أى حد حنين قادر بسهولة يخلينى أتغاضى عن أى عيوب مُمكن تكون فيه ، الحنّية عندى تغلب أى صفة تانية وأول حاجة بدور عليها فى أى شخص بقابله ، مُستحيل هتلاقى حد حنين وحش حتى وقت قسوته مابيعرفش يقسى ع اللى بيحبُه علشان ببساطة مش بيهون عليه ، يعني اللى قال الإنسان الحنين رزق كان عنده كُل الحق 🌸.
انزلوا اتقابلوا واتصالحوا ، اعملوا أي حاجة عشان تفضلوا مع بعض ،سيبوا ل بعض ذكريات حلوة ،اعترفوا للي بتحبوهم إنكوا بتحبوهم اعترفوا مرة واتنين وتلاته ،ادخلوا اتكلموا وسامحوا وعدوا وكبروا دماغكم ومتحطوش الكرامة قصادكوا دايماً ،الوقت بيعدي وعمرنا قصير جداً والموت دلوقتي مبيرحمش حد ،الاشتياق بشع والله 🤍
رسالة اليوم 👈 هاجَر التي كانت تسعى صُعوداً ونزولاً بين الصَّفا والمَروة
، كان غاية أملِها ( قِربة ماء )، فجاءَها نبعُ زمزمَ الذي لم ينضب حتى اليوم، هكذا فَرَجُ اللهِ حين يأتي، يأتيكأكبرَممّا كنت تظنّ
، وأجمل ممّا كنت ترتّب له، وأحلى ممّا كنت تدعو، اصبرْ فقط، وسترى فضلَ ربّك العظيم
حاجة بائسة جدًا أن كل طموحاتنا في الحياة بتبقي حاجات طبيعية وعادية. زي حد بيحبك وتحبه، سفرية كل ٦ شهور، مرتب يكفيك لحد آخر الشهر، شغلانة بتحب تعملها بشغف، أهل وناس بيدعموا وكويسين.. إزاي الدنيا مافيهاش الأساسيات البسيطة دي ومطلوب مننا نكمل فيها؟ليه الدنيا مش بالبساطة إللي بنتمنى تكون عليها؟ ليه نكافح في بديهيات يستحقها كل إنسان بدون أي أسباب ..🖤
اتأكدت إن أكتر حاجة تستاهل ان الإنسان يفضل يدور عليها ويحارب عشانها طول عمره هي الراحة مش السعادة، إحساس السلام النفسي والبال الهادي اللي مش شرط خالص إنه يكون مصحوب بإنك طاير من الفرحة، هو اللي بيوصل لمرحلة الرضا اللي عندها الواحد بيبقي قادر يخلق سعادته من أبسط و أقل حاجة .
اكتر حاجة بتمناها و بطلبهاا من ربنا بجد ، أن الواحد ميعديش العمر بيه وهو لسه تايه مش عارف إيه المكان المناسب اللي المفروض يبقي فيه ومين يبقا معاه .وأتمنى إن ميجيش يوم من الأيام أندم فيه لما أحس إني المفروض مكونش هنا ولا في وسط ناس مش شبهي لمجرد ان الظروف بتحكم على البني آدم حاجات كتير ميكونش حاببها .اللهم اختارلنا الخير و ارزقنا الرضا به ،🌸