عايزة اخد رايكوا ف موضوع مهم هو انا مخطوبه لابن عمتى هو يتيم الاب والام وبيشتغل وبيعمل شقته ودى حاجه تتقدر بصراحه بس هو من ساعة من اتخطبنا لا خرجنا ولا بيجيب اى حاجه ولا بطلب منه فلوس عشان انا بتحرج ومش محتاجه والله ومقدره اللى هو فيه بس عيد الام جه لا اتصل ع ماما ولا عيد عليها وماما زعلانه اعمل ايه
هو مش مطلوب منه يصرف عليكي ده أولا ثانيا الولد يتيم وبيعمل كل حاجة لنفسه ف نعذره ونقدر ظروفه ثالثا فيه أولاد مابيبقاش في دماغها ومابتاخدش بالها من الحاجات دي ف ممكن انتي تقولي له يلا نخرج،فيه مكان حلو نفسي نروحه سوا كده يعني أكيد هيتبسط رابعا هو مش مطلوب منه يجيب عيد أم ل مامتك على فكرة،نراعي ظروف الشباب يا جماعة حرام والله هيعملو ايه ولا ايه في الغلا ده
بحب حد بس ظروفنا مختلفه واتعلقت جدا بيه هو ارمل ومعاه بنت وولد وانا انسه واهلى رافضين والناس كلها رافضه وهو كمان متردد فى الخطوة وعاوزين اقبل بكل ظروفه دون اى تنازل منه وانا خايفه معرفش احب حد تانى بعده احنا انفصلنا بس انا نفسيا تعبانه جدا
هو الرجل ظروفه كده ماضحكش عليكي لو مرتاحة وهتعرفي تقبلي الوضع ده وحباه ومتفهامين وافقي وحاولي تقنعي اهلك ومالكيش دعوة ب كلام الناس ما كده كده هيتكلمو
لو واحد بيحب واحده جدا وهى كمان كانت بتحبه بس جرحته وكان بيكلمها وسابوا بقالهم سنين كتير اوى،، لدرجة انه كلم بعدها كذا واحده ومعرفش ينساها وهو بيكلمهم هى ف باله ده يبقى اى؟هو كده مغفل؟ ولو اتجوزها هيفقد شغفه ناحيتها بعد فتره ولا هيفضل يحبها؟
حد معايا فى الشغل يعتبر المشرف على شغلى لكن بيدخل فى حاجات مش من حقه يدخل فيها زى مثلا لو لقينى فاتحة بالليل نت يبعتلى يقولى انت صاحية ليه لغاية.. دلوقتى وتفاصيل تاتى انا بقفل معاه الكلام لكن كلامه دبش وانا حرفيا مش بعرف اتعامل مع الناس دى ومش عارفة اتصرف ازاى بتتصرفوا مع الكائنات دى ؟!
خليكي قفل معاه وما تديلوش وش ردي على قد السؤال من غير قلة ذوق وفي حدود