@Basbaos

BasBosa Kamal

Ask @Basbaos

Sort by:

LatestTop

space

8شهور كاملين اسرائيل جربت كل انواع الأسلحة اللي موجوده ف العالم ع المدنين ف غزة
8شهور كاملين غزة بتتقصف كل يوم وف اي وقت وبتزيد عليهم القصف كل ساعه
مفيش حرب طرف واحد هوا اللي بيضرب طول الوقت ازاي العالم شايف بوضوح طرف واحد مستضعف كده ومطلوب منه يواجه كل ده وهما متحاصرين
ازاي العالم مفهوش حد عاقل واحد يقول إن اللي بيحصل ده مش آدمي والضرب لازم ينتهي لازم نقطة نهاية لكل ده
اللهم اخسف بهم الأرض ومزق جمعهم😭😭😭😭😭😭😭💔

+ 1 💬 message

read all

💚🌸

soos369ss’s Profile Photo♪♥❀ فـلـســᰔᩚــطـيـن ❀♥♪
‏حاول الفترة الجاية في حياتك تكون أهدى من كده دور على راحتك وابعد عن الضغط بلاش زحمة مزيفه حواليك واكتفي باتنين تلاتة بيحبوك وفاهمينك ومش مضطر تبرر لهم كل كلمة بتقولها ولا توضح قصدك ونيتك كل شوية الحياة أصلا بتضغط عليك من كذه إتجاه ف ياريت إنت كمان ما تزودش الضغط على نفسك...!

Related users

space

جوايا إحساس مستمر إني أستاهل أحسن حاجة ف الدنيا ومفيش حاجة كتيرة عليا أستاهل أعيش الحياة اللي نفسي فيها أستاهل أعيش مرتاحة ومتطمنة من غير أي قلق أستاهل أنعم بأيام كلها طمأنينه أستاهل أتحب زي مانا عايزة أستاهل شريك حياة زي ما بتمنى وأستاهل كل الخير بجد والله 🥹❤️

space

ألف سنة وجع ولا يوم واحد تقضيه مع حد بيستغفلك أو بيضحك عليك أحياناً اللى بتبقى فاكرة ابتلاء بيكون فرج أنت مش فاهمه ربنا دايماً فى قضاه رحمة وبيقطع من هنا وبيوصل من هنا ربنا لأنه بيحبك بيزيح الغمامة اللى على عينيك عشان تشوف الصورة بشكل أوضح وتعرف مين اللي بيحبك بجد وبالمناسبة كلنا بلا استثناء بنتخدع عادي جدًا وبلُطف ربنا وكرمه بنفوق فى الوقت المناسب وبنرجع أقوى وأنضج عن ما كنا رغم أي معاناة بنعيشها هيا الدنيا كده تخبط فيك وتخبط فيها والجدع هو اللى يحفظ الدرس لاجل إنه مياخدش الخبطه مرتين والضربة اللى ياخدها تعلمه وتقويه♥️

أحيانا تشعر أنه.. 💬

قد تكون مشكلتي الأبدية هي حساسيتي الزائدة فقد رزقني اللّه بعقل مفرط التفكير لا يستطيع تجاوز المواقف بسهولة و يسر لا يكف عن تحليل جميع الكلمات عقل يعمل لا يكل حتى في نومي يأتي لي بأحلام تضم كل ما حاولت جاهدة أن أهرب منه طوال اليوم أحيانًا أشعر وكأنه يعمل ضدي ليس معي يبني آمال على كلمات المودة و يهدم تلك الآمال على رأسي مع أول كلمة و يخلق قصص بناء عليها لن تحدث لا ينسى أي كلمة قيلت يخزنها بدقة كأنه يخزن أهم ملفات العمل ليذكرني بها مرارًا وتكرارًا أتمنى لو كان بإمكاني أن أضغط على زرار الاغلاق في عقلي لأرتاح من هذا الإزعاج ولو حتى لدقائق💔

Space 🤎

كل شوية الواحد بياخد إنذار من ربنا إنها مش دايمه وكل الجري اللي بتجريه ع الفاضي وان الدنيا دي وحشه لا ابعد الحدود فعلا وهنفضل كل يوم نفارق اعز الناس لينا وعلينا اللهم أجرني من موت الغفلة ولا تأخذني من الدنيا إلا وانت راض عني ولا تريني في اهلي واحبتي اي مكروه 😭😭😭💔

...

أنا عارفه إن مش منطقي اقطع علاقتي بكل البشر لكن حرفيًا التعامل مع الناس بقى متعب جدًا كمية حوارات وقفش وقمص وجدالات خايبه مالهاش أي لازمه وناس تتحشر في خصوصيات وناس تتهمك بدون وجه حق وإنت بقا مطالب تجادل مع ده وتبرر لاده وتشرح لاده وتصالح ده وإحنا أساسًا فينا اللي مكفينا والطاقة اللي عندنا يادوب تمشينا ..!

+ 3 💬 messages

read all

مساحة ❤️‍🔥

بقا عندي قناعة إن أي صدمه أو حاجه غير متوقعه بمر بيها مش سببها الأشخاص بعينهم
سببها الأساسي تصوري المثالي وإعتقادي إن الناس شبهي أو إني هتقدر أو إني هتعامل بالمثل عادي جدا
ف أنا اللي زرعت بذرة الصدمة دي
ولما طرحت ضربت في وشي انا ف دايمًا بقول لنفسي
"لا ألوم فلان حين يخذلني أنا الملام على حسن الرجا فيه"💔

space 💜

السعي حلو لأن الفراغ مهلك بس ما خلف الكواليس مؤلم!
مؤلم لأنه بياخد مننا فكر ووقت وعمر وتجارب وفي الآخر لا صابت لا خابت
بناخد كل خطوة وإحنا مش عارفين إذا كانت صح ولا غلط بنبقا نفسنا حد يقولنا أي حاجه تنور لينا خطانا
و في نهاية المطاف عسانا إنها خطى نؤجر عليها ما أصاب منها سنسعد به و ما لم يصب سنضعه في خانة التجارب التي ينبغي أن نتعلم منها و نتشاركها مع الغير فربما يعينهم ذلك ع خطوة يقدمون عليها
أسأل الله أن يسدد خطانا ولا يذهب منها شيئا سدى ويرزقنا الصبر والرضا أينما حللنا.🙃

space 🌺

إنت بسيط ومتواضع في نظر ناس ورخم ومغرور في نظر ناس تانية جدع ومُضحي في نظر ناس وأناني وما بتحبش غير نفسك في نظر ناس تانية وإنت أصلًا نفس الشخص!
القصة كلها في المحبة العين اللي بتحبك هتشوفك أجمل حد ومفيش منك حتى لو كلك عيوب والعين اللي ما بتحبكش عمرها ما هتشوف فيك حاجة حلوة حتى لو عندك كل الصفات الجميلة اللي في الدنيا.💁‍♀️

Next

Language: English