حضرتك بتشوف الشخص اللي بيدي دروس خاصة وسنه صغير لغه وكده شايف انه مش هيرتبط بحد عنده بياخد في كورس علشان فرق سن تمن تسع سنين كده وممكن اقل وبرضه مش رافض فكرة وشايف انه عادي من حقه يبقي ازاي؟؟
والله دي حرية شخصية ترجعله. هو مش عاوز يرتبط لحد من اللي بيديهم ايه المشكلة؟
فيه فرق أن خطيبتي هتكون اميرتي اللي مختلفة عن كل البنات ومحدش يبقي زيها وليها مكانتها جوة عيني فمستحيل اتعامل معاها زي اي بنت تانية. هتبقي الجوهرة بتاعتي. بس كلها طموحات واماني بقا
طب سوال اخير معلش هو حضرتك بتعمل كده او ممكن تعمل كده وانت خاطب مثلا
فيه طلبة بنات اه عادي بعتبرهم اخواتي الصغنططين ساعات بعملهم كده زي دكاترة كبيرة تانية كتيير.ده الفرق في السن بيني وبينهم يوصل ل ٧ او ٨ سنين يعني اخواتي الصغننين. وانا مش خاطب لا. ثانيا لو خطبت اللي هخطبها دي هتكون مميزة عن كل البنات وهخلي كل البنات التانية هي اللي تغير منها مش هي اللي تغير. فيه فرق كبير.
هو حضرتك مش ممكن لو حد مرتبط بولد او راجل بيعمل كده تبقي ليها حق تضايق وممكن تفركش
ارجع واقولك تسأله وعلي حسب رده ماممكن بيعاملها زي أخته الصغيرة. الفكرة كلها في طريقه تفكيره هو. واكيد هو لو هو مرتبط بواحدة المفروض يكون واخد الكلام ده في الحسبان عشان هي لو بتضايق من الكلام ده ميعملوش أو يقلله. مش معني أن الواحد عمل لايك او لاف لصورة بنت يبقي معجب بيها أو بيموت فيها. ونفس الكلام مش معني أن البنت عملت لاف لصورة ولد يبقي بتموت فيه هي كمان. ممكن معتبراه كاخ كبير او حاجة. الاسباب كتير جدا والله. بس مينفعش ناخد السبب أنه بيعمل كده عشان معجب او بيعاكس وتفركشي خطوبة كاملة بسبب حاجة بسيطة ممكن تتحل بالنقاش العادي
هو لو فيه ولاد عند بنات او من مدرسينها بيعملوا ريأكت هارت على كل صورها ده حضرتك ممكن تفسره ايه وكمان هي ممكن تفهمه غلط؟
علي حسب طريقة تفكيرها وتفكيره ممكن دكتور كبير عادي يعمل رياكت زي بنته مثلا ولو اللي بيدرس صغير في السن بيعتبرهم اخواته الصغننين. البنات فيه منهم شايفها عادي وعارفين العلاقة في حدود الأبوة بالنسبة للدكتور الكبير والأخوة بالنسبة للمدرس الصغير وفيه البنات اللي هتاخدها علي انها كراشات وفيه اللي هتاخدها علي انها قلة ذوق. فالموضوع كله متعلق بطريقة التفكير عند الولاد والبنات ودي بقا موال.