والله واجعتني نفسي كانت عاجبتني بنت تقدمتلها قبل رفضوا اماليها لانها صغيرة و خدمت و كونت نفسي بعد سنين وين درت حوش تقدمت تاني طلعت مخطوبة
كنت الفترة الي نخدم و نكون في نفسي فيها نشوف فيها من بعيد و ندعي والله خاشة خاطري و كانت حافز ليا كل مانشوفها انه نضغط على نفسي والله فشلت و حتى الخدمة معاش خدمت
اقدار الله كلهم خير و ربي ماكتبهاش من نصيبك لان خيرتك مش فيها، إن لم يأتيك ما أردت، سيأتيك ما قد يُنسيك كل ما أردت
يا جماعة الخير والله نبي مرا نبي نتزوج تعبت من الخدمة و المرواح نلقى حوش حايس حوايج يبو الغسل اماعين لين مصوّفات يبو الغسل زليز يبي التنظيف و ماكلة من القهاوي نهدرز مع الحيوط كآبة والله نشهد بالله الا تعبت
مدامك بحوشك و تخدم توكل على الله و ربي يبعتلك بنية الحلال.