انا مذاكره الشرح ومراجعه عليه مرتين والمراجعه حلاهم 3مرات وسمعت القوانين امبارح وبحب الرياضه دي جدا جدا ولازم اقفلها اروح الامتحان انسي كل القوانين كلها والله العظيم نسيت كل حاجه من الامتحان
صلي علي النبي يبنتي. ربنا عاوز كده. انتي مذاكرة كويس جدا جدا بس انتي اتوترتي. والله لو مقفلة المادة كلها واتوترتي كل ده هيضيع. التوتر ده زباااالة. وكمان بتبقوا مطبقين ومش مرتاحين فبتروحوا الامتحان مش مركزين وده غللللط. يبنتي بدام انتي مقصرتيش في حق المادة وعملتي اللي عليكي ربنا هيعوضك خيييير. متقلقيش
مش كبار ولاقيتهم في الامتحان بس مش حكاية كبار ولا صغيرين الفكره ان انا مفهمتش حاجه منهم هو كان عباره عن قانون ونعوض ايه الفايده من ده انا كطالب استفدت ايه من ده
طب ايه المشكلة بدام انه مش كبير وقانون صغير وتعرف تعوض ليه وجالك في الامتحان فكان المفروض تحله علطول. انتا بقا طنشته ولا مذاكرتوش ولا ايه؟ مش فاهم اعتراضك هنا علي ايه. حاجة اتقالت في المنهج وجاتلك.
بس فكرة ان هي تدينا شابتر عباره عن صفحتين اخر اسبوع بعد ما كل الدكاتره خلصوا شرح ونخرج من الامتحان مش فاهمين ايه لازمة الصفحتين مش من ناحية الكم بس من ناحية الاستفاده المفروض بندرس مش عشان امتحان المفروض ندرس الحاجات دي عشان نقول احنا استفدنا بحاجه اعتقد مش همها انها تفيدنا اكتر من انها تضغطنا
والصفحتين اللي اتاخدوا دول كبار؟ وجيه منهم الامتحان؟؟
فين؟؟؟
مش عارف دراستها فين برة بصراحة
رٲي حضرتك في دكتوره هبه السجاعي ك امتحانات وشرح؟؟؟
دكتورة محترمة جدا جدا وشرحها ممتاز لانها عملت دراستها برة والجاي من برة دايما بيضيف جديد. معرفش نظام امتحاناتها عشان مدتنيش قبل كده
انا كبنت يا دكتور هل عادي اقبل بواحد مكتفي بوظيفه واحده وبيقولي انا مش آله عشان اشتغل ٢ شغلانه؟
يسروا ولا تعسروا. معظمنا شغال شغلانة واحدة. أيه المشكلة بدام هيقدر يسترك وانتي حاباه. ولا انتي معتمده فقط في اختيارك علي اللي بيشتغل كتير؟
مشكلة ان طيبه في ان كمان مبتعرفش تاخد رد فعل تجاه حد بيتعامل برخامه وقلت ذوق بدون سبب!
للاسف ده جزاء انهم طيبين. ده بيخلي اي حد يستغلهم ودي حاجة قذرة. بس خلي الطيب احسن منهم ومينزلش لمستواهم
الشخصية اللي طيبه وبتحب تتعامل مع كل ناس اكتر حد بيتأذي نفسيا بسبب ميزه دي وبيلاقي ناس كتير وحشه ومريضه للاسف يا تري العيب بقي فيها ولا فيهم؟؟
العيب فيهم طبعا. الواحد لما يكون طيب في الزمن ده نعمة. للاسف معظم الناس مستغلة. مش فاكر كان فيه حديث تقريبا بيتكلم عن الناس اللي مازالوا طيبين. بس مش فاكره بصراحة
طب خد بالك بقي ويكون حد مبيكدبش ده صفه وحشه فعلا.
شوور.
With whom are you going to celebrate Christmas?
My Bed
تفتكر ايه اسوأ صفه ممكن تكون في شخص اللي ترتبط بيه ومستحيل تكمل بسببها؟
اكتر حاجه نفسك تحصل علي مدي قصير؟ وايه علي مدي طويل؟
حاجة نفسي فيها يعني؟؟ اسافر برة مصر علي المدي القصير والطويل حضرتك
خمس سنين طب عدي منهم حاجه!
اول سنة اهو شغال فيها
هو انت مستعجل تبقي دك ليه مش حسك مدي لنفسك وقت تعيش حياتك؟؟؟
مش بمزاجنا. قدامنا مده محددة 5 سنين تكون مخلص فيهم الدكتوراه فضغطة
عارف انت ايه ؟ انت برنس جدا جدا جدا عشان بتساعد كل الناس وترد علي اسئلتهم. بجد استفدت من حضرتك 😍 شكرا ربنا يكرمك ويبارك في.حضرتك ويفرحك زي ما بتفرحنا 💕👏❤🌹🌸
ربنا يخليك/ي يا ذوق منتحرمش
مبروك مقدما ان شاء الله نشوفك دكتور بس هنكون اتخرجنا بقا
وبعد ماتتخرجوا بكذا سنة كمان. الموضوع لسا طويل. ربنا يخليكي
ميرسيه ربنا يخليك ويوفقك يادكتور
انا مشفتش حضرتك من سنه تانيه
موجود والله في الكلية هنروح فين. مشغول بس مع سنة تانية السنة دي وكمان تأهيلي دكتوراه فضغطة شوية
كان صعب اوووي وكله مصطلحات غريبه ومسائل مش مباشره علي غير المتوقع من دكتور سعد