انا في حاجه بعملها انا عايزة ابطلها "نفسى ابطلها" بس مش عارفه او مش قادره اوقات بقدر بقعد كتير شهور بس برجع وحاليا انا مش عارفه اقف علي رجلي تاني مش قادرة ابطل ومش عارفه اعمل ايه عشان مينفعش اروح لحد اقولو واطلب منه المساعده ف هطلبها هنا لعل وعسى💔
الحل انك تقلل بالتدريج لانك في حاله ادمان وتبدأ توسع المسافات كل فتره هتلاقي نفسك بطلت تاني حاجه حاول يكون في خشوع في صلاتك وديما استغفر ربنا وابعد عن اَي حاجه بتسببلك ده خلي عندك هوايه وهدف انزل أتمرن اشغل وقت فراغك
اسألي نفسك سؤال وجاوبي عليه بوضوح: أنهي نسخة منك أحسن؟
النسخة اللي كانت بتقع وترجع تاني وتعافر وتقع وتعافر، ولا النسخة الضعيفة المستكينة اللي مش عارفة تقف على رجلها تاني؟
غلطتك الحقيقية مش إنك بتقعي، الغلطة الحقيقية هي إنك أقنعتي نفسك إن الطبيعي إنك ماتقعيش إطلاقا وإنه لو حصلت زلة أو انتكاسة فده يعتبر فشل وسقوط..
بس الحقيقة إن النسخة الأولى دي هي الوضع المثالي للإنسان المؤمن.
كلنا كده وهي دي الدنيا، كلنا من أتقى الأتقياء وأورع الأئمة للناس العاديين جدا بنحاول ونعافر فنلتزم شوية وبعدين ننتكس ونزل فنرجع تاني ونلتزم وبعدين ننتكس ونرجع وهكذا.
ربنا سبحانه وتعالى عارف ده مننا علشان كده جعل باب التوبة مفتوح دائما، وعلشان كده شرع لنا الاستغفار وحببنا فيه وبيحبه مننا، وعلشان كده مدح عباده الأوابين في القرآن ووعدهم بالمغفرة.
أصل مين فينا ماعندوش ذنب بيؤرقه وبيحاول يتوب عنه ويرجع يقع فيه ويتوب تاني!
ومين قال إنك المفروض تعاملي نفسك ككمبيوتر تديله أمر فيلتزم بيه وينفذه بحذافيره طول ما انتي ماغيرتيش الأمر ده؟
نفسك مش كده يا ماما، النفس البشرية غير الكمبيوتر، ليها أهواء وشهوات وفي شيطان بيأثر عليها وحاجات كتير جدا، فطبيعي ومتوقع جدا إن الإنسان يقع.. إنما النقطة المفصلية هي مرحلة ما بعد الوقعة؟
هل هانتعامل بواقعية ونرجع تاني نعافر ونحاول، ولا هاننهار ونيأس ونقع تماما، ولا هانسخط ونعترض ونتمرد؟
عاوزة حل للنقطة دي؟
الحل هو التنفيذ فورا، مافيش حل سحري يحل لك مشاكلك في دقايق، مافيش غير المعافرة والمحاولة والاستمرار ولما تقعي عادي انسي ولا كأن ده حصل نرجع تاني من الأول بعد ما نتوب ونعزم على عدم العودة وهكذا إلى ما لا نهاية.
والزمي ذكر الله والاستغفار وادعي ربنا كتير جدا جدا.
الزمي بمعنى الزمي طول الوقت استغفار وذكر.
وأخيرا مش غلط إنك تطلبي مساعدة لما تكوني محتاجاها.
بس اطلبيها من حد هو أهل لها... طريقة الطلب دي للأسف غير صحيحة لأننا ببساطة مانعرفش مين اللي بينصح ده وهل هو مؤهل وأمين ولا لا وحاجات كتير جدا.
ربنا يعينك.View more
لو ذنب مثلا كل ماتفكري فيه قومي صلي واستغفري كتير اعملي قصاده خير واطلبي من ربنا يساعدك
فكري ف عواقبها
وكافيء نفسك لما تكوني نفسي تعمليها ومتعملهاش .. وقبل كل دا فكري اني ربنا مطلع وشايفك . والقران والصدقه .
؟
لازم الحاجه دي اكيد تخليكي مش قادره تقفي ع رجلك غير انها بتسيب اعصابك خااالص🥺
