انا كنت في فرح واحده صحبتي وحد منصب مهم وشخصيه حلوه جدا شافني وبعت انه عاوز يتقدم ولما سأل عن اهلي معجبهوش الوضع انا ذنبي ايه محدش بيتختار اهله نفسي مكسوره اووي وزعلانه على نفسي وعلي حالي زعلانه من الدنيا
مش فاهمه نفسك مكسوره ليه هو انتى لو اتقدمك حد تانى ومعجبكيش اسلوبه او اهله او بيته ومستواه مش هترفضى ولا هو حق ليكى وهو لا مثلا او اى حد غيره يعنى انا اسفه بس مش حاسه غير انك زعلانه على المنصب والشخصيه 🤷
مبتفكريش تفتحى الباب بقاااااا
باب ايه؟!
عايزة اخد رايك في حاجه هو انا اعمل ايه لما احس اني دايما غبية و ساذجة وانى حبيت حد مكانش يستاهل حبي أنا بعدت عنه لكن دايما بشوف نفسي غبية اني حبيته وهو ميستاهلش ابطل تفكير ازي انا تعبت بجد
طب ما انتى بتقولى اهو ميستاهلش يعنى انتى مجاوبه على نفسك ترهقى تفكيرك فى حد ميستاهلش لييه وتوجعى دمااغك اول ما يجى فى تفكيرك قومى اعملى اى حاجه تشغلك اتوضى وصلى شغلى فيلم اتمرنى
انا كنت بحب وحده وهى بتحبنى سابتنى عشان بعرف عليها بنات حبيت انتقم منها عملت عليها حفله انا واصحابى على الفيس وشهرت بيها للناس كلها وهى بتحسبن عليه دلوقتي هو انا كده ظلمتها؟؟؟؟
خطيبي ف اول خروجة لينا كان بيعامل الويترز كإنه يعرفهم قبل كدة . بيقولهم حبيبي يا باشا و حبيبي ياكبير مش عارفة ليه حسيت انه مش عامل لنفسه برستيچ مش عارفة دة عادي ولا ايه 🤦🏻♀️
طب واى يعنى ما عادى هو لازم يبقى قفل معاهم ما اكيد تعبانين وهو بيجبر خاطرهم بكلام عادى
عايز رايك ..
فيه بنت بتحبني ومتعلقة بيا ..
وانا خايف اجرحها واسيبها عشان هتتعب بجد
وانا مش عايز اسبب ليها اي تعب او جرح او حتي زعل
ربنا يعلم انا بخاف عليها اد اي وكل م اتاخر فكده بتتعلق بيا اكتر
احنا صحاب بس هي حبتني وحبي ليها كصحاب
بس والله بخاف عليها جدا
عايز طريقة اني امهد ليها ده
عشان مجرحهاش
هى بتحبك وبالنسبالك هى مجرد صاحبه وكل ما مطولين فى صحوبيتكم بتتعلق اكتر وانت خايف تسيبها علشان متتعبش وبالنسبة لانها اكيد حاسه انك مبتحبهاش وعارفه انك هتسيبها فى وقت ما مش شايفه بصراحه غير انك تقولهالها صريحه مافيش بينا حاجه او من ناحيتى انا وتقطع معاها هتتعب شويه بس هى هتفوق فى الااخر انما انك مكمل علشان خوفك عليها دا مش حقيقى انت لو خايف عليها فعلا تقطع من بدرى بدل ما بتتعلق اكتر ووجعها هيكون اكبر واكبر