اخدت الماجستيرفي 2017. بحضر دكتوراة حاليا. لسا سنتين إن شاء الله
حضرتك فاكر مكان كويس للانجلش في المنصوره
تقريبا البريتش كونسل ليهم مكان في المنصورة بس مش عارف العنوان فين
لو سمحت يا دكتور ايه شروط اكمل بعد البكالوريوس علشان اخد الماچيستير؟
عشان تاخد الماجستير لازم يكون تقديرك العام علي الاقل جيد. ميكونش مقبول. ويكون جيد برضه في مواد التخصص سواء محاسبة او ادارة. ده غالبا الشرط الرئيسي. التفاصيل كلها في مكتب شئون الدراسات العليا في المبني التالت - الدور الاول - تاني مكتب علي اليمين
Is £21,000 a good salary for a 25-year-old graduate? (outside of London)
A very good salary for a fresh graduate.
ومشكلتها انها مش تتعامل مع الناس اللي بتزعلها دي هما بيقولوا انهم بيهزروا والهزار ده بيزعلها
اظن ده من حقها. كل واحد ليه صفات معينة وحدود معينة مش من حق اي حد يتعداها. بدام هي مش بتحب الهزار ده وموضحة كده للناس فالمفروض الناس بقا تحترمها ومتهزرش. كون ان الشخص عارف ان حد ما مبيحبش الهزار ومع ذلك بتهزر هزار سخيف معاه يبقا الشخص ده مهزأ ومش محترم والمفروض البنت تقطع علاقتها بالناس دي بدام مش محترمينها.
الشغل في شركه اتصالات ف الفروع بتاعتهم يعني بيبقي سهل ولا عادي
وهل لو انا متخرجه من تجاره انجليزي تقدير جيد جدا اشتغل هناك عادي ولا خساره التقدير وادور ف حتي تانيه؟؟؟؟
اي شغلانة كويسة بحيث هتديكي خبرة. قدمي في كذا حتة مش حاجة واحدة بس واللي تجيلك اختاريها. بالنسبة لشركة اتصالات معنديش معلومة بصراحة بس اظن ينفع. قدمي وربنا يوفقك
السلام عليكم دكتور احمد. هو في قسم ف كليه تجاره جديد تمويل واقتصاد كويس لطالب عايز يدخل تجاره و اى افضلهم
و لو عايزة حد يدخل آداب مساحه مصاريفها كتير فعلا
التمويل تبع قسم ادارة. فيه في الكلية في نظام عربي فيها اقتصاد واحصاء وادارة ومحاسبة لكن في الشعبة ادارة ومحاسبة فقط. مش فاهم بقا بتسالي ايه عن كلية اداب
دكتور هو لو طالب تقديره التراكمي64% ممكن الكليه ترفعه ل 65% مع العلم مااخدش ولا درجه رفع طول الاربع سنين