لسه قادر اقول صباح الخير اضحك ف وش الناس بصدق وانسي هموم الليل كإني ما عشتهاش أقول صباح الخير بخيال خفيف صابح وبقلب مغسول من عياط بالليل كإن أول مرة م الأول كإني لبس جديد وقفة عيد أو شمس كانت قمر واتعلمت تشرق وانا بستغرب رغم اللي حاصل ف الحياه كله ورغم ألمي ومشاكلي ورغم شكلي رغم الهموم اللي ساكناني وساكنه الغير لسه عارف أقول صباح الخير ❤️#عمرو حسن
حاجات مش معروفه عني اني اكتر حد صادق لما يكذب طول حياتي شخص عادي عبي حلمه فوق كتافه نط سور العمر فجأة ضاع شبابه بين قصايد هالكه روحه بين شقوق وسط البلد ايه اللي خلا حد زيي ضهر لكن دون سند خد حياتي و يلا عيشها قولي فرحان قد ايه قولهم عن كتم حزني قولهم طب ليه مداريه قولهم عن سر ضحكي قولهم عن كبت روحي كلهم شايفين حقيقتي كلهم عارفين طموحي بس انا عكس اللي ظاهر ايوه خداعه المظاهر مش حزين بالشكل ده لا حزين اكتر اكيد مرمي وحدي وسط صحرا يلا عادي جات سليمه ايه هيحصل يعني مثلا لو هاموت والله احسن علي الاقل هلاقي تربه مش هحسس حد غربه مش هخلي حد يبكي
فيه ناس لو تدخلهم جواهم تخرج بتقول سبحان الله والناس أنواع فيه ناس شكاية وحكّاية وفي ناس بتداري ونسّاية وانا واحد م النوع التاني انا مجني عليه بيبان جاني والشكل مخبي حاجات جوّاه سيبك من اني سعيد خالص وادعيلي بجد لوجه الله