تصدق أقنعتني بما إنك متأكد من كلامك كدا ومصمم وعايز مصلحتي .. فا انت بشخصك الجميل دا تشرفني بنفسك وتبقي معرفة خير او شر عادي ونشوف هنعمل إيه في المرار الطافح دا .. ولا إنت جبان كعادتك ..🤔
الكلبة "ماتيلدا".. خلال آخر كام ساعة العالم كله كان بيتكلم عنها بسبب اللي عملته في روسيا.. اللى حصل إن فيه حريقة ضخمة مسكت في دار لرعاية المسنين في مدينة سان بطرسبرج الروسية.. الفكرة إن الدار في منطقة محدوفة نسبياً، وكل حاجة حصلت بسرعة للدرجة اللي بقى معاها فيه إستحالة إن حد يمر من قدام الدار أو يبلغ المطافي أو يلحق الناس اللي جوه!.. "ماتيلدا" اللى كانت موجودة قريبة من الدار في لحظتها، ورغم إنها حامل بس دخلت جوه الدار وسط النار في تصرف كانت حاكماه قدرة ربنا قبل كل شيء، واتوجهت ناحية جرس الإنذار المخصص لإستدعاء المطافي اللي موجود في أوضة معينة جوه!.. الجرس رن في وحدة المطافي وفوراً اتحركت كذا عربية عشان يلحقوا الحريقة، وفعلاً وبسبب "ماتيلدا" أنقذوا الـ 4 مسنين اللي كانوا خلاص بينهم وبين الموت خطوة.. صحيح إن "ماتيلدا" بعد ما ضربت الجرس اتحبست جوه الدار، وأغمي عليها بسبب ثاني أكسيد الكربون اللي شمته؛ بس أنقذوها هى كمان بصعوبة لإنهم ماكانوش عارفين إن فيه كلبة جوه أساساً!.. بالمناسبة.. لما دخلوا عشان يجيبوها فوقوها وقالوا إنها كانت بتبكي وبترتجف من الألم.. "ماتيلدا" أصيبت بـ حروق صعبة في وشها ورقبتها ورجلها، وللأسف مش هتقدر ترضع أولادها لما تخلف بسبب احتراق منطقة البطن من تحت بالكامل؛ بس بيعالجوها وبتتحسن.. بالمناسبة كمان فيه واحدة من المسنين اللى تم إنقاذهم كانت متعودة تأكل "ماتيلدا" بإيديها كذا مرة قبل كده، وغالباً هو ده سبب وفاء الكلبة اللى مالوش تفسير منطقي للمكان وللناس اللي فيه!.فيه ناس تاكل معاهم عيش وملح العمر كله بس ولا يفرق عندهم وممكن يبيعوك في ثانية ويكسبوا فيك كمان، وفيه ناس تصونك، ووفاءهم ليك بتبقى حاكماه الأصل والتربية.. "الوفي" هيشيل في وقت الوقعات.. هيلتزم بـ وعود خرجت من القلب مش من اللسان.. هيحط سعادة، وإنبساط الطرف التاني هدف.. مش بيخون إلا اللي عينه فارغة، ومش بيوفي إلا الشبعان.. الزعيم "جيفارا" قال: (لا يقاس الوفاء بما تراه أمام عينك بل بما يحدث وراء ظهرك ..💖