مكبرة دماغى منها بس المشكله انها بتمثل دور الضحيه ببراعه لدرجة بنت تانيه مصاحباها بقت تلقح زيها بالكلام ويغلطوا
سكوتك لحد دلوقتي مهديهم لو عملتي حاجة هتثبتي التهمة ع نفسك سيبك منهم دول ناقصات عقل لمؤخذه يعني ركزي ف الاهم من كدا لو ركزنا مع اللي حوالينا مش هنخلص اللي يقول يقول ذاكري و اجتهدي و انتصري عليهم بتفوقك دا
ماانا ساكته بس الوضع مضايقنى ومش عاوزة ابتدى الدراسه وفيه حاجة قلقانى
اللى انتى متعرفيهوش ان أغلب المشاكل أكتر من 50 % منها حلها فى تجاهلها اشغلى نفسك بحاجة أهم حكاية قولنا و قالوا دي كبرنا عليها شوية اكبري بزيادة و انتى هترتاحي من الوش دا
يامحمد فيه بنت مطلعه عليه كلام انى بؤذيها وانا معملتلهاش حاجة اتصرف ازاى وخصوصا انها مش ساكته وبتنمشر كلاكم كدب
متدافعيش عن نفسك و لا تديها اهتمام غير لما يبقي فيه اتهام صريح موجه ليكي عشان متعمليش شوشرة ع الفاضي و دا تقريبا اللى هي عاوزاه أغلب دماغ البنات كدة والله اعلم
فجاة يقطع صوت مزاحنا خشخشة بين الكتب . ظننا في بداية الامر ان الكتب اصبحت وجبة شهية للفئران .. لكن سرعان ما اكتشفنا ان الصوت هو صوت لعجوز تقلب الكتب من الجهة الاخرى ... تجاهلناها تماما كعادتنا نتجاهل الجميع حتى بدات خطواتها تقترب قليلا قليلا .. حتى وقفت امامي لقد كانت عجوزا بشعة للغاية لدرجة ان الشيطان نفسه يتعوذ منها .. بدات بالكلام بلهجة غريبة صعبة الفهم بسبب اسنانها المتساقطه#مذكرات_ملعونة #العقرب
حبيت شاب من دوري و هو حبني و فعلا جه يتقدملي بس انا مش متخيلاه زوج ليا انا بس كنا انا و هو صحاب و نهتم ببعض جداااا بس مش لدرجة جواز أعمل إيه ؟
لا يمكن يكون دا اسلوب حياة والله حرام عليكم ، بصي يا قطة انتي محبتيهوش و لا عمره دخل دماغك انتي حبيتي حبه ليكي و اهتمامه بيكي ، ع فكرة حالتك دي منتشرة بكثرة بس أول مرة أشوفها من بنت علطول المتوقع انها تكون من ولد بس انتي غريبة بصراحة ،، انتي يا قطة عمرك ما حبتيه و نصيحة ليكي صغيرة و اعمليها لوجه الله و حسنة ف الشاب ده متوافقيش عشان ترضيه و خلاص عشان هتبقي دي تاني غلطة بتعمليها و بتظلميه خليه يتجوز اللي تحبه و تستاهله انتي متنفعيش له ..
استقبلوا اقداركم بنفس راضية ،فالله يعلم وانتم لا تعلمون ☺💛
بابا مش بيرضي يخرجني مع أصحابي و يوم ما أخرج يقعد كل شوية يتصل و يزعقلي عشان أرجع شوفولي حل أعمل معاه ايه ؟
بص هو لو مش شاوت و كان السؤال ده من ٥ سنين مثلا مبعوتلي دا اذا كان فيه اسك ساعتها اصلا كنت هقول انك تعرفني و بتلقح بالكلام 😀... بص يا صغيري ليك حق تضايق طبعاً و تتنرفز و كمان تخرج عن شعورك بس اوعي دا يكون قدامه او تبينله دا اولا عشان عيب ، ثانيا تأكد يا عزيزي مليون بالمية ان كل الآباء بيخافوا ع أبناءهم بس كل واحد و له طريقة معينه ف خوفه ده ... هتلاقي كل شيخ و له طريقة زي ما بيقولوا ، نفذ كلامه و لو عايز تخرج التزم بميعاد هو محددهولك صدقني كلنا كنا بنكره الأسلوب دا و لما كبرنا عرفنا ان الناس دي عقولها سابقانا بمية سنة ضوءية ، الناس دي لفت و دارت لما طلع روحها خبرتهم دي مجتش ببلاش .. هو ممكن يكون له دافع لكدة بس لانك لسه صغير مثلا محروج يقولهولك او انت هتكتشفه مع مرور الوقت .. متستعجلش ع الصياعة جي وقتها متخافش بس ع الأقل اعمل المفيد الأول و وقت التفاهة جي لوحده متتعجلوش