نفسي بجد فيوم من الأيام أحس إني بقيت أعرف وأخيرا أقول كل اللي جوايا حتي اخر نقطه ،أحس وقتها إني تخففت تماما وقولت كل اللي بحس بيه فعلا ، من غير حسابات وبدون شعور ب إن مليش الحق فدا بشكل او بأخر
الوقت بيساعدك انك تتقبلي تتأقلمي وتقدري تتعايشي مع المشكله بأبعادها وكما هي لكنه مبيمحيش المشكله نفسها فبالتالي انتي بتغفري علي حسب حجم الغلطه ومدي تأثيرها عليكي بالأضافه للمكانه والرصيد المتبقي من المحبه اتجاه الشخص دا عندك لكن الوقت مش مقياس ولا هيكون لحاجه زي كده
مفيش اسباب محدده تقدري تعمميها علي الكل لأنه ببساطه كل واحد له اسبابه وحدوده واللي وارد جدا حد تاني يشوفها متستحقش لأنهاء علاقه ولكن يمكن السبب الوحيد اللي ممكن يكون فعلا مشترك هو الضمان