اكتر حاجه بتخوفني اني ابقي الجزء الوحش ف حياه غيري او حتي ف يومه .. يعني مثلا اوقات كتير بسمع حد بيقوللحد داخل علينا " يوه أهو جيه أهو لو لالا انتٍ متقعديش مع كذا او لالا مش هاجي المشوار دا ع مش عاوز احتك بالشخص دا " ف الهو بقعد افكر هو ممكن حد يشوفني كدا يعني الانسان بيحب يبقي خفيف ع الناس ويبقي الجزء مش هقول الحلو بس ع الأقل الجزء الظريف الخفيف دا والمحطه اللطيفه ال بيعدي عليها اي حد ف يومه ال هو احنا أسفين لاي انسان لو كنا غير قاصدين وبقينا الجزء الوحش ف يوم من ايامه
هو ايه فكرة انه يتقال دا هو العريس المناسب... دا لقطة مش هيتكرر...
ايه وجهة نظر الاهل فى النقطه دى خصوصا ليه ما دام خلاص مفيش اقتناع ولا قبول بيفضلوا يضغطوا على اولادهم طب ما ممكن يكون زى ما حضراتكم شايفينه مفيش زيه تانى من حيث المواصفات بس متعرفوش صفاته ولا طريقة حياته وبنتكم تتعذب معاه
مش عارفه حقيقي بس متهيألي دا بيرجع ل ٣ حاجات إما ان الاهل نفسهم بيبقوا الحاله الماديه ليهم بعافيه شويه فبيحاولو انهم يخففو الحِمل بجوازه بنتهم واهو حاجه حلال هو احنا هنرميها لقدر الله فبيدخلو من ناحيه انتي عارفه المصاريف والتيت والشريط والجو دا ومتهيألي انو ناس قليله هي ال بتفكر بالعقليه دي او ان مثلا بيفكروا ان البنت ملهاش الا بيتها وجوزها ودا اولوياتها بغض النظر بقي ع هي طموحها اي تتحرق هي وطموحها اهم حاجه قطر الجواز مايفوتهاش ع كلام الناس كتير ومابيرحمش ودا الغالب حاليا او مثلا انتي لو موافقتيش حليني ع مايتقدملك واحد ف نفس المواصفات دي خليكي كدا اتبعتري عاجبك بنت خالك ولا بنت عمتك ويبدأو يقارنو مع ان ف ناس كتير بتبقي علاقتهم ناجحه ماشاء الله وع المدي البعيد كمان بس هما مابيشوفوش غير نص الكوبايه الفاضي فبتدأ الفكره تترسخ انها لو ما موافقتش يبقي خلاص هتوافق بالأقل