دايمًا بشوف إن أعلى منزلة من الحب ف أي علاقة تتلخص في إني أقدر أحكي بكل أريحية عن أفكاري الغريبة ، وهواجسي الغير منطقية ، ومخاوفي اللامبررة ، وأحلامي الصغيرة ، كأني بحكي مع نفسي من غير ما اشيل هم اللي قصادي هيشوفني إزاي ، ومن غير ما احتاج أحاسب على كلامي علشان متفهمش غلط ، لأني دايمًا مقتنع إن اللي بيحب حد مبيخلهوش يلجأ إن يبرر تصرفاته ويدافع عن نفسه ، وإن اللي بيحب حد بيقصر عليه طرق طويلة ، وبيمنحه الأمان اللي عاش وقت طويل يدور عليه .
مين قال: "كلنا بنتعوض، كلنا فترات " دي جمل حقيرة بيقولها اللي مابيعرفوش يحبوا ولا يحافظوا ع وجود حد فحياتهم... في ناس مستحيل تتعوض ومابتتكررش ف حياتنا مرتين..، في صاحب لو خسرناه عمرنا ما بنطمن من بعده، وفي حد بيخليك تخرج كل الحب والحنية من جواك، وفي ناس فعلا ملهاش بديل أبدًا