المشاكل دى سنة الحياة وبهاراتها الفكرة ان المشاكل تبقى علينا مش بيننا ولو حتى بيننا نبقى بنواجها ونحلها بعقل وهدوء وزى ما متفقين الحياة مش وردى بس حلوة اما تتعاش صح مع الشخص الصح ، وطبيعى لان دول اتنين من بيئتين مختلفتين عن بعض ف لازم تبقى فيه فروق واختلافات اعرف صديقى اتجوز_بعد تعب ف اختيار بس الحمد لله ربنا كرمه ?_ جه بيقلى الموضوع كبير بقله ازاى ياخبرة قالى ياعم مراتى عملت مشكلة عشان بطلع من الحمام رجلى مبلولة وبشرب من الإزازة? فكرنى بدورة البيت المسلم نفس الحاجات وربنا
للاسف اه والكلام ف السيناريو ده ينطبق ع الشباب والبنات ، انتوا ليه مش متخيلين ان الموضوع اكبر من خطوبة وجواز وفرح وهييييح وكله فرح وجامل وخلاص ، الموضوع ان حياتك بعد الخطوة دى مش ملكك لوحدك حرفيا وفيه حرفيا حد بيشاركك فيها وده شئ مش وحش بس مش يتاخد كده قفش يعنى لازم تكون مدرك وجاهز وواعى بنفسك وانسان سوى كده ومع ذلك الحياة بتواجهكم باقسى الظروف والمشاكل وده طبيعى جدا ف اما تكون من الاول انسان ناضج واخترت صح هتلاقى نفسك المشاكل دى كلها مش بتواجهها لوحدك ف حين ع الجانب الاخر ف الاختيار السئ هتشيل هم المشاكل واللى المفروض يواجها معاك ف حد ذاته مشكله كمان ف اللهم قوة.
طيب خلينا ف السيناريو الظريف ده، شاب جاهز ماديا وقرر يتقدم وانا تمام بلا نضج بلا وعى وكلام فارغ هي كيميا يعنى جه يتقدم طيب انت عارف نفسك واهتماماتك وعقليتك عشان تعرف ايه اللى يناسبك ،لا، طيب عارف عايز ايه ،لا، يعنى هتتقدم لاى واحده حلوة وخلاص ،لا ياجدع انا عايز مؤهلها مش عارف ايه ...وشوية حاجات مادية غالبا ملهاش لازمة...، هوب ربنا كرمه واتقدم وحصل قبول وخلينا متفائلين ان بغض النظر ان هو مش عارف نفسه وايه يناسبه الا ان كان فيه توافق بصورة كبيرة ، طبيعى جدا تظهر شوية خلافات وع اثرها مشاكل وده شئ صحى ف فترة الخطوبة عشان تبان صفاتنا وشخصياتنا اكتر هوب لقينا صاحبنا مش عارف ولا قادر يتعامل مع شوية ضغوط او مشاكل بسيطة وظهر الكلام اللى عارفينه بتاع ده طلع عقله صغير مش بيشيل مسؤلية ويجى الاب يقول فاكر الجواز كله عسل وهنا وسرور ده حضرتك سيناريو متفائل واقعى .
ليه بتعقدوا وتكبروا الخطوة دى مش لازم الولد يوصل لاعلى درجات النضج عشان يقرر يخطب ولا البنت تكون قمة الوعى والعقل عشان تبقى مؤهلة احنا مش هنغير خريطة الكون احنا هنرتبط ونتجوز ونغلط ونتعلم ونؤسس اسرة
عندك حق ، بس ع الجانب التانى ف ناس شايفة الموضوع مادى بحت وانك معتك فلوس وجاهز ماديا يبقى مفيش سبب يخليك تاخر الخطوة دى وبيبقى مفيش نضج ومعرفه بنفسه حتى ف بالك بشخص هيدخل حياته ويشاركه فيها الفكرة ان قلة النضج والوعى بالخطوة دى ومسؤلياتها بيظهر ف المشاكل وطريقة التعامل معاه وبياثر جدا ع سير العلاقة لو اكتملت عشان كده بنركز ع الموضوع ده واحيانا بيعتبر التركيز ده تعقيد وتعظيم للموضوع ده.
اقصد السن المناسب من ناحية النضج للولد يتقدم فيه والبنت تكون مؤهله للموضوع ده؟
لو هنتكلم بجد ومش من ناحية المادة النضج ده نسبى واى حد هيحدد سن ف ده محاولة منه لاقرب فترة ف الغالب وحسب الخبرات والتجارب والاحتكاك هيكون فيها قدر معقول من النضج يسمح بحسن الاختيار ، الفكرة كلها ف النضج والوعى بالخطوة والتزاماتها ومسؤلياتها المعنوية قبل المادية ، لان دايما الكلام بيبقى ع الماديات ف حين انها الاسهل "مش توافرها" ولكن بالنسبة للجانب المعنوى . ف الغالب 26 سنة للولد 22 سنة للبنت