شو رأيكم بالشب الي بتجوز من بنت اكبر منو ب٥ سنين؟؟؟؟
بالنسبة إلي ما بشوف فيها مشكلة ، يعني انت ما بتخالف الدين لحتى يكون في رفض قاطع ، لكن الفكرة انك بتخالف عُرْف بالمجتمع ، و هاد برأيي أصعب من مخالفة الدين ، لإنك بتواجه البشر مش رب العالمين ، و مواجه البشر ما بتكون عادلة ، بس لازم يكون ببالك و تكون مدرك تماماً ، انه البنت اللي رح تتزوجها رح تحمل و تولد و عاد الاشي رح يأثر عليها شكلاً و حتى من ناحية جسدية و نفسية ، يعني فسيولوجياً ، و زي ما بكتير حالات بكون في فرق عمر كبير بين الرجل و المرأة ، و بكون الرجل اكبر ، بس بنفس الوقت بتكون المرأة واعية و قادرة تفهم الرجل و تحتوي تفكيره ، ف أنا ما بشوف انه العكس مش ممكن يعني بالتوفيق 🙌🏻
افتقادنا للثقة في كل شيء ، في الوقت الذي نحتاج فيه أن نثق كي ننهض ، تسييج أرواحنا بدائرة مغلقة لا زاوية فيها لنركن إليها ، استغناؤنا في عز الاحتياج ، و احتضاننا التام لأنفسنا ، مداراتها ، و تطمينها بأن خالقها موجود ، إزاحة كل هواجس تخليه عنا ، و تأكيد وجود حالٍ جديد بعد هذا الحال ، يأتي ضرورةً بعد سعيينا للنهوض ، الله موجودٌ دائماً ، هو من يسخر لنا أنفسنا لننهض ، هو من يلهمنا فهم أنفسنا لننهض ، هو من "يعلم السر و ما أخفى " ، رهف عكور . ٢٩/٣ /٢٠١٩
انا شب😪💔،. المقصد انو بخاف احكي مع الجنس الآخر .... بس في ناس حكولي عادي هاد اشي حلو و يا ريت كل الشباب مثلك ما بحكو مع بنات.. صحيح بس برضو ما بتمشي الحياة هيك لانو يمكن يكونو بشغلك او اي مكان...
تمام ، عفواً يعني أفهم من هيك انك بتشوف حالك ضعيف شخصية لانك ما بتقدر تحكي مع بنات .. و يبدو انك بتشوف الشب اللي بيقدر يحكي مع عشر بنات بنفس الوقت قوي شخصية ، بحب اقلك انه البنت الفهمانة اللي بتخاف ع حالها رح تدور عالشب اللي على حد تعبيرك يعني " ضعيف شخصية " ، و لو انه هاد مش ضعف ، ما بقلك صح تضل هيك ، لكن كل اشي بحدود ، يعني تعاملك مع البنات بالحياة اليومية ما بيتطلب انك تكون ملحلح كتير لحتى تطبقه غير هيك انه هاي التشياء بتيجي بالممارسة ، و بالمناسبة ، في بنات برضو هيك ، ما بقدر يحكو مع شباب و بستحو جداً و بخافو ، و مع الايام هاد الاشي بروح ، و بصير الواحد يقدر يتعامل بس برضو بحدود -برجع بأكّد - ، الحياة الجامعية بتلعب دور كبير بهاد الاشي معلش تقلي كم عمرك؟
بستحي كثير... و ما بعرف احكي او افتح مواضيع مهارتي بالتحدث اضعيفة، بلاحظ الناس بعتبرو انو كلامي كلو سخيف و البنات ما بقرب عليهم و ما بحكي معهم حتى بخصوص الدراسة بخاف احكي معهم يشوفوني هبيلة. كل اشي سيء فيني💔💔💔💔💔💔💔💔💔💔 هاد الاشي مأثر على حياتي اكثير💔💔.
اول اشي انك تستحي كتير هاد اشي ممكن ينحل بالممارسة عادي بس ليش بتخافي يشوفوكِ "هبيلة" ؟ جربتي قبل هيك تحكي و كانت ردة فعلهم سيئة؟!