@HorasHatem#39 🇪🇬

₼Ἄνουβις₼

Ask @HorasHatem

Sort by:

LatestTop

Space ✨

qzvs41’s Profile Photoʟᴀᴍᴇᴇꜱ
🔴 الصيـاعة مش إنك تكون بتعرف تغلب في أي خناقة..
⭕ الصيـاعة إنك متدخلش أي خنـاقة إلا بمزاجك
"فيه وقت للقتال و وقت لإستخدام الذكاء ولما الأتنين يوصلوا لنفس النتيجة دايمًا أختار الأقل ضرر والأكثر راحه"
يمكن هو درس متأخر بس أنا إستوعبته كويس
نقطة ومن أول السطر

Related users

هو ليه لما انا ادخل البيت من بابه عشان حلال ربنا وطالب اللي بحبها في الحلال يبيعوا ويشتروا فيا، وانا والله شاريها وبحبها وعاوزها ورغم انهم بيعجزوني متمسك بيها فانصحوني اعمل ايه عشان والله بجد حاسس انه هيجيلي بجد جلطة انا اسف والله اني بسألكم بس حد يرد عليا هو انا وحش ولا فيا حاجه وحشه والله عاوزها

إرتكبت غلطتين في حق نفسك...
أولهم : مفيش حاجه إسمها عشان بتحبها فـتقبل بأي وضع حتي لو كان فوق قدراتك لأ إذا مش عاجبهم حالك من الأول متحاولش معاهم تاني ولا مع أي واحده عمومًا أكتر من مره ولا تهين كبريائك وكرامتك عشان حد أنطر أبلكاش يا خال وشوف اللي بعدها الدنيا كبيره ومليااااااانه نسوان في كل حته وحلوين موووت كمان آه بتحبها بس يبقي بمزاجك وعلي هواك وإذا كان غير كده بناقصها خالص
تاني غلطه : يا حبيب أخوك مفيش حاجه إسمها حد يبيع ويشتري فيك أنت راجل ودكر لا مؤاخذه داخل من سكة الحلال وعينك قويه تدخل أتخن بيت تسيبهم يتكلموا وتسمع منهم أحلامهم وخيالاتهم وبعد ما يخلصوا خااالص ترمي قدراتك وحالك علي بلاطه كده وبكل وضوح وتقولهم "فكرو وردو عليا" ومعاهم تلات أيام كمان إذا وافقوا خير وبركه .. موافقوش أو أتأخروا عن التلات أيام بالسلامه وأقلب علي اللي بعدها أنت مزعل نفسك ليه لا الدنيا واقفه علي حد ولا هتقف والحلو في كل حته
اللي قادر يتجوز في الزمن الفاسد دا ويبتغي الحلال عشان خاطر يعف نفسه وعشان خاطر ربنا ميقلقش إذا راحت واحده ربنا هيرزقه بعدها بألف واحده وأحسن وأحلي منها وهيختار براحته فـمتزنقش نفسك في الزون المحدوده دي ومتحسسش حد إنها الجايزه اللي لازم تسعي وتموت نفسك عشان تبقي معاك لأ .. اللي ميجيش بالسهوله واللين وبمزاجك بدون التعجيز والكلام الفارغ دا مفيهوش بركه

View more

+ 1 💬 message

read all

ْ

HorasHatem’s Profile Photo₼Ἄνουβις₼
أكره ما علي قلبي إن حد يصحيني من النوم عشان سبب تافه يعني يا عمنا ما دام أنت حياتك مش هتنتهي فـعادي كنت تستني للساعه ١٠ مثلًا وتكلمني لكن تصحيني من الساعه ٦ عشان ترغي معايا في حوار أهيف من الهيافه لحد المكالمة ما تفصل لوحدها عاوز أقولك أنا لسه بادئ أفوق وأستوعب ومش فاكر نص المكالمه ولا فاكر تحليلاتك الفلسفيه اللي شرحتها

eelbasil’s Profile PhotoEntsar Elbasel || 250k
بمناسبة أي حاجه حلوه فـ أنا والصُحبه الجميله هنروح نزف ونفرح لشخص ما لا عمرنا شوفناه ولا نعرفه أو حتي نعرف شكله وشافنا في كتب كتاب صديق لينا من أسبوعين تقريبًا وكان بيدردش مع صاحبه إن كان نفسه في فرحه اللي كمان كام يوم يبقي فيه ناس وعربيات كتير وجو من دا ... صاحبه عشان مجدع وبيحبه وعاوزه يفرح في ليلة العمر فضل يدور لحد ما وصل لواحد فينا من شويه وقاله اللي حصل وبالفعل قررنا نجمع بعض وهنروح وهنروق عليه ونفرحه ونفرح حبايبه كمان ❤️
مكتوبالك ياعم أحمد محدش هيزفك غيري والرجاله هتقوم معاك بأحلي واجب وأحلي دريفت شو يتعمل لأجلك ❤️❤️❤️

Space

salmaghrayp_’s Profile Photosalmaghrayp
ياحج أنا معنديش مشكله ترش عليا أنا مايه وتغرقني الجو حر ودا مطلوب بس بطل تعمل بركة مايه في الشارع عشان أنا غاسل ومروق علي العربيه
أنا مش فاهم أنت بترش علي الأسفلت ليه !!! الحوار بقي لما جيت أنكشه كده قالي "دا العَجَل بس اللي هيتوسخ" ياحجوج وراحمة الغاليين عليك العَجَل دا ليه قصه لوحده عشان يلمع ويزهزه كده بداية من الغسيل والتنشيف والبريل والغسيل تاني وبعدين بنشفه بسفنجه وبعدين فوم وبسيبه لحد ما ينشف وبعدين أسبراي يعني بياخدله بتاع ساعه لوحده كل دا بيترمي في الأرض أوي ما أعدي عليك
أبوس قرعتك حس بيا شويه أنت كفيل تقفلي اليوم من بابه بسبب شوية المايه بتوعك دول 🤦‍♂️

ْ

HorasHatem’s Profile Photo₼Ἄνουβις₼
الإنسان في حياته عمل حاجات كتيييير خالص وحشه حاجات يصعب علي عقلك إنه يتخيلها إلا سكة النسوان اللي مجاتش معايا حتي في أسواء نسخه مني لما الموضوع كان بزياده أوي ومتاخ ليا بكل سهولة كنت حاطط حدود وممنوع أتخطاها مهما كانت المغرايات جامده ولا تقاوم كنت بفوق نفسي وببعد ودي حاجه أنا بحترمها في نفسي مهما كانت سيئه .. في وقت كثر فيه الفجور من الشباب والبنات بس أنا كنت عايشها بمزاجي ومستحيل كان حد يعرف يسوقني أو يوقعني عشان خاطر أي شهوه زايله
والأيام دي لما بسمع أي مشكله من السكه دي وبعرف كم البلاوي والخيانات الزوجيه والقرف اللي بيحصل دا بحمد ربنا إنه ثبتني وكان معايا ومفوقني لنفسي حتي في أسواء الأوقات اللي كنت فيها جاحد
الحمدالله ألف مره إني مدخلتش السكك دي ولا كنت بتشد ليها

+ 1 💬 message

read all

🦋•

Fhwt’s Profile Photo“ ɹǝʌıɐɹ ‏”
📌 : أنا لو جيت قولتلك إني زعلان منك أعرف إني بحبك وجي بعتب عليك وبوارب الباب ليك عشان تدخل تراضيني وأنا هتراضي عشان باقي عليك وعاوزك في دايرتي
غير كده أنا محدش يعرف يزعلني أصلًا ولا يفرق معايا حد في الكوكب

Next

Language: English