليات ليس لها قيمه في اللى هيدوم بينكم الللى ةخلاقه كويسه ودينه كويس هيحافظ عليكي مهما حصل اما لو واحد معندوش اخلاق او دين مش هيبقى عليكي او يحافظ عليكي اصلا والعيشه هتبقى صعبه معاه هتفيد ايه حياه وشه مع فلوس ولا حاجه هتتعبي انتي طول حياتك على الفاضي على شكليات فحين لو رضيتي بالاخلاق والدين مع شقة(70)متر ممكن ربنا يفتح عليكم من وسع ورزق حلال تبقى حياتكم احسن 100 مرة من حياة مع شخص معاه فلوس وشقة 100 او 200 متر
وربنا يرزقك الصالح
بصي صلى استخارة وصلى ركعتين وادعيى واسألى الله انه يوفقك ويرزقك الشحص الصالح المناسب واسألي الله انه يثبتك في حيرتك وان شاء الله توفقي .
بصي هو طبعًا هحدش هيلومك لو رفضتي وانا معاكي انها حاجة نفسيه بتفرق مع البنت جدأ وبتحسبلها حقك
بس انا هقولك حاجتين مهمين جدا حطيهم فبالك 🙏🧡
١- الشخص المسؤول الملتزم اللي يصونك ويحبك ويشيلك في عينه مبيتكررش ولا بيتاقل بمال الدنيا ولا شقق الدنيا يابنتي والله عشان لو ضيعتيه هتعيشي عمرك كله باكيه على انك ضيعتي من ايدك نعمه زي دي
٢- الدنيا بقت وحشه وكل يوم في غلاء رهيب تخلي اي شاب لو عرف يجيب شقه اوضه وصاله في اي مكان يبقى كويس اوي ضروري ان احنا نسهل على نفسنا وعلى الشباب الجواز منعقدهاش عشان تستمر سلسله العفة ومحدش يخرج عن دينه ويمشي في سكة مش كويسه
