بعترف انى شخصيه مش مفهومه وغامضه معظم الوقت، احيانا ببقى مش مُريح اوى ومش اى حد ممكن يفهم اللخبطه الى فى دماغى، ساعات ببقى محتاج حد يستحملنى وياخدنى على قد عقلى رغم انى عاقل جدا،أوقات بحب الوحده جدا بس مبحبش احس انى لوحدى، والحقيقه ان مفيش حد عُمره فهمنى لانى اصلا مش فاهم نفسى.
الانسان ممكن يعيش قافل على نفسه عمره كله بس اللحظة اللي بيفتح قلبه من غير مايحس ولا يحسبها ويسيب القدر يلعب معاه غالبا بيرجع مهزوم لنفسه وساعتها النفس بتعاقبه عشان مفضلش محافظ عليها ولما بتقفل عليه تاني وتتجرد منه مشاعره مبيرجعش يثق ف حد ولا حتى ف اختيارات نفسه.
- عليك أن تتعوّد على الفراغ يا صديقي ، على مرور الأيام دون صوت أو رساله أو حتى وجه يطُل عليك ، تعوّد أن تكون وحيداً حتى لا تُعاني كثيراً عندما يبتعد عنك شيء إعتدت عليه.
مرّيت بمشاكل من كل الانواع من صغري ويمكن مريت بمواقف مؤذية نفسيًا.. مهما قلت ان دا اللي خلاني احسن واقوى ودول برضه كلمتين الواحد بيمشي بيهم حياته ويكدب ع نفسه بيهم بس ف كل الاحوال هايفضل في جزء منّي مش زي الاول.
انا مُصاب بمرض التفكير، بفكر فى حاجات حصلت وحاجات لسه محصلتش وبقعد ابنى فى توقعات عالفاضى،ولما حد بيبعد عنى او يغير معاملته معايا بقعد ارسمله كذا سيناريو فى دماغى وبعتبره نسانى خلاص او مبقاش يحبنى،وحقيقى انا مينفعش حد يتعامل معايا بغموض او اتساب مع دماغى لان افكارى بتأذينى جدا..