لون هيلز يليق على فستان ازرق ضروري
ابيض
Ask @emanfathy3
Previous
وزني زايد جداً وعندي مشاكل صحية كتير بسبب تخني وبحاول أحلها بكل الطرق، عمتي كل ما حد يتخطب تيجي عندنا وتفضل تبص لي نظرات غريبة كأن الأمر بإيدي، كانت عندنا بتحكي ع كتب كتاب حد قريبنا وقالت قام العريس لافف وشايل العروسة وحضنها ولف بيها خسي شوية بقي عشان محدش هيقدر يشيلك بمنظرك دا لو حد اتقدم يعني 💔
انا ممكن اقص كل السؤال واركز في اول سطر بس ،عندك مشاكل صحيه يبقي واحدة واحدة تقللي اكلك هاتي رياضه من علي النت مش محتاجه اجهزة زي ايروبكس او زومبا مثلا اي حاجه او علي الاقل مشي في البيت عادي جدا كل يوم نص ساعه مثلا او ساعه لو مش متاح تنزلي جيم نقلل الدهون والنشويات ونزود البروتين علشان يساعدنا نعلي الحرق ونشرب مايه كتير ابداي كام اسبوع كده وممكن بعد شويه تشوفي دكتور تغذيه بس ابعدي عن اللي بيستخدموا ادويه ♥️بالنسبه للجزء اللي انا قصيته بقي 😂اللي يركز مع كلام الناس هيعيش حاطط ايده علي خده وبيندب حظه يا قمر لا التخينه مرتاحه ولا الرفيعه مرتاحه ولا الطويله ولا القصيرة ففكك منهم واعملي اللي يخليكي راضيه انتي عن نفسك♥️ربنا معاكي يا جميل ♥️ويارب ميبقاش الرد تقيل علي قلبك♥️😉
Liked by:
Mâhmôûd Âbdâllâh
هو انا فى رابعة جامعة وليا تلت اخوات بنات وعاوزة انزل اشتغل اساعد فى المصاريف فى ظل الضغوط دى ودروس اخواتى وبابا رافض وكل لما اقوله يقول انا قصرت معاكى فى حاجة ؟ بس انا شايفة ان الحمل تقيل عليهم هو وماما ومتربهم الاتنين قليل علينا وهم جايين اوى على نفسهم عشان ميحسسوناش بتقصير 🥲 اشتغل من وراه؟
محتاجه نسقفلك كلنا يا بنتي والله ونقولك يسلم اللي رباكي♥️بس مينفعش يا حبيبتي تعملي حاجه من وراء اهلك فرحيهم وشيلي من عليهم الضغط بانك تركزي في دراستك وتجيبي تقدير يفرحهم ان شاء الله والحاجات اللي شايفه انها مش اساسيه متشتريهاش وكلها ترم وتقدري تشتغلي من غير ما تحسسيهم انهم قصروا معاكي مادام دي رغبتهم الافضل تقدريها♥️
Liked by:
Mâhmôûd Âbdâllâh
Related users
﴿ ومَا تَسقُطُ مِن وَرقَةٍ إلاّ يَعلمُهَا﴾ فكيف بحالك، ودمعة عَينك، وألم قلبك، بل كيف بسجودك وأنت تناجيه بظلمة الليل يسمعك ،ندعوك يا الله في خجلٍ ونعلم أنّنا بئس العبيدُ وأنت نِعم الربُّ🤍 #قيام الليل يا راغبين الجنة ♥️
♥️
🖤••|| مَــســاآاحـــةةة ||••🖤
"إياك أن تعطي هذا القلب لغير أهله .. إياك!"
- الخواجة عبد القادر | ٢٠١٢
- الخواجة عبد القادر | ٢٠١٢
Liked by:
Ꭿ ᎽᎷᎯ Ꮑ || أيٰـمـْـْْـْن
هوانا معرفكيش شخصيا بس بحب ابعتلك ثيردات وبحب اشوف ردودك بصراحه كلها قمر
شكرا ده بس من ذوقك والله
تقبلي تتخطبي صالونات ؟
الله اعلم النصيب فين
Liked by:
Ꭿ ᎽᎷᎯ Ꮑ || أيٰـمـْـْْـْن
اكتر حد ليه قبول ف اى مكان ربنا يسعدك ويقر عينك بكل خير ليكي 💙
الله💙🥹هو انا ازاي مشوفتش ده قبل كده💙ربنا يسعدك يااارب
مبقاش ينفع يتجاب غوايش دهب في الشبكة ف كنت قاعدة بفكر اومال انا وانا بقسم الفرخة لابو العيال ايدي مش هتعمل خشخشخخش ف كنت مدايقة جدا بس بعدين اكتشفت أن لا هيكون في غوايش ولا حتى فرخة 😂🤡🤦♀️💔
😂😂😂😂😂
لو تعارض شغلك مع بيتك؟ أيهما تختاري؟
البيت اكيد ،بس ان شاء الله ميبقاش في تعارض
+ 5 💬 messages
read all
Liked by:
فرهوده هانم
قمر اوي
شكرا
انا بلبس دريسات و جيبات و مش بلبس بنطلونات بس حاليا انا مش عاجبني ستايلي و في حيره اني ارجع البس بنطلونات و لا البس نقاب بتكلم بجد عشان محتاره و مش عارفه اخد القرار اعمل اي ؟
واحدة واحدة كده ايه مشكلتك مع استايلك دلوقتي ليه قررتي انه لازم يتغير
ربنا يكرمك بعمرة قريبة 🤍
الله🤍🤍يارب يارب
انا غير مؤمن بعمل المرأة على الإطلاق ولو هشحت مش هشغل زوجتي انا كدا غلط؟
رايك ويحترم طبعا ،اما تتقدم لواحده عرفها وجهه نظرك بس علشان يبقي ليها حريه الاختيار
+ 2 💬 messages
read all
ازاى افتتح بنت ف موضوع ارتباط مع العلم معظم شغلى كله من خلال الواتس ومعرفتى بيها من الواتس وفون طلبيات شغل وكدا ..خايف اتكلم تشتكينى ف الشغل وتبقى مشكله جامده وتطلع سمعه عنى مش كويسه ..اعمل اى؟
علي الدوغري ومن غير تلميحات سنتين ،قولها انا معجب بيكي وعاوز رقم بباكي هسيبك تفكري وانا مستني الرقم وممكن تقول ظروفك كمان ..معتقدش عمرها تقدر تشتكيك كده انت داخل بالاصول اهو وحتي لو قالت فمعاك الشات ان متقالش حاجه غلط ،،،لكن جو بحبك وووو ده لو معجبهاش احتمال انت تتبهدل في الشغل فعلا 😂🤷🏼♀️ربنا يوفقك للخير يارب
لو دلوقتي في شخص محترم وانا كمان والله العظيم محترمة جدا وهو عارف كدا كويس لانه قريبا لو انا مثلا قولتلة اني معجبة بيه هو لو رفض هيشوفني بنت مش كويسة ولا هفضل بنظرة زي منا وهل ممكن يقول لاصحابة وكدا عشان يتفاخر مثلا أن في بنت معجبة بيه وخاصة اني شكليا كويسة
متقوليش
Liked by:
ibrAhim
انا نفسيتى تعبانه خالص وورايا امتحان وناقص يوم ومذكرتش اعمل اى ساعدونى..
سيبيها علي الله ،نامي دلوقتي عندك بكرة من اول يوم حاولي تنجزي علي قد ما تقدري لو في فويسات شرح سريعه ورق ملخصات ممكن معلومه تقريها في المشروع الصبح تروحي تلاقيها خليكي عارفه ان رزقك هتاخديه لا اقل ولا اكتر فاعملي اللي عليكي كده لحد ما تستلمي ورقه الامتحان و ربنا معاكي يارب ويباركلك في الوقت وتحلي كويس♥️
انا جيت يأولاد 😂
وماله
+ 1 💬 message
read all
Liked by:
Mostafa
ناويين تشتغلوا مع الامتياز ؟
معتقدش بس الله اعلم
بحب واحده جارتي وبين العلتين مشاكل لدرجه اني بقيت احس انها بتكرهني .......🙂🙂
ضاقت الدنيا 🤦🏻♀️هي ممكن تكون مبتكرهكش بس صعب تبادلك الحب وهي عارفه نهايتها
+ 3 💬 messages
read all
Liked by:
آية
مساحـه .. 👑🖤
بقي اقصي طموحي دلوقتي ان تيم التخرج يسكت بقي خالص وكفايه مفاجات 😂🤦🏻♀️
Liked by:
Ꭿ ᎽᎷᎯ Ꮑ || أيٰـمـْـْْـْن
وبعد قصه حب طويله وكثيرا من الإلحاح خطوبتي 30/2/2023 ❤️❤️❤️❤️❤️❤️❤️💍
عيني طلعت قلوب لحد ما شوفت التاريخ 😂الله يسامحك
+ 2 💬 messages
read all
جماعه مين احق تركب جمب الزوج قدام ف العربيه الزوجه ولا الام ؟! بالرغم م ان زوجته دايما مكانها جمبه...
ذوقيا الام
انا ضغطي واطي جدا انا رفضت عريس مهندس ف دبي وشقته ف تجمع واهله طيبين قعدت معاه مرتين بس معنديش قبول خالص نحيته ماما بهدلتني وقعدت تعيط وتقولي انتي عندك ٢٦ سنه محدش هيجيلك و انتي معمولك عمل لما قابلته حاجه من جوايا مخلياني مش مرتاحه هو طبيعي أن اتجوز حد مش متقبلاه عشان مادياته كويسه واهله طيبين ؟؟؟؟
انتي صح ،القبول اهم حاجه في الجواز ده مش اكله معزومه عليها فهتاكلي علشان متكسفيش حد او علشان ترضي حد ده حد هيبقي معاكي لباقي العمر لو مش مالي عينك هيبقي فتح لباب بعد كده مش هتحبيه لو قعدتي معاه مرة واحدة كنت هقولك جربي تاني ممكن كنتي متوترة لكن كده فمفيش قبول ،بكرة ربنا يرزقك باللي يملي عينك ♥️متزعليش من مامتك هي نفسها تفرح بيكي بس واللي يهمها سعادتك اهدي بس وسيبيها علي الله .
Liked by:
Mâhmôûd Âbdâllâh
Pic ✨
الصورة دي عجباني اوووي😂♥️الخال والعم الحنين رزق بردو♥️😂
Liked by:
ʚآيـــــةɞ
آية
ibrAhim
