Rahma mohamed

April 06, 2018

ان الله يدافع عن الذين امنوا 🌸🌸

RÓoÒdy

April 05, 2018

بما اني بحب اخر الليل و الناس الي بتكون سهرانه ف اوقات بحب احكي .. يمكن آخر كام سنه في حياه الواحد دول كان فيها احداث كتير معظمها احداث زفت يعني و تغيرات حصلت مكنش الواحد يتوقعها ، يمكن الواحد اتصدم مره واحده لما قرب من المسئوليه و راجع العك و القرف الي عمله في حياته اكتشف ان كل ده كان وهم الواحد بيعيشه عشان يخرج من مشاكل اكبر اياً كان الطرق الي عاش بيها حياته ، بس فجأه كل الوهم ده اتحول لحقيقه لما كل حاجه بدأت تتغير ، يمكن الواحد اتوجع علي كل امل كنت بتعيش عليه عشان حاجات بتحبها تتحول لحقيقه و في الآخر اتحولت لوهم ، يمكن في نظرتك لأمك و ابوك الي شايفهم بيكبروا و انت حزين على كل مره زعلتهم فيها و بتتمنى ترجع بالزمن و يكونوا بصحتهم و متزعلهمش ، على قعدتك لوحدك و انت جواك حاجات كتير تزعل بس قاعد ساكت عشان كبرت و مبقاش عندك رفاهيه انك تزعل من كتر الي الايام بتعمله ، الواحد يمكن بقى تايه كتير و بيمشي تايه و ساكت لحد ما يلاقي حد يبتسم في وشه صدفه ف يفتكر انه كان صاحبه و الدنيا طحنتك و طحنته و مبقاش حد عارف هو رايح فين ، يمكن اتعلمت حاجات كتير بس التعليم ده مش هيغفر للوجع الي سابه ، انا يمكن بقيت هاديه كتيرعن الاول و بتصرف صح كتير من الاوقات بس كل حاجه كان مقابلها وجع صامت ، بس انا لسه بدور على الحاجات الحلوة الي كانت و مش من الممكن انها هتكون تاني او على الاقل بعيش على ذكراها و بحاول اتعايش بين الروح الي مع زمان و الروح الي مطحونه دلوقتي ، بس انا لسه تايهه و معرفش كل فتره بتعدي عليا بتوهني اكتر ليه بس تقريبا الواحد هيفضل يدور كتير ع الي راح و الي نفسه يحصل ، معادله صعبه و معقده و انت دايماً التايه جواها ، بس انا في حاجات كتير في حياتي محطوطه تحت الجمله دي " نحن من مسنا الحلم ذات مره " .