الحنية والطبطبة دول فِطرة .. الإنسان العطوف الطيب اللي بيعرف يقول "متزعلش" و"خلي بالك على نفسك" .. اللي بيمسح على كتفك وراسك .. وأما يشوفك بتعيط ياخدك في حضنه ويواسيك .. اللي دايمًا يقولك "في ايه مالك .. احكي براحة بس" ده بجد نعمة من ربنا ..مش أي حد عنده القدرة دي .. في ناس عندهم جمود تجاه الآخرين حتى لو متأثرين من جواهم .. مبيعرفوش يهوِّنوا .. مبيعرفوش يطبطبوا او يسمعوا .. مبيعرفوش يخترقوا الجبل والهم اللي فوق الروح ويخلوك تحكي وتتكلم ..العواطف صعب تُكتسب .. الرحمة والمودة مبيتمثلوش .. دي متلازمة في الانسان بتكبر معاه زي صوته وشكله ولونه دوروا على ناس حنينة من جواها .. ناس شبهكم ..ناس تخفف عنكم .. دول رزق في الدنيا
برَأيك ، ما هُو أهم شَيء تَمتَلِكه ؟!
الثقا في ربنا وان هو مش بيعمل حاجة وحشة ابدا وانا مؤمنة جدا بقضاء والقدر
لو قدامك خيارين من دول تختار ايه 🙄
١-تتجوز حد متقدملك وداخل البيت من بابه 👋
٢-حد بتحبه ومش جاهز دلوقتي خالص ومش عايز يتحرك ويعمل حاجه علشان يثبت أنه يتقدم بعد صبر سنتين معاه 🤷🏻♂️
ياريت رد منصف 🤦🏻♂️
اختاري لي جاي البيت من بابوا احسن علشان ده كان ممكن يدخل من شبك بس هو راعي ربنا فيكي ودخل من الباب ؤبصي مش هقول سهل انك تسيبي لي بتحبيه بس فكري في مستقبلك ومستقبل العيال لي هتجبيهم لما تتجوزي لما يجيوا يتبهوا بي ابوهم يقوالوا ايه انا بابا فلان لي فلاني فاكري في أدق التفاصيل واعملي استخارة وشوفي مين ينفعك بجد
مواقف كتير وحشه هتتعلم منها كتير ، أهم مكاسبها خبرات كتير هتستفيده وقرارات كتير هتخدها منها الصح ومنها الغلط اللي اتعلمت منها، واكيد في قلوب كتير بتحبك فعلا بصدق وجدعة، اها في شخصيات بانت على حقيقتها وبان مدى زيفها، وكدبها بس اتعلم اوع تقلل من نفسك عشان حد أو عشان حاجه"، "امسك في الناس اللي بتحبك بدون أي مصلحة ومتمسكه بيك مهما كنت وحش معاهم"، "اوع تقلل من نفسك في دراستك ودايما خليك واثق انك قد أي حاجه بتمر بيها"، اتعلم ان كل المشاكل هتعدي وكل حزن مريت بيه هيكون فتره وتروح لحالها اتعلم تكون متفائل حتي في اصعب واشد الظروف اتعلم ان الحب الحقيقي هو اللي هيزقك قدام مش هيرجعك ورا "ادي الناس وانفعهيم واسندهم على قد ما تقدر بدون مقابل عشان كل ده هيتردلك خير وابواب هتتفتحلك وعيش ببساطه وتواضع مهما علي شأنك.اسع وسيب كل حاجه على ربنا مهما كانت الدنيا بتضيق في وشك ربنا هيفرجها طول ما هو شايفك بتجتهد وحاول تبدائي كورساتك في الحاجه اللي حباها ومتياسش ابدا خليك ورا حلمك ومتخليش حد يحبطك او يقلل منك .....🌸🌸
مواقف في حياتك مينفعش تتنازل فيهم !1- متحمليش فوق طاقتك , سواء في علاقتك باصحابك , أو بحبيبك , أو حتى اهلك ، مينفعش تحمل نفسك فوق طاقتها مهما كانت الأسباب لأن في الأخر انتا اللي هتتعب ومش هتلاقي اللي يسندك ، من الأخر محدش هينفعك غير نفسك !2- اللي ميسألش فيك متعبرهوش , اللي ميكلمكش متكلمهوش ، واللي ميسألش فيك متعبرهوش ، واللي كلمته مرة ومردش مترجعش تتصل بيه تاني ، لو انت مش فارق معاهم مينفعش يفرقوا معاك !3- متديش فرصة تانية لحد مايستاهلش ، يوم لما تدي فرصة تانية لحد لازم تكون متأكد إنه يستاهلها ، لكن في ناس كدة بتصرفاتها بتقولك انا مستاهلش فرصة تانية ، انا استاهل "فرصة سعيدة" !4- مسج واحدة كفاية ، بطل زن ، مكالمة ورا مكالمة ومسج ورا مسج ، ؛ إنت فين ، طمني عليك ، يا ابني رد عليا ، لانه طبيعي لو شاف مسج واحدة بس هيرجع يكلمك ، ولو مشافش يبقى مش هيشوف الباقي ، اما بقى لو شاف ونفضلك ده موضوع تاني خالص بقى !5- متتحايلش على حد ، اللي عايزك أو فارق معاه مش هيستنى تتحايل عليه ، أو تطلب منه اهتمام أو تقدير ، بالعكس ده انت هتلاقيه بيعمل ده وأكتر من نفسه ، وعشان كدة مينفعش تتحايل على حد !6- متسامحش اللي غلط في حقك عمداً ، اللي يغلط في حقك عن قصد أو يعمل حاجة عارف إنها هتضايقك مينفعش تسامحه أو تقبل منه أسف لمجرد أنكِ “باقي عليه ، وخصوصا لما يكون بيكرر نفس الغلط كل مرة !7- متتنازليش عن كرامتك مهما حصل ، مهما كانت الأسباب ، اوعي تتنازل عن كرامتك أو عزة نفسك ، لانك لو معملتش لنفسك قيمة الكل هيدوس عليك ، ومحدش هيعملك حساب ، سواء صاحب أو حبيب !8- اللي يخرج من حياتك بمزاجه مترجعهوش بمزاجك ، وأخيرا بقى لازم تاخد بالك كويس قوي من الجملة دي ، أنت مش تحت أمر أي حد يدخل أو يخرج من حياتك في الوقت اللي يحبه ، وعشان كدة اللي يخرج من حياتك من غير سبب لازم ترفض دخوله حياتك مرة تانية !