إجازة الصيف دي تعتبر أكتر اجازه مركز فيها من الناحية الدينية لأسباب كتير حصلت وبحاول انتظم في الصلاة على قد ما اقدر بس مش عارف ليه حاسس الشيطان عايز ياخك عليا بونص إللي هو اليوم اللي ما بصليش أو أقول فيه أذكار لازم وضروري يجيلي كابوس مرعب إيه السبب !؟
مبدأيا نبدا بالاهم ثم المهم الاهم الصلاة مينفعش تعدي يوم من غير ما تصلي كل فروضك حاضرة في معادها لان الصلاة عماد الدين و ركنه الأساسي إذا سقطت سقط الدين. تاني حاجة الاذكار بتحافظ عليك في يومك بتحس انك ماشي بهالة بتحميك من كل حاجة صعبة بتواجها ضغوطات مشاكل قلق وبتحميك من وساوس الشيطان " لا يزال عليك من الله حافظا " وبتقربك من ربنا. اليوم بيفرق فعلا لما ابدا يومي بيها بحس بنشاط وحياة مش بحسها في العادي نيجي بقا لموضوع الكوابيس الصلاة والاذكار بتحمي صاحبها و كل ما تكون قريب من ربنا كل ما بعد عنك اي شيء يؤذيك/ي و لعلها من رحمة ربنا بيك/ي أنه بينبهك انك بلاش تنساق ورا نفسك المضلة وبيخوفك بالطريقة دي لعلك تفوق من غفلتك وتقوم تصلي فروضك في كل الاحوال ده احسن من الغفلة لأن من صفات الإنسان اللي ربنا مش كاتب عليه الهداية هو أنه بيمد ليه في الضلال فميلاقيش اللي يفوقه من غفلته غير لما يفوت الأوان ربنا يهدينا جميعا يارب ويحفظنا ويحمينا من الفتن وشرور النفس وتقلب القلب
متقدملى حد ومتردده مش عارفه اخد قرار. صليت وبردو متردده ازاى اعرف اخد قرار خاصه لو أهلى حاسين انه كويس بس انا اول مره ابقى ف موقف زى كدا
بصي حكمي عقلك لو حاسة بقبول بسيط و لو كويس خلقا و فكرا و فيه بينكم قواسم مشتركة + أنك مرتاحة لستايل حياته و شغله يبقي وافقي لو مترددة واجهي نفسك بالاسباب و بعدها اعرفي هتقدري تغيريها/تتنازلي عنها ولا لأ لو مترددة لانك مش مرتاحة للشخص نفسه يبقي بلاش
لو انا طبيبة وشغلى مأثر على بيتى ومش عارفه اعمل توازن بين الاتنين اسيب الشغل (نصيحة)
لو انك هتسيبي الشغل مش مآثر نفسيا معاكي خلاص خدي إجازة طويلة المدى بدون مرتب لو مأثر معاكي يبقي خدي إجازة لحد ما ولادك يكبروا شوية أو غيري لتخصص مريح اكتر لو هتسأليني بلاش انك تسيبي الشغل وحاولي ترتبي وقتك و تتفقي مع جوزك تتعاونوا سوا
المفروض صلاح يلم شنطته ويرحل بعد ماتش ليفر بول النهارده
المفروض صلاح يطلب من المصريين مفيش حد يكبتنه في الفانتازي علشان بيقلب صلاح محسن
اختار/ي من واحد لعشرة وابعتلك حاجة من كتاباتي وتقول/ي رأيك
جيبه بلسيه لونها نبيتي يليق عليها بلوزات لونها اي 🙂
اوف وايت هيبقي حلو والابيض كمان وممكن كافيه فاتح لو بليسيه ساده هاتي حاجة لونها ابيض وفيها ورد نبيتي صغير و simple
انا منهاره
انا مقري فاتحتي قربت اقفل سنه لظروف معينه احنا ماجلين الخطوبه ل شهر ٩ اللي المفروض الشهر الجاي بسال خطيبي هننزل امتي نحجز القاعه قالي نعملها ع الضيق وانا كنت عامله قرايه فاتحه كبيره ف مش هينفع
لقيته بيقولي ان الفلوس اللي عامل حسابه عليها اداها لاخته اللي فرحها شهر ١٠ اعمل ايه مقهوره
الخطوبة على العروسة و لو قاعة يبقي بالنص 🤷🏻♀️ بالإضافة أن بجد الاحسن خطوبة على الضيق علشان لو لاقدر الله مكملتوش ميبقاش عملتوا فرح كبير وعزمتوا ناس على الفاضي