ذكرياتك مع امتحان الفيزيا😅
كان اسوأ امتحان عدي عليا واول امتحان اعيط فيه وانا لسة في المدرسة بعد ما سلمت الورقة كنت مستهترة اول يوم مراجعة و مذاكرتش حاجة و الباقي زنقت نفسي فيه وكنت متوترة وخايفة جدا من النظري اني انسى جملة او كلمة في النص او اكتب بطريقة معينة تخليني انقص نص او حاجة مكنتش خايفة من المسائل 😂💔 يوم الامتحان نفسه نسيت مكان المدرسة و بنت هي إللي سالتني انتي رايحة فين قبل الامتحان قلتلها انا رايحة الامتحان عادي قالتلي المدرسة الناحية التانية مع انها مدرستي 😂 مسكت ورقة الاجابات قعدت افتكر في اسمى و لغبطت فيه 😢💔 اول ما مسكت ورقة الاسئلة محستش بنفسي غير اخر الوقت معرفش ازاي ربنا صبرني اني مفكرش هو الامتحان صعب ولا سهل او ااجل او حاجة سلمت الورقة بالظبط و عيطت بعدها وكنت اول واحدة تخرج من المدرسة فكل الاهالي كانوا بيسالوني الامتحان عامل ايه وانا مش عارفة ارد لحد ما لقيت بابا كان جاي ياخدني واول ما ركبت العربية زودت في العياط و هو اللي هداني 💚 بس بعدها قعدت اعاني من ذكرياته لحد ما النتيجة طلعت و كنت ناقصة فيه اكتر درجاتي "درجة ونص " 😂😂💔
