في مشاعر عمرها ما هتتنسي؛ أول مرة صعبت عليك نفسك، لما هونت علي حد كنت فاكر إنه بيحبك، لما قعدت تربط الأحداث واكتشفت قد إيه أنت اتأذيت، حتي لو تجاوزت الموقف وسامحت الشخص، هيفضل احساسك وقتها جواك، وهيخليك تحارب علشان متقعش فيه تاني.
والله العظيم كل واحد عندو سبب مخليه حزين ممكن تكون انت شايف السبب ده بالنسبالك تافهه بس هو عندو اصعب ما يكون في الدنيا فمتستهونوش باللي فينا متستهونش بتعب حد ممكن حاجة صغيرة اووي بس معكرة عليه حياته كلها.
في اوقات من حياتك وانت حزين فيها تحس إن بيقف عندها الزمن، بتفقد كل قدرتك عن التعبير باللي انت حاسس بيه بيكون الكلام اصعب حاجه ممكن تعملها، وبينتهي الموضوع ده ب إنك مش بتلاقي حل غير انك تسكت وتنعزل عن كل حاجه شويه-اكتر م انت ساكت ومنعزل اصلاً على امل إنك هتكون كويس لوحدك.