قاعدة عادي في أمان الله.. My brain :يا ترى المستر اللي صحح بوكليت الفيزيا طيب ولا شرير ؟ طيب صححه بقلم نوعه إيه ؟ تفتكري ممكن كان متنكد عليه قبل ما ينزل وبهدل الامتحان ؟ ولا كان فرحان وظبط الدنيا ؟ تفتكري ممكن يكون البوكليت بتاعك ضاع قبل ما يوصل ؟ فاكرة مريم ملاك طيب ؟ Me: شششششششش كفااااية.
هل النقد يساعدك على تعديل وتطوير نفسك ولا ما تاخذ فيه ؟
بالنسبالي بتأثر اه بكلام الناس وخصوصا لو كان من حد قريب مني اوقات بعجز اني اتخطاه وبيفضل محفور ع المدي البعيد ، بس الظروف بتجبرك اوقات انك تقوم من تاني برغم كل حاجه سلبيه جواك وحواليك فبتطور من نفسك ، + اني بعتبر النقد دليل انك ناجح لو من غير نقد فوجودك من عدمو واحد أي كان النقد دا اي . بس لو محستش بتأثير للنقد فانت جبله معندكش دم أكيد .
مع الوقت و التجارب بتتعلم تختار معاركك ، بتتعلم ان مش كل حاجه لازم تقاوح فيها و تستنزف نفسك ، بتكتشف ان زي ما فيه حاجات انت لازم تستموت عليها و تحاول لأخر نفس فيك ،فيه حاجات تانيه بيبقي الكلام بس فيها كفايه ،و فيه حاجات السكوت فيها كفايه، و فيه حاجات هتلاقي ماينفعش فيها غير التجاهل ..
مين قال انو ضعف النبي _عليه الصلاه والسلام_ قال إني رزقت حبها ودا لزوجته السيده عائشه وما اتكسفش انو يقول كدا ، فمابالنا إحنا وبعدين فيها اي لما تظهر حبك لوالدتك والدك صحبتك اختك + انها بتبقي فطره بشريه بمعني ان مفيش حد يكره انو يحس بكدا حتي لو عارف انو جميل وزالفل الكلمه بتفرق .
مساء الخير لتاني مرهبستغرب لما حد يقولى أنا فاهمك وفاهم دماغك ببقى عايزه اقوله أنا مش فاهم نفسى أساسًا ، كُل يوم بنام وأصحى بكون شخص تانى ومختلف تماما وكُل يوم بنضج عن اليوم اللى قبله ، مبحبش حد يفكر إنه علشان إتعامل معايا فى موقف أو حتى 10 إنه خلاص عرفنى كُل مرة هافجأك إنك ماتعرفنيش..
كنت هبعت مسج طويله لحد عزيز عليا علشان نتعاتب ع حاجه مضيقاني وبعدين تراجعت ... فجأه بقيت حاسه ان الصديق الحقيقي هيبقي فعلا حريص ع بقاء العلاقه مهما كانت الظروف ! بقالي كتير عماله بضيق دايره علاقاتي لحد ما بقت تتسع لخمسه او سته بالكتير وع الرغم من ان دا منافي تماما لطبيعتي ال بتحب اللمه والإجتماعيات إلا اني فضلت السلامه وقررت ماوجعش قلبي تاني ع ناس مش مقدره قسمه وجودي ف حياتهم .