الأمر بسيط -أو كذلك أعتقد- بس محتاج شوية شغف، كليتك شرعية والكتابة هتكون مفيدة لك عشان تعزز ملكات كتير عندك في قراءة كتب التراث والشريعة، تقدري تبدئي ف البحث دلوقت -أي مادة- بس تصلي مئة مرة على النبي؟،
كان بودي أستفزك لأخرج أجمل ما فيك -من الكتابة- وأقول: عجز، بس أعتقد هتكون محاولة فاشلة، أعصابك هادية ☺
مش بينفع معي الاستفزاز. 😅 حاسة بضغوطات ربما، عايزة أسكن في مكان لوحدي، وأقرأ كل يوم عدد لا بأس به من صفحات كتب قيمة، لكن حتى الأبحاث بتاعة الكلية مش عارفة أبتديها والوقت بيجري، فهقرأ إزاي ولا هيكون فيَّ حيل لمجاراتك بالشعر؟
أرى أن فكرة الثورة فكرة شجاعة، قد يقوم بها فردٌ لأول مرة، مقاومًا خوفه من العواقب، ولعل الذي يشجعه على هذا ظلمٌ طفح به كيله، أو شيءٌ لا يعجبه. دون وجود هذا العامل المحفز علامَ يفتعلُ المرء ثورة؟ إلا إن كان يشاغبُ لمجرد المشاغبة، ويرفض ويعترض لمجرد استظهار نفسه، ويثور ويغضب بسبب طيشه واندفاعه. نفسُ الأمر هنا، لم يوجد هذا العامل المحفز لاندلاع ثورة، لكنك رغم ذٰلك أشرت إليها وطلبتها، ولا أرى داعيًا لها، فما السبب في رأيِك؟
برأيك مَاهي مقاييس الجمَال التي تجعل الشخص "جميلاً" بالفعل؟.
الجمال نسبي. لو سؤال عام فدا ردي ولو بتسأل عن مقاييسي أنا فما أظنش ذكرها مهم.
وقد كنت أرجو هدوء الحياة..فما للحياة ملاها الصخبْ & والحزن فيها كليل طويل..والفرح فيها مضى مقتضبْ
❤️
طيب عال جدا :)) قلقت لوهلة عشان حسيتني بحشر نفسي جامد.
طيب هقولك برضه خلي بالك من الفلسفات دي، لأن ممكن بعد مدة من الزمن تظهر لك تجليات تزهدك في جزء كبير من القناعة دي وتحسي إنك فوتي فرص أفضل من اللي هيتاح قصادك وقتها (صداقة أو زواج أو خلافه).
بينتابني الشعور من وقت للتاني. :) وبيروح لحاله، وبرجع كما أنا. ساعات بتساءل: أنا ليه تفكيري مش تقليدي زي المعظم؟ أنا عايزة أعيش حياة هادئة بدل الوش اللي في دماغي ده.
باعتبار إنك لو اخترت قطع كل الروابط الاجتماعية، الزواج بيمثل الرابط اللي مش هيكون في مفر من التعامل فيه، واللي عاجلا أو آجلا، بنقع على جدور رقبتنا ونقيد أنفسنا فيه طواعية :)) ... وكمان لأنه -من منظوري- إن تم، فهو بيكون محور حياة الأشخاص وأهم علاقة اجتماعية مطلوب استدامتها.
"أهم علاقة اجتماعية" تعبيراتك جميلة. أنا مخترتش قطع الروابط، أنا بس جعلت الوصول لقلبي أكثر صعوبة، حطيت اختبارات مش الكل بيفهمها.
ماهو حاجة من اتنين: إما إنك مش عاوزة حد ييجي أصلا، وده أسلوبك الاجتنابي، ولو جه حد يقبل بده فيبقى عظمة أوي. أو انت مش مدركة إن الزواج أصلا جزء منه بيكون بَذْلِك الجهد للتغيير، مش تغيير كامل طبعا، بس تغيير الحاجات الصعبة، وده بيكون عشان الزوج، والأبناء وللحياة ما تكون مستقرة قدر الإمكان... أو كليهما.
ليه قصرت الأمر على الزواج؟ أنا بتكلم على العلاقات الاجتماعية كلها، وتحديدًا الصداقة، ماجيبتش سيرة الزواج.
لعل اللي قلتيه قبل كده مش في بالك فعلا حاليا 😌
أنا اللي خيالي وسع حبتين كده.
ولكن، أعتقد رهانك ده هيحتاج منك تدقيق في نفسك قبل ما اللي بتأمليه يكون واقع وتفاجئي بأنك نقلتِ للآخر صورة غير اللي عاوزاها، أو ما كنتِ بتأملي تكوني عليه لما توصلي للواقع ده.
لا أنت مش فاهم. :) أنا عايزة الشخص الآخر يشوفني كدا فعلًا، بانعزالي وهروبي من الناس والتعامل معهم بالقطارة، بخلقي الضيق وأسلوبي العنيف، بكل الصفات الوحشة اللي عندي، هو دا المقياس اللي بحكم بيه للأسف، لأن سبحان الله! :) فيه ناس عظيمة بتختار تكمل رغم كل ده، وناس تانية ممكن ترفضك لأجل عيب بسيط، وأنا بطلت أستعرض مميزاتي قدام حد عشان أعجب، رانيا شخص واحد مش هيتكرر، فلو مهتم برانيا هتقبلها مهما كانت، إنما لو عايز شوية صفات فآسفة الموضوع مجهد ومزيف. أنا بشتري اللي يشتريني بكل حالاتي، واللي بيمشي مابفتكرهوش.
ماهو هحطها أمام الأمر الواقع بقى، أنا راجل جاي شقتي جاهزة على السكن 😁 هوبا خطوبا، هوبا زفة ولو حبت تعدل حاجة عليها فترة الخطوبة هيبقى الكلام إيه؟ الحال كرب ومش مستاهلة نضيع فلوس على شكليات 🤣🤣🤣
ماهي يمكن ماتعجبهاش. :) فأنا بتكلم في النقطة دي، ومن منطلق كوني بنت، نفسيتنا بتتأثر جدًّا بشكل البيت، ولو مش على مزاجنا ممكن يكون فيها عدم ارتياح، غير إن تنسيق البنات لأي حاجة بيكون فيه حياة أكتر، غير إنك ممكن تظبط شقتك وتيجي هي تقول لك عايزين نغير. 😅 فخلوها شورى بينكما أحسن. 😅 كتير من الشباب بيطبق كلامك والدنيا بتمشي بس لو عملتوا الأمور ديه سوا هتحسوا بالمشاركة وهي هتتأقلم أسرع.
بمناسبة بوست الديكور... أنا ناوي أعمل الشقة إن شاء الله بدماغي قبل ما أخطب، عشان إيه، عشان دماغي متتفلقش نعمل كذا ومنعملش كذا من أم العيال إن شاء الله 😂 بالذات لو طلعت مهندسة ديكور، عشان ملاحظهم كتروا اليومين دول 🤓 وأهو برضه عشان الواحد مياخدش وقت في الخطوبة، على قد الاطمئنان التام وطيرو انتو. 😅