حلم وكنت ناوي توصله ... ف الجزء الأخير م الطريق... حفرة وقعت فيها عجزتك عن ان تكمل (مضمونها) انت مش مؤهل لآخر خطوة ... رد فعلك غير الزعل؟؟تصرفك الطبيعي كأنك ف الحدث؟ وبدون مبالغة *
اشوف انا وقعت ليه اصلا علشان اعرف اقوم واكمل الطريق الطبيعي اني مينفعش استسلم وانا قربت احقق حلم لازم اكملةحتي لو هتعب ممكن اغير الطريق واشوف طريق تاني مفيش فيه حفر بس مش هتنازل عن الحلم علشان المجهود اللي اتعمل في الخطوات اللي قبل كدة مينفعش يضيع علي الارض مش عارفة انا فهمت السؤال صح ولا لا بس ده مجرد رايي
هل حدث وان نظرت لصديقك فى امتحان وابتسمتما لعجزكما عن الاجابة ؟
مش عارفة ليه حظي علطول اني بقعد قدام ومش بشوف غير المراقبين من ابتدائي علي كدة شكل العيب فيا??
أيه اصعب احساس حسيته فى حياتك؟
احساس وجع وزعل والم علي فراق حد كنت متعلقة بيه جدا غالبا ده اصعب موقف عدا عليا
عاطفية أم عقلانية
غالبا عاطفية بحاول علي قد ما اقدر افكر بالعقل علشان اوازن الدنيا شوية
فاكر اسم الاول على مدرستك فى ابتدائى ؟
لا روحت مدارس كتير فمش فاكرة صراحة
بتجيب في سيره حد في غيابه ؟!
كل ما اجيب في سيرة حد الاقيه في وشي والحمد لله??
نفسك تاخد تخصص ايه ؟ وليه ؟
هو في علم الغيب لسه بس عموما انا نفسي اتخصص اطفال لاني بحبهم جدا ومش بحب اشفهم تعبانين او اسمع عياطهم وابقي مش عارفة اعملهم حاجة بحس بالعجز فنفسي اقدر اساعدهم
بتبصو لزمايلكو اللى شايلين موديولات ازاى بجد انهم فشلة وملهمش مكان فى الكلية ؟ ?
لا طبعا لو ملهمش مكان في الكلية مكنش ربنا حطهم في المكان ده من الاول مين فينا مبتجيش عليه لحظات ويقع وده مش عيب ولا حرام بالعكس اللي مش بيغلط عمره في حياته مهيتعلم حاجة جديدة وشيل المديولات مش نهاية العالم ده ممكن يكون بداية جديدة اننا نتعلم من غلطنا ومنكرروش ومينفعش نحكم علي حد احنا منعرفش ظروفه ولا عشنا حياته ولا نعرف اسبابه ايه الخلاصه لازم نعرف اننا ممكن في يوم نكون مكانه او حتي وقعنا فعلا قبل كدة وقمنا المهم اننا نقوم ونكمل ونعرف ان اللي حصلنا ايا كان ده لحكمة ربنا بس اللي يعرفها والمفروض اننا نفكر فيها ونستفيد منها
الدنيا صغيره جداا ومش مستاهله والله اننا نزعل من بعض ونشيل في قلوبنا وممكن في اي لحظه حد فينا يفارق الدنيا وساعتها نرجع نندم اننا كنا زعلانين أو متخاصمين فبالله عليكوا لو حد زعلان من حد يقوم يكلمه دلوقتي حتى لو مش هو اللي غلطان وافتكروا ان اللي بيبدأ بالصلح ربنا سبحانه وتعالى بيبنيله بيت في الجنة?