انا حضرتلهم ايفينت في نص السنه و قالو هيبدأو شغل هنا في المنصوره و كان اغلب اللي قاعدين تبع تجاره و كل الكلام اصلا كان عن تجاره و الكورسات اللي بتتاخد في تجاره و كدا
طب والله كويس. اهم حاجة تكون فعلا تبع الجامعة الامريكية لان سهل جدا اي حد ينتحل اسمها عشان فعلا تعرف تتوثق
معلش يا مستر حاجه صغيره بس اللي بيسأل ع كورس انجلش مش المفروض الجامعه الامريكيه بدأت تعمل شغل في المنصوره و الاستعلامات بتاعتها في فندق مارشال؟؟.... ما يبقا تبعها و خلاص و اعتقد فيه تبع كليتنا حاجه زي كدا تبع الجامعه الامريكيه بردو و لا اييه ؟؟؟؟ دا ردا بس علشان قابلني السؤال كذا مره عند حضرتك
الاضمن االلي بتبقا تبع الجامعة عشان سهل تتوثق. بس بدام بتقولي فيه حاجة تبع الجامعة الامريكية في مارشال يبقي كويسة. انا بقول ايه الاضمن بس
احمد عادل عز الدين حماد. 26 سنة . عندي 4 اخوات وانا الخامس بالترتيب لبني- شريف - انا - عمر - مرام. اعزب الحمد لله. - اتولدت في السعودية في حائل تحديدا - جيت كملت تعليمي هنا في مصر_ حاليا مدرس مساعد في كلية تجارة انجليزي جامعة المنصورة - اول سنة 78 جيد - تاني سنة 85 جيد جدا - تالت سنة 85 ونص جيد جدا - رابع سنة 91 امتياز- التراكمي 85 جيد جدا - خلصت التويفل والأيلتس الحمد لله - والدتي اتوفت وانا في سنة رابعة - الحمد لله علي كل شيء- اخدت دورات انجليزي ومحادثة واي سي دي ال - اهم حاجة اللغة بالنسبالي ممكن اعد طول اليوم اشوف لغات جديدة- بحب الهدوء جدا ومبحبش الرغي الكتير- دايما بحب اعد لوحدي- عشقي الافلام الاجنبي والاغاني الاجنبي والالعاب الاستراتيجيك والانمي والشكاليطا - مبطيقش الكورة يعني لا اهلاوي ولا زملكاوي مريح دماغي من الاخر - ماشي بمبدا كما تدين تدان وماشي بالاحسان رغم الاساءة - كفاية كده تقريبا
يعني لو دلوقتي لقيت حد بصدفه وحبيته ممكن مترطبتش علشان شغل؟
بحاول بقدر الامكان مفكرش في الموضوع او مدورش فعلا عشان لو حصل كده هتبقي مشكلة بالنسبة ليا اني مش هعرف اوفق بين شغلي وبينها لان شغلي واخد كل وقتي, ومشكلة بالنسبة ليها لاني هظلمها. فانا صابر ومش بفكر فيه ناو. لما احس اني مستعد ليه وهعرف اوفق بين شغلي وبينها ابدا ادور بقا, مش اعد ادور والعب ببنات الناس واقعدها معايا وفي الاخر مش ضامن نفسي
طب هو ممكن اهتمام بحاجه او بموضوع يشغل الشخص عن اللي بيحبه حتى لو هو معاه وجنبه؟!
اكيد طبعا شغل الواحد ممكن يشغله طبعا. بحيث في ظل الظروف دي طبعا الكل مهتم ازاي يجيب لقمة العيش فالشغل واخد كل الاهتمام فده ممكن يقف في الطريق. شغلي مانعني شوية من الارتباط عشان فعلا واخد كل وقتي