انداري كل واحد وتجربتو بالحياة مش شرط صاحباتك كان الهم تجربة ناجحة مشان نحفظ الي صار معهم
مو بس صحباتي.... ع فكره حكيت بشكل عام... ومثلا انا ما الي عيون ما الي عقل ما اشوف الشباب كيف رح احكيلك بس بجامعتي كيف الوضع بكون يحكي مع وحده وقاعد معها فجأه بتلقاه بمكان ثاني مع وحده ثانيه وطبعاً في بنات بقبلو هيك وبعرفو عادي.... مثلا ما عندي خوان ما عندي ولاد عم... والله في بنات هن الي يرنو عليهم... مبعرف شو بتهيأ للبنت الي بترن ع شب تزبطو ويرفض وضل تحاول... الحياه صح تجارب... بس كمان الحياه عقل يفكر عيون تشوف
والله على قولة الي قالوها شكلو قلبك من الحامض لاوي
من ناحية الناس اه شفت اشكال الوان... تعاملت مع شخصيات تحمد ربك لانك عرفتها... وتعاملت مع شخصيات بس تتذكرهم تحكي يا رب تشفيهم من تخلفهم ونقصهم.... بس من ناحيه ثانيه حب وكذا.. شفت صاحباتي وبنات كثير وشفت حب حلو وحب لا.. علاقات استمرت وعلاقات لا... بس دايماً الواحد بتعلم من دروس غيره ياخذ فكره عن كل شي عشان يكون حذر بحياته... وصلت؟؟؟ مو ضروري اني بنت وهيك لازم اكون ارتبطت او مرتبطه لانو هاظ بحدو تخلف عقلي... في بنات كثير ما ارتبطو ولا شي
المثل يقلك لا تعاند الحر يا طير الحباري......
استلمونا بالانتخابات على سالفة فزعات القرايب والطخ الي صار وصاروا يطالبون بأخذ سلاح العشائر لانو ببساطة العشائر ترعبهم وين ما كان
هو بشكل عام زودوها كثير بالطخ ايام الانتخابات لانو كان في حظر والسوالف هاي وهم ما اخذو حذرهم... واكيد محدا يطلع مع العشاير براس.... وانا افتخر بالعشائر الاردنيه 👑⚔️
يعني الفكرة الي ودي اوصلها بالوقت الي الناس تهاجم العشائر والمجتمع العشائري بكل فرصة مثل الانتخابات الماضية ويحاولوا يلغو دورها يجيك ناس من العشائر تخلي حالها مثقفة وانو احنا غلط ومن الحكي هذا وما لازم نكون متعصبين العشيرة مشان يرضي الطرف الثاني ......
يا حرام الي مثل هيك مش عارفه شو يتعاطو.. او الهم هدف مستحيل يعارضو العشاير بدون هدف.... يعني لازم ندعيلهم بالشفاء العاجل يحزنو
شو رأيك بالاردنيين الي قاعدين يتطبعو بعادات غيرهم😉😉ويتخلوا عن هويتهم ولهجتهم مشان ما حد يتهمهم بالتخلف ويبينو حالهم أنهم منفتحين على الدنيا
والله الي يتخلى عن اصله شو نعمله يعني.... والي ما الو اصل من وين نشتريلو من سوق الوحدات يعني.... والي يغير لهجته وعاداته عشان يكون واو متحرر ويفكر هيك الثقافه والتطور فهو اكيد بقمة التخلف... محدا يقول خلك بيئه وما عندك اسلوب.... بالعكس تقدر تكون احسن حدا بالعالم وانت مو متخلي عن عاداتك واصلك ولهجتك.... والي يغير لهجته ويتخلى عن اصله فهو باع شرفه بالنسبة الي... وكثير بستفزوني الناس الي هيك ليش غيرك بشو احسن منك عشان تطبع بأطباعه... ما بعمل هيك الا الي عنده نقص وما عنده ثقه بحاله
الى من اشبعني بدفىء حنانه وحبه الى من رفعت رأسي عاليا افتخارا به الى من اعطاني ولم يزل يعطيني بلا حدود الى سندي الذي اقف ع قدمي مرتكزه عليه أبي" ادامك الله في حياتي واطال عمرك يا رب" ادعوا من الله ان يبقيك ذخرا لنا وما يحرمنا من وجودك إذا فاض حُبي فحبي لأبي " ومن غير أبي حبيبٌ لقلبي 💜 #دمت فخرا وسندا لي🥰😘
صدقا مو مجاملة يا رهف الواحد نادرا ما صار يشوف وحدة من نفس ثوبو تخاف الله بعيلتها واخوانها يعني لسى الدنيا بيها خير وانتِ ادرى بالبنات الأيام هاي وشو وضعهن وكيف مخبصات الدنيا ويلعبن على اكثر من حبل وفعلا الله يعطيه العافية الي رباكي
اه والله شايفه... ويمكن اكثر شي مضايقني هالشغله لانو خلص الصدق بهاي الحياه ويا ريت انها تحكي مع هالرجل الغانم الي يستاهل الواحد يقول مو مشكلة حب.... بس للاسف لا البنات صادقات ولا الشباب صادقين... والي وصل البنات لهاي المرحله الشباب بكذبهم والاعيبهم... بس الشاطره الي تحافظ ع حالها وع سمعتها لاخر شي الي ما تسمح لحدا يلعب بعقلها يعني تعيش حياتها وتنبسط وتضحك وتطلع بس بدون غلط... انا مو ضد الحريه او ضد الحب لا بالعكس... انا ضد الغلط والغباء وضد الاختيار الغلط.... والله يعافيك يا رب.. مشكور من ذوقك 😊