بيقولي سيبي الشغل بعد ما اتخطبنا والموضوع مفهوش نقاش.
انا مدايقة جدا ومش عارفك أعمل ايه
لو المفروض تسيبي تبقي تسبيه هو
شوفي أنت عايزه ايه لو حابه شغلك
يبقي هو يدور ع واحده مبتشتغلش
مش من حقه
معقد
عايزاه يبقى سيبى الشغل مش عايزاه اختارى الشغل
سيبيه يافوزية "خطيبك"
اتكلمي معاه بهدوء ولو منفعش دخلي اهلك
سيبيه
تخيلي معايا عدد السنين الدراسية اللي أنت بذلتي فيها مجهود علشان تخلصي وتتخرجي، وفرصة الشغل اللي جاتلك مؤكد مش بكل سلاسة، دعم أهلك واختياراتك اللي مرت بصعوبات كتير أكيد. فـ يجي بعدها واحد اختارك وأنت شغالة، واحد ملوش أي رأي في حياتك في فترة المفروض تكونوا بتتعرفوا فيها على بعض، ومع ذلك بيدي لنفسه مساحة وأحقية إنه يقولك تعملي إيه ومتعمليش إيه ومفيش نقاش.
تفتكري بعد الجواز هيتعامل معاكي إزاي لما مفيش نقاش دلوقتي؟
سيبه. إنسان غبي وأناني وعنده عقدة ذكورة. عاوز واحدة ربة منزل؟ يختارها كدا من الأول.
عمري ما كنت فيمنست ودايما بقول ان الحاجات دي بتيجي بالاتفاق بينهم والل مش متضرر اوي يوافق على كلام التاني
بس ان حد يقولي مش هتعملي الحاجه دي ومفيش نقاش امال في ايه ياحبيبي
المفروض هو عارف انك بتشتغلي قبل الخطوبه كان قالك انه عايز واحده مبتشتغلش يتوافقي يامتوافقيش ويبقا كلامكوا على نور من الاول
دا بعد الجواز هيتعبك وكل حاجه هتبقا بالأمر من غير نقاش زي الموضوع ده
تعملي ايه تقعدي معاه وتفهمي منه ايه تاني مدايقه فيكي وحابب يغيره عشان لو يتوافق معاكي أو لا