Umm tab law lesa m3ml4 keda yeb2a me4 beyheb wala motrdd
ممكن يكون مش مستعد مادياً وممكن يكون خايف من الاحراج من الاهل لكن هو واثق من مشاعره كويس والا مكانش اعجب من الاول. احنا كرجالة كرامتنا عزيزة علينا شوية ومبنحبش حد يحرجنا وبنعند شويتين
انا عايزه اسال حضرتك بجد يعني ده ينفع من وجه نظر حضرتك ان البنت هي الي تصرح عن مشعرها انا من وجه نظري لا طبعا هو كده ممكن يستئل بيها ويفكر انها مدلوقه عليه يعني لو في حد جه قال لحضرتك انو معجب بيك هيكون ردك ايه؟
للاسف احنا معتقداتنا اللي ماشيين بيها للاسف معظمها متخلفة وحاجة قمة الجهل ماشاء الله. دلوقتي لو حد معجب بواحدة وقالها انا عاوز رقم اهلك عشان اجي اطلبك وفعلا البنت ادتهوله عشان يكلم اهلها, الاهل هل هيمسكوا البنت هيدمروها ازاي تتكلمي معاه وازاي تديله رقمنا ومش عارف ايه مع ان البنت اصلا اتصرفت بما يتماشي مع ديننا انك لو عاوز تطلب ايد البنت تطلبها من اهلها.طبعا سواء البنت راحت صرحت بمشاعرها او الشاب هو اللي راح صرح بمشاعره عمر ماده كان حرام انك تقول لحد انك معجب بيه. في الحالة دي لو البنت قالت او الشاب قال يبدأوا يتعرفوا علي بعض قدام كل الناس ودي اسمها مرحلة الخطوبة وكل حاجة وفقاً للدين اهو ويتعرفوا علي بعض.لكن انك تصرح لحد بإعجابك وتفضلوا تعجبوا ببعض 5 6 شهور او سنة من غير ماحد من الاهل يعرف حاجة يبقي ده حرام وهبل اصلا لان بصفتك ايه تتكلم مع واحدة او تتكلمي مع واحد ومفيش حاجة رسمية بتربط بينكم.ده الخطوبة نفسها بتبقي تعارف فقققط. مش مسك ايد وصور سيشن مع بعض ويمسكوا ايد بعض والكلام الفاضي ده. انتا متلمس ايد البنت الا وانتا كاتب كتابك عليها مش وانتا خاطبها يامسلمين يا امة محمد.موضوع ان البنت تصرح باعجابها او الشاب يصرح باعجابه عمره ماكان حرام ولا عيب بس انتا بتعمل كده عشان تعرف الطرف التاني شعوره ايه من ناحيتك عشان لو فيه قبول يبقي يتوكل علي الله ويتقدم. لكن لو مفيش قبول اهو تكوني عرفتي من الاول ومتضيعيش وقت ومتفضليش تتعبي في نفسك.بالنسبة لسؤالك لو واحدة جت قالتي انها معجبة بيا هقولها شكرا جزيلا علي مشاعرك فعلا وربنا يكرمك بس انا للاسف مش بفكر خالص في موضوع الارتباط ده نهائي دلوقتي, ولا استقليت بيها وعرفتها شعوري من الاول وهي عرفت نظامي بدل ماتضيع في وقتها مش اكتر.شعور البنت عمره ماكان عيب ولا حرام. العيب عليك كراجل ان البنت تعترف بمشاعرها ليك وانتا توافق ومتروحش تطلبها من بيتها كراجل وتفضل تلعب بيها بصفة الرجولة اللي مش عندك.
مستر معلش ف ورق حضرتك ف الاتش ار ف شابتر 4 بارت 3 مختلف ف حاجات كتير عن ورق تاني لناس تانيه ..الورق بتاع حضرتك هو نفس باور بوينت الدكتور ولا ايه عشان اكون مطمنه اكتر
ايوة انا ماشي مع الباور بتاع الدكتور نفسه اللي بيديه في المحاضرة لأنه بيضيف عليه جديد. مبيلتزمش بالباور الاصلي وبيضيف عليه. أي ورق تاني غالبا بيبقي قديم ومش بيضيفوا الحاجات الجديدة والله اعلم فنا مش مسؤول عن أي ورق غير ورقي
انت شايف نفسك عقلاني ام عاطفي ام دنيوي علي هذا الاساس
عقلاني جدا
طب فيه حاجة مهمه انه في زملاء كتير اكبر واصغر من حضرتك ومتجوزين مش بس ارتباط غير انك قريب جدا هتسافر مده طويله ترجع منها في فترة عمر صعب فيها حد يقبلك عن حب لان ناس اكيد هتشوف حياتها او هيبقي جواز تقليدي غالبا
حتي لو مش هتجوز خالص مفيش مشكلة عندي اكيد ربنا هيعوضني بحاجة افضل. ممكن اني متجوزش يكون رزق ليا ويجيلي في حاجة تانية. الموضوع بالنسبالي وانا مبقارنش نفسي بحد تاني سواء اصغر أو اكبر مني. الجواز مش الامل الكبير بالنسبالي اوي يعني. الجواز دي اخر حاجة ممكن افكر فيها.
دكتور معلش هو سوال اكيد اتسالته تسعتلاف دشليون مره هي اكيد حريه شخصيه بس اكيد واحد في سن بتاعك معتش صغير ومرتبك اكيد كويس وظيفتك بتسمحلك تشوف بنات كتير علي مستوي زماله او طلاب ومهما كانت مشغوليات اي راجل او ولد في بداية حياته مستحيل تمنع القلب انه يتشد ويحب ويبقي عاوز يتجوز اللي بيحبه ايه سبب بامانة
السبب بكل بساطة اني مش فاضي فعلا. مش بفكر في الموضوع خالص. انتي بتقولي مهما كانت المشغوليات في بداية حياتي مستحيل امنع القلب انه يتشد لأي حد. انا بقا بحاول علي قد ماقدر اني متشدش واحب لأنه مش وقته بالنسبالي. مستقبلي شاغل كل تفكيري وشايف ان الارتباط هيشتتني جدا جدا لان البنت محتاجة اهتمام كبير جدا وانا لو ارتبط هظلمها معايا لاني مش هديها الاهتمام اللي تستحقه. فالموضوع بسيط جدا. انا عندي اخوات بنات ومش عاوز اشوف فيهم حاجة وحشة وبالتالي لازم اخاف علي بنات الناس برضه ومظلمهمش معايا.