مفيش اي حاجة تستاهل الزعل عليها ده كله، احنا هنعيش مرة واحده بس ف استغلوها صح في كل حاجه و متستنوش حد يفرحكوا، محدش هيهتم بيك ولا بفرحتك اكتر من نفسك و ابعد عن اي حاجه ممكن تأذي نفسيتك، و قرب من ربنا و علّق قلبك بالآخرة اكتر من الدنيا هتلاقي بعدها ان كل اسباب زعلك دي تافهه ??
As long as you are breathing, there's hope. There's something beautiful waiting to happen to you and you gonna feel that happiness again. So, don't give up! ??
هو ليه ربنا مخلقش كل البنات بنفس الجمال ليه في حلوين اوي و في وحشين اوي؟
مبدئياً ربنا مخلقش حاجه وحشه و مفيش بنت وحشه اصلا، ربنا خلق كل البنات حلوين بس جمالهم متفاوت، و مش كلنا لينا نفس الاذواق اوقات كتير بنشوف ناس نقول عليهم حلوين جدا و نفس الناس دول بيكونوا عاديين بالنسبة لحد تاني، و في حد رِزقُه بيكون شكل حلو و في حد تاني بيكون رِزقُه صحة كويسة او صُحبة صالحة او ذكاء و غيره يعني، ف كل واحد ربنا بيعوضه بأحسن حاجة، ف متفكريش كدا مفيش بنت وحشه والله.. و في الاخر هقولك ان الجمال مش بالشكل خالص خالص والله المظاهر خداعة، انك تكوني جميله خُلُقاً و روحك حلوه و عفويه و ملتزمة دا احلي بكتيير ?❤
Everything heals. Your body heals. Your heart heals. The mind heals. Wounds heal. Your soul repairs itself. Your happiness is always going to come back. Bad times don’t last. ?❤
هل النقد يساعدك على تعديل وتطوير نفسك ولا ما تاخذ فيه ؟
انا مش ضد فكرة النقد خالص بالعكس اللي بينقدني ده اكيد بيحبني و عايزني ابقي افضل، بس انا بعترض ع الطريقة ذات نفسها اللي بننتقد بيها الشخص،ف انا لو وصلت النقد ده لشخص بطريقة لطيفة بحيث ميزعلش منها، هيصلّح من نفسه فعلا و هيهتم باللي اتقاله و لو العكس ولا هيسمع الكلام اصلا.. الكلمة بتفرق جداً مع اي حد ??
"هناك أشخاص لا يتواصلون معي إلا عندما يكونون بحاجة لمساعدتي في أمرٍ ما، هذا النوع من الأشخاص ليس بالضرورة سيء، كُلُ ما في الأمرِ أنه لم يجد أحدًا غيري يظن به خيرًا! السيءُ فعلاً هو أنا -عندما يكونُ بمقدوري تقديم المساعدة له- ولكن لا أُقدمها لمجرد أنه لم يذكرني إلا عند حاجته.."
ازاي اتغلب على رهبه تقديم البرزنتيشن ؟ بخاف جدا جدا و بتوتر؟؟ :((
خلي عندك صاحبة بتحبيها و قريبة منك تبقي قاعده قدامك بحيث انك وانتي بتقدمي كل شوية تبصلك و تطمنك و توصلك اد ايه انتي كويسة، حاولي تتكلمي مع دكتورة قريبة منك مثلا و تديكي ثقة في نفسك شوية، درّبي نفسك في البيت مرة واتنين وتلاته قدام ناس كتير من اهلك مثلا و راجعي عليها كويس و شوفي ناس قدمت كويس قبل كدا و شوفيهم بيعملوا ايه و تقديمهم بيكون كويس يعني..بمجرد ما تطلعي مرة بعد كدا هيبقي عادي بالنسبالك ??❤