الانسان ما ينفعش يحب في اسبوع ولا شهر ولا حتي في سنة.. الحب عاوز مشاكل ، عاوز ازمات ، عاوز تعب ، عاوز فترات سيئه ومواقف صعبه ، عاوز عشرة طويلة عشان يبقي حب.. يعني باختصار الحب يبدا عندما ينتهي الحماس. ماينفعش تقول انك بتحب البحر وانت واقف ع الشط.. لازم تنزل البحر ، تعوم فيه ، تضربك الموجات ، تشرب ميه مالحه ، تجرح رجلك بالصخر ، تشوف العتمة اللي بالقاع. لما ترجع ع الشط هتشوف البحر بشكل مختلف. مش هتشوفه مثالي.. انت شوفت عيوبه وظلامه وغضبوا ، يا اما هتكره البحر ، يا اما هتفضل تحبه بكل حاجه فيه. لهفه البدايات مش حب واللي ماغصوش في البحر ..محبوش ❤️
انا لمه بحس إن في حاجه غلط بيكون فعلاً في حاجه غلط لما بحس إن اللي قدامي بيكدب يبقا فعلاً بيكدب لما بحس إن حد متغير من ناحيتي بيكون فعلاً متغير كل لحظه قلبي مبيبقاش مرتاح فيها بيبقى وراها حاجه أنا معرفهاش بس حاسس بيها مفيش أصدق من احساس قلبك مهما لفيت و دورت.♥️🖤
أنا أكتر حاجة بتمناها من ربنا إنه ميعميش عقلي وضميري عن الصح ويخليني دايما أحس بالذنب لما أعمل حاجه غلط وميخلينيش أشوف الحرام حلال وأضل في طريقي، بتمني إني أفضل نضيفه من جوايا وقلبي يفضل أبيض جواه خير لكل الناس ومبيحقدش علي حد بتمنى إن سيرتي تفضل حلوة علي كل لسان♥