ياريت بالعيد نلتزم ب " كل عام وانتَ بخير"، مافي داعِ لعقبال ما نفرح فيك وكبرت ويلا ويلا خلص كل مناسبة إلتزموا بجملتها وكتر خيركم و ما في داعي حد يجتهد 🤚
مآ جدآ يعتب علي إنو ما عايدت عليه كل عام وكل إلي بحياتي وكل إلي بعرفهم وبعرفوني بإأألف إألف إألف خير يا رب وإن شاء الله ينعاد عليكم جميعا بصحه وسلامه و اضحى مبارك🖤
واجه آلامك وتعايش معها لحد ما تتجاوزها ، تخطي الشيء أريح من الهروب منه ، لأنك مهما هربت رح تكون وجهتك لعندة ، بترجعك كلمة بيرجعك موقف وأي شيء ، لذلك تألم وتجاوز ..
" لا أعتقد أن هناك صفة إنسانية أجمل من الحنية ورقة القلب ، رقة القلب نعمة ، طيب الكلام نعمة ، واللسان الجميل نعمة ، أن تفكر ألف مرة قبل كل كلمة تنطق بها نعمة ، أن ترفض قول أي شيء يمكن يسبب حزن الشخص الذي أمامك ولو بقدر بسيط نعمة . الذوقيات ليست بالمال ولا بأي مظهر خارجي ، الذوقيات إحساس وتعامل جميل ، أن تأخذ في اعتبارك طبيعة الناس وتختر تصرفاتك تلك نعمة كبيرة ، الحدود مع أي شخص غريب نعمة ، الحدود في الكلام والتصرفات .. فاللهم اجعلنا خفافا ، واجعل ألسنتنا خفيفة ، فطيب الكلام والفعل كنز في هذه الحياة . "
امبارح صار معي موقف ..وقفت عند المخبز زي اي انسان اردني ههههه لما اجيت بدي اصف بالبارك في واحد كان واقف زمرتلة ف بعد ، دخلت و شريت خبزاتي زي اي انسان طبيعي ، و انا طالع ركبت سيارتي و لفيت بدي اطلع في واحد بنادي علي ، يا شب استنا !! - بحكي بيني و بين حالي : مين هاد معقول بيعرفني كونة انا ذاكرتي شوي ع قدي .. قرب ولا هو نفس الشب الي زمرتلة و انا داخل ، انبسطت و جهزت حالي ل طوشة ههههههه المهم طلع مغربي بيحكي : كيفك .. - الحمد لله تمام ، اتفضل .. - بدي احكيلك شغلة "فكرتة بدة يشحد بس مش منظر شحاد !" - اتفضل - المغربي : حط ايدك ب ايدي " سلم علي ف سلمت علية ، و سالني شو اسمك ف حكيتلة حمزة" - المغربي : انت شخص نظيف من جوا و بتحب الخير ل الناس بس الحياة مش زابطة معك - انا :الحمد لله -المغربي : انت موظف و بجيك فلوس بس بتصرف اكثر من الي بيدخل عليك .. - انا : اه "و بديت انصدم - المغربي :نفسك طيبة بس هاد الحكي ما بزبط دايما ، ولازم تقسي قلبك شوي ، في ناس بتستغل طيبتك لمصلحتها - انا : اه "و بلش يرجع شريط حياتي قدامي" - المغربي : بتامن بالله العظيم ، "انا بحكي لا اله الا الله" ف بحكي انت في صايبك عين و موضوعك صعب شوي ، و الوضع عندكم بالبيت شوي مكركب و من يومين اجاكم خبر نكد عليكم .. - انا : اه و بنصدم اكثر ، و بدا الموضوع ياكل براسي مع اني ما بامن بهيك شغلات ابدا ، ف حكيتلة لو سمحت انا مش مهتم بكل الي بتحكية شكرا الك و يعطيك الف عاافية ما قصرت ف هو بدة يحكي ، قاطعتة و حكيت مستعجل ف قال : انت اكيد بتسال بحالك كيف عرفت و ليش ناديتك دونا عن الناس كلها - انا : لا لا ابدا و فرصة سعيدة و حطيت ايدي ع المحفظة بدي اعطية فلوس انو فكرت بعمل هيك بفلوس - المغربي : لا الله يسامحك انا ما باخذ مصاري ، بس مبين على وجهك مهموم و تعبان و حبيت احكيلك هالكلمتين - انا :شكرا كثير حبيب ما قصرت و يعطيك العافية - المغربي : الله يعافيك و دير بالك الله معك - انا :سلام و طلعتبنصدم كيف انو شخص شافك لاول مرة بدون ما تحكيلة اشي يعرف تفاصيل عنك زي هيك ، لا و الي بصدم اكثر عرف تفاصيل جوا بيتك ، يعني الناس هذول غريبين جداا