لو كانوا بيحبوك بجد كان هيوحشهم كلامك ، صوتك ، ضحكتك ، لو بيحبوك كانوا وقفوا ضد العالم معاك ، لو كانوا بيحبوك كانوا دقوا بابك من تاني ، لو بيحبوك مكانوش هيستحملوا البُعد بالبساطة دي كانوا هيرجعوا بأي حيله أو حجه بس هما والله ماحبوناش!.
مفيش حُب من غير اهتمام ، اللي بيحطك على شماعة اهتماماته لوقت مايعوزك ويفضالك ده مابيحبكش لو حلف ألف يمين ، بتحبني يعني انا الشئ اللي بتسيب الدنيا كُلها وتروحله وبتنسى الدنيا كُلها وتفتكره وتهمل الدنيا كلها إلا هو.🖤
الاهتمام الاهتمام مش بس بيخلق فوق العشق عشقين.. الاهتمام بيخلى الروح فرحانة انها عرفت تختار صح.. بيحلي الملامح وينورها.. الاهتمام اهم الف مرة من الحُب.. لأن كتير مننا بيعرفوا يحبوا لكن نادرين اللى بيقدروا يهتموا.. نادرين اللى بيقدروا ينشغلوا بيك بجد... لما تختار اختار اللى يهتم بيك مش اللى بيحبك.. موضوع خد اللى يحبك ما تاخدش اللى تحبه ده بقا فييك وانتهي م زمان... اختار اللى يقدر يحتويك بقلبُه وعقلُه وأفعاله وتصرفاته ووعوده الحقيقيه وانه يفضل وباقي علي العهد.... اختار حد شبيه لروحك يهمُه تفاصيل ألمك قبل فرحك... اختار اللى يعرف في عز الزحمة يخطف نظرتك ويكون مرايتك وسندك ونجاتك ف الدُنيا ، اختار سندك وعكازك كويس قوي قبل فوات الأوان.💙
إنه يؤلم أحيانًا أن تجد نفسك مُجبرًا على التعايش مع مجموعة من البشر -شكليًا فقط- لكن بتصرفات حيوانية واضحة. أصبحَ مألوفًا أن يسخر بشر من بشر مثله، يكتب تعليقًا على صورته يوضّح به كيف أن أنفه لا يليق بوجهه، كيف أنه أسوَد البشرة، ويضحك القُرّاء. أن يكتب تعليق سخيف ينم على خلو رأسه من العقل، ويدافع الباقون عنه مبررون أنه يُبدي رأيه وحقه أن يُبدي رأيه. هناكَ بشرًا أعطاهم الله عقولًا، فتركوها طوعًا وتشبهوا بالماشية. حريتك تنتهي عندما يُصبح الأمر مُضرًا لي، عندما -بنقص ذوقك- تجبرني على رفض ملامحي وجسدي وتواجدي. اللهم إن التعامل مع البشر أصبحَ مؤذيًا، فاكتب لنا الخير مع خِيار عبادك، واكفينا شرور الباقين.
ملامحك اللي مش عجباك دي في حد بيستنالها صورة عشان يتأملها ، وزنك اللي مش عاجبك ناس بتصرف فلوس بالهبل عشان توصله ، شكلك اللي انت شايفه مش حلو بالنسبة لشخص ما هو موصفات فتي/فتاة احلامه ، متكرهش اي حاجة فيك حب نفسك زي ما هي. You are beautiful because you are.❤️
بقالي فترة بحاول اظبط حياتي من كذا ناحية اكون اجتماعي شويه، بس باين كده إن كل حاجه بتكون اسوء من الاول وخلقي بقا ضيق ومش طايق حد ولا قادر اكمل في حاجه، ومش عارف احدد الدنيا هتمشي ازاي بس يلا خير.
الحب عامل بالظبط زي إنك تاكل من على عربية كبدة مجهولة الهوية .. حاجة مش مضمونة كدة ، هتسد جوعك بس مع الوقت ممكن تكتشف إنها سببتلك مرض ماظهرش غير بعد فترة طويلة و انت بتبقى عارف ده من الاول أصلاً بس انت معفن يعني و مش بتقدر تقاوم حبك لعربيات الكبدة مجهولة الهوية و بتستحمل عشانها أي جراثيم ممكن تجيلك ف معدتك .. الحب كدة، مليان جراثيم ، على قد ما بيريحنا و بيبسطنا، على قد ما بيتعبنا .. بس في ناس تستحق فعلاً إننا نخوض علشانها تجربة الكبده دي.